Tweet
خلاص وضحت الرؤية و البنزين غلى، خلونا نتكلم بموضوعية ناحية التأثير المباشر أولا و من ثم التأثير غير المباشر من غير انفعال و نفكر مع بعض ازاى نقلل من تأثرنا بزيادة الأسعار.
عن نفسى حسبتها كالأتى:
- قبل زيادة الأسعار كنت بمون بنزين 92 بحوالى 230 جنيه فى الشهر
- بعد الزيادة المبلغ هيبقى حوالى 300 جنيه
يعنى الفرق المباشر 70 جنيه
طيب ياترى اغلبنا هيتأثر قد ايه بزيادة زى دى، هنقول هتفرق 100 جنيه مش 70، يا ترى اغلبنا عايش فى مستوى مادى شكله ايه؟
خليكوا معايا علشان اقدر اوصل وجهة نظرى
المهم، تعالوا نجاوب على بعض الأسئلة:
- كام واحد فينا بيفوت عليه يوم من غير ما ياكل لحوم او اسماك او فراخ؟
- كام واحد فينا مابيلاقيش يشترى احتياجات بيته من بقالة و ملابس؟، خلوا بالكم انا بقول ما بيلاقيش، مش بيلاقى و بيبقى مزنوق
- كام واحد فينا معندوش دى اس ال؟
- كام واحد فينا مبيقدرش يتفسح هو و عائلته مرة واحدة على الأقل فى الشهر؟ و بيصرف كام فى الفسحة دى؟
- كام واحد فينا بيصرف على اكسسوارات عربيته اكتر من 100 جنيه فى الشهر؟
- كام واحد فينا بيطلب اكل جاهز لمجرد انه ملوش نفس لأكل البيت؟ و كام مرة بتطلب فى الشهر؟
معلش دوشتكم، بس تعالوا فكروا معايا
- ياترى جسمى محتاج لحمة او فراخ او سمك كل يوم؟ و ياترى مفيد ليا انى اكلهم كل يوم؟
- ياترى الحاجات اللى باشتريها من غير ما اكون محتاجها او اكتر من استخدامى و تفضل مركونة لغاية صلاحيتها تنتهى، يا ترى بكام فى الشهر
- هل انا (محتاج) دى اس ال ب 95 جنيه فى الشهر و لا ممكن اشترك ب 45 و ارشد فى استهلاكى لوقت مش مفيد على النت؟
- مادامت الدنيا بتغلى و هبقى محتاج بكره، ليه اصرف على اكسسوار العربية اللى ممكن احوشه لبكره؟
- فيها ايه لما اقوم اعمل سندوتشين جبنة بدل ما اطلب اكل جاهز
هتقولولى لزمته ايه الكلام ده، اقولكم، بس احب اوضح ان الكلام ده مش لينا كلنا، الكلام ده لكل واحد ايده مخرومة -زيى - و مش بيحسب حساب بكره و علشان كده لما الظروف تتغير - مهما كانت الأسباب - بيبقى تعبان و مخنوق، طب ياترى احنا نقدر نوفر و كمان نحوش فى ظل الغلاء المستمر، بمنتهى البساطة جاوب على الأسئلة دى و هتعرف ان كتير مننا يقدروا، بس للأسف ثقافة الأستهلاك طغت علينا.
عن نفسى و بأمانة حسبتها كالأتى:
- مصاريفى هتزيد 100 جنيه زيادة مباشرة نتيجة زيادة سعر البنزين
- متوقع ان حاجات كتير تغلى و مقدرش احكم بس هتفرق قد ايه بس هقول 400 جنيه فى الشهر
يعنى 500 جنيه، طيب ياترى الحكومة محتاجة الفلوس دى؟ بصراحة مش هدخل فى اى جدل و هفترض ان ال 500 جنيه دول عبارة عن زيادة 50 جنيه فى مرتبات 10 موظفين حكومة بيقبض كل واحد 250 جنيه و هيبقوا 300، طيب ياترى الموظف ده بياكل لحمة كل قد ايه؟ بيلاقى يكفى بيته ازاى؟ بيفسح ولاده فين و بكام؟ او هفرض ان ال 500 جنيه هيوصلوا ليهم على شكل دعم للسكر و الزيت بتوع التموين اللى بيستفيد منهم اللى محتاج
خلاص يبقى حلال عليهم من جوة قلبى، بس انا و اغلبنا هنعمل ايه
بصراحة كلنا بيجيلنا زيادة مع شهر 6، جميل، ولو زيادة ال 30% مشيت على القطاع الخاص يبقى خير و بركة، بس الأهم انى هعمل حاجات تانية المفروض انها تتعمل من قبل كده، مثلا:
- لازم الواحد يقلل من استهلاك اللحوم و الفراخ، و ياريت الدكاترة اللى معانا يقولولنا الأنسان الطبيعى محتاج قد ايه و انا متأكد ان كتير مننا بنستهلك على الأقل 5 أضعاف احتياجنا
- مش هخلى ايدى تتمد على حاجات مش محتاجها عند كارفور، مش منطقى ان يكون عندى 2 مفك بالكهرباء مستخدمتش اى واحد منهم اكتر من مرة
- المشاوير اللى ملهاش لازمة لازم تتلغى و نوفر بنزينها
- مادمت مروح من الشغل و هاخد دش اول ما اروح، يبقى فيها ايه لما ما اشغلش التكييف فى العربية و انا مروح و اعرق شوية، على الأقل اشارك الناس اللى متكربسة فى الأتوبيس اللى جنبى المعاناة و محدش فيهم يبقى مش طايقنى و يحقد عليا
انا ممكن اقعد اقول كام يوم فى الحاجات اللى كتيييير مننا ممكن يوفرها - وانا اولكم - بس انا بادعوكم اننا نغيير شوية من نظرتنا للأمور و فى نفس الوقت نغير من نفسنا شوية علشان ربنا يغير حالنا للأفضل
اتمنى انى مكنش صدعتكم
عن نفسى حسبتها كالأتى:
- قبل زيادة الأسعار كنت بمون بنزين 92 بحوالى 230 جنيه فى الشهر
- بعد الزيادة المبلغ هيبقى حوالى 300 جنيه
يعنى الفرق المباشر 70 جنيه
طيب ياترى اغلبنا هيتأثر قد ايه بزيادة زى دى، هنقول هتفرق 100 جنيه مش 70، يا ترى اغلبنا عايش فى مستوى مادى شكله ايه؟
خليكوا معايا علشان اقدر اوصل وجهة نظرى
المهم، تعالوا نجاوب على بعض الأسئلة:
- كام واحد فينا بيفوت عليه يوم من غير ما ياكل لحوم او اسماك او فراخ؟
- كام واحد فينا مابيلاقيش يشترى احتياجات بيته من بقالة و ملابس؟، خلوا بالكم انا بقول ما بيلاقيش، مش بيلاقى و بيبقى مزنوق
- كام واحد فينا معندوش دى اس ال؟
- كام واحد فينا مبيقدرش يتفسح هو و عائلته مرة واحدة على الأقل فى الشهر؟ و بيصرف كام فى الفسحة دى؟
- كام واحد فينا بيصرف على اكسسوارات عربيته اكتر من 100 جنيه فى الشهر؟
- كام واحد فينا بيطلب اكل جاهز لمجرد انه ملوش نفس لأكل البيت؟ و كام مرة بتطلب فى الشهر؟
معلش دوشتكم، بس تعالوا فكروا معايا
- ياترى جسمى محتاج لحمة او فراخ او سمك كل يوم؟ و ياترى مفيد ليا انى اكلهم كل يوم؟
- ياترى الحاجات اللى باشتريها من غير ما اكون محتاجها او اكتر من استخدامى و تفضل مركونة لغاية صلاحيتها تنتهى، يا ترى بكام فى الشهر
- هل انا (محتاج) دى اس ال ب 95 جنيه فى الشهر و لا ممكن اشترك ب 45 و ارشد فى استهلاكى لوقت مش مفيد على النت؟
- مادامت الدنيا بتغلى و هبقى محتاج بكره، ليه اصرف على اكسسوار العربية اللى ممكن احوشه لبكره؟
- فيها ايه لما اقوم اعمل سندوتشين جبنة بدل ما اطلب اكل جاهز
هتقولولى لزمته ايه الكلام ده، اقولكم، بس احب اوضح ان الكلام ده مش لينا كلنا، الكلام ده لكل واحد ايده مخرومة -زيى - و مش بيحسب حساب بكره و علشان كده لما الظروف تتغير - مهما كانت الأسباب - بيبقى تعبان و مخنوق، طب ياترى احنا نقدر نوفر و كمان نحوش فى ظل الغلاء المستمر، بمنتهى البساطة جاوب على الأسئلة دى و هتعرف ان كتير مننا يقدروا، بس للأسف ثقافة الأستهلاك طغت علينا.
عن نفسى و بأمانة حسبتها كالأتى:
- مصاريفى هتزيد 100 جنيه زيادة مباشرة نتيجة زيادة سعر البنزين
- متوقع ان حاجات كتير تغلى و مقدرش احكم بس هتفرق قد ايه بس هقول 400 جنيه فى الشهر
يعنى 500 جنيه، طيب ياترى الحكومة محتاجة الفلوس دى؟ بصراحة مش هدخل فى اى جدل و هفترض ان ال 500 جنيه دول عبارة عن زيادة 50 جنيه فى مرتبات 10 موظفين حكومة بيقبض كل واحد 250 جنيه و هيبقوا 300، طيب ياترى الموظف ده بياكل لحمة كل قد ايه؟ بيلاقى يكفى بيته ازاى؟ بيفسح ولاده فين و بكام؟ او هفرض ان ال 500 جنيه هيوصلوا ليهم على شكل دعم للسكر و الزيت بتوع التموين اللى بيستفيد منهم اللى محتاج
خلاص يبقى حلال عليهم من جوة قلبى، بس انا و اغلبنا هنعمل ايه
بصراحة كلنا بيجيلنا زيادة مع شهر 6، جميل، ولو زيادة ال 30% مشيت على القطاع الخاص يبقى خير و بركة، بس الأهم انى هعمل حاجات تانية المفروض انها تتعمل من قبل كده، مثلا:
- لازم الواحد يقلل من استهلاك اللحوم و الفراخ، و ياريت الدكاترة اللى معانا يقولولنا الأنسان الطبيعى محتاج قد ايه و انا متأكد ان كتير مننا بنستهلك على الأقل 5 أضعاف احتياجنا
- مش هخلى ايدى تتمد على حاجات مش محتاجها عند كارفور، مش منطقى ان يكون عندى 2 مفك بالكهرباء مستخدمتش اى واحد منهم اكتر من مرة
- المشاوير اللى ملهاش لازمة لازم تتلغى و نوفر بنزينها
- مادمت مروح من الشغل و هاخد دش اول ما اروح، يبقى فيها ايه لما ما اشغلش التكييف فى العربية و انا مروح و اعرق شوية، على الأقل اشارك الناس اللى متكربسة فى الأتوبيس اللى جنبى المعاناة و محدش فيهم يبقى مش طايقنى و يحقد عليا
انا ممكن اقعد اقول كام يوم فى الحاجات اللى كتيييير مننا ممكن يوفرها - وانا اولكم - بس انا بادعوكم اننا نغيير شوية من نظرتنا للأمور و فى نفس الوقت نغير من نفسنا شوية علشان ربنا يغير حالنا للأفضل
اتمنى انى مكنش صدعتكم
Comment