نظام الرؤية الليلية في Bmw

[Ahmad Allawy]

السلام عليكم..
جالي ع الميل من فترة يا جماعه مجموعة صور فيها عربية بي ام فيها شاشة من النص كده و بتتكلم عن نظام رؤية ليلية جديد..
عموما انا مدققتش في الموضوع و افتكرت انه مجرد دعابة او اشاعة مضروبة من عينة ثقافة تمرير الميلات و المجموعات البريدية الفاضية اللي بتبقي معظم اخبارها مضروبة..
المهم مؤخرا دورت علي النت عن الموضوع ده..
و المفاجأة ان الموضوع طلع حقيقي..و هاقولكم علي التفاصيل اللي عرفتها و نب>ه مختصرة عن الاوبشن دي..

في البداية في احصائيات اكدت ان نسبة القيادة بالليل بالنسبة للنهار جوالي 75:25 علي الترتيب..
و نسبة 50% من الحوادث القاتلة (عافانا الله واياكم) بتحصل بالليل..
وده كان احد منطلقات بي ام انها تنف> فكرة تقدم امان عالي جدا للناس اللي بتسوق بالليل..


الجهاز ده مصنع بواسطة شركة FLIR لأنظمة الروية..
بدأت فكرة الموضوع في عام 2002
وفي اواخر عام 2005 بدأ طرح الاوبشن ده في عربيات الفئة 7 و بعدها في الفئات ال6 و ال5..

فكرة الموضوع:
الموضوع قائم علي كاميرا حرارية مثبتة في اكصدام العربية..
تعمل علي فكرة الاشعة تحت الحمراء.. بحيث انها تقدر تميز الاشياء اللي في مدي الكاميرا الحرارية دي.

مدي رؤية الكاميرا دي في حدود 300 متر.. وهو ما يعتبر رقم جيد جدا
وكده بيزود الوقت اللي اللي سايق محتاجة في اتهاذ قرار و رد فعل بمقدار 5 ثواني.. وده برضه رقم كويس جدا..

الكاميرا مزودة بملف حراري قادر انه يدوب طبقة من التلج سمكها 2 مم وفي وجود رياح سرعتها 100 كم/س في اتجاه معاكس للعربية..
في وقت مقداره 15 دقيقة.. في حرارة -30 درجة مئوية.. (30 تحت الصفر)

في نوعين من انواع الكاميرا الحرارية دي اولهم السلبي Far Infrared (FIR) و الايجابي Near Infrared (NIR)
الاول (وهو المستخدم ) قائم علي استقبال الاشعة تحت الحمراء اللي بتشعها الاجسام الحية و غير الحية علي حد سواء..
وعن طريق الاشعة دي بتوضح الصورة بفروق في اللون يمكن عن طريقها التميير بين شكل الاشياء و مش شرط الحية.. (انسان او حياون)
عن طريق الفرق في درجات الحرارة..
لا و ممكن كمان انن الواحد يقدر يميز بيها الخطوط اللي علي الطريق و الخربيات و العوائق اللي قدامه..ز غيرها و عيرها..

والنوع التاني بيعتمد علي اطلاق اشعة تحت حمراء و استقبالها من انعكاسها علي الاشياء اللي قدام العربية.. و دي المدي بتاعها مش كبير زي الاولي.. (نفس فكرة الخفاش في الحركة بدون رئية مع الاختلاف ان الخفاش بيستعمل الموجات فوق الصوتية..)

الصورة اللي بتولدها الكاميرا دي قابلة للعرض علي اي شاشة LCD و في العربيات اللي فيها النظام ده بتتعرض علي الشاشة تعددة الاستخدامات المثبته في تابلوه العربية..

(رأي شخصي متواضع..)
انا شايغف ان الموضوع سهل مش صعب ان الواحد يجيب الكاميرا دي و يثبتها في العربية و يعمل النظام ده بنفسه في عربيته..
لاسيما ان امكانية الاتصال بالشركة المصنعه للموضوع سهلة و متاحة.. و ممكن مع شوية مجهود و خبرة يتركب علي اي عربية..
وادي اللينك اللي عليها شرح و اعلان الفكرة علي موقع بي ام دبليو نفغسها..

http://www.bmw.com/com/en/newvehicles/5series/sedan/2007/allfacts/ergonomics/night_vision.html

وهتلاقوا علي اللينك دي صور للموضوع..
وادي لينك علي فيديو للموضوع علي You Tube

http://www.youtube.com/watch?v=-3uaTyNWcBI

وادي بيانات و ارقام و موقع الشركة المنتجة للمايرا و النظام ده للي عايز يتصل بيهم..
FLIR Commercial Vision Systems B.V.Charles Petitweg 214847 NW Teteringen - BredaThe NetherlandsPhone : +31 (0) 765 79 41 94Fax : +31 (0) 765 79 41 99e-mail : flir@flir.comwww.flir.com

اتمني ان الموضوع يكون حاز علي اعجابكم وان يكون فيه معلومة جديدة.. (ولو انها بقالها 3 سنين بس اكيد في ناس لسة متعرفهاش.. )

[theking2690]

الف شكر على المعلومات الحلوه ديه و مش بعيد بكره نلاقيهم حاطين thermal vision

[P_R_I_N_C_E]

حاجة جميلة خاالص

[X_MM_X]

عجبي وياما هنشووووووف !!!

[X_MM_X]

انا لسه شاييف الفيديو يجد حاجه تجننننننننن !!!!!!!!!!!!!!!!!!!!!!!!!!!!!!!!!

لما ينزل هفكر جديا اشتريه

[Ahmad Allawy]

الف شكر على المعلومات الحلوه ديه و مش بعيد بكره نلاقيهم حاطين thermal vision

هي فكرة الموضوع كده اصلا..
الكاميرا حرارية فعلا..

[Mzeid]

1000 شكر يا أٍتاذ أحمد على الموضوع الجميل دة ..
هو أنا كنت عارفه من زمان ..
و على فكرة النظام دة مطبق في المرسيدس كمان بس مش عارف الكاميرا بيحطوها فين بس في ال S-CLASS الجديدة الشاشة ال LCD اللي هي في الطابلوة اللي بتعرض عداد السرعات بتعرض الصورة مكان العداد ..
و أنا كنت فكرت في النظام دة علشان الواحد يركبه في العربية علشان الشبورة الصبح و بالليل بس بصراحة أنا مش متأكد هل قطرات الندى هتأثر على النظام من حيث إنكسار و إنعكاس الأشعة و لا لأ .. ؟!
و لكن شكراَ في الآخر على الموضوع ..
:):)

[theking2690]

sry ماخدتش بالى

[Ahmad Allawy]

sry ماخدتش بالى

ولا يهمك يافندم..

[Ahmad Allawy]

1000 شكر يا أٍتاذ أحمد على الموضوع الجميل دة ..
هو أنا كنت عارفه من زمان ..
و على فكرة النظام دة مطبق في المرسيدس كمان بس مش عارف الكاميرا بيحطوها فين بس في ال S-CLASS الجديدة الشاشة ال LCD اللي هي في الطابلوة اللي بتعرض عداد السرعات بتعرض الصورة مكان العداد ..
و أنا كنت فكرت في النظام دة علشان الواحد يركبه في العربية علشان الشبورة الصبح و بالليل بس بصراحة أنا مش متأكد هل قطرات الندى هتأثر على النظام من حيث إنكسار و إنعكاس الأشعة و لا لأ .. ؟!
و لكن شكراَ في الآخر على الموضوع ..
:):)

يافندم لا شكر علي واجب..
وده برضه من بعض ما عندكم.. :)
انا بصراحة ماعرفش في المرسيدس.. لأني مشوفتوش غير في العربية دي..
اما فيما يخص موضوع الندي و كده..
الكاميرا حرارية.. يعني بتحس بالاشعة الحرارية.. مش الضوئية..
وده معناه انها مش هتتأثر بدرجة ملحوظة بقطرات الندي..
وكمان لو اخدت بالك ان فيها نظام تسخين عشان الجو البارد قادر علي اذابة طبقة تلج بسمك 2 مم.. يعني اكيد هيتعامل كويس مع الشبورة..
انا عن نفسي بافكر ادور و اشوف تمن الكاميرا دي كام.. واشوف امكانية شراها اونلاين و تركيبها بس لو كان سعرها في المعقول..
والف شكر علي اهتمامك و تعليقك..

[أبو عبدالله]

على فكره اول شركه عملته هيا لكزس
وكان من فتره
وهو رادار ليلي بيكشف الطريق ويعطيك ان في حاجه على الطريق باليل ويظهرلك على الشاشة الطريق بدون نور كمان زي كاميرات الرؤية اليلية كده

[Ramy_Tantawi]

فكره ممتازه لو امكن تطبيقها بسهول وبتكلفه معقوله طبعاً وهاتكون مريحه جداً جداً جداً في طرق السفر خصوصاً ان نسبه كبيره او معظم او كل الطرق في مصر مافيش فيها اناره اصلاً وحتى لو وجد بتكون لغرض الاضرار بالسائق مش لنفعه

أتمنى من حضراتكم لو حد يعرف معلومات عن النظام ده وتكلفته تقريباً ما يبخلش علينا بيها وجزاكم الله خير وشكرا على الموضوع .

[Ahmad Allawy]

على فكره اول شركه عملته هيا لكزس
وكان من فتره
وهو رادار ليلي بيكشف الطريق ويعطيك ان في حاجه على الطريق باليل ويظهرلك على الشاشة الطريق بدون نور كمان زي كاميرات الرؤية اليلية كده

ألف شكر يافندم علي المعلومات القيمة..
كده فعلا الحمد لله عرفنا معلومات زيادة..
ان اول شركة نفذته كانت لكزس..
وانه موجود في المرسيدس الاس كلاس حاليا.. و موجود في البي ام من سنة 2005 في كل حتة ما عدا مصر طبعا.. :)
واكيد هنستقيد اكتر من مشاركات الاخوة اللي عندهم معلومات عن الموضوع..

الف شكر يا جماعه علي توضيح و زيادة المعلومات..

[Ahmad Allawy]

فكره ممتازه لو امكن تطبيقها بسهول وبتكلفه معقوله طبعاً وهاتكون مريحه جداً جداً جداً في طرق السفر خصوصاً ان نسبه كبيره او معظم او كل الطرق في مصر مافيش فيها اناره اصلاً وحتى لو وجد بتكون لغرض الاضرار بالسائق مش لنفعه

أتمنى من حضراتكم لو حد يعرف معلومات عن النظام ده وتكلفته تقريباً ما يبخلش علينا بيها وجزاكم الله خير وشكرا على الموضوع .

والله يافندم انا عن نفسي بدأت بالفعل في السؤال..
دورت علي السايت بتاعهم و ملقيتش اسعار..
دورت علي موزعين اقرب موزع لينا في اسرائيل.. :(
وغيره في جنوب افريقيا و في رومانيا باين..
عموما مش مشكلة.. بس انا بعت اسألهم عن سعر الجهاز بالكامل بوصلاته بكل مشتملاته
واول ما يجيلي رد منهك اكيد هابلغكم بالتفاصيل ان شاء الله..
عشان لو طلع الموضوع مش مكلف قوي.. ممكن نعمل اوفر لينا هنا و نركبه للناس..

[Mzeid]

يافندم لا شكر علي واجب..
وده برضه من بعض ما عندكم.. :)
انا بصراحة ماعرفش في المرسيدس.. لأني مشوفتوش غير في العربية دي..
اما فيما يخص موضوع الندي و كده..
الكاميرا حرارية.. يعني بتحس بالاشعة الحرارية.. مش الضوئية..
وده معناه انها مش هتتأثر بدرجة ملحوظة بقطرات الندي..
وكمان لو اخدت بالك ان فيها نظام تسخين عشان الجو البارد قادر علي اذابة طبقة تلج بسمك 2 مم.. يعني اكيد هيتعامل كويس مع الشبورة..
انا عن نفسي بافكر ادور و اشوف تمن الكاميرا دي كام.. واشوف امكانية شراها اونلاين و تركيبها بس لو كان سعرها في المعقول..
والف شكر علي اهتمامك و تعليقك..

الله يخليك يا أحمد باشا ..
بص أنا قصدي على الأشعة تحت الحمراء مش الأشعة الضوئية العادية ..
و أنت دائماَ سباق بالمواضيع الجيدة ..
:):)