مميز ولا عادي ؟؟؟

[mohamed hatem]

هل تحب عربيتك تبقى
- مميزه ومعروفه ؟
- ولا عاديه زيها زي اي عربية؟

طبعا انا ما بتكلمش على نظافة المظهر وبس ... انا بتكلم عن تغيير الشكل .... جنوط - فوجات - تفييم - تنفيخ -ألخ

هل التمييز ده كويس .... يعني انك تبقى معروف في منطقتك و المناطق المحيطة .... ولا انك تعيش حياة مجهولة .... محدش يعرف انت رحت فين ومع مين :-)


انا عن نفسي بحب اركب عربية محدش يكون راكب زيها ... طبعا المعنى ده يمشي مع الفيراري او البورش اكتر .... بس مع الامكانيات الشخصية اققصد ان محدش يبقى راكب عربية شبه عربيتي .... زي لما تلاقي واحد لابس نفس قميصك بالظبط :-(

[AhmedGen2]

مميزة طبعا ً ..

[mahamedaraby]

طبعا مميزه

التميز ده صفه بشريه

[furp]

السلام عليكم

بصراحه ياباشا انا شايف الموضوع بيرجع للامكانيات اذا كان
الشخص عنده حب التجديد والتطوير والتميز

وحاليا وفي ضوء التغيرات الماديه الي بتحصل مع كل واحد فينا

والتاثيرات السلبيه نتيجه زيادة الضغوط الماديه اعتقد هيكون في حاجات
تانيه اهم كتير من ان الواحد يقعد يظبط ويحط كماليات وغيره

والله اعلي واعلم

[sab3aawy]

‘ن نفسى بفضل السيارات الغير لافتة للنظر

يعنى ممكن تكون السيارة من نوعية جيدة وتمنها معقول ، لكن مش بحب اضيف اى حاجة للسيارة تجعلها لافتة للنظر، وده لسبب هام جدا

انا السفر جزء من شغلى ومن حياتى، وتعلمت دائما ان السيارة العادية الىت يقولدها واحد شكله غير لافت، لا تشد انتباه شرطة الكمائن ولا يطالبك احد كهنة الكمين بأى شئ، كما انها لا تستفز من يمرون بجوارك فى الطريق فيفكر الرزلاء منهم فى استفزازك، وكذلك لا تستفز من تضطر للتعامل معاه بالبيع او الشراء فى وجود السيارة مثل عمال محطات البنزين وهكذا فيحاولوان الطلوع بأى سبوبة من هذا الواد الروش صاحب السيارة الروشة،كما ان بعض التمميزات يكون لها اثار ادائية سيئة، فالجنوط تؤثر بشكل سلبى الى حد ما على العفشة والسبويلرات تكون دائما عرضة للكسر اذا ما قام طفل احمق بالجلوس على الشنطة او قامت ام حمقاء بتغيير البامبز لطفلها على شنطة السيارة، وعتب الإكصدامات دائما عرضة للكسر فى اى مطب وهكذا مما يقلل من عملية السيارة وبالتالى فالسيارة الغير ملفتة هى سيارة عمليه، ونظرا لأننى تخطيت المرحلة السنية التى اهتم بالحصول فيها على تعليقات وتقديرات عن ما اضفته لسيارتى، فبالتالى انا لا اخسر شيئا بعدم تميز سيارتى ، فى مقابل ما اكسبه من عدم تميزها

[blackeagle]

‘ن نفسى بفضل السيارات الغير لافتة للنظر

يعنى ممكن تكون السيارة من نوعية جيدة وتمنها معقول ، لكن مش بحب اضيف اى حاجة للسيارة تجعلها لافتة للنظر، وده لسبب هام جدا

انا السفر جزء من شغلى ومن حياتى، وتعلمت دائما ان السيارة العادية الىت يقولدها واحد شكله غير لافت، لا تشد انتباه شرطة الكمائن ولا يطالبك احد كهنة الكمين بأى شئ، كما انها لا تستفز من يمرون بجوارك فى الطريق فيفكر الرزلاء منهم فى استفزازك، وكذلك لا تستفز من تضطر للتعامل معاه بالبيع او الشراء فى وجود السيارة مثل عمال محطات البنزين وهكذا فيحاولوان الطلوع بأى سبوبة من هذا الواد الروش صاحب السيارة الروشة،كما ان بعض التمميزات يكون لها اثار ادائية سيئة، فالجنوط تؤثر بشكل سلبى الى حد ما على العفشة والسبويلرات تكون دائما عرضة للكسر اذا ما قام طفل احمق بالجلوس على الشنطة او قامت ام حمقاء بتغيير البامبز لطفلها على شنطة السيارة، وعتب الإكصدامات دائما عرضة للكسر فى اى مطب وهكذا مما يقلل من عملية السيارة وبالتالى فالسيارة الغير ملفتة هى سيارة عمليه، ونظرا لأننى تخطيت المرحلة السنية التى اهتم بالحصول فيها على تعليقات وتقديرات عن ما اضفته لسيارتى، فبالتالى انا لا اخسر شيئا بعدم تميز سيارتى ، فى مقابل ما اكسبه من عدم تميزها

كلام سليم مليون في المية

[mohamed hatem]

منطقي فعلا يا استاذ سبعاوي .... دايما بتضيف .... الله ينور عليك

[Moh.Abdelbaset]

عن نفسى بحب العربية المميزة بس من غير تعديلات
يعنى بحب العربية المميزة بطبيعنتها زى اماركات مثل الانفينتى والجى ام سى والفولفو وغيرهم
وانا متفق مع الاستاذ سبعاوى جدا لان بحس ان الناس بقوا استغلالين شوية

[fahd_628]

مميزة بس مش تنفيخ و الكلام دة

ممكن بس فوجات و جنوط 17 و كاسيت و سماعات كويسين و سبويلر بسيط و بس كدة !

[tmz9111]

عن نفسى بحب العربية المميزة بس من غير تعديلات
يعنى بحب العربية المميزة بطبيعنتها زى اماركات مثل الانفينتى والجى ام سى والفولفو وغيرهم
وانا متفق مع الاستاذ سبعاوى جدا لان بحس ان الناس بقوا استغلالين شوية

كلام سليم

[Noha.M]

انا بحب عربيتي تبقي بسيطة جدااا من غير لعب كتير فيها و بس ممكن اعمل تعديلات بس بسيطة اوى و مش باينة اوى لكن العربية اللى بيتشقلب حالها و مايبقاش باين حتى ماركتها لا مبحبش كدة!

[crazylambada]

مميزة بس مش تنفيخ و الكلام دة

ممكن بس فوجات و جنوط 17 و كاسيت و سماعات كويسين و سبويلر بسيط و بس كدة !

و انا معاك في رايك ده

[hazem_khidr]

انا بميز عربيتي بس بحاجات بسيطه
تخليها لما تعدي من قدام اي حد يعرف ان دي عربيه حازم
ال 132 مثلا
كان لونها سماوي و درجته تحفه
و كنت حاطط نمره صفرا مكان النمره الخلفيه و نمره المرور معلقها علي الاكصدام
و من الامام كنت حاطط فانوسين شبوره علي الاكصدام من فوق جنب الفوانيس الاصليه .
لفوانيس الاصليه كنت جايب طقم ماريللي اصلي لونه اصفر
و من الجنب كنت حاطط خط احمر رفيع بطول العربيه :)
ال 505
كان لونها سمني
كنت برضه حاطط نمر سوده و اربع فوانيس شبوره فيالاكصدام و فيميه خفيف جدا.
السويفت
لما رشيتها فتحت لونها درجه و ستيكرات بسيطه جدا بس برضه مميزه بالنسبه لاي حد يشوفها من بعيد.
الياريس بقي لسه ما عملتش فيها حاجه
بس بقت مميزه برضه بالخبطه اللي في الاكصدام الامامي:).
و المشترك فيهم كلهم اني بجيب نمر مميزه لاي عربيه بركبها
8338 .10800.72666.72572.

[vooooo]

التميز مش انك تركب فوجات ولا جنوط ولا حتى تنفيخ

اى عربيه ممكن نعمل فيها كده

لكن التميز بفئه معينه من السيارات زى ال bmw و المرسيدس و الفولفو طبعآ

قليل اللى بيركبها و قليل جدآ اللى بيجيبها زيرو و بتبقى مميزه منغير ماتغير فيها حاجه

[hamedo0]

تميز العربيه مش بكماليات انا احب شكل العربيه عدى والموتور هو المش عادى