سؤال هام وارجو الرد سريعا

[reham3060]

:):)معاية 50الف وعايزه اشترى عربية جديدة لا يزيد ثمنها عن 80 الف ارجو اختيار افضل عربية مش تقفيل مصرى وتكون اقتصادية فى استهلاك البنزين وشكلها بناتى وعايزة افضل طريقة لتقسيط مع البنك وبنك يكون سمعته محترمة فى موضوع التقسيط ده ارجو الافادة بسرعه لو سمحتوا..........:)

[hazem_khidr]

يبقي تجيبي البونتو كلاسيك:)
75 الف جميع الكماليات و جنوط و فوجات.
احسن مكان هو كونتاكت

[WalidAdel]

ممكن حضرتك تجيبي سيريون 1300 ظريفه و شكلها بناتي و عربيه موتورها حلو و ياباني كلها واسعه اخر حاجه من جوه و عن تجربه
سعرها تقريباً 76900 من جريدة الاهرام يوم الجمعه يعني
و بالنسبه للتقسيط اي بنك حيبقي كويس معدا سيتي بنك بنك مش محترم خالص

[Nile_Storm]

البونتو تصميم اوروبي افضل من السيريون و اقتصاديه اكتر

[tot]

بس البونتو توكليها زفت برضه ، عذاب يعني زي فولكس و غبور، متهيالي رينو كليو حلوة و توكيلها محترم جدا و كمان هوندا سيتي

[أبو عبدالله]

أنا رايي سيريون بـ 77 الف أفضل
عربيه ياباني 100 في 100
وتوكيل محترم واعتماديه وموفره في البنزين

وان كنت افضل انك تشتري بالفلوس برودا كيليسا افضل وميبقاش فيه قسط ولا حاجه بــ 52 الف وعربيه عمليه واقتصايه جدا جدا بتعمل 450 ك لكل 20 لتر بنزين

[SEATLOVER]

اهلاً بيكى يا reham معانا
ممكن تبصى على اللينك دة ..وتعملى مشاركة بعد ما تعملى كوبى باللاسئلة اللى فية
استمارة استشارة فى الشراء
دة هايساعدنا اكتر فى اننا نرشحلك احسن حاجة لإحتياجاتك

[hazem_khidr]

البونتو يا ريهام لعده اسباب
1.اوربي و ايطالي 100%
2.اسم عريق زي فيات من اكبر مصانع السيارات في اوربا
3.استهلاك بنزين مفيش
4.موتور عصبي زيه زي اي موتور يحمل اسم فيات
5.قطع غيار رخيصه و متوفره خارج التوكيل.
6.يمكن الاستغناء عن التوكيل بتاتا في عمليات الاصلاح.
7.معمره و جسم قوي اقوي من معظم الياباني و انا راكب ياريس و سويفت و بقولك كده .
8.صالون مناسب و شيك و بسيط و متكامل

[فادى]

البونتو يا ريهام لعده اسباب
1.اوربي و ايطالي 100%
2.اسم عريق زي فيات من اكبر مصانع السيارات في اوربا
3.استهلاك بنزين مفيش
4.موتور عصبي زيه زي اي موتور يحمل اسم فيات
5.قطع غيار رخيصه و متوفره خارج التوكيل.
6.يمكن الاستغناء عن التوكيل بتاتا في عمليات الاصلاح.
7.معمره و جسم قوي اقوي من معظم الياباني و انا راكب ياريس و سويفت و بقولك كده .
8.صالون مناسب و شيك و بسيط و متكامل

أتفق مع أستاذ حازم و فعلا البونتو كانت فى بالى لما فكرت أشترى عربية لكن المشكلة انى مش بحب العربيات الهاتش باك.
البونتو سيارة ذات سمعة رائعة فى أوروبا و مشاكلها معدومة بشهادة الكثيرين ممن أعرفهم.
بس حلوة منك يا أستاذ حازم "محرك عصبى" فكرتنى بسبور أوتو :)

[ows212]

افضل عربية حسب الأحتياجات اللى حضرتك ذكرتيها هى السيريون طبعا ... يابانية 100% ... اقتصادية جدا فى البنزين ... واسعة عملية ... ومناسبة من حيث الحجم للبنات ... وبالنسبة للتقسيط قسطى تقسيط مباشر مع التوكيل احسن من قرف البنوك وحرمانيتها

[Chicco]

أولا أهلا بيكي في المنتدى و ربنا يوفقك إن شاء الله للاختيار السليم :)

يفضل طبعا انك تقولي احتياجاتك إيه من السيارة عشان نقدر نساعدك أكتر و يا ريت تتبعي الرابط اللي الأخ الفاضل Seatlover ذكره فوق

بالنسبة للبونتو أو السريون الاتنين كويسين في الفئة ديه ....عيب البونتو القاتل هو التوكيل ....بالذات لو العربية زيرو و قسط انتي عايزة توكيل محترم و واعي للصيانة و لو لا قدر الله العربية طلع فيها عيب تصنيع و لا حاجة .....توكيل فيات مش قد كده

[kamalantivirus]

gen 2
sirion

[hazem_khidr]

أتفق مع أستاذ حازم و فعلا البونتو كانت فى بالى لما فكرت أشترى عربية لكن المشكلة انى مش بحب العربيات الهاتش باك.
البونتو سيارة ذات سمعة رائعة فى أوروبا و مشاكلها معدومة بشهادة الكثيرين ممن أعرفهم.
بس حلوة منك يا أستاذ حازم "محرك عصبى" فكرتنى بسبور أوتو:)

:):):):):):)
سبور اوتو دي عشقي يا باشمهندس فادي
بالرغم من ان قليل لما بيجيبو تجارب لفيات بس دايما بيشكروا فيها و مش بيقولو كلمه وحشه عليها.
الكلمه دي فعلا انا مقتبسها من سبور اوتو في العدد الخاص سنه 96 لما كانو بيتكلمو عن الفيات برافا / برافو الجديد آنذاك.
ياااااااه ايام يا استاذ فادي.;)

بالنسبة للبونتو أو السريون الاتنين كويسين في الفئة ديه ....عيب البونتو القاتل هو التوكيل ....بالذات لو العربية زيرو و قسط انتي عايزة توكيل محترم و واعي للصيانة و لو لا قدر الله العربية طلع فيها عيب تصنيع و لا حاجة .....توكيل فيات مش قد كده

شيكو باشا
سيارات فيات تتمتع باعلي نسبه جوده و قليل لما يبقي فيها عيوب صناعه
و لو فيه التوكيل مفروض عليه انه يغيرها.
و الباشمهندس كريم (كريبتو اكس) قال انهم بدأو يغيروا من سياستهم في التوكيل الي الاحسن

[فادى]

:):):):):):)
سبور اوتو دي عشقي يا باشمهندس فادي
بالرغم من ان قليل لما بيجيبو تجارب لفيات بس دايما بيشكروا فيها و مش بيقولو كلمه وحشه عليها.
الكلمه دي فعلا انا مقتبسها من سبور اوتو في العدد الخاص سنه 96 لما كانو بيتكلمو عن الفيات برافا / برافو الجديد آنذاك.
ياااااااه ايام يا استاذ فادي.;)

شيكو باشا
سيارات فيات تتمتع باعلي نسبه جوده و قليل لما يبقي فيها عيوب صناعه
و لو فيه التوكيل مفروض عليه انه يغيرها.
و الباشمهندس كريم (كريبتو اكس) قال انهم بدأو يغيروا من سياستهم في التوكيل الي الاحسن

أنا فاكر المقالة دى كويس كان عنوانها "برافو برافا" :).
و فعلا كل تجارب فيات بيمدحوا فيها و أنا فاكر مثلا اختبار الباندا كان عنوان المقالة "فيرارى جونيور" و ده كان مشهور عن الباندا عشان مايكل شوماخر سائق فيرارى فى سباقات الفورمولا واحد الألمانى الجنسية ايطالى الهوى كان يمتلك فيات باندا, و يشيد بها و الراجل ده كان بيشيد بفيات فى معظم حواراته و فى احدى المعارض وقف جنب عربيات فيات بيوصف مميزاتها.
يعنى مايكل شوماخر طلع فيتاوى زينا :).

[Chicco]

:):):):):):)


شيكو باشا
سيارات فيات تتمتع باعلي نسبه جوده و قليل لما يبقي فيها عيوب صناعه
و لو فيه التوكيل مفروض عليه انه يغيرها.
و الباشمهندس كريم (كريبتو اكس) قال انهم بدأو يغيروا من سياستهم في التوكيل الي الاحسن

يا ريت يا حازم باشا ....رغم المداعبات انما فيات فعلا عربية عريقة و حرام اللي التوكيل بيعملوا فيها
لكن إلى أن يثبت العكس التحذير واجب طبعا و الأمر ما يخلاش
ما فيش عربية خالية من عيوب التصنيع ....ولا حتى تويوتا ;)