مناقشة حول التأثير المباشر و غير المباشر لزيادة أسعار البنزين

[Mosso]

انا بس نفسي اعرف ,
لما هما مش قد زيادة المرتبات,,
زودوها ليــــــــــــــــــــــــــــــــــــــــــــــــ ـــــــــــــــــــــه ؟؟؟؟؟؟؟؟؟؟؟؟؟؟؟؟؟؟

[X_MM_X]

بسيطه ......

أي حد قدامه انه يهج هيهج وخلاص !!!!!!!!!!!!!!

[PRO-DRIVE]

بسيطه ......

أي حد قدامه انه يهج هيهج وخلاص !!!!!!!!!!!!!!

عشان نغني اختارناه

[احمد عبدالله]

يا أستاذ حسام حضرتك بطلع الشعب هوا اللي غلط يا راجل !!
ده إحنا في مصر مرشدين غصب عننا و بعدين انك تبسط نفسك في غير معصية الله ده واجب عليك "روحوا عن قلوبكم ساعة بعد ساعة " حضرتك بدل ما بطالب بحقك لأ بتلتمس العذر للأجور المتدنية

[محمدايهاب]

طيب أنا كتبت قبل كده إني مع زيادة البنزين لكن ضد زيادة السولار ماكنش ليها أي لزمة

[MMamdouh]

يا حسام انا حختلف معاك

مش كل ازمة تحصل نقول احنا اللى وحشين و بنصرف... هو مكتوب علينا نبقى شحاتين و جعانين يعنى؟ حرام نعيش عيشة كويسة؟؟

و بعدين حوار ان الزيادات حتوح للغلابة دى هجسة اجدع من هجسة "وقعنا 900 طيارة للعدو" بتاعت حرب 67

هما الغلابة دول مش حيركبوا مكروباصات؟ و حيشتروا سلع جرء من تمنها نقل و خلافة؟ يعنى برضة حيتضروا بشكل او باخر من الزيادات فى اسعار الوقود بشكل مباشر و غير مباشر

اساسا جمله "ناخد من القادر و ندى غير القادر" اتطبقت غلط... التطبيق الفعلى "ناخد من الشعب و شكرا"

هو كل اللى راكب عربية و مبيحطش 80 يبقى غنى و فييس و قادر؟... و اللى بيحط 90 فى تاكسى بقى قادر و شديد اوى؟

و الى بيحط 95 محتاج دعم اصلا؟ و اللى راكب شاهين 1600 زى اللى راكب BMW 316?

مرة تانية بيجى فى خيالى مشهد من مسرحية تخاريف لما محمد صبحى قال "الشعب كلة بيشتغل عند الحكومة..و الحكومة هى اللى تلم المكسب" فى محاولة لتطبيق الاشتراكية و لما مراتة سالتة عن الفلوس اللى اتلمت حيتعمل فيها ايه قلها انا مقريتش باقى الكتاب.. اصلى ناوى اطبق لحد هنا بس

احنا فى مصر بنعمل كدة... الناس شغالة او مش شغالة عن الحكومة بس كدة كدة الحكومة هى اللى بتلم المكسب برضة

MMamdouh

[aliabutaleb]

- لازم الواحد يقلل من استهلاك اللحوم و الفراخ، و ياريت الدكاترة اللى معانا يقولولنا الأنسان الطبيعى محتاج قد ايه و انا متأكد ان كتير مننا بنستهلك على الأقل 5 أضعاف احتياجنا
- مش هخلى ايدى تتمد على حاجات مش محتاجها عند كارفور، مش منطقى ان يكون عندى 2 مفك بالكهرباء مستخدمتش اى واحد منهم اكتر من مرة
- المشاوير اللى ملهاش لازمة لازم تتلغى و نوفر بنزينها
- مادمت مروح من الشغل و هاخد دش اول ما اروح، يبقى فيها ايه لما ما اشغلش التكييف فى العربية و انا مروح و اعرق شوية، على الأقل اشارك الناس اللى متكربسة فى الأتوبيس اللى جنبى المعاناة و محدش فيهم يبقى مش طايقنى و يحقد عليا


انا ممكن اقعد اقول كام يوم فى الحاجات اللى كتيييير مننا ممكن يوفرها - وانا اولكم - بس انا بادعوكم اننا نغيير شوية من نظرتنا للأمور و فى نفس الوقت نغير من نفسنا شوية علشان ربنا يغير حالنا للأفضل

أبوليليا
اسمحلي أبدي اعجابي الشديد بالموضوع
انا حاسس إن أفكاره إيجابية جداً
حتى لو مقدرناش نطبق كل المقترحات كفاية اننا نحاول حتى نعمل جزء منهم أكيد هايكون فيه عائد

[أبو_حمزة]

ردا على الموضوع الاصلى
اكيد اللى بيعمل الحاجات اللى حضرتك قاتها دى لازم يراجع نفسه بغض النظر عن ولعة الاسعار
بس ها اقول لك حاجة و ها اخد نفسى مثال
انا مهندس وبشتغل فى شركة متعددة الجنسيات و الحمد لله مرتبى كويس جدا (انا كنت فاكر كده)
كمان زوجتى بتشتغل فى نفس المجال و مرتبها قريب لى
من الاخر دخل الاسره ابويا لحد ما طلع على المعاش (كان موظف حكومة) لم يحلم بربعه
عندى ولد و بنت و مع الدخل اللى كنت شايفه المفروض يخلينى اتعد فى طايفة الاغنياء ما بعرفش افسح العيال عشان اى فسحة ها تضرب الميزانية و لو عملتها بتبقى بالكتير كل شهرين
اكل بره مفيش لنفس السبب
متجوز بقالى 7 سنين و الحمد لله قدرنا نروح المصيف مرتين و كان ارخص حاجة متوفرة
انا با اروح كارفور مع المدام نجيب حاجة الشهر و بنراجع الفاتورة كل مرة عشان نحاول نطلع حاجة جايبنها افترا
الفاتورة بتعدى 600 جنيه كل شهر و كلها صابون ورز و حفاضات و زيت الخ من لوازم البيت
اقصاها ندلع العيال و نجيب ليهم لعبة ب30 أو 35 جنية
اتهبلت مرة و فكرت اشترك فى نادى عشان العيال تتفك و تلعب رياضة عرفت ان ده مش للى زيي
صدمة تانية لما حمزة ابنى جه داخل المدرسة و لفينا على المدارس
اكتشفنا ان مبلغ 10000 ايوه عشر تلاف فى السنة ده مبلغ عادى للعيل فى مدرسة لغات متوسطة
خدوا بالكوا انا بتكلم عن اللغات مش انترناشونال
يعنى 20000 للواد و البنت ---- 1666 فى الشهر مصاريف مدارس من غير الاضافات
يوم ما قلنا نحج اتعقدنا من الاسعار و رسيت على عمرة حوشنا تمنها و الحمد لله و ربنا يتمها على خير
مصاريف البيت الاساسية بقت رقم رهيب ويخض من غير اى رفاهية
و بقى الواحد بدل ما يخطط لرفع المستوى بمسكن احسن أو استثمار او غيره
اخرى انى اتمنى المرتب يكفى الاساسيات
.
.
.
طب ده العبد لله اللى و بفضل الله دخله كويس جدا
طب اللى دخله 1000 جنيه و ده مش قليل و سط الاجور فى بلدنا
مش ها اقول ابو 600 و لا 300 عشان كونه لسه عايش معجزة تدعو للتامل
يموت؟؟؟؟؟؟

[د.أحمد سمير]

رأيي وخصوصاً في حكاية المدارس كتبته هنا

http://www.nilemotors.net/Nile/showthread.php?p=253464#post253464

[Karim_Monir]

ردا على الموضوع الاصلى
اكيد اللى بيعمل الحاجات اللى حضرتك قاتها دى لازم يراجع نفسه بغض النظر عن ولعة الاسعار
بس ها اقول لك حاجة و ها اخد نفسى مثال
انا مهندس وبشتغل فى شركة متعددة الجنسيات و الحمد لله مرتبى كويس جدا (انا كنت فاكر كده)
كمان زوجتى بتشتغل فى نفس المجال و مرتبها قريب لى
من الاخر دخل الاسره ابويا لحد ما طلع على المعاش (كان موظف حكومة) لم يحلم بربعه
عندى ولد و بنت و مع الدخل اللى كنت شايفه المفروض يخلينى اتعد فى طايفة الاغنياء ما بعرفش افسح العيال عشان اى فسحة ها تضرب الميزانية و لو عملتها بتبقى بالكتير كل شهرين
اكل بره مفيش لنفس السبب
متجوز بقالى 7 سنين و الحمد لله قدرنا نروح المصيف مرتين و كان ارخص حاجة متوفرة
انا با اروح كارفور مع المدام نجيب حاجة الشهر و بنراجع الفاتورة كل مرة عشان نحاول نطلع حاجة جايبنها افترا
الفاتورة بتعدى 600 جنيه كل شهر و كلها صابون ورز و حفاضات و زيت الخ من لوازم البيت
اقصاها ندلع العيال و نجيب ليهم لعبة ب30 أو 35 جنية
اتهبلت مرة و فكرت اشترك فى نادى عشان العيال تتفك و تلعب رياضة عرفت ان ده مش للى زيي
صدمة تانية لما حمزة ابنى جه داخل المدرسة و لفينا على المدارس
اكتشفنا ان مبلغ 10000 ايوه عشر تلاف فى السنة ده مبلغ عادى للعيل فى مدرسة لغات متوسطة
خدوا بالكوا انا بتكلم عن اللغات مش انترناشونال
يعنى 20000 للواد و البنت ---- 1666 فى الشهر مصاريف مدارس من غير الاضافات
يوم ما قلنا نحج اتعقدنا من الاسعار و رسيت على عمرة حوشنا تمنها و الحمد لله و ربنا يتمها على خير
مصاريف البيت الاساسية بقت رقم رهيب ويخض من غير اى رفاهية
و بقى الواحد بدل ما يخطط لرفع المستوى بمسكن احسن أو استثمار او غيره
اخرى انى اتمنى المرتب يكفى الاساسيات
.
.
.
طب ده العبد لله اللى و بفضل الله دخله كويس جدا
طب اللى دخله 1000 جنيه و ده مش قليل و سط الاجور فى بلدنا
مش ها اقول ابو 600 و لا 300 عشان كونه لسه عايش معجزة تدعو للتامل
يموت؟؟؟؟؟؟

الحال من بعضة تقريبا مع فرق عدم شغل المدام
ولو ربنا ماسهلهاش باي زيادة خارجية ومنحة ربانية نحتاس حوسة وتحصل وقعة في وسط الشهر

الحمد لله على نعمه كلها وربنا يدمها ونفضل عارفين نعيش

[MoToRiZeR]

علي كدة الجيل بتاعنا اللي عنده 20 و 21 سنة ده دلوقت يروح يولع في نفسه لأن لا هيعرف يجيب شقة واللي مجابش عربية مش هيعرف و مفيش شغل و مفيش اي حاجة ! يقدم هجرة لاوزباكستان !

و كريم .. المدام مبتشتغلش و مستحمل كل ده علي اعصابك .. ده انت بطل يا راجل :)

[dreslam]

هو مش السادات الله يرحمه عمل حاجه زي كده والدنيا ولعت
بس اياميها كان الجنيه جبس تجيب بيه كل حاجه
وقال ان القرار ده ضروري وحتمي والغاؤه كان سبب تأخر التنميه في البلد لسنين طويله عشان معظم فلوس الدعم بتروح في جيوب ناس معينه
هو ليه كل حاجه الراجل ده رحمه الله عليه كان بيسبق بيها الاحداث وبتتحقق دلوقتي
يكونش ركب اله الزمن ورجع يحكم مصر يعني هو قادم من المستقبل
وبعدين هو موضوع البنزين غلي ده مش كل شهر كنت بشوف موضوع "يا جماعه البنزين حيغلى بكره" وتطلع اوشاعه
طب خدوا دي "الكهرباء حتغلى والمياه حتغلى والغاز كمان حيغلى"
ودي اوشاعه "بس زي بتاعت موضوع البنزين" يعني اوشاعه يعقبها علاوة فقرار بزياده الاسعار
ماهي اتفهمت بقا شوفولكو طريقه جديدة
اخد الدوايين بتوع الاكتئاب واروح الشغل..سلامو عليكو

[gassarian]

الفكرة هي يا ترى رئيس الحكومة و الوزراء و كبار البلد اللي هم قرروا رفع الأسعار و اللي كل يوم بيرفعوها.... هل واحد فيهم جه على نفسه انه يكسب بدل مليار في السنة انه يرضى السنه دي ب 900 مليون بس؟!!!

اللي عايز يتفرج ينزل الساحل الشمالي و يتفرج في مارينا..... بوابة 7 خصوصا. فيلات بأكثر من 10 مليون. العمرة و تغيير الديكور فيها كل سنة لا تقل التكلفة عن 2 أو 3 مليون جنية سنويا للفيلا الواحدة. تصميم الفيلا كاملا بيتغير. حمام السباحة بيجي مرة يمين و مرة شمال و الفيلا شكلها بيتغير كله من الخارج. و ما خفي كان أعظم من الداخل.
أنا شغلي في مستشفى العلمين و ساعات بننزل هناك زيارة أو مع الاسعاف. اللي بتشوفوا هناك اللي بيحصل في الفييلات يقول لك ان الناس دي بتفتري بجد و مش بتحس بحاجة. فيلا وزير الداخلية و فيلل تانية بتاعت الكبار و اللعب التقيل. واحد من دول تفرق مع أهله حاجة لو البنزين زاد و لا الأسعار زادت؟
المهم عنده انه ما يخسرش. و احنا اللي بنخسر في الآخر. بنيجي على نفسنا في احتياجات أساسية أكل و شرب و ملبس و انتقالاتو صحة ، احتياجات لا مساس بها في أي دولة تانية في العالم.
في السبعينات حصلت مرة زيادة في سعر الخبز البلد اتقلبت و ضرب نار و مظاهرات و الراجل رجع في كلامه.... بيجي هنا الواحد دلوقتي في سباق مع الأسعار.... النهاردة اشتغلت زيادة و كسبت أكتر أو جالي شغل في مكان كويس .... يا ترى الفلوس و المجهود ده ها يدخل جيبي ولا الحكومة هتزود الأسعار و تاخده في جيبها؟
شىء محبط اني تبذل مجهود و نتيجة المجهود يذهب هباء مجرد ما تنزل الشارع ... تحس الحكومة مادة ايديها في جيبك قبل ما تمد ايدك انت ....
نرجع نقول الحكومة عارفة مصلحتنا أكتر مننا و مين عالم يمكن لو البنزين و الأسعار لو ما زادتش كنا هنضيع فلوسنا على الحرام...

[Ghamrawy]

الوزارة دى كلها رجال أعمال و أصحاب شركات خاصة كبيرة يعنى كل الزيادة دى داخلة جيبهم ،انا حاسس اننا بقينا زى العرايس و الحكومة بتحركنا زى ما هى عايزة
بالبلدى كده مصر بقت شركة كبيرة هدفها الربح باى طريقة و لو على حساب الشعب و الحكومة هى اعضاء مجلس الادارة و احنا شغالين سخرة

[gassarian]

البقاء للأقوى
دي السياسة اللي ماشية