كفااااااااااااايه بقشيش للى بيمونوا

[SYD]

كمان محطة موبيل On the Run شارع مراد امام مجلس الدولة
ناس محترمين جدا جدا وبيديلك الباقي وانت شخصيا الي بتسيبله لكن هو مش بيطلب
نفس النظام في محطة موبيل الهرم بعد مسرح الزعيم

"يحسبهم الجاهل اغنياء من التعفف تعرفهم بسيماهم لا يسألون الناس الحافا" صدق الله العظيم

والله المستعان
،
،

[asemx1]

ياااااااااااااااجماعه فى فرق بين انى ادى بقشيش بايدى كدا ودا انا حاجه بعملها

انما الموضوع الى انا برغى فى ان الى تقوله ب 50 جنيه يحطلك ب 49 جنيه

تقوله لو سمحت كملها يتنح معاك داااااااااا اسمه سرقه

انا بحرض الناس على انها تدى ال نص جنيه فى ايديها مش تاخده من حق البنزين دا اسسسسسمه سرقه

مش زكا ولا اى حاجه انتا لو نفسيتك وحشه ومتضايق من كدا اتكلم وقول ماتخليهوش ياكل فلوس حرام

وانا عندى انى اجوع ولا اكل فلوس حرام

[mazagngi2010]

ياااااااااااااااجماعه فى فرق بين انى ادى بقشيش بايدى كدا ودا انا حاجه بعملها

انما الموضوع الى انا برغى فى ان الى تقوله ب 50 جنيه يحطلك ب 49 جنيه

تقوله لو سمحت كملها يتنح معاك داااااااااا اسمه سرقه

ان كان كده متفق معاك 100 %
عمرها ماكانت عافيه

[yyy]

بص حضرتك في ناس مستغلة
وفي ناس بجد مش بياخدوا مرتبات، ودة بالنسبالهم مرتبهم

حرام تقطع عيش حد لو انت مش عايز تدفع ماتدفعش بس بلاش تحرض الناس علي عدم الدفع

سيب الناس تاكل عيش

انت لو لفيت بعربيتك علي بنزين وخلاص هتقطع منك هتتمني تلاقي بنزينة وانشالله حتي ياخد جنيه قصاد كل جنيه

اعتبر النص جنيه الي بتدفعه دة كأنه جزيه او أتاوة او اعتبره صدقة او اعتبره مرتب او اعتبره اي حاجة فأي حاجة

والله المستعان
،
،

ماهو انت لو بتدفع بمزاجك ماشى انما دة بيخصم اللى عايزو ويديك الباقى دة غير السرقة ما بيصفروش العداد ويحسب اللى قبلك عليك

[Amr Axel]

مع احترامي لصاحب الموضوع بس كلام حضرتك غير صحيح
اولا البقشيش ده حاجة بتطلع منك ممكن تطلعه و ممكن لأ مفيش حد بياخدها غصب عنك و لا سرقة و لا الكلام ده ده بيبقي زي حاجة ذوقية و تقديرية منك عايز تطلع كتر خيرك و ربنا يجازيك و يجعله في ميزان حسناتك مش عايز حضرتك حر محدش هيغصبك

انا دايما باخد الباقي بالظبط و مفيش مرة واحد منهم وقفلي عشان اديله حاجة بل بالعكس بيدوا الفلوس و يمشوا عالطول و يجروا عشان يمونوا العربية اللي واقفة
و مرة كنت في وطنية و بحط 10 لتر زود بدون ما يقصد 2 لتر و شوية و مع ذلك حاسبني ع الــ10 لتر بس و مشي لكن ناديت عليه و حاسبته عليهم
اللي يستاهل فيهم انك متدوش اللي يقطع من الباقي انما طالما مقطعش خلاص

ثانيا مينفعش تخلط بين ارباح صاحب المحطة و البقشيش
البقشيش ده بيتوزع ع العاملين مع العلم ان عامل البنزينة مرتباتهم قليلة جدااا معتمدين ع البقشيش يعني مرتبتهم البقشيش

و الناس دول فعلا غلابة ع الاقل حضرتك معاكم تيوتا ياريس و هم بيحلموا يجيبوا حتي 128 و يعيشوا مستورين و يترحموا من وقفة البنزينة

معلش بس انا ضد موضوعك تماما لأنك كده تعتبر بتحرض ع قطع رزق ناس غلابة

كان من الافضل كنت نزلت موضوع عن السايس اللي بيوقفوا عن الباركينج و الركنات و بيبقي عايزها عافية دول انا مش بديهم اساسا الا نادر جداااا في حالات معينة يعني واحد فيهم ساعدني بجد اديله
مش شغل تعال تعال يا باشا و هوب ارشق في العربية اللي ورايا و اديله
دول اللي واخدينها فعلا بلطجية و عافية و المفروض محدش فعلا يديلهم حاجة دول المفروض يتلموا من الشوارع
دول اللي مكسبهم في الشهر بيعدي الــ 15 الف جنيه و يعملك فيها مسكين و حاله يصعب ع الكافر و هدوم مقطعة و يا باشا و سعادتك و لما ترفض قاع البراءة بنزل و قلة الادب تطلع

[asemx1]

مع احترامي لصاحب الموضوع بس كلام حضرتك غير صحيح
اولا البقشيش ده حاجة بتطلع منك ممكن تطلعه و ممكن لأ مفيش حد بياخدها غصب عنك و لا سرقة و لا الكلام ده ده بيبقي زي حاجة ذوقية و تقديرية منك عايز تطلع كتر خيرك و ربنا يجازيك و يجعله في ميزان حسناتك مش عايز حضرتك حر محدش هيغصبك

انا دايما باخد الباقي بالظبط و مفيش مرة واحد منهم وقفلي عشان اديله حاجة بل بالعكس بيدوا الفلوس و يمشوا عالطول و يجروا عشان يمونوا العربية اللي واقفة
و مرة كنت في وطنية و بحط 10 لتر زود بدون ما يقصد 2 لتر و شوية و مع ذلك حاسبني ع الــ10 لتر بس و مشي لكن ناديت عليه و حاسبته عليهم
اللي يستاهل فيهم انك متدوش اللي يقطع من الباقي انما طالما مقطعش خلاص

ثانيا مينفعش تخلط بين ارباح صاحب المحطة و البقشيش
البقشيش ده بيتوزع ع العاملين مع العلم ان عامل البنزينة مرتباتهم قليلة جدااا معتمدين ع البقشيش يعني مرتبتهم البقشيش

و الناس دول فعلا غلابة ع الاقل حضرتك معاكم تيوتا ياريس و هم بيحلموا يجيبوا حتي 128 و يعيشوا مستورين و يترحموا من وقفة البنزينة

معلش بس انا ضد موضوعك تماما لأنك كده تعتبر بتحرض ع قطع رزق ناس غلابة

كان من الافضل كنت نزلت موضوع عن السايس اللي بيوقفوا عن الباركينج و الركنات و بيبقي عايزها عافية دول انا مش بديهم اساسا الا نادر جداااا في حالات معينة يعني واحد فيهم ساعدني بجد اديله
مش شغل تعال تعال يا باشا و هوب ارشق في العربية اللي ورايا و اديله
دول اللي واخدينها فعلا بلطجية و عافية و المفروض محدش فعلا يديلهم حاجة دول المفروض يتلموا من الشوارع
دول اللي مكسبهم في الشهر بيعدي الــ 15 الف جنيه و يعملك فيها مسكين و حاله يصعب ع الكافر و هدوم مقطعة و يا باشا و سعادتك و لما ترفض قاع البراءة بنزل و قلة الادب تطلع

هههههههههه شكلك صاحب بنزينه اوى

وتانى حاجه انا الياريس دى بتاعت العيله ماعندناش غير عربيه واحده مش عربيتى يعنى فمتبصليش فى العربيه دى اساسا مش حيلتى وانا بتمنى انى اجيب 128 بمرتبى بصراحه زىى زيهم زى ما بتقول وبعدين انتا بتقول بنزينه الوطنيه اساسا مش بياخدوا تبس علشان عساكر انما روح موبل او التعاون او او او او كلهم ماشيين بالحوار دا

واحيانا بتوصل ل جنيه تبس يقوم شايل المسدس بترعه ويحطها فى الطرمبه علشان تصفر بسرعه اقوله ايه دا انا سمحتلك يقوم رادد عليا وخلاص يا باشا دا بالمبلغ الى انتا عايزه

بص انا مش هعمل الموضوع دا علشان ماتتضايقش اوى انا عامله بعد ما اتهنت كذا مره من الاشكال دى

وصدقنى سايس عربيه او عامل بنزين او او او او كل دول انتا براحتك تديلهم انا عايز بس الموضوع دا يقل علشان الطمع فعلا والمبالغ الرهيبه دى خلى التوحش فيهم يبان

اول ما ظهرت الحوار دا كان على استحياء ويستازن منك ويقولك امسحلك الازاز و و و و

دلوقتى ولا يعبر فى اهلك ويشيل المسدس ولا يسال فيك كانه واجب عليك

وبعدين انتا مش مجبر يا باشا تدفع او تقول صدقه امال انتا بتدفع الزكاه عن كل عيد وعن الفطر وعن السنه وعن المرتب وعن وعن وعن

[icehearted girl]

انا معنديش مشكلة ادفع بقشيش بس بمزاجي

ف محطات شل الناس بصراحة محترمة ويرجعلي الباقي كله وميفضلش واقف متنحلي
زي بقيت المحطات...او يجبلك الباقي كله فضة عشان تدفعله وغيرها ملحيل

لدرجة مرة فلتعاون كانوا بيخصموا اتنين جنيه ملباقي بلطجة...

[Amr Axel]

هههههههههه شكلك صاحب بنزينه اوى

وتانى حاجه انا الياريس دى بتاعت العيله ماعندناش غير عربيه واحده مش عربيتى يعنى فمتبصليش فى العربيه دى اساسا مش حيلتى وانا بتمنى انى اجيب 128 بمرتبى بصراحه زىى زيهم زى ما بتقول وبعدين انتا بتقول بنزينه الوطنيه اساسا مش بياخدوا تبس علشان عساكر انما روح موبل او التعاون او او او او كلهم ماشيين بالحوار دا

واحيانا بتوصل ل جنيه تبس يقوم شايل المسدس بترعه ويحطها فى الطرمبه علشان تصفر بسرعه اقوله ايه دا انا سمحتلك يقوم رادد عليا وخلاص يا باشا دا بالمبلغ الى انتا عايزه

بص انا مش هعمل الموضوع دا علشان ماتتضايقش اوى انا عامله بعد ما اتهنت كذا مره من الاشكال دى

وصدقنى سايس عربيه او عامل بنزين او او او او كل دول انتا براحتك تديلهم انا عايز بس الموضوع دا يقل علشان الطمع فعلا والمبالغ الرهيبه دى خلى التوحش فيهم يبان

اول ما ظهرت الحوار دا كان على استحياء ويستازن منك ويقولك امسحلك الازاز و و و و

دلوقتى ولا يعبر فى اهلك ويشيل المسدس ولا يسال فيك كانه واجب عليك

وبعدين انتا مش مجبر يا باشا تدفع او تقول صدقه امال انتا بتدفع الزكاه عن كل عيد وعن الفطر وعن السنه وعن المرتب وعن وعن وعن

هههههههه صاحب بنزينة مرة واحدة لا انا لسه ع ادي بدرس حقوق الحمد الله
و كمان العربية مش بتاعتك يا نهار الوان تزوير في اوراق مش رسمية شكلنا هنشتغل من دلوقتي هههههه انا ع فكرة قولت معاكم مش معاك :) هنبتدي لعب الالفاظ بقي من دلوقتي

و انا محددتش بنزينة بعينها يا ريس بس عامة انا مش بتعامل غير مع وطنية او موبيل او شيل
جايز انت حظك لوز بيوقعك مع ولاد الحلال كتيير هههههههههه
و صدقني سايس العربيات اللي في الباركينج و الركنات دول عايزين يتعلقوا من قفاهم

واخيرا الموضوع راجع ليك تديله او متدلوش :)
بس خليك في وطنية و موبيل و شيل بس

[saadelden]

انا معنديش مشكلة ادفع بقشيش بس بمزاجي

ف محطات شل الناس بصراحة محترمة ويرجعلي الباقي كله وميفضلش واقف متنحلي
زي بقيت المحطات...او يجبلك الباقي كله فضة عشان تدفعله وغيرها ملحيل

لدرجة مرة فلتعاون كانوا بيخصموا اتنين جنيه ملباقي بلطجة...

انا بقيت ادخل التعاون و بدفعلهم بالظبط مابديلوش زياده
كانو ف الاول ياخد جنيه دلوقتي بقو ياخدو 2 جنيه
استعباط طبعا و قله ادب

و اما تديله فلوسه بالظبط يقعد يبص فيهم و يقولك باقي جنيه
ف بقوله انا بدفع الي مكتوب ف المكنه بس و اسيبه و امشي

[هيثم المنياوى]

مع احترامى الشديد لصاحب الموضوع لوفى زيداده فى التنك ده أكيد مابتوصلش لعامل التموين
وكمان النبى عليه الصلاة والسلام قال"أدخل الله الجنة رجلاً سمحاً إذا باع سمحاً إذا أشترى)
أظن إن الجنيه مش هيفرق معانا ولاسيما انه بالفعل مابياخدش مرتبات والتيبس ده بيكون محسوب عليه
يعنى لو المفروض انه بياخد ألف جنيه هياخد500وباقى المبلغ تحت التيبس
تقبلوا مرورى وكل عام وأنتم بخير

[asemx1]

هههههههههههه يا جماعه الموضوع جه فيا كدا ههههههههههههه عندى نغز جامد اوى فى صدرى اليمين من ظهرى ومش قادر اخد نفسى ههههههههههه يا ريت الى مش موافق بس يكون نيته سليمه واهو كلها وجهات نظر يعنى والى شايف انه صح يطبق والى شايف انه غلط مايطبقش

والحمدلله الردود هنا والمعارضه والمؤيدين بصراحه قمه فى الزوق وكل سنه وانتم طيبين

[abumoh2000]

دنيا

[شريف]

تطلب يفول التانك للزور يكبر و يفول لغايه ميفصل اول مره
و اخر مره البيه كسرلي غطا التانك
و بندفع تبس في الاخر كمان

هو حد يعرف اجيب غطا تانك لانوس منين؟

[asemx1]

تطلب يفول التانك للزور يكبر و يفول لغايه ميفصل اول مره
و اخر مره البيه كسرلي غطا التانك
و بندفع تبس في الاخر كمان

هو حد يعرف اجيب غطا تانك لانوس منين؟

حصلتلى فى الانوس بتاعتى ودا السبب الى خلانى انا الى افتح التانك واركب الغطاء واقفله بنفسى

بص هيا بتباع عند بتوع قطع الغيار للانوس كانت تقريبا ب 60 جنيه بس بيبقى لونها اسود بس قمت فاكك المفصل فى الاسود ومركبه على الغطاء فى الملون

[شريف]

حصلتلى فى الانوس بتاعتى ودا السبب الى خلانى انا الى افتح التانك واركب الغطاء واقفله بنفسى

بص هيا بتباع عند بتوع قطع الغيار للانوس كانت تقريبا ب 60 جنيه بس بيبقى لونها اسود بس قمت فاكك المفصل فى الاسود ومركبه على الغطاء فى الملون

60 جنيه مره واحده - ربنا يعوض
انا فكرت ابعت شكوي في بنزينه امارات مصر علشان الحركه دي بس قلت ربنا يعوضني خير