مميز ولا عادي ؟؟؟

[Ahmed Samy]

انا عربيتي بحبها مميزة
و من غير ما حط حاجات كتير
التميز جاى من
1 - رقمي المميز اللي باخده في كل عربية
2 - صورة لوجه صديقي الفضائي Alien كنت صممتها و أنا في اعدادي أسنان و عندي منها عشر نسخ
استهلكت منهم 3 على العربيات اللي ركبتها (و مازالوا عليهم حتى الآن شهود على العصر) :)
و لسة 7 :D ربنا يدينا و يديكوا طول العمر:D:D:D

[Karim_Monir]

طبعا بحب اركب عربيتي بتميز بس بحاجتين
اولا بحاجاتاكون بستفيد منها فعلا
يعني جنط يدني ثبات واداء ومايذيش العربية
فرش مميز ومحترم ويريحني
كاسيت مثلا استفيد بيه وdvd اريح بيه دماغي من قرف ولادي
زينون اريح بيه عينيا
ستاير سوداء ورا عشان فاعلية التكييف ومحدش يشوف زوجتي وهيا قاعدة براحتها ورا
كدة يعني مش اكتر
بس ماحبش الاستفزاز يعني استيكرات ونواكل وحاجات تخلي حد يعرف ان دي عربيتي منعا للبرشطة

[TAG_Turbo0]

جنط محترم
عدة صوت تمام


أكتر من كده ممبجبش

[shahinbasha]

مميزة بس مش تنفيخ و الكلام دة

ممكن بس فوجات و جنوط 17 و كاسيت و سماعات كويسين و سبويلر بسيط و بس كدة !

بالظبط كدة

[hero]

والله يا جماعه ....انا افضل العمل بالآتي:
عن سعد بن أبي وقاص -رضي الله عنه- قال: سمعت رسول الله -صلى الله عليه وعلى آله وسلم- يقول: إن الله يحب العبد التقي الغني الخفي أخرجه مسلم .

قد جاء في حديث معاذ -رضي الله عنه- عند ابن ماجه حديث لا بأس به أنه أخبر إن خير عباد الله الذين إذا غابوا لم يفتقدوا، وإذا حضروا لم يفطن لهم -أو قال لم يسأل عنهم- يخرجون من كل غبراء مظلمة .



أخبرنا سويد بن نصر أخبرنا عبد الله بن المبارك عن يحيى بن أيوب عن عبيد الله بن زحر عن علي بن يزيد عن القاسم أبي عبد الرحمن عن أبي أمامة
عن النبي صلى الله عليه وسلم قال إن أغبط أوليائي عندي لمؤمن خفيف الحاذ ذو حظ من الصلاة أحسن عبادة ربه وأطاعه في السر وكان غامضا في الناس لا يشار إليه بالأصابع وكان رزقه كفافا فصبر على ذلك ثم نقر بيده فقال عجلت منيته قلت بواكيه قل تراثه

روي عن أنس بن مالك عن النبي صلى الله عليه وسلم أنه قال بحسب امرئ من الشر أن يشار إليه بالأصابع في دين أو دنيا إلا من عصمه الله


وبناءا علية:
انا لو طولت اركب عربية مختفية .....يبقي كويس قوي...المهم اني اوصل المكان ايلي انا عايزة وانا مرتاااااح فقط لا غير...

[mohamed hatem]

عليه افضل الصلاة و السلام ..... ما فيش بعده كلام ...
بس متنساش ان ايام الرسول (ص) ... كان في تفاخر برده بالفرس واشكالها وجمالها

[Xpert]

عاديه في المظهر ... مميزه في الاداء ...

[medohai510]

عن نفسي بحب العربية ذي ما المصنع نزلها لكنها تكون متلمعة دائما والعملية دة تعباني قوي علشان أنا عربيتي لونها أبيض يعني الذبانة بتعلم فيها لكن في الصالون أحب الكاسيا الجامد والسماعات النظيفة والفواحة الرائعة (الشجرة المعلقة في المرايا برائحة جوز الهند والفانيليا).
وأكره التنفبخ والكساحات والتفييم واللذي منه..........

[eng_mkhalaf]

مميزة طبعا بس على خفيف

[M_HaFeZ]

عاديه في المظهر ... مميزه في الاداء ...

100 100 يابيشو
اهو ده منطق الراجل الالمانى :D

[mody_halawa]

مميزة طبعا

[محمد ابراهيم 1]

على حسب
يعنى أحبها مميزه مع المميزين
وأحبها عاديه مع العاديين
ومعنديش مع اللى معندهومش
يعنى بإختصار
لا أحب أحس إنى أقل من حد
ولا أحب أحس إنى أحسن من حد

[M.Osman]

انا بحب دائما حاجتى تكون مميزة ... طبعا فى حدود الإمكانيات المادية و بما إنى لسة طالب و مش

عارف اجيب عربية بفلوسى فطبعا انا راضي تماما عن عربيتى الحالية اللى الوالد جابها لى ..
و بالمناسبة انا لا احب التعديلات الخارجية الفظيعة اللى بتتعمل فى العربيات ..

فى المستقبل القريب إن شاء الله احوال اشترى عربية مميزة من Vw او Bmw ...

تحياتى :)

[sh23]

عادية طبعاً ؛ زي ما نزلت من المصنع بشرط فول أوبشن
مظهر عادي بسيط من الخارج & مريح من الدخل بدون بهرجة

[AhmedSarhan]

مميزة طبعا....ليا مش للناس

يعنى مش هضيف أكتر من اللى الأخوة الأفاضل قالوه

-جنط 17
-Sound System
-فوجات
-فوانيس معدلة
-فرش جلد محترم
-باركينج سنسور
-تفييم خفيف


ولما العربية تقدم شوية ممكن تعديلات بيرفورمانس