Tweet
السلام عليكم ورحمة الله وبركاته
انا حبيت اعمل الموضوع ده من كتر اللى بشوفه على الطريق الدائري كل يوم لاني بفضل الله بقالى 5 سنين بطلع من التجمع الخامس وامسك الدائري لغاية منزل المنيب وارجع منه بعد الظهر حيث ان الشغل في الدقي .
قولت اقول للناس اللى اول مرة تستخدم الطريق ده على شوية حاجات لاني بشوف ناس بتتفاجأ بمفاجات غير سارة اطلاقا على الطريق ده .
اولا في مواعيد بيكون الطريق فيها كويس وفي مواعيد بيبقى زفت .
يعني من الساعة 7 صباحا لغاية الساعة 8.30 هاتمشي عادي بس ممكن شوية زحمة لكن متحركة بمتوسط سرعة 80 كيلو .
بعد 8.30 هايبقى في اكتر من مكان يوقفك واهمهم مخرج الاوتوستراد او المعادي وده بيعمل ازمة جامدة .
من الساعة 9.30 كده بيبدأ الطريق يفك لغاية الساعة 4.30 كده بيبدأ يتزحم تاني لكن بصورة ابشع نظرا لخروج الموظفين والشركات وناس والعمال والعيال وبحس ان كل الشعب ماشي على الطريق الدائري ..gif "Majd(4)")
ثانيا لما تخرج من التجمع الصبح او بعد الظهر هاتلاقي الطريق ظريف معاك وسالك لغاية قبل بنزينة وطنية اللى امام بنزينة امارت مصر الناحية التانية و قبل كارفور بشوية وهنا لازم تهدي السرعة من قبلها عشان ده مكان تجمع مواطنين لعبور الطريق او ركوب الميكروباص او بياعين التمر والسوبية . المهم ان في ناس كتير في الحتة دي ولازم تاخد بالك ان الطريق لو سالك هايقف فجاة ودي بتبقى مشكلة لو وراك نقل ولا حاجة .
بعد ماتعدي المأزق ده هاتمشي شوية كده وهاتفتكر ان الطريق فتح وهاتقوم حارق على الغيارات من كتر خنقتك وانت واقف . لكن لأ ... اوعي تتغر .
فجاة هاتلاقي الناس ضربت الانتظار تاني وتحاول تشوفلك حارة وتمشي ورا اخواتك عشان دي زحمة المخرج بتاع المعادي .
شوية كده وهاتلاقي نفسك خرجت من الزحمة دي والطريق قدامك فاااااااااضي . دوس يا معلم واجري شوية وافرح عشان بعد كده مفيش جري تاني .
قبل منزل مصر القديمة خدوا بالكوا يا جماعة عشان ده اكتر مكان بيتهرس في الناس اللى بتعدي الطريق . قبل المنزل بحوالى كيلو كده هاتلاقي في ناس كتير بتعدي الطريق جماعة واحيانا فرادا .
لازم تكون مركز كويس لغاية لما تنزل منزل المنيب وتلاقي اعصابك بدأت تهدى شوية مش لان شارع البحر الاعظم فاضي لا سمح الله ولا حاجة . بالعكس خالص .
بس انا بصراحة بقيت بتوتر من الطريق الدائري ده .
لو عملت الرحلة دي بعد الساعة 5 مساء يبقى انت كده عندك وقت فاضي وعايز تضيعه لانك هاتقف من عند بنزينة وطنية اللى قبل كارفور لغاااااااااااااية منزل المعادي . وبعدين تمشي شوية صغيريييييييييييييين وبعدين تقف الوقفة الكبيرة بقى بتاعة منزل المنيب .
انصحكم في الوقفتين دول تاخدوا الجنب اليمين لان هو اللى بيمشي اسرع ( مع ان المنزليين على اليمين اصلا بس برضه الجنب اليمين هو اللى بيمشي ) .
انصحكم بلاش تمشوا جنب السور اللى في منتصف الطريق لان فجاه بتلاقي ناس واقفة في نص الطريق يا عيني نفسها تعدي الشارع والتراب دخل في عنيهم وودانهم وبياخدوا قرار فجائي انهم ينهوا العذاب ده ويعدوا الشارع , والله بلاقي الحارة اللى جنب السور دي فجاة وقفت وكتير اوي بلاقي بالأربع والخمس عربيات لابسين في بعض بسبب ان مواطن كان بيعدي وواحد سايق عربيته حب يهدي عشان يعدي الناس يقوم الصف كله لابس في بعضه .
مهما يكون الطريق فاضي حاول ماتجريش وماتزودش عن 110 او 120 بالكتير لان الطريق مليان مطبات هوا ودي بتعوم العربية وبتفقدك السيطرة عليها .
بالنسبة للمطبات والحفر والنقر فهي الحمد لله لا توجد في الجزء اللى انا قولت عليه .
امممممممممممممممممممممممممممممم
اعتقد ان دي كل الحاجات اللى انا بحاول جاهدا اني اعملها وياريت لو حد برضه متعود انه بيمشي في مكان يوميا يقولنا على اهم الملاحظات لغاية لما نشوف اخرتها ايه مع بلدنا اللى شوية شوية هاتقف فيها العربيات خالص ونمشي بعجل كلنا .
يارب اكون قدرت افيدكم وربنا يسترها مع الجميع
انا حبيت اعمل الموضوع ده من كتر اللى بشوفه على الطريق الدائري كل يوم لاني بفضل الله بقالى 5 سنين بطلع من التجمع الخامس وامسك الدائري لغاية منزل المنيب وارجع منه بعد الظهر حيث ان الشغل في الدقي .
قولت اقول للناس اللى اول مرة تستخدم الطريق ده على شوية حاجات لاني بشوف ناس بتتفاجأ بمفاجات غير سارة اطلاقا على الطريق ده .
اولا في مواعيد بيكون الطريق فيها كويس وفي مواعيد بيبقى زفت .
يعني من الساعة 7 صباحا لغاية الساعة 8.30 هاتمشي عادي بس ممكن شوية زحمة لكن متحركة بمتوسط سرعة 80 كيلو .
بعد 8.30 هايبقى في اكتر من مكان يوقفك واهمهم مخرج الاوتوستراد او المعادي وده بيعمل ازمة جامدة .
من الساعة 9.30 كده بيبدأ الطريق يفك لغاية الساعة 4.30 كده بيبدأ يتزحم تاني لكن بصورة ابشع نظرا لخروج الموظفين والشركات وناس والعمال والعيال وبحس ان كل الشعب ماشي على الطريق الدائري .
ثانيا لما تخرج من التجمع الصبح او بعد الظهر هاتلاقي الطريق ظريف معاك وسالك لغاية قبل بنزينة وطنية اللى امام بنزينة امارت مصر الناحية التانية و قبل كارفور بشوية وهنا لازم تهدي السرعة من قبلها عشان ده مكان تجمع مواطنين لعبور الطريق او ركوب الميكروباص او بياعين التمر والسوبية . المهم ان في ناس كتير في الحتة دي ولازم تاخد بالك ان الطريق لو سالك هايقف فجاة ودي بتبقى مشكلة لو وراك نقل ولا حاجة .
بعد ماتعدي المأزق ده هاتمشي شوية كده وهاتفتكر ان الطريق فتح وهاتقوم حارق على الغيارات من كتر خنقتك وانت واقف . لكن لأ ... اوعي تتغر .
فجاة هاتلاقي الناس ضربت الانتظار تاني وتحاول تشوفلك حارة وتمشي ورا اخواتك عشان دي زحمة المخرج بتاع المعادي .
شوية كده وهاتلاقي نفسك خرجت من الزحمة دي والطريق قدامك فاااااااااضي . دوس يا معلم واجري شوية وافرح عشان بعد كده مفيش جري تاني .
قبل منزل مصر القديمة خدوا بالكوا يا جماعة عشان ده اكتر مكان بيتهرس في الناس اللى بتعدي الطريق . قبل المنزل بحوالى كيلو كده هاتلاقي في ناس كتير بتعدي الطريق جماعة واحيانا فرادا .
لازم تكون مركز كويس لغاية لما تنزل منزل المنيب وتلاقي اعصابك بدأت تهدى شوية مش لان شارع البحر الاعظم فاضي لا سمح الله ولا حاجة . بالعكس خالص .
بس انا بصراحة بقيت بتوتر من الطريق الدائري ده .
لو عملت الرحلة دي بعد الساعة 5 مساء يبقى انت كده عندك وقت فاضي وعايز تضيعه لانك هاتقف من عند بنزينة وطنية اللى قبل كارفور لغاااااااااااااية منزل المعادي . وبعدين تمشي شوية صغيريييييييييييييين وبعدين تقف الوقفة الكبيرة بقى بتاعة منزل المنيب .
انصحكم في الوقفتين دول تاخدوا الجنب اليمين لان هو اللى بيمشي اسرع ( مع ان المنزليين على اليمين اصلا بس برضه الجنب اليمين هو اللى بيمشي ) .
انصحكم بلاش تمشوا جنب السور اللى في منتصف الطريق لان فجاه بتلاقي ناس واقفة في نص الطريق يا عيني نفسها تعدي الشارع والتراب دخل في عنيهم وودانهم وبياخدوا قرار فجائي انهم ينهوا العذاب ده ويعدوا الشارع , والله بلاقي الحارة اللى جنب السور دي فجاة وقفت وكتير اوي بلاقي بالأربع والخمس عربيات لابسين في بعض بسبب ان مواطن كان بيعدي وواحد سايق عربيته حب يهدي عشان يعدي الناس يقوم الصف كله لابس في بعضه .
مهما يكون الطريق فاضي حاول ماتجريش وماتزودش عن 110 او 120 بالكتير لان الطريق مليان مطبات هوا ودي بتعوم العربية وبتفقدك السيطرة عليها .
بالنسبة للمطبات والحفر والنقر فهي الحمد لله لا توجد في الجزء اللى انا قولت عليه .
امممممممممممممممممممممممممممممم
اعتقد ان دي كل الحاجات اللى انا بحاول جاهدا اني اعملها وياريت لو حد برضه متعود انه بيمشي في مكان يوميا يقولنا على اهم الملاحظات لغاية لما نشوف اخرتها ايه مع بلدنا اللى شوية شوية هاتقف فيها العربيات خالص ونمشي بعجل كلنا .
يارب اكون قدرت افيدكم وربنا يسترها مع الجميع
Comment