الهيونداي .. البروتون ... البرودا ...... كيا .... الدايو او الشيفروليه

[فادى]

بصراحة الراجل بتاع توب جير ده عبارة عن مهرج لا أكثر.
و لا بيفهم أى حاجة.
من فترة كان برنامج عن الفيات 500, و كانت التجربة سباق بينه و بين اتنين راكبين عجل(هذا يتكرر كثيرا), المهم قعد يجرى وراهم و يطلعولو عالكبوت و فى الأخر اتزنق فى اشارة و سبقوه, أى هبل فى هبل عشان يضحك الناس عليه و خلاص, و يجيبلوا اعلانين و فل أوى كده.
حتى مجلة توب جير, موجهة أساسا بالاعلانات, مثلا, لاقيت مرة مقالة بتمدح و تهلل لسيارة هوندا 4*4, و قلبت الصفحة, كما توقعت اعلان بطول الصفحة عن سيارة هوندا.
و فى نفس العدد, مقالة عن البى ام فى فئة 1, و كان ينتقدها بشدة, و تعجبت عن كيف واتته الجرأه لانتقاد سيارة من بى ام فى, طبعا ان عرف السبب بطل العجب, قلبت المجلة من أولها لأخرها مفيهاش و لا اعلان عن البى ام فى.
مش عشان بيتكلم انجليزى و شعره أصفر يبقى بيفهم فى العربيات, ده مهرج عامل زى اللمبى كده و معلوماته عن العربيات مش أكتر من اللمبى برضو.

[memo_hefnawy]

يا جماعه بغض النظر عن إنهم بيكونوا متحيزين أحيانا لبعض الماركات لكن البرنامج يحسب له الآتى:

1- التمثيل إللى مش عاجب البعض ده - مش تمثيل ده توزيع أدوار لإضفاء حماس و تنافس يجذب المشاهد

2- إتهام البعض أن جيرمى لا يفقه فى السيارات شئ ده بالظبط إتهام مماثل لو قولنا إن بيل جيتس لا يفقه فى ال IT شئ - مش عشان جيرمى معجزة عصره مثلا بس لو جيرمى مش بيفهم حاجة فى العربيات و ذيه ذى اللمبى فعلى كده ولا واحد فينا بيفهم حاجة خالص فى العربيات
الراجل ده ركب عربيات و ساقها بنفسه و فصصها ولا أنا ولا إنت ولا واحد فى المنتدى كله ركب نفس العدد و الماركات دى ولا هايحصل لأن ده شغله و بقاله فيه سنين ........

لكن كون إنه بيلعب فى البرنامج و يهاجم ماركات و يتنقد ماركات ده نقدر نسميه هو السبب الأساسى لشعبيته الضخمه جدا على مستوى العالم

و الناس إللى بتقول إنه مش عاجبه البى إم الخامسة فنشوف بيقارنها بإيه الأول

أنا فاكر إنه مسك فى مره المرسيدس على ما أفتكر ال CLK خسف بيها الأرض فى مقارنه مع البورش بوكستر !!!!!!!!!!!!!!!!

فنشوف المقارنه بين إيه الأول


هو لما إتكلم عن الفيرنا قال هات فيستا أو جولف USED أحسن يعنى قال بديل !!!!

و لما كان بيقول Kia هو مش عبيط عشان يستهجا الكلمه و مش من صعوبتها لأ هو بيسخر من الإسم و أعتقد ده بيكون واضح لأى مشاهد واعى



ما لا يؤخذ كله لا يترك كله


هو ليه عيوب بس برنامج ناجح جدا حتى لو كان له آراء مش موضوعيه أحيانا مش دايما

[som3aa]

هو لما إتكلم عن الفيرنا قال هات فيستا أو جولف USED أحسن يعنى قال بديل !!!!

لأا لما يعد 10 دقايق يتريق على عربية لازم يجيب بديل و يقارنوا بيها و بنفس الفئة السعرية و يقارن الامكانيات و يورينا تسارعها مش يقول هات الفيستا و خلاص.
و بعدين

أعتقد ده بيكون واضح لأى مشاهد واعى

يعنى لما انت بتتريق طيب تقدر تقولنا ليه مجبش الفيستا و ورانا مميزتها؟؟
اقولك علشان هو شغلته اراجووز عايز يجيب العربيات و يتريق عليها مش جايبها علشان مثلا ينصح المستهلك ولا فعلا بيوضح وجهة نظر , فين الفيستا؟تمنها كام؟ نفس السعر؟نفس الفئة؟ كل دا مش مهم المهم التريقة على الفاضى

و لما كان بيقول Kia هو مش عبيط عشان يستهجا الكلمه و مش من صعوبتها لأ هو بيسخر من الإسم و أعتقد ده بيكون واضح لأى مشاهد واعى

يعنى شغال أراجووز علشان يضحكنا؟؟
ايه المشكلة فى الاسم؟ ريو ؟
بالعكس انا شايفه اسم حلو و اسم مشهور جدا يعنى مش كلمة افتكاسة زى توكسن.
يعنى لازم يبقى موضوعى مش يتريق على ارخص عربيات فى البلد و خلاص و يحاول يفتى فى اى حاجة قال ريو قال , مهو لو مش عارف يقراها يبقى اهبل و لو بيتريق يبقى اهبل اكتر لان مفيش حاجة مضحكة فى الاسم.

[mohamed hatem]

على فكرة انا مقلتش انه معندوش خبرة .... من حيث الخبره فهي موجوده ..... واكيد احسن من ناس كتير مجربه هنا معانا .... بس هو مبيفهمش ازاي يوظف الخبرة دي ... لانه بيقيس العربيات بمقياسه هو .... مش على المستوى العام ....
وخصوصا ان العربيات الللي بيجبها كلها عالية ... يعني لما يقول انها غاليه على امكانياتها ....ويقعد يشتم فيها لما يكرهك ... هو ده الاسلوب الغلط ... لان الناس اللي بتشتري العربيه الغاليه ... بتبص للتميز اكتر منها امكانيات ... الا الناس الفاهمه في العربيات و معاها فلوس ...
وهو مش مراعي كده .....

انا بتفرج على البرنامج وشوفت الموقع على النت ... هو فعلا مفيد .. بس للي يقدر يفلتر المسموع كويس وياخد اللي هو عايزه .. وميتأثرش برايه ...

نهاية القول .... هو مبيعجبوش اي عربية قوية مش مريحة ..... ده اللي لاحظته
مع انه معروف ان اي عربية قوية المتور .. لازم يبقى الصالون بتاعها فقير .. عشان يقدر يدي سعر مناسب ..

[Ahmed Anwer]

متفق مع رأي الأخوة ،،

ده ممثل فكاهي مش اكتر ،،

حاجة كده زي الكاميرا الخفية و برامج الطبيخ ،، تمثيل × تمثيل ،،

زي الست اللي بتدخل صينية الأكل في الفرن و تطلعها شكلها تحفة في نفس الوقت ،،

بس هوا عموما بيتريق علي كل العربيات

بالمناسبة تقييماته للعربيات اللي اختبرها مكتوبة في اللينك ده

http://driving.timesonline.co.uk/tol/life_and_style/driving/jeremy_clarkson/

[CryptonX]

بس تعليق بسيط علشان افهمكم الراجل بيفكر ازاي

you’d look at the Hyundai’s £9,400 price tag and almost certainly wonder why the Golf costs £3,000 more.

الهيونداي ساعتها الاكسنت بتبدا من 9400 جنيه استرليني يعني
الجولف بتبدا من 12400 يعني فرق 3000 جنيه استرليني . يعني 35 الف جنيه
الفوكس تمنها يبدا من 11000 جنيه استرليني يعني فرق 18 الف جنيه مصري

يعني فرضا لو الفرنا تمنها 60 الف جنيه مصري الجولف تمنها 95 الف جنيه مصري
و الفوكس يبقى تمنها 78 الف جنيه مصري .

هل هو ده الحاصل عندنا ؟؟؟ و فكركم لو الفوكاس و الجولف بالاثمان دي كان حد حيشتري هيونداي ؟؟ او اي سيارة اخرى ؟؟

هي دي مشكلتنا .. الراجل ده بيتكلم مثلا انك احسن تجيب جولف مستعملة عن هينونادي .. ليه ؟؟ علشان هناك السيارات المستعملة سنيتن فقط بتنزل لاكتر من 50% من تمنها ..
يعني الجولف الي ب 12 الف جنيه استرليني بتبقى ب 6 او اقل كمان !! وفابريكة !

فاليه الحكمة اني اجيب سيارة جديدة رخيصة بينما ممكن اجيب سيارة مستعملة نضيقة جدا واوروبي .

و لو بصيلتها كدة حتلافي معاك حق فعلا .. بس هل احنا سوقنا كدة ؟؟

يعني كللام الراجل مظبوط 100% بس ينطبق علي بلده ( الملكة المتحدة ) انما احن هنا لأ .

هل الجولف المستعملة 4 ببتاع ب 40 الف جنيه مصري ؟
هل الوفكس المستعملة ببتاع ب 35 الف جنيه مصري ؟

الجولف الجديدة بتبدا من 170 الف جنيه مصري و الفوكاس تقريبا من 120

يعني في فرق 50 الف جنيه بين الفوكاس و الفرنا ... يبفى اكيد الراجل كان حيغير راي تماما .


---

الراجل اختلفت او وافقت معاه .. صعب تاخد المقارنات دي حرفيا .. خصوصا ان معظم المحركات عندهم 1800 و اعلي و ديزل ...

يعني ده كان راكب سيبفك ال 1600 الجديدة اليبيقولوا عليها طلقة هنا ( هي و ال 1600 ال 307 و ال 407 ) و بيقولك العربية " بتحــــــارب " علشان تتحرك !! يبقى كلامه صح ؟

صح بالنسبة له علشان في محركات 1800 - 2000 - 2400 و تربو .. بس لو كان جرب نفس السيارة في بلدنا وسط كل ال 1600 و الاقل .. كان غير رأيه .

---

الحاجة الوحيدة التي تستفيدها من جيريمي وتقيماتي هي المشاكل الفنية ... او العيوب الي اكتشفها في سيارة .. انما ترشيح سيارة اخرى او الكلام في المستعمل .. مالوش اي لازمة نهائي و لا ينطبق عندنا .

و حتى المواصفات الفنية صعب تقارنها مباشرة علشان معظم المواصفات و الكماليات والعفشة و الموديلات مختلفة عندنا تماما .

-
ارجوا اني اكون افدتكم .

[PRO-DRIVE]

عارفين لو الراجل كان بيقول هيونداي اعظم شركه في التاريخ
و بي ام اللتي لم يصنع مثلها

كان زمانه محبوب الجماهير الاول في مصر

اللي بينتقد العربيات يبقي مهرج
و اللي بيمدحهم يبقي بيستفيد من الاعلانات

[CryptonX]

عارفين لو الراجل كان بيقول هيونداي اعظم شركه في التاريخ
و بي ام اللتي لم يصنع مثلها

كان زمانه محبوب الجماهير الاول في مصر

اللي بينتقد العربيات يبقي مهرج
و اللي بيمدحهم يبقي بيستفيد من الاعلانات

طب وايه الجديد يعني ... ماده حال الدنيا ..

Someone's Hero is Another man's Terrorist
بطل شخص ما هو ارهابي عند شخص اخر .

بالصراحة انا مش شايف اي لزمة للموضوع . غير الجدل و المشاكل ...

ومعلش الشعب المصري مبيهفمش .. بيشتروا هيونداي و هيونداي مبيعاتها في 35% من السوق علشان احنا مبنفهمش حاجة :)

[أبو عبدالله]

عارفين لو الراجل كان بيقول هيونداي اعظم شركه في التاريخ
و بي ام اللتي لم يصنع مثلها

كان زمانه محبوب الجماهير الاول في مصر

اللي بينتقد العربيات يبقي مهرج
و اللي بيمدحهم يبقي بيستفيد من الاعلانات

مش كده برضه انا بقول كده برضه

وعالعموم محدش يزعل نفسه الراجل ده اصلا اخره يركب كارو واحنا نروح نركب مكانه
وعلى فكره بقه مش بيعرف يسوق ومعهوش ررخصه اساسا
يعني كل الكلام ده باطل لعدم وجود اوراق رسميه
والبي بي سي اللي هيا تعتبر من اقيم القنوات من حيث البرامج الوثائقية والعلميه هتفشل علشان جابت الراجل ده مع انه من زمان ولكن هتفشل برضه

ولا حد يزعل نفسه

[فادى]

مش كده برضه انا بقول كده برضه

وعالعموم محدش يزعل نفسه الراجل ده اصلا اخره يركب كارو واحنا نروح نركب مكانه
وعلى فكره بقه مش بيعرف يسوق ومعهوش ررخصه اساسا
يعني كل الكلام ده باطل لعدم وجود اوراق رسميه
والبي بي سي اللي هيا تعتبر من اقيم القنوات من حيث البرامج الوثائقية والعلميه هتفشل علشان جابت الراجل ده مع انه من زمان ولكن هتفشل برضه

ولا حد يزعل نفسه

و كما توقعت, بدأت عقدة الخواجة تتجلى فى أبهى صورها.
سواء عقدة الخواجة الأبيض, أو الخواجة الأصفر, نفس العقدة تكرر نفسها حتى بدأت تنسحب على الخواجة الوردى مؤخرا(الهنود), و ربنا يستر منشوفش عقدة الخواجة ال(الأسود) يبقى نهارنا أسود لأننا كده هنبقى فعلا فى قاع الأمم!!
هو ده الى مودينا ورا, صدقونى لو كان جيريمى ده بيطلع فى دريم تى فى و لا ميلودى كان هيبقى و لا بيفهم فى حاجة, و بيتكلم على عربيات الناس و يشتم فيها و هو مش فاهم, لكن طبعا عشان هو انجليزى بيطلع فى البى بى سى, يبقى أكيد فاهم و دارس و مش مختارينه اعتباطا.
طب أنا عاوز أسأل سؤال, لما جم اختاروه كان ايه الاختبار بتاعه؟؟ سألوه عن معلوماته الميكانيكية و لا طلعوه يقول كام نكتة و خلاص؟!
عامل زى الممثلين بتوع المسرحيات الهابطة الى أجره بيزيد كل ما يقول افيه. مع انى متأكد انو أى ممثل مبتدىء دمه أكثر خفه منه.
و طول ماحنا ماسكين فى عقدة الخواجة دى بايدينا و سناننا مش هنتقدم أبدا, و الله أنا اتعاملت مع خواجات و لقيتهم أعبط و أغبى خلق الله.

[PRO-DRIVE]

علي فكره دي العربيات اللي جيرمي دمرها حتلاقوا من كل جنسيه

Cars destroyed: Porsche 911, Perodua Kelisa, Yugo 45, Hyundai Accent, Lada Riva, Maserati Biturbo, Chevrolet Corvette (C4), Alfa Romeo Arna, Morris Marina, Austin Allegro, Austin Montego, Nissan Sunny, Toyota Prius, Citroën 2CV, Austin Metro, Ford Scorpio, Triumph TR7, FSO Polonez, Toyota Carina, Buick Park Avenue

حتي عربيات انجليزيه من بلده :)

[CryptonX]

علي فكره دي العربيات اللي جيرمي دمرها حتلاقوا من كل جنسيه
حتي عربيات انجليزيه من بلده :)

مفيش سيارة FIAT و في Nissan

نيهاهاهاهاهاها ( لاء مش حعتبر الفا فيات ) :


ده انت الي في توقيعك يا برو ؟؟؟ خسسسسسسسسسيت اوي :) مبروك

[CryptonX]

الاكسنت المسكينة :

http://youtube.com/watch?v=OqWAmxTXdfg

lol

[PRO-DRIVE]

مفيش سيارة FIAT و في Nissan

نيهاهاهاهاهاها ( لاء مش حعتبر الفا فيات ) :


ده انت الي في توقيعك يا برو ؟؟؟ خسسسسسسسسسيت اوي :) مبروك

اوووه شكلك نسيت شكلي :boxing_smiley:

[Chicco]

كما توقعت, بدأت عقدة الخواجة تتجلى فى أبهى صورها.
سواء عقدة الخواجة الأبيض, أو الخواجة الأصفر, نفس العقدة تكرر نفسها حتى بدأت تنسحب على الخواجة الوردى مؤخرا(الهنود), و ربنا يستر منشوفش عقدة الخواجة ال(الأسود) يبقى نهارنا أسود لأننا كده هنبقى فعلا فى قاع الأمم!!

صباح الخير يا باشا .....هو احنا لون إيه بقى وسط الألوان ديه .....بني ؟!

أنا مش عارف ليه كل موضوع بيتفتح دلوقت تبقى حاسس إنه حينتهي في لجنة فض المنازعات !!

عايزين الحق ....السوق المصري كله من أول ماروتي لحد مرسيدس S بايظ و لا يخضع لأي منطق و ما فيش عربية واحدة تنفعله....بس خلاص :)