الحقووو؟؟ركبت ال byd النهارده... واتفاجأت!!!!!!!!!!!!!!!!!!!!!!!!!!!!!!!!!!!!!!

[Ralliart]

ودي لانسر من اللي حضرتك بتقول عليها مش امان ومفيش فرق ولاحظ انها ارخص من الصيني
[youtube]http://www.youtube.com/watch?v=v7EcAHSeEys&NR=1[/youtube]

ملحوظة بس الفيديو المتوفر للـbyd من الاختبار الصيني مش الاوروبي او الامريكي ودا بيكون على سرعة اقل ولا يعتبر معيار

[Ralliart]

ملحوظة:الفيديو المتوفر على النت لاختبار byd مش اوروبي ولا امريكي ومعمول على سرعة اقل منهم ومع ذلك العربية فيها كلام

[SAMEH_FOUAD]

كل واحد على قد فلوسة محدش يبقى جايب عربية ب70 الف جنية فيها اوبشن كتير جدا وعايز كمان شاسية قوى وثبات عالى وماتور تحفة وتكون معمرة وواسعة وخامات عالية وجودة تقفيل اكيد لأ طبعا

فية حاجة اسمها القيمة مقابل السعر واكيد ان الصينى ماشى بالمبدأ دة كويس جدا يعنى اقل عربية صينى فيها abs-ebd - 2 airbag , air condition with screen يعنى اوبشن مش موجود فى السيارات اليابانى ولا فى الالمانى اللى تكييفى يدوى والعربية بكام كلها ب42 الف وب50 الف طيب ازاى

عربية زى speranza a620 اللى فيها كراسى كهرباء وفرش جلد وواسعة ومحرك 2000 بقوة 131 حصان وكل دة ب98 الف جنية دة طبعا بجانب قائمة الاوبشن الموجود فى العربية هل يعقل يعنى

زى بردة الكورى بيعتمد اعتماد كلى على الشكل + الاوبشن لكن بيعمل بودى خفيف, بيكتر اوى من استخدام البلاستيك فى السيارة , بيوفرا فى انظمة التعليق , العمر الافتراضى للمكونات بتبقى اقل

اليابانى :يديك ثبات ومواتير قوية واعتمادية عالية +خامات, بس يشيل منك الاوبشن + الشكل مابيهتمش بية الا لما يلاقى نفسة هيضيع + يغلى قطع الغيار , المساحات مابتبقاش واسعة

الالمانى : بيهتم جدا بالبودى الخارجى ومواصفات السلامة والامان اول حاجة بيبصلها , بيديك بردة شكل كويس جدا , خامات وجودة تقفيل وامكانايات ولا اروع ولا اشيك من كدة , بس تعالى بقى مواتيرة ضعيفة , تكيفة ضعيف , يبهدلك مصاريف صيانة

[al_manara]

الالمانى :بس تعالى بقى مواتيرة ضعيفة

واضح ان حضرتك ماجربتوش خالص

[ASSASSIN]

ثقافة شعبنا الحبيب: ( الوصايا العشر فى شراء سياره فى مصر)

في البداية يسأل الراغب في الشراء كل من يمر بهم ويبدأ في جمع فتاوي وآراء ونصائح أقل ما يقال عنها أنها مضللة، وتزيده هذه الفتاوي حيرة وتخبطاً ليدخل في مرحلة الشد العصبي حيث يفاجأ بفتاوي جديدة من نوعية» الحق هات لك عربية علشان أنا سمعت إن العربيات هتغلي الشهر الجديد» ومع ازدياد الضغط العصبي يدخل المشتري في مرحلة التبلد بعد أن يطارده كل من سبق أن طلب رأيهم بتعليق» هو أنت لسه ما جبتش العربية»!! خلال هذه الفترة يكون المشتري قد استمع للوصايا العشر التي يقدمها له الجميع والتي قد يقوده الالتزام بها إلي التراجع عن الفكرة..

1- قائمة العيوب.. وهي تضم كل العيوب الموجودة في السيارات المتداولة في مصر، الطريف أن هذه العيوب تتنقل عبر الأفواه بنفس تكنيك الشائعات، فالشخص الذي يحدثك عن عيوب السيارات الصينية لم يقد في حياته سيارة صينية واحدة لكنه عرف عيوبها من شخص آخر غالباً هو أيضاً لم يسبق له أن استقل واحدة.

سيقولون لك إن العربيات الكوري خفيفة ولا تحتمل الحوادث، وسيقولون لك إن السيارات ال 4*4 اتزانها ضعيف علي الطرق السريعة، وسيقولون لك إن السيارات اليابانية قطع غيارها غالية، والألمانية قطع غيارها بتسخن بسرعة، وهناك سيارة تكييفها ضعيف، وهناك سيارة أصحاب توكيلها «حرامية»، وهناك سيارة عيبها أن شنطتها صغيرة، وهناك سيارة عيبها أن «شكلها سيارة حريمي»، وهناك سيارة عيبها أنها «عربية ورق لو خدت خبطة خفيفة هتطبق كلها» وهناك سيارة عيبها «إنها متجمعة في مصر»، وهناك سيارة عيبها إنها «ناشفة شوية»، وهناك سيارة عيبها «إنها بتاكل بنزين ».

وهكذا تبدأ رحلة البحث عن سيارة بالاستماع إلي جميع أنواع العيوب الموجودة في السوق، ليستقر في يقينك أن كل السيارات التي تمتلئ بها شوارع القاهرة «معيوبة» وأن كل سائقيها في خطر وأن هناك احتمالاً وهو أن تتعرض لعملية نصب إذا فكرت في شراء سيارة جديدة.

يغيب عن بالك أن حركة شراء كل هذه السيارات المعيوبة لا تتوقف بل في ازدياد وتعتقد أنك أذكي شخص في القاهرة لأنك «لحقت نفسك قبل ما تتدبس في عربية بتاكل بنزين أو تكييفها ضعيف أو قطع غيارها غالية»، ويغيب عن بالك أيضاً أنه لا توجد سيارة كاملة وإلا لتحولت مدينة الحرفيين إلي مدينة مهجورة من زمان!

2- خد بالك ليضحكوا عليك... يستفزك الناصحون بهذه الجملة لتتحول بعدها إلي مريض بالوسواس القهري يدخل معارض السيارات وبداخله يقين أن أصحاب المعارض مسجلون خطر في مباحث مكافحة جرائم النصب.

وأهم ما يقصده الناصحون بجملة «خد بالك» هو خد بالك من موديل السيارة الجديدة لأنه توجد موديلات مصنعة للخليج وأخري لمصر، والموديلات الخليجية أرخص سعراً لأسباب يشرفني أن أقول أنني «ما أعرفهاش»، وتمييز الموديل الخليجي من المصري قد يصعب علي المواطن العادي من الوهلة الأولي لكنه «موضوع ما يستخباش»، حيث إن كل سيارة لها ملف مسجل به كل مواصفاتها ويكفي أن تسأل صاحب المعرض وسيقدم لك إجابة يستحيل تزييفها.

نصيحة التمييز بين الموديل المصري والخليجي أشبه بنصيحة «خد بالك ليبيعوا لك الشقة علي أنها علي الكورنيش وهيا جوه ».

3- بلاش الألوان الميتاليك... هذه نصيحة من شخص لم يجد ما يقوله لأنه لا يفهم في السيارات لكنه يود أن يظهر وكأنه يفهم في الألوان، فيردد مقولة استمع إليها في طفولته وترسخت في وجدانه وهي أن «الألوان الميتاليك بتحرر، أو أن الدهانات الميتاليك بها مادة «لا يعرف اسمها طبعاً» وهذه المادة تمتص أشعة الشمس بقوة.

4- بلاش تشتري في أول الصيف... وبلاش تشتري بعد الصيف... وهذه نصيحة للشخص الذي يفكر في شراء سيارة مستعملة، والنصيحة بعدم الشراء قبل الصيف سببها ارتفاع أسعار السيارات في هذه الفترة مع بدء الإجازات ورجوع المصريين من الخليج وارتفاع نسبة السفر للمصايف، هذا الرواج يرفع أسعار السيارات وبناء عليه تستمع إلي نصيحة استني لما الصيف يخلص.

وتستمع في الوقت نفسه إلي نصيحة مضادة وهي «بلاش تشتري بعد الصيف» والسبب هو ارتفاع نسبة الحوادث في الصيف وأن «أغلب الناس بتتقلب بيهم العربيات وهما راجعين من المصيف» وبعد هذه الحوادث يقوم الناس باصلاح السيارات «أي كلام» وإعادة بيعها، لذلك ينصح بعدم شراء سيارة بعد الصيف لأنها غالباً ما تكون «مخبوطة ومرشوشة»، هذا بخلاف أن شهور الصيف تهلك السيارة!

وملخص النصيحتين السابقتين نصيحة ثالثة وهي أن أنسب ميعاد لشراء سيارة في مصر هو «ليلة رأس السنة ».

5- لازم ترفعها في البنزينة... وهي نصيحة بديهية يتم تقديمها لك إذا فكرت في شراء سيارة مستعملة، وسيقدمها لك الجميع بداية من البواب مروراً بزميلك في العمل نهاية بصاحب السيارة التي ستشتريها منه «خدها بنفسك وارفعها في أي بنزينة»، وسيتم رفع السيارة أمامك وأنت تقف كفرس النهر لا تفهم شيئاً، أما الشخص الذي قام برفعها فهو مجرد عامل في محطة البنزين «مش دكتور عربيات يعني» ولن يقدم لك معلومة مفيدة أكثر من أن السيارة سليمة «بس هيا عايزة شوية شغل»، لتعود إلي صاحب السيارة الأصلي وتعيد عليه ما قاله لك العامل دون أن تغير هذه الرحلة «بكل ما فيها من رفع» شيئاً في الصفقة.

6- ما ترفعهاش في التوكيل... نصيحة إضافية يقدمها لك صاحب النصيحة السابقة وإذا سألته عن السبب سيقول لك بدون تردد« أصل التوكيل حرامية ».

7- لازم تسوقها... نصيحة يشدد عليها قائلها وينبهك إلي أهمية أن تقود السيارة التي ستشتريها بنفسك لتعرف عنها كل شيء، إذا افترضنا صحة ما يقوله وإن تجربة السيارة ستجعلني أعرف عنها كل شيء فهذا يعني أن السيارة التي أفكر في شرائها لابد أن أظل أجربها لمدة لا تقل عن ستة أشهر «وبرده مش هاعرف عنها كل شيء... إذا كانت الناس بتتخطب بالسنتين والتلاتة علشان يعرفوا بعض... أنا هاعرف العربية كويس لما أجربها نص ساعة ؟!».

الشيء الوحيد الذي يمكن أن تجربه في النصف ساعة المتاحة أمامك هي أن تجرب «هل بتعرف تسوق ولا لأ ».

8- أهم حاجة أن الـresale بتاع العربية يكون كويس، والـ resale هو إعادة بيع السيارة، وينصحك الأصدقاء بأهمية أن تشتري سيارة تستطيع أن تبيعها بعد قليل «علي أساس إنك بتغير عربية كل أسبوعين ».

ونظرية الـresale الهدف منها أن تحقق أكبر مكسب ممكن عند إعادة بيع سيارتك «يعني تجيب عربية وتستعملها وتحرقها مشاوير وتستمتع بيها ولما تبيعها تكسب كمان» وهي فكرة إن صحت يصح معها إلغاء فكرة نفقة المتعة.

9- روح سوق الجمعة أو هات الوسيط أو شوف ملحق السيارات بتاع الأهرام... وهي أضعف نصيحة يقدمها لك شخص تخبره بأنك تفكر في شراء سيارة، وهي نصيحة يمكن الرد عليها بجملة واحدة «كانت تايهة عني فين الفكرة دي ؟!».

10- قائمة ال «بلاش» الثانية... وتضم «بلاش الكابروليه» علشان مش من عاداتنا، و«بلاش الأتوماتيك» علشان بيسخن العربية، و«بلاش المانيوال» علشان البلد بقت زحمة وبنمشي بالبطيء والدبرياش هيدمرلك مفصل الفخد، و«بلاش عربية واطية» علشان أي غطا بلاعة هيدمرلك «كرونة الزيت»، و«بلاش الألوان الفاتحة» علشان بتلم تراب، و«بلاش الألوان الغامقة» علشان الشمس عندنا بتخليها تبهت، و«بلاش تشتري من المعارض» علشان الأقساط عليها فوايد جامدة، و«بلاش تشتري من التوكيل» علشان حرامية، و«بلاش تشتري مستعمل» علشان المستعمل هيتعبك، و«بلاش تشتري زيرو» علشان البلد عندنا ما ينفعش فيها غير المستعمل.

واسف على الاطاله

لما بلاقي المشاركة كبيرة كده وفيها رغي كتير ببص فيها من النص واقرالي فيها كلمتين
مشاركتك أجبرتني إني اقراها كلها
وفييت , تسلم إيدك

[حماده المصري]

العربيات الصيني ممكن تلاقي اداء كويس ويعجبك وكان ليا تجربة مع اسبيرانزا m11 وفضلت ماشي بيها على 180 لمسافة كبيرة وأداءها كان ممتاز لعربية بالسعر ده
لكن مسألتش نفسك ليه هي رخيصة للدرجة دي ؟؟ الاجابة بسيطة وهي الامان واكيد مش يقصد بالامان الـabs والحوارات دي لان دي عوامل بتساعد على تقليل الحوادث مش منعها ،هنا بتكلم على حاجة بتوفر تكلفة رهيبة على المصنع تخليها تبيعها رخيصة زي تكوين سبيكة المعادن بتاعت الشاسيه
وأكيد معظمنا شاف اختبار الامان بتاع البريليانس جالينا اللي كان أداءها رائع بموتور ميتسوبيشي وفراملها وعفشتها ممتازين وفيها abs وايرباج لكن في الاختبار على سرعة قليلة كانت جايبة قوايم وشاسيه !!
يبقى الصينيين بيلعبو على انهم يلعبو في حاجات مخفية مستحيل تكتشفها غير بعد فوات الاوان زي الخامات واعتقد ان لسة قدامها وقت علشان تتحسن ومش من الحكمة ان حد يغامر بحياته علشان عربية رخيصة وبتجري

والله العظيم 3

الاختبار ده كان اول اختبار للعربيه واعدل بعدها خلاااااص بقى مفيش بريليانس بتعمل كده

وده وضح في اختبار ال سبلندو وال اف ار في كمان

على فكره الفا روميو 156 شىي 147 اختبار الحوادث طلعت زي البرليانس بالضبط

ولو شوفت صني ولانسر وعربيات كتير قديمه زي كده برضو

[SAMEH_FOUAD]

واضح ان حضرتك ماجربتوش خالص :m_yes[1]:

لما انا بقارن الالمانى دلوقتى فى الموضوع اللى انا كاتبة بقارن بين فئة ال1600 سى سى

يعنى سكودا , بى ام 316 , جيتا , باسات , جولف , اودى , اوبل

كل دول مواتيرهم 1600 سى سى بتخرج قوة حصانية لاتتعدى ال115 حصان واى عربية يابانى او كورى بتشد معاهم وتظبطهم كمان , لكن عشان تركب المانى صح يبقى انسى المواتير دية خالص وبتدى فكر من اول ال2000 سى سى او تركب 1600 تيربو

[Ruin Scud]

لما انا بقارن الالمانى دلوقتى فى الموضوع اللى انا كاتبة بقارن بين فئة ال1600 سى سى

يعنى سكودا , بى ام 316 , جيتا , باسات , جولف , اودى , اوبل

كل دول مواتيرهم 1600 سى سى بتخرج قوة حصانية لاتتعدى ال115 حصان واى عربية يابانى او كورى بتشد معاهم وتظبطهم كمان , لكن عشان تركب المانى صح يبقى انسى المواتير دية خالص وبتدى فكر من اول ال2000 سى سى او تركب 1600 تيربو

الموضوع مش موضوع شد وخلاص زي واحد يقولك اصلي شديت مع bmw النهارده وجيبته مش معناه ان ماتور ال bmw ضعيف وان الموتور التاني اقوى لو كده كانت اصحاب شركات الألماني راحو يبيعو لب وترمس.
تحياتي.

[SAMEH_FOUAD]

الموضوع مش موضوع شد وخلاص زي واحد يقولك اصلي شديت مع bmw النهارده وجيبته مش معناه ان ماتور ال bmw ضعيف وان الموتور التاني اقوى لو كده كانت اصحاب شركات الألماني راحو يبيعو لب وترمس.
تحياتي.

لية هو حضرتك لو دخلت على ال site بتاع bmw هل هتلاقى المحرك 1600 سى سى ؟

اكيد لأ طبعا لانة من البديهى ماينفعش يركب على عربية وزنها 1400 كجم

[hugan]

تحيه خاصه جدا جدا
للا ستاذ سمسم
منسق قسم الهوندا
حياديه وكلام بمنطق
لكن في ناس بتتكلم من علي السمع او واحد صاحبه قال له كلمتين
وان كنت متاكد انه ولا جرب عربيه صيني او حتي 28

[Ruin Scud]

لية هو حضرتك لو دخلت على ال site بتاع bmw هل هتلاقى المحرك 1600 سى سى ؟

اكيد لأ طبعا لانة من البديهى ماينفعش يركب على عربية وزنها 1400 كجم

وايه علاقة السايت انو مافهوش سي سي من الفئات الصغيره بضعف الموتور ؟ ياريت توضح النقطه!
انت بتحكم على قوة الموتور بالشد فقط بمدأ مين اللي يسبق وأهملت أقصى عزم عن كام rpm يعني ممكن يسبقه في الأول لكن بعد كده ماظنش + صعب قوي تلاقي موتور الماني ولو كان سعته صغيره مفوت او مدخن من الشكمان لاكن بتلاقيها في عربيات كتيير تانيه حديثه موديلات 3 او 4 سنين فاتو.
الموضوع مش جري وخلاص ممكن وسهل جدا اي عربيه انها تجيب 160 واكتر وتفضل ماشيه عادي المهم في بعد كده.

[Ruin Scud]

تحيه خاصه جدا جدا
للا ستاذ سمسم
منسق قسم الهوندا
حياديه وكلام بمنطق
لكن في ناس بتتكلم من علي السمع او واحد صاحبه قال له كلمتين
وان كنت متاكد انه ولا جرب عربيه صيني او حتي 28

مش فاهم يعني ليه دايما لما الواحد يجي يقول حقيقه محتمه جربها وشافها وعاشها نشكك في كلامه بدل مانكون حيادين ونعترف باللي بيقولوه مش معنى اني امتلك عربيه يبقى اني اقول المزايا والعيوب لأ.
العربيه الأسبرانزا 516 انا من بداية شراها كنت معاه + كل مشاوير التوكيل بالكامل كنت معاه فيها غير اني نصحته كتيير وللأسف كان فرحان بالأوبشن اللي فيها وااي معظمها كان فاشل.
العربيه مشاكلها كانت كتيير من اول العفشه و التكييف اللي ماشتغلشي في عمر العربيه غير 4 مرات او اكتر وكنا لازم نشحنه كل فتره حتى بعد تغيير الكمبروسر في التوكيل واللي في الاخر طلع ان السربنتيه بالمواسير مملحه وفيها تنفيس و الفتييس اللي الحارات بتاعته واسعه جدا ومبوش يعني وانت واخد غيار تحركه يمين وشمال عادي يجي معاك و وحدة الإغلاق كانت بتعلق في الأزاز الخلفي ومابتقفلشي وطبعا التوكيل ماعرفشي يحل المشكله ده غير ان المياه بتاعت الرادياتيير كان عليها صدأ بعد العربيه ماجبناها زيرو ب 3 شهور وغيرو المياه الخاصه بالتبريد على حساب العميل + اوقات كان الدركسيون بيتقل بصوره غريبه وخصوصا لو العربيه في مكان زحمه والعربيه ماشيه بطيء وتتطلع وتوقف.
يعني الأوبشن الأساسي اللي في العربيه تكييف وباور كانو فاشلين يعني اسماء حاطينها عشان يجزب الزبون.
اسأل على العربيه من واحد امتلكها وباعها حايقول التفاصيل الممله اللي فيها مش واحد يمتلكها لأنو اكيد هايقولك دي احسن من المرسيدس والعبيط اللي بيدفع نص مليون في مرسيدس مايشتريش اسبرانزا ليه.
ده غيير موضوع الفرامل اللي جاب اجلها يعني من الاخر كل الحكايه كانت منظر من الداخل وخامات تميل للجيده في الصالون ده بغض النظر عن طارة الدركسيون البلاستيك السيئة المنظر والكلاكس عشان تدوسه لازم تسمع صوت اللاستيك بتاع الطاره بيحك يكفي ان احنا كنا بنبحث عن بدائل لقطع الغيار الماني وده يدل على فشل المكونات اللي العربيه نازله فيها المفروض لما اجيب قطعة غيار اجيب الفابريكه زي اللي في العربيه مش اقعد ادور على الماني وياباني كان من الأول بقد فلوسي اجيب مستعمل واريح دماغي.

[SAMEH_FOUAD]

وايه علاقة السايت انو مافهوش سي سي من الفئات الصغيره بضعف الموتور ؟ ياريت توضح النقطه!
انت بتحكم على قوة الموتور بالشد فقط بمدأ مين اللي يسبق وأهملت أقصى عزم عن كام rpm يعني ممكن يسبقه في الأول لكن بعد كده ماظنش + صعب قوي تلاقي موتور الماني ولو كان سعته صغيره مفوت او مدخن من الشكمان لاكن بتلاقيها في عربيات كتيير تانيه حديثه موديلات 3 او 4 سنين فاتو.
الموضوع مش جري وخلاص ممكن وسهل جدا اي عربيه انها تجيب 160 واكتر وتفضل ماشيه عادي المهم في بعد كده.

بقول لحضرتك اية العربية لازم يكون عزمها اعلى عشان وزنها اكتر , وعموما الالمانى عزمة مش زيادة اوى ولا حاجة يعنى البى ام 316 عزمها تقريبا 15.9 وكمان هورس باور قليل والتسارع بتاعها بردة ضعيف 10.6 ثانية من صفر الى 100 مقابل ان اى عربية تانية فى فئتها قوة محركها 125 حصان عزم مابيقلش عن 15.5 تسارع من صفر الى 100 فى 10 ثوانى , بالنسبة بقى لبعد ال100 فصدقنى محركات الالمانى ال1600 العادى مابتسدش

بالنسبة لموضوع التفويت , انا شوفت sclass 2005 ماتورها مخرج كمية دخان ازرق كتير جدا وكام عربية بى ام بس موديلات التسعينات
ومن المعروف طبعا ان الالمانى وان ماكنش كلة محركاتة عمرها طويل ودة يرجع بسبب قلة عدد لفات المحرك يعنى الماتور ممكن يكون اقصى عدد لفات لية 6000 لفة ويكون جايب 180 عند 4000 الاف لفة عشان كدة مواتيرهم معمرة لانها مش سريعة فى الطلعات وبتعتمد اكتر على السرعة مابعد ال100 , لكن بالنسبة لليابانى مواتيرة حامية اقصى عدد لفات بيوصل ل7000 و8000 لفة وطبعا بيديلة تسارع رهيب + تجميع سريع حتى بعد ال100 بس فى نفس الوقت العمر الافتراضى مابيبقاش زى الالمانى لو كان استخدامك قرص وفرك كتير , غير كدة صدقنى هيبقى معمر جدا

بالنسبة لعلاقة الsite عايز اقولك ان المواتير1600 لا يمكن يفكروا يوم من الايام انهم ينزلوها فى عربياتهم لانها مش هتسد خالص واصلا المحرك نفسة ضعيف على وزن العربية فامينفعش تكون عربية بتحمل اسم شركة عريقة واى عربية تخيطها بربع تمنها

وعلى فكرة الموضوع مش موضع جرى ولا سباق , لأ معنى كلمة معاك محرك قوى بتمثل الاتى :
1- عزم قوى فى المطالع

2- تسارع بهدوء وبدون الضغط على المحرك

3- يقدر يستحمل وميتأثرش لما العربية تكون fully loaded سواء بقى باشخاص او اشياء

4- لما تشغل التكييف ماتلاقيش العربية اتكتفت وانت راكب لوحدك وتموت وانت معاك حد

5- لما حد يحب يرخم عليك او يضايقك بضغطة واحدة ممكن تعرفة مقامة وساعتها بتحس بقوة العربية اللى تحت ايدك غير لما تحس ان العربية اللى معاك ضعيفة ساعتها هتحاف حتى تجرى مع سيات

[AutoTycoon]

Byd شركة كبيرة في مجال السيارات و حالياً مشتركة في شركات اوروبية عملاقة زي vw في تطوير بطاريات السيارات يعني شركة مبتهزرش ... و العربية دي فعلاً احسن صيني قعدت فيه