الهيونداي .. البروتون ... البرودا ...... كيا .... الدايو او الشيفروليه

[أبو عبدالله]

و كما توقعت, بدأت عقدة الخواجة تتجلى فى أبهى صورها.
سواء عقدة الخواجة الأبيض, أو الخواجة الأصفر, نفس العقدة تكرر نفسها حتى بدأت تنسحب على الخواجة الوردى مؤخرا(الهنود), و ربنا يستر منشوفش عقدة الخواجة ال(الأسود) يبقى نهارنا أسود لأننا كده هنبقى فعلا فى قاع الأمم!!
هو ده الى مودينا ورا, صدقونى لو كان جيريمى ده بيطلع فى دريم تى فى و لا ميلودى كان هيبقى و لا بيفهم فى حاجة, و بيتكلم على عربيات الناس و يشتم فيها و هو مش فاهم, لكن طبعا عشان هو انجليزى بيطلع فى البى بى سى, يبقى أكيد فاهم و دارس و مش مختارينه اعتباطا.
طب أنا عاوز أسأل سؤال, لما جم اختاروه كان ايه الاختبار بتاعه؟؟ سألوه عن معلوماته الميكانيكية و لا طلعوه يقول كام نكتة و خلاص؟!
عامل زى الممثلين بتوع المسرحيات الهابطة الى أجره بيزيد كل ما يقول افيه. مع انى متأكد انو أى ممثل مبتدىء دمه أكثر خفه منه.
و طول ماحنا ماسكين فى عقدة الخواجة دى بايدينا و سناننا مش هنتقدم أبدا, و الله أنا اتعاملت مع خواجات و لقيتهم أعبط و أغبى خلق الله.

صدقني انت كده اثبت ان حجة البليد مسح السبورة

لما ملقتش رد مقنع لواحد يشار اليه في العالم كله ومعروف برنامجه في العالم كله وليس مصر علشان تبقى عقده
فأنا بقولك ان العالم كله عنده العقده دي
وبعدين عقده ايه اصلا
هو كان في منتج عندنا وسبناه وقولنا على بتاع الخواجه

يظهر ان معاني المصطلحات عند حضرتك متلغبطين شويتين ثلاثه اربعه كده

وانا والحمد لله اعتز بنفسي كمسلم فقط ولا اعرف ما تقول عنه من عقد
ولكن هناك فرق انك تتكلم على شئ معروف ولا يحتاج جدال وعن شئ لا يذكر في عالم السيارات وجربله سيارتين واحده 1100 القرده وكبيره كان شاهين وتاكسي كمان


عالعموم برضه عقده مش عقده والله اللي مش عاجبه الراجل ده
يبقى يبعتله رساله على القناة بتاعته او ادارة القناة يشتكي فيها
ويقول انه مهرج ولا يفقه شئ في 128 المحروسة

اطلع يا ابني بينا بس اوعى وشك بقه





الأرسال فصل خلاص شطبنا

[PRO-DRIVE]

انت متعرفش مبيعات الاهرام للسيارات فاقت كل ارقام توب جير و فيفث جير ؟

[som3aa]

اولا شكرا ل cryptonx على ردك

هل هو ده الحاصل عندنا ؟؟؟ و فكركم لو الفوكاس و الجولف بالاثمان دي كان حد حيشتري هيونداي ؟؟ او اي سيارة اخرى ؟؟

لأ طبعا محدش بس عايزك تاخد بالك من كذا حاجة
1-فرق 3000 جنيه استرلينى دا عندهم مبلغ كبير و يفرق من فئة ل فئة فى العربيات و من عربية متواضعة زى الاكسنت لعربية رهيييبة زى الجولف و انا كاتن الكلام دا من زماااان اهو و بره ناس عمليين فى واحد عايز عربية توصله و خلاص و فى واحد مش معاه غير ال9000 دول و كمان دافعهم بالتقسيط و تخيل لو الاكسنت ب 75 الف و المرسيدس الs-500 ب 100 الف بس مثلا هنا فى مصر (دا كلام خيالى) برده فى ناس كتيير اوى هتشترى الاكسنت علشان دى قدرتهم المادية ميقدرش يدفع ال25 الف الزيادة و ممكن يكون من الاول مزود علشان يوصل لل75 الف مفيش عربية جامدة عندهم بالسعر دا اللى بتبيع بيه الاكسنت و الامكانيات دى (يعنى الاكسنت فيها abs-ebd-2 airbags-cd) و بالسعر دا و كمان العربيات عندهم بره رخيصة اوى اوى و مبيشتروش علشان هما شعب عملى بعكس الشعب المصرى .

بفرق من 20-30 الف جنيه و دا يعادل حوالى 5000 دولار و دول بره يفرقوا من فئة ل فئة!!!!!!

هنا كاتب الرد دا من زمان علشان محدش يتهمنى

http://www.nilemotors.net/Nile/showthread.php?t=21596

دى اول نقطة فلو حد عايز عربية ب 9000 استرلينى مفيش غير الحاجات اللى شفناها دى (اللى عايز يزود يزود و يجيب حاجة احسن) زى الفرنا فى مصر ب 65000 اللى قادر يدفع 75000 ياخد الاكسنت الجديدة نفس الفكرة.

هي دي مشكلتنا .. الراجل ده بيتكلم مثلا انك احسن تجيب جولف مستعملة عن هينونادي .. ليه ؟؟ علشان هناك السيارات المستعملة سنيتن فقط بتنزل لاكتر من 50% من تمنها ..
يعني الجولف الي ب 12 الف جنيه استرليني بتبقى ب 6 او اقل كمان !! وفابريكة !
فاليه الحكمة اني اجيب سيارة جديدة رخيصة بينما ممكن اجيب سيارة مستعملة نضيقة جدا واوروبي .
و لو بصيلتها كدة حتلافي معاك حق فعلا

فعلا معاه حق و انا لو كنت عايش بره و دى امكانياتى كنت اشتريت الجولف مستعملة بس برده مينفعش اقارن عربية جديدة بواحدة مستعملة يعنى مثلا ب 55000 ممكن تجيب دايو نوبيرا مستعملة كويس او ب60000 او ممكن تجيب لانوس مستعملة قليل و فابريكية بارده ايه اللى يخلى ناس تشترى الشيفروليت سبارك و الاتوس و الi10 و كدا؟ فى ناس متحبش المستعمل و فى 10000 سبب و غلط مقارنة مستعمل مع جديد يعنى دا بيقيم عربية يبقى يقيمها بالنسبة لتمنها مع عربيات منافسة بنفس السعر مش اغلى بس هو مش هدفه التقييم اساسا هدفه التريقة.

ومعلش الشعب المصري مبيهفمش .. بيشتروا هيونداي و هيونداي مبيعاتها في 35% من السوق علشان احنا مبنفهمش حاجة

اولا مبيعتها 21% بس و لا بالعكس يعنى انت لو فكرت كويس اوى هتلاقى ان عربيات هيونداى مناسبة اوى اوى لسعرها يعنى الاكسنت (78-86) بتنافس السيريون و الياريس المانيوال الفاضية ال1300 و الاكسنت كاملة اوتوماتيك 1600cc بالموتور المتطور ال121 حصان (بس بدون airbag). و الالنترا من 98-120 تقريبا مش متاكد اوى(يعنى بتنتهى عند 120) و منافسينها بيبداوا من 124 دى التيوتا الكورولا المانيوال الفاضية ال1400cc و اللانسر 1500cc مانيوال فاضية ب 130000 و السوناتا ب (150-185) و منافسينها مبينزلوش مصر اساسا انها مجمعة فى مصر (المستورد من المنافسين ب 350 على الاقل).
يعنى انا شايف ان اسعارهم ممتازة جدا بالمقارنة للعربيات.
و اكيد الناس مش بتنزل تشترى و خلاص بتشوف احسن حاجة على اد فلوسها.

مش كده برضه انا بقول كده برضه
وعالعموم محدش يزعل نفسه الراجل ده اصلا اخره يركب كارو واحنا نروح نركب مكانه
وعلى فكره بقه مش بيعرف يسوق ومعهوش ررخصه اساسا
يعني كل الكلام ده باطل لعدم وجود اوراق رسميه
والبي بي سي اللي هيا تعتبر من اقيم القنوات من حيث البرامج الوثائقية والعلميه هتفشل علشان جابت الراجل ده مع انه من زمان ولكن هتفشل برضه
ولا حد يزعل نفسه

أولا انا مقلتش كدا خالص بالعكس انا قلت برنامج ناجح جدا جدا جدا جدا جداو بدليل انه قدر يشد المشاهدين و انا منهم لانه مفيد و بيجيبوا عربيات مبنشفش و لا حتى كاوتشها بس فى مصر و ينافسوا و يبتكروا حاجات زى حلقة الصاروخ.
انا بقول من عيوب البرنامج (مش انا اللى بقول بس ناس كتييير اوى) انه كتير اوى بيبقى متحيز مع او ضد عربية بس مش اكتر .
انما هما فعلا اراجوزات دى حاجة اعتقد محدش يقدر يختلف عليها (بيكسروا عربيات و يتنططوا و يلعبوا بلعب اطفال (زى الحلقة اللى عملوا فيها الليموزين)) بس ناجحيين جدا فى انهم يجذبوا المشاهد بالوسائل دى.
بعدين محدش قال البرنامج فاشل و لا حد قال القناة اى كلام و لا انا قلت انهم مبيفهموش فى العربيات بالعكس دول خبراء جدا جدا فى العربيات خصوصا العربيات الفاخرة و عربيات السباق و المقارنات بينهم و كدا بس كل واحد له رايى و هما بيفرضوا رايهم و فعلا بيقولوا اسباب سعات باقتنع و سعات لأ , يعنى مرة مكانش عاجب واحد منهم ال m6 و قال اسباب تفهة و مقتنعتش كدا , اللى بيقولوا مش قران يعنى اهو رايهم ممكن صح و ممكن غلط .
دا راى واحد على الyoutube بيعلق على الفيديو اللى فوق

What a piece of shit and waste of space. And I'm not talking about the Hyundai. But about the peanut-shaped-face curly-frieds-hair racist host.

اهو واحد شايف كدا و انا اقدر اجيبلك امثلة كتيييييييييييييير اوى انهم متحيزين.

دلوقتى نرجع للموضوع الرئيسى لان احنا اهتمينا بالتفاهات و سيبنا الموضوع الرئيسى.

لازم توضح يا ابو عبدالله ايه هدفك من فتح الموضوع دا و هو هدف من الاتنين دول ملوش تالت
1-بتورى الناس ان الفرنا و الريو و الاوبترا ان دول عربيات زبالة
2-بتقول للناس ان العربيات الكورى و الماليزى زبالة
و دا كلامك

وشوفوا بيتقال ايه على الكوري والماليزي

و بصراحة شديدة دا تحيز بشكل رهيب ضد الكورى و الماليزى لان
الفيديو مبيثبتش حاجة غير ان موتور الديزل فى الفرنا ضعيف و صوته عالى و الخامات الداخلية مش حلوة و تسارع الموتور الديزل ال3 cylinder ل 100 فى 15 ثانية .
و كمان الفيديو بيتريق على اسامى العربيات و كلام كده انما مقالش حاجة على الكورى و الماليزى ياما الفيديو مش كامل .
يعنى من الاخر بيتريق على ال performance بتاع اقل فئة و بوضح اقل فئة فى الريو و الاكسنت و هو جايب اقل فئة علشان يتريق (مش بس اقل فئة فى الاكسنت لأ الاكسنت اقل فئة فى هيونداى كمان) يعنى الموضوع كله تريقة مش اكتر.
و كمان مجبش منافسين للعربية و قارنها!!!!
لما اقول اللانسر غالية فنا مثلا بستدل بالهوندا السيفيك اللى هى فئة اعلى و اغلى منها بتتباع بنفس تمنها انما اقول اللانسر غالية و خلاص يبقى انا بقول كلام فارغ.

الاكيد 1-ان الفيديو مفيهوش نقد موضوعى للكورى او الماليزى (النقد الوحيد للاسامى و الشكل اللى فى رايه وحش).
2-مفيهوش نقد موضوعى للاكسنت و الريو لانه جاب اقل فئة و مجبش منافسين و اتريق على اقل محرك فيهم.

فارجو من الرد على السؤال ايه هدفك من الموضوع علشان نتناقش فيه منخرجش بره الموضوع و نعد نتكلم على اراجوز بيقدم برنامج بدل منتكلم عن العربيات
ثانيا ارجو منك الرد على كل اللى انا قلته فى ردودى السابقة و ردى هنا عن الموضوع بتاعنا مش على الاراجوز.
شكرا

[tutankhamoun]

أولا ......... السلام عليكم و رحمة الله و بركاته

بالنسبة للردود الإجمالية .....
رد الأستاذ سمعة فيه الكثير من الصحة
و رد الأستاذ كريم كريبتون برضه مظبوط
و رد المهندس فادي .... وطني جدا و أوروبي جدا

بالنسبة لي

أنا بحب الراجل ده جدا ..... علشان هو دمه خفيف و بيفكرني بإنجلترا قوي

و بعدين في حاجة مُعظم العربيات اللي في البرنامج ده عربيات معدية و عمرنا ما هانشوفها في مصر

يبقى لما يقارنها بفيرنا و ريو أو حتى سيريون أو ياريس
يبقى لازم يطلعوا عربيات صفر على الشمال
أنتوا عايزينه يقارن عربية بمليون جنيه و عربية ب 50 ألف جنيه و يطلع أم 50 ألف أحسن .......... طيب ازاي
و ده كان تحليل الأستاذ سمعة الذي فيه الكثير من الصحة

بس أنا عايز أقول حاجة .......... البرامج دي بتعتمد على الاعلانات جامد و الحياد فيها مش 100 %

و بعدين فيها أيه إن عربية فيرنا تجيب 100 كم في 15 ثانية
هي الناس بتشتري العربيات علشان تدخل سباقات

الفيرنا عربية رائعة مقابل ثمنها و مقابل الخدمة التي تؤديها
بس ......... و هيونداي دلوقتي بتعمل حاجات زي الفل و أصبحت من كُبرى الشركات العالمية
و مش لازم كل موديل يطلع من الشركة يكون طلقة

البيجو طلع موديلات وحشة زي 305
التويوتا طلعت موديلات وحشة زي الإيكو
الفيات و كل العربيات لها سقطات

أشمعنى الكوري و الماليزي ؟؟؟؟؟؟؟؟؟؟؟

هو علشان نجمهم طالع و منتجاتهم أصبحت منافسة ..... لازم تقوم الحرب !!!!!!!!!!!!!!
و تاني مرة البرامج دي ليست حيادية 100 % و البرنامج ده بالذات عمره ما هايطلع عربية غير أوروبية أعلى من عربية أوروبية

[tutankhamoun]

لازم توضح يا ابو عبدالله ايه هدفك من فتح الموضوع دا و هو هدف من الاتنين دول ملوش تالت
1-بتورى الناس ان الفرنا و الريو و الاوبترا ان دول عربيات زبالة
2-بتقول للناس ان العربيات الكورى و الماليزى زبالة
و دا كلامك


وشوفوا بيتقال ايه على الكوري والماليزي

تمام يا أستاذ سُمعة ............. ده برضة اللي أنا فهمته من الكلام
بس الحقيقة مش عارف ليه التمييز ضد الكوري و الماليزي
و بالذات الماليزي ........... على الأقل مسلمين زينا و المفروض نفرحلهم إذا عملوا حاجة كويسة
و الكوري بيقدم عربيات اقتصادية و ثمنها معقول جدا و غير مُبالغ فيه بعكس حاجات تانية اللي الناس مُقبلة عليها بسبب الإسم أكتر من أي شئ
على العموم ....
الفيرنا حلوة على أد فلوسها و الناس مضحكوش على الشعب المصري و باعوها مثلا ب 100 ألف
لا ........ صنعوا عربية اقتصادية و كل واحد قادر على السعر بتاعها بيقدر يشتريها

** ملحوظة **
هيونداي من أكبر 10 شركات كبرى لصناعة السيارات في العالم

[Nile_Storm]

ماهو ده اللي نفسي اعرفه من الصبح الهدف ايه ؟
بس محدش رد عليه يلا يمكن يكون حظكو احسن :)

اللي نفسي اقوله ان التعصب زاد وبقي فيه متعصبين للقسم الاوروبي والياباني وخلافه وده شئ طبيعي بس الموضوع زاد جدا ودي ظاهره مش مفيده للمنتدي واشعر انها قد تؤثر سلبا عليه يعني لما ييجي عضو جدد ويشوف شده الاعصاب في الردود دي يااما هيقول ياما احنا ناس متعصبين يا اما عملاء لبعض التوكيلات وبنتخانىمع بعض واقترح ان الاداره تحاول تشوفلها حل بصراحه انا معرفش ازاي بس هما ادري

والا كل يوم هنلاقي موضوع يشتم الصناعه اليابانيه والاوروبيه و الالمانيه ويمكن حتي المريخيه
و نقضيها في جدال بنتهي ياما باغلاق الموضوع اوبشكاوي وحزازيات بين الاعضاء

وتحياتي لكل من شاركو بردود في هذا الموضوع واتمني انه ميعملش مشاكل

[memo_hefnawy]

ســــــــؤال بـرئ واحد لأستاذنا فــــــــادى

صـاحب نظرية المؤامرة الغربية لرفع شأن السيارات الشرق أسيوية !!!

إنت نسيت النظرية فى الموضوع ده ؟؟ ليه ؟؟

[Megane]

و بالذات الماليزي ........... على الأقل مسلمين زينا و المفروض نفرحلهم إذا عملوا حاجة كويسة

السلام عليكم
أنا لسة جاى من ماليزيا يوم السبت الماضى و شفت هناك شويت عربيات بروتن غريبة و جميلة جدا و كمان شفت الجين 2 كوبية كابرلية (جامدة جدا) .
لازم تروح يا توت هناك .

[أبو عبدالله]

أولا احب ان ارد على ما سأل عليه بعض الأعضاء او بالأحرى الأخ سمعه والاخ محمد عبدالله

أولا انا لست ملزم لأحد اني اقول ما الهدف من الموضوع ولكن بما انكم اكتر اتنين اخدته الموضوع على عاتققكم اكتر من اللازم
والاخ محمد عبدالله بيقول اني في تحييز جامد وده مش صحي
هيكتشف اني كل المشاركات اللي فيها كلام شديد وواضح لأي واحد يدخل على الموضوع هيلاقيه بتاع ملاك الهيونداي
مش عارف ليه
وكما الحال في ساحة هيونداي

المهم مش ده موضوعنا
بس دائما الواحد يتهم الاخرين بما فيه وينسى نفسه

المهم برضه


أولا انا والله الفيديو عندي من زمان وانا بقلب في الفيديوهات لقيته فقولت صحيح ان فيه عربيات كتير في الفيديو موجوده في سوقنا وده مش كتير بيأتي في البرامج اللي زي دي عربيه واحده من اسوقنا
فكانت فرصه ان احنا نشوف اراءهم بالذات من برنامج زي ده في عربيات موجوده عندنا

وعلشان اعرف الناس ان التحامل مش ضد الكوري اد ما التحامل ضد اي احد يتعرض للكلام على الكوري عموما وبالأخص هيونداي

لأني من اشد معجبي الانتاج الماليزي ولكن يجب ان يطوره نفسه في جودة الخامات اكتر
وان من اشد معجبي البرودا كانشيل
والدايو عموما لأن الدايو عربيات محترمه جدا ولكن عيوبها معروفة ولها حلول وهيا نفس عيوب شيفروليه دايما
ولكن عربيات كماتور واداء عالي جدا ولكن يعيبها جودة بعض قطع الغيار ولكن اسعارها في الأرض

فميش اي مشكلة من الهدف من الموضوع وعادي
واحد شاف فيديو وبيعرضه على الناس اللي عاوز يتفرج ويتكلم اهلا وسهلا
اللي مش عاجبه وقال كلمته برضه اهلا وسهلا


ومحدش شد مع حد ولا احد اتعصب الا مالكي عربيات هيونداي واصحاب المؤامرات المعروفة التتي تتحول يوم بعد يوم كما تتحول الاحوال الجويه حسب اتجاه الريح

وشكرا لكل من شارك ولو بكلمة صغيره حتى لو معارضه
احنا ديمقراطيين ان شاء الله


دوس يا ابني

[CryptonX]

دوس يا ابني

بس حاسب للواد يخبط في الحيط XD

[tutankhamoun]

السلام عليكم
أنا لسة جاى من ماليزيا يوم السبت الماضى و شفت هناك شويت عربيات بروتن غريبة و جميلة جدا و كمان شفت الجين 2 كوبية كابرلية (جامدة جدا) .
لازم تروح يا توت هناك .

ميجان باشا ..... أنا من زمان بحب ماليزيا جدا ........ و متابع تقدمهم و كنت معجب جدا بالرجل " مهاتير محمد " الذي جعل منها دولة متقدمة بكل ما تحمله الكلمة من معنى
و مش هاتصدق إني متابع جامد لماركة بروتون من ساعة ما نزلت الويرا مصر في التسعينيات و لو إن مكنش ليه الشرف إني أشتريها ... بس كانت عاجباني من زمان
و بجد نفسي عز العرب يحرك نفسه شويه و ينزل العربيات الحلوة من بروتون إللي موجودة في ماليزيا و اللي بتنزل انجلترا
بس هانعمل أيه ........ توكيل بطئ التحرك
ألف شكر يا ميجان باشا ......... ربنا يكرمك

كلمة صغيرة في أذن أخي أبو عبد الله

خامات السيارات الماليزي أكثر من ممتازة
خامات صالون الجين 2 فقط من بروتون هي اللي عادية

يعني حضرتك يا أبو عبد الله عممت الخامات على العربيات كلها و عممت الخامات و محددتش أي عربية فيها خامات مش عاجباك و أي عربية فيها خامات حلوة

" لسة واحد صاحبي مقفل من كام يوم 90 ألف بعربية جين 2 موديل 2006 و لم يُغير مسمار في الموتور و لا العفشة
كل اللي تم تغييره
زيوت و فلاتر و اطارات و تيل فرامل
و لو شوفت العربية ................ أداء رائع ........... شكل كأنه جديد
فأنا هدفي من الكلمتين دول
إن خامات الصالون بس هي اللي نتكلم عليها و في الجين 2 بس كمان لأن الواجا خاماتها أكثر من ممتازة و تضاهي سيارات كثيرة من فئات سعرية عالية جدا
و الجيل الثاني من الجين 2 ................. إن شاء الله ستراه قريبا في الأسواق و أرجوا أن يعجبك من ناحية خامات الصالون
و لك تحياتي

[فادى]

ســــــــؤال بـرئ واحد لأستاذنا فــــــــادى

صـاحب نظرية المؤامرة الغربية لرفع شأن السيارات الشرق أسيوية !!!

إنت نسيت النظرية فى الموضوع ده ؟؟ ليه ؟؟

نظرية المؤامرة التى تحدثت عنها هى مؤامرة أمريكية لرفع شأن السيارات الأسيوية لأهداف شرحتها قبل ذلك, و حققت الخطة مرادها تماما, على فكرة هذه النظرية تنطبق ليس على السيارات فقط, بل أيضا فى صناعة الالكترونيات و الصناعات الثقيلة, فكلها عبارة عن نقل الخبرة الأمريكية للبلاد الأسيوية الواقعة تجت سيطرتها.
هذه المؤامرة لا وجود لها فى أوروبا, بل ان اوروبا ربما تكون احدى المستهدفين من هذه الخطة, عبر اضعاف صناعتها الوطنية ووضعها تحت ضغط دائم فى منافسة لمنتج أقل جودة و سعرا لكنه لا يبدو كذلك, لكن أوروبا نفسها مازالت بعيدة عن هذه المؤامرة, و هو ما يتجلى فى مبيعات السيارات الأسيوية المتواضعة هناك, بالاضافة الى سمعتها السيئة فى معظم البلدان الأوروبية.
لكن للحقيقة فان أكثر من تضرروا فعلا هم نحن, لأن أوروبا عندها الأدوات التى تستطيع أن تحارب بها, أما نحن فقد أدخلونا الى الحرب قبل أن نجهز أسلحتنا حتى.