الحقووو؟؟ركبت ال byd النهارده... واتفاجأت!!!!!!!!!!!!!!!!!!!!!!!!!!!!!!!!!!!!!!

[Ruin Scud]

جميع فئات الاسبرانزا والبي واي دي بها abs + ebd
من قبل تطبيق شروط الأمان هنا في مصر والسيارات الكوري في نفس الفئة السعريه ليس بها عامل امان واحد الى يومنا هذا.
والكلام ينطبق أيضا على فئات سعريه أعلى مثل اول فئة من النيسان صني اللي ب84 الف
صدمت لما عرفت انها بدون abs مع كامل احترمي لها وأقر انه لاوجه للمقارنه بينها وبين الصيني بس حبيت اوضح لحضرتك نقطة عوامل الأمان

مع احترامي لل abs & ebd اللي موجود في الإسبرانزا ولا ليهم لازمه وللأسف الشديد ان فراملها ولا فرامل الموتسيكل وده عن تجربه مع صديق راكب العربيه ولبس من قدام ولما رحنا التوكيل وسيادته طلب 15 الف جنيه مصري كمقايسه مبدئيه قابله للزياده او النقصان لاقينا كم غريب من العربيات دي حوادث من الأمام فقط يعني عيب فرامل.
والصديق صلحها بره وباعها بخساره جامده وبعد لما باعها اعترف ان الفرامل ضعيفه جدا جدا وان ال 128 اللي كانت معاه قبلها كانت فراملها احسن بمراحل مع العلم العربيه مكملتشي 25 الف كم وصيانتها بالكامل في التوكيل.
النقطه هنا ان الموضوع مش موضوع اسامي وتكنولوجي موجود وخلاص abs , ebd,.... والنتيجه في الاخر ان الفرامل سيئه جدا الأمان مش بالأسامي ولا الشهره الأمان لما تتزنق في الفرامل وتيجي تدوس ماتمسكشي معاك وتلاقي العربيه لبست وزحفت ويافرحتي عندي abs & ebd .
انا حبيت اقول النقطه ديه للأمانه فقط وليس اكثر عشان تبقى الصوره واضحه.

[حماده المصري]

العربيه دي محترمه فعلا وثباتها كويس

بس المشكله اللي في كل العربيات الصيني لما عفشتها بتتعب بتطلع اصوات غريبه الشكل مشوفتهاش في اي عربيات تانيه

[حماده المصري]

الصينى عامل زى الكورى فى وجهة نظرى مع الفارق :

الصينى : خاماتة كويسة جدا جلد وتابلوة شيك ومتبطن لكن فية فروقات فى التقفيل واحدة ولو دققت هتكتشفها لانى عامل زيك كدة بالظبط , الكورى خامات بلاستيك بس تقفيلها كويس

الصينى : بيعتمد على المواتير القديمة من اليابانى وبيقدم شاسيهات كبيرة وقوية تستحمل وفى نفس الوقت بتجرى بس مش قوى
الكورى : بيقدم بودى صغير ومتوسط على مواتير قوية

الصينى : تلاقى كل عوامل الامان وبسعر سيارة مستعملة من الكورى

الكورى : عربيات مافيهاش الهواء وسعرها غالى والناس بردة بتشتريها لحد الان مع ان خلاص بقى المفروض يبقى الناس اوعى من كدة

الصينى : لاسف مابيستحملش المشقة واى حد عايز يتاكد شوف كام عربية صينى واقفين فاتحين الكابوت بسبب اعطال
الكورى نفس الكلام شوف كم الفيرنا اللى عطلانة وبقيت السيارات الكورى اللى مش مكملة سنة شغل وعلى فكرة دة كلام سواق تاكسى اكد نفس كلامى

الصينى عفشتة بتبوظ بسرعة جدا , الكورى بياخد وقت اكتر منة شوية يعنى كمان 10000 الاف او اكتر بقليل وتبدأ العفشة تفتح بقها

عموما خلاصة الكلام : ال byd سيارة كويسة بس كحال الصينى والكورى فرحتهم فى اول سنتين

انت متحامل على الكوري والصيني جامد

الصيني لي حق في كزا جمله

انما الكوري عربيات كويسه وبتستحمل جدا انا ركبت تاكسي 150 الف كيلو بقوله انت غيرت عفشه قبل كده لا دي الاصلي بتاعها وطلع بيحترم العربيه

الصيني عفشته مش بتستحمل فعلا


قولي انت كام مره شوفت فيرنا عطلانه في طريق؟؟ عشان انا ولا مره شوفت فيرنا عطلانه

[bassem.naguib]

متشكر لتصحيحك لمعلوماتى الحكايه عكست معايا .......وشكرا للاضافه بتاعه الفتيس وبكدا تبقى عربيه نسبيا مفهاش عيوب وتستحق ثقه الشعب المصرى..

أولاً الشكر لله .. ثانياً عاوزك تحط في دماغك أن مفيش عربية من غير عيوب .. حتى لو مرسيدس أو بي أم .. فالكمال لله وحده .. ولكن المقصود أيه القيمة اللي باخدها مقابل الفلوس اللي بدفعها .

أنا ركبت العربية دي وهي زيرو وكنا بليل متأخر والطريق فاضي والله مش حتسدقوا لو قلتلكوا إني كنت حاسس إني راكب طيارة مش عربية ناعمة أوي والمتور ملوش صوت وتابلوه محترم وقعدة نضييييفة فعلا عربية محترمة أوي

ومرة سمعت سواق تاكسي بيكلم صاحبه سواق التاكسي وبيقوله أنا قعدت 3 شهور بقارن بين البيد والفيرنا واللانوس وفي الآخر جاب البيد فأكيد طبعا مجبهاش من فراغ

ركوبة البي واي دي بالنسبة لأداء الموتور .. اكنت راكب لانسر بومة بالظبط سواء في صوت الموتور أو في السحب والأداء .. والصالون واسع بالفعل ومريح في قعدته .

الصينى صينى وعمرى ما هركب عربيه صينى . واحنا كمصرين لو سمحتو لازم نفكر فى عناصر الامان شويه
مافيش غيرنا مش فارقه معاه

أفتكر الكلمة اللي بتقولها دي .. علشان بعد كدة إن شاء الله في خلال الخمس سنوات القادمة حتلاقي نفسك مضطر تركب صيني أو على الأقل بتفكر فيها لأسباب كتير .. وأرجو مراجعة بدايات العربيات الياباني في الثمانينات والكوري في التسعينات حتلاقيها هي هي نفس البدايات .

مع احترامي لل abs & ebd اللي موجود في الإسبرانزا ولا ليهم لازمه وللأسف الشديد ان فراملها ولا فرامل الموتسيكل وده عن تجربه مع صديق راكب العربيه ولبس من قدام ولما رحنا التوكيل وسيادته طلب 15 الف جنيه مصري كمقايسه مبدئيه قابله للزياده او النقصان لاقينا كم غريب من العربيات دي حوادث من الأمام فقط يعني عيب فرامل.
والصديق صلحها بره وباعها بخساره جامده وبعد لما باعها اعترف ان الفرامل ضعيفه جدا جدا وان ال 128 اللي كانت معاه قبلها كانت فراملها احسن بمراحل مع العلم العربيه مكملتشي 25 الف كم وصيانتها بالكامل في التوكيل.
النقطه هنا ان الموضوع مش موضوع اسامي وتكنولوجي موجود وخلاص abs , ebd,.... والنتيجه في الاخر ان الفرامل سيئه جدا الأمان مش بالأسامي ولا الشهره الأمان لما تتزنق في الفرامل وتيجي تدوس ماتمسكشي معاك وتلاقي العربيه لبست وزحفت ويافرحتي عندي abs & ebd .
انا حبيت اقول النقطه ديه للأمانه فقط وليس اكثر عشان تبقى الصوره واضحه.

لا لا ومش دفاعاً على العربيات الصيني (وأني بالذات مبحبش الاسبرانزا) .. إلا أنه كان بالتأكيد في عيب فردي في عربية صاحبك .. أنا حتكلم عن تجارب في فرامل البي واي دي وكانت زي الفل .

[bassem.naguib]

:y_hi_3[1]:

الصيني عفشته مش بتستحمل فعلا

ميزة البي واي دي أن قطع الغيار في التوكيل أسعارها رخيصصصصة جداً بالنسبة لمثيلاتها من العربيات التانية .. بالإضافة لإمكانية تركيب عفشة تويوتا ياباني أصلي سواء مساعدين أو سوست وتيل فرامل .. فالعربية دي مزيج من اللانسر بومة والتويوتا .

على فكرة حتلاقي تقريباً العربيات الواقعة في نفس الفئة السعرية (السبعينات) سواء كوري أو صيني أداءهم واحد في الاعتمادية .. ولكن الفرق أن العربيات الصيني تتفوق في الكماليات والأوبشن اللي فيها ومش موجودة في الكوري .

[Ruin Scud]

لا لا ومش دفاعاً على العربيات الصيني (وأني بالذات مبحبش الاسبرانزا) .. إلا أنه كان بالتأكيد في عيب فردي في عربية صاحبك .. أنا حتكلم عن تجارب في فرامل البي واي دي وكانت زي الفل . [/QUOTE]

انا بتكلم عن العربيه اللي كنت راكبها اسبرانزا 516 مش BYD و كلمت العيب الفردي دي للأسف بنسمعها كتيير و تشوفها اكتر لما تروح التوكيل في المنطقه اللي بيركنو فيها عربيات الحوادث وتلاقي 90 % من العربيات خبطات من الأمام يبقى عيب جماعي وليس فردي.
والعربيه جديده وكانت في الضمان وجميع الصيانات في التوكيل يعني المفروض لو عيب في شيء حصل فيه مشكله يتم اكتشافه في الصيانات اللي كانت بتتعمل ويتصلح تبع الضمان مش العميل يكتشفه وهوه لاقدر الله راقد في المستشفى بين الحياه او الموت + أن احنا قابلنا ناس معاها العربيه في التوكيل واكدو ضعف الفرامل وخاصة في الحالات المفاجئه وان فيه ناس كانت بتفكر في لغي نظام abs لأنه ممكن يكون سبب في ضعف استجابة الفرامل.
في عربيات كتيير كوري وبتلاقي العربيه اعتماديه لحد كبير ومافيش عليها جدل زي اللانوس مع صديق اخر موديل 99 ولو قولت ليه يبيع ويحدث لموديل اعلى يقولك لأ لأن العربيه مريحاه ومعملتش حركه بايخه معاه.
تحياتي

[bassem.naguib]

طبيعي يا باشا أن الواحد يحس أن الفرامل abs اضعف إلى حد ما من الفرامل العادية فده بيدي انطباع للناس اللي مركبتش عربيات بها مثل هذه النوعية من الفرامل أنها ضعيفة .. بس هي في الحقيقة مش بالضعف المخيف اللي يقلق الواحد ويتشبه بفرامل 128 .

بالنسبة لموضوع التوكيلات في مصر .. فده موضوع يطول شرحه في مدى اهتمامه بعربية العميل أثناء الصيانة الدورية والاهمال اللي بيعانيه العملاء من هذه النقطة .. وده بيخلي ناس كتير يسيبوا التوكيل ويصلحوا عربياتهم بره وبتبقى زي الفل بشرط اللي بيصلحها يكون بيفهم .

لو رحت أي توكيل (بعيداً عن الصيني) حتلاقي عربيات كتيرة فيها خبطات من الأمام أيضاً .. والفكرة أن ده مكان تتجمع فيه نوعية واحدة من السيارات اللي عاملة حوادث تختلف فيها ملابسات كل حادثة عن الأخرى سواء كانت غلطة سائق أو عيب في السيارة .. إلخ فمينفعش أعمم وأقول أن هذه النوعية من العربيات حوادثها كتيرة وأنها لو مخبوطة من الأمام يبقى عيب فرامل .. ولو مخبوطة من الجنب تبقى كذا .. ولو مخبوطة من الخلف تبقى كذا ... إلخ فكل حادثة بيبقى ليها ظروفها .

وتقبل تحياتي يا باشا وأسف على الإطالة .. وسعدت بالحوار معك .

[S.S.E]

ثقافة شعبنا الحبيب: ( الوصايا العشر فى شراء سياره فى مصر)

في البداية يسأل الراغب في الشراء كل من يمر بهم ويبدأ في جمع فتاوي وآراء ونصائح أقل ما يقال عنها أنها مضللة، وتزيده هذه الفتاوي حيرة وتخبطاً ليدخل في مرحلة الشد العصبي حيث يفاجأ بفتاوي جديدة من نوعية» الحق هات لك عربية علشان أنا سمعت إن العربيات هتغلي الشهر الجديد» ومع ازدياد الضغط العصبي يدخل المشتري في مرحلة التبلد بعد أن يطارده كل من سبق أن طلب رأيهم بتعليق» هو أنت لسه ما جبتش العربية»!! خلال هذه الفترة يكون المشتري قد استمع للوصايا العشر التي يقدمها له الجميع والتي قد يقوده الالتزام بها إلي التراجع عن الفكرة..

1- قائمة العيوب.. وهي تضم كل العيوب الموجودة في السيارات المتداولة في مصر، الطريف أن هذه العيوب تتنقل عبر الأفواه بنفس تكنيك الشائعات، فالشخص الذي يحدثك عن عيوب السيارات الصينية لم يقد في حياته سيارة صينية واحدة لكنه عرف عيوبها من شخص آخر غالباً هو أيضاً لم يسبق له أن استقل واحدة.

سيقولون لك إن العربيات الكوري خفيفة ولا تحتمل الحوادث، وسيقولون لك إن السيارات ال 4*4 اتزانها ضعيف علي الطرق السريعة، وسيقولون لك إن السيارات اليابانية قطع غيارها غالية، والألمانية قطع غيارها بتسخن بسرعة، وهناك سيارة تكييفها ضعيف، وهناك سيارة أصحاب توكيلها «حرامية»، وهناك سيارة عيبها أن شنطتها صغيرة، وهناك سيارة عيبها أن «شكلها سيارة حريمي»، وهناك سيارة عيبها أنها «عربية ورق لو خدت خبطة خفيفة هتطبق كلها» وهناك سيارة عيبها «إنها متجمعة في مصر»، وهناك سيارة عيبها إنها «ناشفة شوية»، وهناك سيارة عيبها «إنها بتاكل بنزين ».

وهكذا تبدأ رحلة البحث عن سيارة بالاستماع إلي جميع أنواع العيوب الموجودة في السوق، ليستقر في يقينك أن كل السيارات التي تمتلئ بها شوارع القاهرة «معيوبة» وأن كل سائقيها في خطر وأن هناك احتمالاً وهو أن تتعرض لعملية نصب إذا فكرت في شراء سيارة جديدة.

يغيب عن بالك أن حركة شراء كل هذه السيارات المعيوبة لا تتوقف بل في ازدياد وتعتقد أنك أذكي شخص في القاهرة لأنك «لحقت نفسك قبل ما تتدبس في عربية بتاكل بنزين أو تكييفها ضعيف أو قطع غيارها غالية»، ويغيب عن بالك أيضاً أنه لا توجد سيارة كاملة وإلا لتحولت مدينة الحرفيين إلي مدينة مهجورة من زمان!

2- خد بالك ليضحكوا عليك... يستفزك الناصحون بهذه الجملة لتتحول بعدها إلي مريض بالوسواس القهري يدخل معارض السيارات وبداخله يقين أن أصحاب المعارض مسجلون خطر في مباحث مكافحة جرائم النصب.

وأهم ما يقصده الناصحون بجملة «خد بالك» هو خد بالك من موديل السيارة الجديدة لأنه توجد موديلات مصنعة للخليج وأخري لمصر، والموديلات الخليجية أرخص سعراً لأسباب يشرفني أن أقول أنني «ما أعرفهاش»، وتمييز الموديل الخليجي من المصري قد يصعب علي المواطن العادي من الوهلة الأولي لكنه «موضوع ما يستخباش»، حيث إن كل سيارة لها ملف مسجل به كل مواصفاتها ويكفي أن تسأل صاحب المعرض وسيقدم لك إجابة يستحيل تزييفها.

نصيحة التمييز بين الموديل المصري والخليجي أشبه بنصيحة «خد بالك ليبيعوا لك الشقة علي أنها علي الكورنيش وهيا جوه ».

3- بلاش الألوان الميتاليك... هذه نصيحة من شخص لم يجد ما يقوله لأنه لا يفهم في السيارات لكنه يود أن يظهر وكأنه يفهم في الألوان، فيردد مقولة استمع إليها في طفولته وترسخت في وجدانه وهي أن «الألوان الميتاليك بتحرر، أو أن الدهانات الميتاليك بها مادة «لا يعرف اسمها طبعاً» وهذه المادة تمتص أشعة الشمس بقوة.

4- بلاش تشتري في أول الصيف... وبلاش تشتري بعد الصيف... وهذه نصيحة للشخص الذي يفكر في شراء سيارة مستعملة، والنصيحة بعدم الشراء قبل الصيف سببها ارتفاع أسعار السيارات في هذه الفترة مع بدء الإجازات ورجوع المصريين من الخليج وارتفاع نسبة السفر للمصايف، هذا الرواج يرفع أسعار السيارات وبناء عليه تستمع إلي نصيحة استني لما الصيف يخلص.

وتستمع في الوقت نفسه إلي نصيحة مضادة وهي «بلاش تشتري بعد الصيف» والسبب هو ارتفاع نسبة الحوادث في الصيف وأن «أغلب الناس بتتقلب بيهم العربيات وهما راجعين من المصيف» وبعد هذه الحوادث يقوم الناس باصلاح السيارات «أي كلام» وإعادة بيعها، لذلك ينصح بعدم شراء سيارة بعد الصيف لأنها غالباً ما تكون «مخبوطة ومرشوشة»، هذا بخلاف أن شهور الصيف تهلك السيارة!

وملخص النصيحتين السابقتين نصيحة ثالثة وهي أن أنسب ميعاد لشراء سيارة في مصر هو «ليلة رأس السنة ».

5- لازم ترفعها في البنزينة... وهي نصيحة بديهية يتم تقديمها لك إذا فكرت في شراء سيارة مستعملة، وسيقدمها لك الجميع بداية من البواب مروراً بزميلك في العمل نهاية بصاحب السيارة التي ستشتريها منه «خدها بنفسك وارفعها في أي بنزينة»، وسيتم رفع السيارة أمامك وأنت تقف كفرس النهر لا تفهم شيئاً، أما الشخص الذي قام برفعها فهو مجرد عامل في محطة البنزين «مش دكتور عربيات يعني» ولن يقدم لك معلومة مفيدة أكثر من أن السيارة سليمة «بس هيا عايزة شوية شغل»، لتعود إلي صاحب السيارة الأصلي وتعيد عليه ما قاله لك العامل دون أن تغير هذه الرحلة «بكل ما فيها من رفع» شيئاً في الصفقة.

6- ما ترفعهاش في التوكيل... نصيحة إضافية يقدمها لك صاحب النصيحة السابقة وإذا سألته عن السبب سيقول لك بدون تردد« أصل التوكيل حرامية ».

7- لازم تسوقها... نصيحة يشدد عليها قائلها وينبهك إلي أهمية أن تقود السيارة التي ستشتريها بنفسك لتعرف عنها كل شيء، إذا افترضنا صحة ما يقوله وإن تجربة السيارة ستجعلني أعرف عنها كل شيء فهذا يعني أن السيارة التي أفكر في شرائها لابد أن أظل أجربها لمدة لا تقل عن ستة أشهر «وبرده مش هاعرف عنها كل شيء... إذا كانت الناس بتتخطب بالسنتين والتلاتة علشان يعرفوا بعض... أنا هاعرف العربية كويس لما أجربها نص ساعة ؟!».

الشيء الوحيد الذي يمكن أن تجربه في النصف ساعة المتاحة أمامك هي أن تجرب «هل بتعرف تسوق ولا لأ ».

8- أهم حاجة أن الـResale بتاع العربية يكون كويس، والـ Resale هو إعادة بيع السيارة، وينصحك الأصدقاء بأهمية أن تشتري سيارة تستطيع أن تبيعها بعد قليل «علي أساس إنك بتغير عربية كل أسبوعين ».

ونظرية الـResale الهدف منها أن تحقق أكبر مكسب ممكن عند إعادة بيع سيارتك «يعني تجيب عربية وتستعملها وتحرقها مشاوير وتستمتع بيها ولما تبيعها تكسب كمان» وهي فكرة إن صحت يصح معها إلغاء فكرة نفقة المتعة.

9- روح سوق الجمعة أو هات الوسيط أو شوف ملحق السيارات بتاع الأهرام... وهي أضعف نصيحة يقدمها لك شخص تخبره بأنك تفكر في شراء سيارة، وهي نصيحة يمكن الرد عليها بجملة واحدة «كانت تايهة عني فين الفكرة دي ؟!».

10- قائمة ال «بلاش» الثانية... وتضم «بلاش الكابروليه» علشان مش من عاداتنا، و«بلاش الأتوماتيك» علشان بيسخن العربية، و«بلاش المانيوال» علشان البلد بقت زحمة وبنمشي بالبطيء والدبرياش هيدمرلك مفصل الفخد، و«بلاش عربية واطية» علشان أي غطا بلاعة هيدمرلك «كرونة الزيت»، و«بلاش الألوان الفاتحة» علشان بتلم تراب، و«بلاش الألوان الغامقة» علشان الشمس عندنا بتخليها تبهت، و«بلاش تشتري من المعارض» علشان الأقساط عليها فوايد جامدة، و«بلاش تشتري من التوكيل» علشان حرامية، و«بلاش تشتري مستعمل» علشان المستعمل هيتعبك، و«بلاش تشتري زيرو» علشان البلد عندنا ما ينفعش فيها غير المستعمل.

واسف على الاطاله

[Ruin Scud]

طبيعي يا باشا أن الواحد يحس أن الفرامل abs اضعف إلى حد ما من الفرامل العادية فده بيدي انطباع للناس اللي مركبتش عربيات بها مثل هذه النوعية من الفرامل أنها ضعيفة .. بس هي في الحقيقة مش بالضعف المخيف اللي يقلق الواحد ويتشبه بفرامل 128 .

بالنسبة لموضوع التوكيلات في مصر .. فده موضوع يطول شرحه في مدى اهتمامه بعربية العميل أثناء الصيانة الدورية والاهمال اللي بيعانيه العملاء من هذه النقطة .. وده بيخلي ناس كتير يسيبوا التوكيل ويصلحوا عربياتهم بره وبتبقى زي الفل بشرط اللي بيصلحها يكون بيفهم .

لو رحت أي توكيل (بعيداً عن الصيني) حتلاقي عربيات كتيرة فيها خبطات من الأمام أيضاً .. والفكرة أن ده مكان تتجمع فيه نوعية واحدة من السيارات اللي عاملة حوادث تختلف فيها ملابسات كل حادثة عن الأخرى سواء كانت غلطة سائق أو عيب في السيارة .. إلخ فمينفعش أعمم وأقول أن هذه النوعية من العربيات حوادثها كتيرة وأنها لو مخبوطة من الأمام يبقى عيب فرامل .. ولو مخبوطة من الجنب تبقى كذا .. ولو مخبوطة من الخلف تبقى كذا ... إلخ فكل حادثة بيبقى ليها ظروفها .

وتقبل تحياتي يا باشا وأسف على الإطالة .. وسعدت بالحوار معك .

انا أسعد والله بيك ومنور
فرامل ال abs معروفه ومعروف ظروفها وازاي بتكون يعني مثلا لما كان بيدوس جامد مره واحده كانت الفرامل من تحت العربيه بيحس بتخبيط ورعشه جامدين في الدواسه ولأني عارف ال abs وعارف ان ده قريب من الطبيعي بس مش للدرجه اللي عنده قولتلو هو ده العادي وده عشان انا معايا لانسر شارك وعارف لما تتغط جامد مره واحده ايه اللي بيحصل بس مش قوي زي الأسبرانزا انما اللي مش عادي ان الفرامل ماتمسكشي والعربيه تزحف بالرغم من وجود ال abs يعني المفروض تكون قريبه من الشارك مش هقول زيها عشان السعر ولكنها بعيده تمام البعد في اداء وظيفتها كفرامل ومش عايز اقول انها معموله للمواقف العاديه الروتينيه مش الخطره. يعني مش موضوع abs اسم يتحط في كتالوج العربيه والإعلانات وخلاص زي اي عربيه تانيه لأ المفروض انو يكون بيأدي وظيفته .

بالنسبه لعربيات الحوادث في التوكيل لما تلاقي اغلبيه الحوادث من قدام ده مؤشر غيرجيد عن الفرامل او مؤشر غير جيد ان اللي بيسوقو العربيه اغلبهم بيبقو نايمين او سارحيين ده تشبيه مش اكتر بعد ازنكم لو روحت توكيل منصور وبصيت على عربيات الحوادث بتاعت الأوبل هاتلاقي اغلبها من وره عشان فرامله جامده بتوقف مره واحده ونادر لما تلاقي اوبل مخبوطه من قدام الا وتلاقيها مخبوطه من قدام ووره يعني اللي وراه لبس كمان انما من قدام بس ده يبقى مؤشر غير جيد.

نيجي بقى للموضوع الأهم واللي مخلي الواحد يدايق انو يجيب العربيه ويقعد يقولك اصلها موتور الماني وعفشه ياباني والفرش اسباني والكاوتش فيتنامي ويجيبلك خمسين ماركة عربيه هما واخدين منهم احسن حاجه وقال ايه حطينها في العربيه هما انصح من الشركات التانيه ده يدل عن انهم اصلا ماركه مجهوله وبيعتمدو في التسويق على مشتقات من ماركات تانيه وخلاص طب ماتقول انها عفشة اسبرانزا وخلي ليك كيان مش لازم يعني ياباني بتاعت تويوتا وموتور متسوبيشي والكلام اللي مبني على اوهام قول انها اسبرانزا او ايا كانت وخليك مستقل.
وللأمانه كلمه بسيطه عايز اقولها الفرق رهيب بين انك تركب صيني حتى لو مكوناتها كلها مشتقه من فيراري وانك تركب ياباني على ابوه بجد ده غير طبعا العفشه اللي مش هاتكلم عليها لأنها معروفه عامله ازاي لدرجه ان احنا صرفنا نظر عن محاولة تصليحه في الضمان لأننا ببساطه مش عارفين نبتدي منين وايه اللي عامل المشكله بس للأمانه الموتور بتاعها تجميعه في السرعات العاليه يعني لما تحرق عليه قوي بيكون كويس انما على rpm منخفض بيكون بطيء جدا مقارنتا بالفئات اللي زيها

[Ruin Scud]

حاجه حابب اضيفها ونسيتها ان العربيه اول لما اشتريناها التكييف ماكانشي بيسقع قولنا يمكن لسه الموتور بيلين وبعد مالين وارتاح برده نفس المشكله روحنا التوكيل قالولنا ان الكمبروسر هايتغير واستنو شهر لأن فيه دفعه جايه من اليابان اللي هيا نفس اللي راكب في اللانسر وبرده مابيسقعشي ونشحن في التكييف يسقع شويه وبعدين يرجع تاني مافيش فايده وبعدين روحنا كشفنا بره الفني قال ان السبب من السربنتينه والمواسير بتهرب فريون والشحن بيضيع وطبعا التوكيل ماعترفشي بالموضوع ده وبقى الحل انو يتشحن كل شهر او اقل .
انا مش بهاجم العربيه ولكن الأمانه بتحتم ان الواحد بقول العيوب عشان اللي بيشتري يبقى عارف او على الأقل مستعد المزايا ان الفرش والصالون خاماته كويسه تحس انها معقوله عن عربيات تانيه كتيير + الموتور في الفتره اللي قبل مانبيعها.

[Ralliart]

العربيات الصيني ممكن تلاقي اداء كويس ويعجبك وكان ليا تجربة مع اسبيرانزا m11 وفضلت ماشي بيها على 180 لمسافة كبيرة وأداءها كان ممتاز لعربية بالسعر ده
لكن مسألتش نفسك ليه هي رخيصة للدرجة دي ؟؟ الاجابة بسيطة وهي الامان واكيد مش يقصد بالامان الـabs والحوارات دي لان دي عوامل بتساعد على تقليل الحوادث مش منعها ،هنا بتكلم على حاجة بتوفر تكلفة رهيبة على المصنع تخليها تبيعها رخيصة زي تكوين سبيكة المعادن بتاعت الشاسيه
وأكيد معظمنا شاف اختبار الامان بتاع البريليانس جالينا اللي كان أداءها رائع بموتور ميتسوبيشي وفراملها وعفشتها ممتازين وفيها abs وايرباج لكن في الاختبار على سرعة قليلة كانت جايبة قوايم وشاسيه !!
يبقى الصينيين بيلعبو على انهم يلعبو في حاجات مخفية مستحيل تكتشفها غير بعد فوات الاوان زي الخامات واعتقد ان لسة قدامها وقت علشان تتحسن ومش من الحكمة ان حد يغامر بحياته علشان عربية رخيصة وبتجري

[ahmedesmat1987]

مش عارف ارد اقول ايه ياجماعه بطبيعتنا كشعب مصرى بنحب نحور كتير ........يعنى الموضوع انا بدائتو بانى مكنتش بطيق حاجه اسمها bydوالصينى على وجه الخصوص ايا كان هو ايه وفجاءة لما ركبتها حسيت بانى كنت غلطان لانها فعلا عربيه محترمه ولازلت بردد انها عربيه محترمه.....لاقيت الموضوع لف ولزق فى عيوب الصينى الرهيبه اللى متمثله فى الاسبرنزا.........وكان البى واى دى اسمها الحقيقى اسبرنزا ومخبين علينا ....واتهامات من غير تجربه من مجرد بس الاسم وعوامل الامان...........بالنسبه للناس اللى كانت بتتكلم على فروق الاسعار مقارنتا بعوامل الامان وان الاى بى اس بتاع الصينى مش حلو..........ممكن سؤال:الفيرنا امان الانوس امان اللوجان امان الانسر بومه بغض النظر عن الاير باج والسوبر اكشن اللى فيها اى بى اس امان....الصنى الجديده اللى من غير اى بى اس امان 128 اللى بتقارنوها بالاسبرنزا اللى من غير شاسيه اساسا امان...........كل دى عربيات نفس الفئه السعريه ومش امان يبقى مش ممكن الواحد يفكر ويجيب بى واى دى وهو مطمن .......ومحدش يقولى الاسبرنزا فىها عيب لانها معيوبه اساسا وانا ركبتها وعارف انها كلها مشاكل ......انما شاتان الفارق بين الب واى دى والاسبرنزا وجربو وانتو تصدقونى..........

[bassem.naguib]

وللأمانه كلمه بسيطه عايز اقولها الفرق رهيب بين انك تركب صيني حتى لو مكوناتها كلها مشتقه من فيراري وانك تركب ياباني على ابوه بجد ده غير طبعا العفشه اللي مش هاتكلم عليها لأنها معروفه عامله ازاي لدرجه ان احنا صرفنا نظر عن محاولة تصليحه في الضمان لأننا ببساطه مش عارفين نبتدي منين وايه اللي عامل المشكله بس للأمانه الموتور بتاعها تجميعه في السرعات العاليه يعني لما تحرق عليه قوي بيكون كويس انما على rpm منخفض بيكون بطيء جدا مقارنتا بالفئات اللي زيها

طبيعي يا باشا لازم (وحط ميت خط تحت كلمة لازم) يكون فيه فرق بين العربيات الياباني والصيني ..فيه فرق في الخبرة وبين تاريخ الدولتين في صناعة السيارات .. وإنما لو لاحظت كلامي أني بقول أحسن قيمة بتاخدها مقابل الفلوس اللي بتدفعها .

بالنسبة لسحب الموتور .. بتبقى راجعة لتصميم الموتور نفسة .. ففيه مواتير سحبها بيبقى عالي في الأول لحد 100 أو 120 وتجميعه سريع في RPM قليل زي الفيرنا .. وفيه عربيات بيبقى تجميعها بطيئ في الأول وبعد كدة بيزيد سحبها مع الـ rpm العالي .. وده ميعبش العربية في شيء .. وإنما بتبقى راجعة للراحة النفسية أو طبيعة سائق العربية .

حاجه حابب اضيفها ونسيتها ان العربيه اول لما اشتريناها التكييف ماكانشي بيسقع قولنا يمكن لسه الموتور بيلين وبعد مالين وارتاح برده نفس المشكله روحنا التوكيل قالولنا ان الكمبروسر هايتغير واستنو شهر لأن فيه دفعه جايه من اليابان اللي هيا نفس اللي راكب في اللانسر وبرده مابيسقعشي ونشحن في التكييف يسقع شويه وبعدين يرجع تاني مافيش فايده وبعدين روحنا كشفنا بره الفني قال ان السبب من السربنتينه والمواسير بتهرب فريون والشحن بيضيع وطبعا التوكيل ماعترفشي بالموضوع ده وبقى الحل انو يتشحن كل شهر او اقل .
انا مش بهاجم العربيه ولكن الأمانه بتحتم ان الواحد بقول العيوب عشان اللي بيشتري يبقى عارف او على الأقل مستعد المزايا ان الفرش والصالون خاماته كويسه تحس انها معقوله عن عربيات تانيه كتيير + الموتور في الفتره اللي قبل مانبيعها.

أنا مش عاوز اتكلم عن توكيل اسبرانزا لأنه من وجهة نظري ما عليه أكتر مما يحسب له .. وعن تجارب معاه مع ناس اصدقائي كنت بروح معاهم التوكيل وشفت بعيني المعاملة .. وكفاية شرط الضمان بتاع الـ 3 شهور ده .. تحس أنه بيتلكك أنه يخرجك بره الضمان بأي شكل بعد ما باع ليك العربية .. وعلى فكرة مش هو بس .. إنما أي توكيل بيعمل كدة برضه في نفس الفئة السعرية .. والفرق بين توكيل وأخر بيكون في نقطة محاولته لتحسين نفسه وبين توكيل أخر بيحاول يبيع القضية .

مش عارف ارد اقول ايه ياجماعه بطبيعتنا كشعب مصرى بنحب نحور كتير ........يعنى الموضوع انا بدائتو بانى مكنتش بطيق حاجه اسمها bydوالصينى على وجه الخصوص ايا كان هو ايه وفجاءة لما ركبتها حسيت بانى كنت غلطان لانها فعلا عربيه محترمه ولازلت بردد انها عربيه محترمه.....لاقيت الموضوع لف ولزق فى عيوب الصينى الرهيبه اللى متمثله فى الاسبرنزا.........وكان البى واى دى اسمها الحقيقى اسبرنزا ومخبين علينا ....واتهامات من غير تجربه من مجرد بس الاسم وعوامل الامان...........بالنسبه للناس اللى كانت بتتكلم على فروق الاسعار مقارنتا بعوامل الامان وان الاى بى اس بتاع الصينى مش حلو..........ممكن سؤال:الفيرنا امان الانوس امان اللوجان امان الانسر بومه بغض النظر عن الاير باج والسوبر اكشن اللى فيها اى بى اس امان....الصنى الجديده اللى من غير اى بى اس امان 128 اللى بتقارنوها بالاسبرنزا اللى من غير شاسيه اساسا امان...........كل دى عربيات نفس الفئه السعريه ومش امان يبقى مش ممكن الواحد يفكر ويجيب بى واى دى وهو مطمن .......ومحدش يقولى الاسبرنزا فىها عيب لانها معيوبه اساسا وانا ركبتها وعارف انها كلها مشاكل ......انما شاتان الفارق بين الب واى دى والاسبرنزا وجربو وانتو تصدقونى..........

اسفين يا باشا لأن الكلام أخد منحى أخر بعيد عن الموضوع الأصلي .
وأحب أضيف برضه لكلام حضرتك أن من العربيات الصيني المحترمة في مصر (بالإضافة للبي واي دي) الجاك ، البريليانس .. بس البي واي دي بتتفوق في سعرها وأسعار قطع غيارها سواء داخل أو خارج التوكيل .. وده بيديها الأفضلية عنهم .

[ahmedesmat1987]

طبيعي يا باشا لازم (وحط ميت خط تحت كلمة لازم) يكون فيه فرق بين العربيات الياباني والصيني ..فيه فرق في الخبرة وبين تاريخ الدولتين في صناعة السيارات .. وإنما لو لاحظت كلامي أني بقول أحسن قيمة بتاخدها مقابل الفلوس اللي بتدفعها .

بالنسبة لسحب الموتور .. بتبقى راجعة لتصميم الموتور نفسة .. ففيه مواتير سحبها بيبقى عالي في الأول لحد 100 أو 120 وتجميعه سريع في rpm قليل زي الفيرنا .. وفيه عربيات بيبقى تجميعها بطيئ في الأول وبعد كدة بيزيد سحبها مع الـ rpm العالي .. وده ميعبش العربية في شيء .. وإنما بتبقى راجعة للراحة النفسية أو طبيعة سائق العربية .


أنا مش عاوز اتكلم عن توكيل اسبرانزا لأنه من وجهة نظري ما عليه أكتر مما يحسب له .. وعن تجارب معاه مع ناس اصدقائي كنت بروح معاهم التوكيل وشفت بعيني المعاملة .. وكفاية شرط الضمان بتاع الـ 3 شهور ده .. تحس أنه بيتلكك أنه يخرجك بره الضمان بأي شكل بعد ما باع ليك العربية .. وعلى فكرة مش هو بس .. إنما أي توكيل بيعمل كدة برضه في نفس الفئة السعرية .. والفرق بين توكيل وأخر بيكون في نقطة محاولته لتحسين نفسه وبين توكيل أخر بيحاول يبيع القضية .



اسفين يا باشا لأن الكلام أخد منحى أخر بعيد عن الموضوع الأصلي .
وأحب أضيف برضه لكلام حضرتك أن من العربيات الصيني المحترمة في مصر (بالإضافة للبي واي دي) الجاك ، البريليانس .. بس البي واي دي بتتفوق في سعرها وأسعار قطع غيارها سواء داخل أو خارج التوكيل .. وده بيديها الأفضلية عنهم .

ياسيدى الفاضل انا اللى اسف ....بس كنت بصحح مجرى امور ممكن جدا انو يقول لمواضيع تانيه كتير مش محل نقاشنا لاننا لو هنتكلم على عيوب كل عربيه نزله السوق مش هيكفينا منتدى كامل مش موضووع واحد .........اننا اسف على طريقتى التهكميه.......وانا مع حضرتك فى ان الشبح الصينى بدا يكشر عن انيابه ......وبدا يقف جنبنا كشعب على قدو ونفسو يركب عربيه محترمه.....تحياتى لكل من شارك فى الموضوع......

[Ralliart]

ممكن سؤال:الفيرنا امان الانوس امان اللوجان امان الانسر بومه بغض النظر عن الاير باج والسوبر اكشن اللى فيها اى بى اس امان....الصنى الجديده اللى من غير اى بى اس امان

الـabs والـebd والايرباج كلها وسائل مساعدة وليها نتائج لكن الامان الحقيقي في خامات الشاسيه اللي بيفيد في الحوادث الحقيقية اللي مبينفعش فيها abs
العربيات اللي حضرتك ذكرتها من شركات كبيرة وبتاخد في حسابها حاجة مهمة زي الشاسيه ومعظمها دخل اوروبا وامريكا واتعملها اختبارات وواخده تقييم ،في عربيات صيني لو حضرتك جربتها بوجهة نظرك (الموتور والعفشة والصالون وايرباج وabs ) هتقول عليها محترمة منجحتش فيه أصلاً !!

انا معرفش byd دي دخلت اختبارات في اوروبا ولا لأ بس اللي اعرفه ان الصينيين بدون ضمير ولا اخلاق وعلى حسب ما بتدفع بتاخد جودة واكيد لما بيصنعو حاجة بيكسبو فيها ومش هيعملوها رخيصة وهي زي الفل واحسن من الصني واللانسر !!وحتى عوامل نجاحها من وجهة نظرك مش من صنع الصين أصلاً
ونفس الكلام ينطبق على الفيرنا واللانوس بس العيب مش على الكوريين لانهم فعلاً وقفوهم من زمان وبيصنعو حاجات تشرف واكيد بطبيعة انها تشرف سعرها أغلى من الفيرنا واللانوس

ودا مثال حي لعربية صيني محترمة
[youtube]http://www.youtube.com/watch?v=nzoRdDssL1w[/youtube]