نظام الرؤية الليلية في Bmw

[Ahmad Allawy]

الله يخليك يا أحمد باشا ..
بص أنا قصدي على الأشعة تحت الحمراء مش الأشعة الضوئية العادية ..
و أنت دائماَ سباق بالمواضيع الجيدة ..
:):)

لأ لحد هنال و مش هاقدر اكمل.. :) :) :)
انا اقصي حاجة افتكرها المنشور الزجاجي و الكلام ده.. :) كان اخرنا فيه البنفسجي و الاحمر..
فوق البنفسجي و تحت الاحمر.. مش عارف ايه نظام الانكسارات و الانعكاسات ايه..

محتاجين خبير بصريات بقي.. ولا حتي طبيب عيون.. :) :) :)

[furp]

بجد ياجماعه ناس بتفكر ازاي دايما

تبقي الاحسن والافضل

وفي نفس الوقت بتديك ثقه وامان متناهي الدقه وانت ماشي علي الطريق

علشان كده الناس دي هتتقدم وهتتقدم

لانها بتعمل تجارب وابحاث وتطوير

واحنا لسه بدري علينا عقبال مانفهم الدرس

[mohamed ibiza]

ايه الابداع ده يا احمد انت كده بتلعب في ملعب اكسبرت هههههه لا بجد مواضيعك دايما جامدة:)

[Ahmad Allawy]

ايه الابداع ده يا احمد انت كده بتلعب في ملعب اكسبرت هههههه لا بجد مواضيعك دايما جامدة:)

لا مش قوي كده يا محمد بك..
المقامات محفوظة برضه..
كل واحد عارف حدوده يا عمنا.. انا لسة بدري عليا قوي..
لما اوصل لخبرة الناس الجامدة دي.. وادينا بنتعلم ادينا.. ادينا بنتعلم.. :) :) :)

[Mzeid]

على فكرة نسيت أقول لك إن النظام موجود في مصر في ال BMW بص كدة على الشبكة اللي في الإكصدان هتلاقي حاجة مدورة و سوداء كدة هي دي الكاميرا ..
و يا ابو عبد الله النظام مش بيشتغل بالرادار هو كاميرا حرارية زي ما أستاذ أحمد قال و هي بتعمل إزاي .. ؟!
أي جسم بيشع حرارة بيشع أشعة تحت حمراء و قدر الأشعة بيتناسب مع قدر الحرارة المتولدة من الجسم الكاميرا بقى بتستقبل الأشعة دي و تحدد نوعية الجسم اللي بيشع الحرارة اللي في نطاق الكاميرا ..
:):)

[Ahmad Allawy]

على فكرة نسيت أقول لك إن النظام موجود في مصر في ال BMW بص كدة على الشبكة اللي في الإكصدان هتلاقي حاجة مدورة و سوداء كدة هي دي الكاميرا ..
و يا ابو عبد الله النظام مش بيشتغل بالرادار هو كاميرا حرارية زي ما أستاذ أحمد قال و هي بتعمل إزاي .. ؟!
أي جسم بيشع حرارة بيشع أشعة تحت حمراء و قدر الأشعة بيتناسب مع قدر الحرارة المتولدة من الجسم الكاميرا بقى بتستقبل الأشعة دي و تحدد نوعية الجسم اللي بيشع الحرارة اللي في نطاق الكاميرا ..
:):)

لأ كده انا مش متأكد..
علو الموقع قايلين انها نزلت في امريكا في اواخر 2005..
العربيات اللي انت تقصدها الفئة الكام..؟؟
لو اقل من الخامسة الجديدة تبقي مش هي..
هي نزلت الاول في السابعة.. وبعدين السادسة اللي هي كوبية ومش موجودة في مصر غير جمرك..
و الخامسة حاليا.. والله اعلم موجودة في اللي بتنزل هنا مصر ولالأ..
ممكن تكون الدايرة اللي سعاتك تقصدها دي سنسور زي بتاع الباركينج كده..
في عربيات بيبقي فيها ده قدام وتقريبا بتبقي وظيفته لو لقي العربية قربت قوي من الحسك اللي قدامها الكومبيوتر بيفرمل العربية تلقائي..
بس مش فاكر الموضوع ده قريته فين.. لأنه من زمان شوية..

[SEATLOVER]

معلش يا استرلينى ..انا لسة شايف موضوعك دلوقتى

المرة دى فلتت منك معلش

الموضوع دة قديم جداً و يمكن من سنتين و بيدخل الان فى حيز الانتاج التجارى

وعشان اقربة للناس بدل الكلام المقعر
عارفين افلام الاكشن لما حد بيلبس نضارة ..عشان يدخل مكان ضلمة ...
وبيشوف الاهداف كلها باللون الاخضر ..

و هو مطبق حالياً و موجود بالفعل تقريباً فى كل الطائرات المقاتلة ذى الشبح و الميراج و الاف 16 و غيرها

الف شكر يا احمد باشا على المواضيع اللى بتحسسنا اننا لسة على اتصال بالعالم الخارجى

[mohamed ibiza]

لا مش قوي كده يا محمد بك..
المقامات محفوظة برضه..
كل واحد عارف حدوده يا عمنا.. انا لسة بدري عليا قوي..
لما اوصل لخبرة الناس الجامدة دي.. وادينا بنتعلم ادينا.. ادينا بنتعلم.. :) :) :)

ادها و ادود يا احمد باشا و كلنا بنتعلم:)

[Ahmad Allawy]

معلش يا استرلينى ..انا لسة شايف موضوعك دلوقتى

المرة دى فلتت منك معلش

الموضوع دة قديم جداً و يمكن من سنتين و بيدخل الان فى حيز الانتاج التجارى

وعشان اقربة للناس بدل الكلام المقعر
عارفين افلام الاكشن لما حد بيلبس نضارة ..عشان يدخل مكان ضلمة ...
وبيشوف الاهداف كلها باللون الاخضر ..

و هو مطبق حالياً و موجود بالفعل تقريباً فى كل الطائرات المقاتلة ذى الشبح و الميراج و الاف 16 و غيرها

الف شكر يا احمد باشا على المواضيع اللى بتحسسنا اننا لسة على اتصال بالعالم الخارجى

مانا عارف يا باشا انه قديم..
انا مكنتش اقصد انه حاجة جديدة.. بس مش كلنا هن في المنتدي نعرفه..
انا عن نفسي جالي ميل فيه الموضوع ده من اكتر من سنة ونص..
بس الغرض من الموضوع كان اكتر في نقطة اني بافكر اعمل الفكرة دي و باسأل عليها فعلا..
اتصلت بالشركة..(اقصد بعتلهم ميل ومستني الرد..)
ها؟؟ ايه رأيك؟؟ لو طلع سعره في المعقول..!! تركبه..؟؟

[som3aa]

تصحيح معلومات بس

و موجود في البي ام من سنة 2005 في كل حتة ما عدا مصر طبعا..

ومش موجودة في مصر غير جمرك..

لا موجودة فى مصر فى الفئة السابعة المجمعة محليا و ال s-class من مرسيدس المجمعة محليا برده و موجودة فى مصر من اول ما جمعوهم يعنى من اكتر من سنة

[Ahmad Allawy]

تصحيح معلومات بس


لا موجودة فى مصر فى الفئة السابعة المجمعة محليا و ال s-class من مرسيدس المجمعة محليا برده و موجودة فى مصر من اول ما جمعوهم يعنى من اكتر من سنة

شكرا يا باشا علي الافادة..
كويس جدا والله..
وانا شايف ان الفكرة بسيطة جدا و مفيهاش تعقيدات.. يعني تركب في اي عربية..
وتوضح للتصحيح.. انا اقصد الفئة السادسة هي اللي مش موجودة في مصر غير جمرك..

انا اول مرة اعرف ان في الفئة السابعة مجمعه محاليا علي فكرة ..
وكمان الاس كلاس..
الف شكر يا باشا علي المعلومات و الافادة..

[Mzeid]

أحمد باشا - أقوللك يل بشمهندس و لا يا دكتور ة لا لإيه .. ؟! :):) -
النظام دة نازل هنا بس في الفئة السابعة فقط ..
:):)

[SEATLOVER]

ها؟؟ ايه رأيك؟؟ لو طلع سعره في المعقول..!! تركبه..؟؟

والله يا احمد باشا ..
مش عايز اقولك انى من هواة النور الصغير و الفوجات على اقصى تقدير فى المشى بالليل و على الطرق و فى السفر كمان ...
نوع من انواع التدريب اتعودت علية
و اعتقد انك هاتبقى مشتت بين الشاشة و بين الطريق .. واللحظة بتفرق
وسرعة التصرف ..تسبق مدى التوقع

بصراحة انا اجيب بتمنة شاشتين دى فى دى كدة من بتوع الاسبرانزا :)
احطهم للناس اللى معايا ...
واسمع انا ام كلثوم مع نفسى ... وعيشنى فى الخيال ..وهو صحيح الهوى غلاب ؟

[Ahmad Allawy]

أحمد باشا - أقوللك يل بشمهندس و لا يا دكتور ة لا لإيه .. ؟! :):) -
النظام دة نازل هنا بس في الفئة السابعة فقط ..
:):)

الله ينور عليك يا فندم..
الاخ سمعه الله يكرمه لسة معرفني المعلومة دي دلوقتي حالا..
الف شكر يا باشا و منكم نستفيد.. :)

[Ahmad Allawy]

والله يا احمد باشا ..
مش عايز اقولك انى من هواة النور الصغير و الفوجات على اقصى تقدير فى المشى بالليل و على الطرق و فى السفر كمان ...
نوع من انواع التدريب اتعودت علية
و اعتقد انك هاتبقى مشتت بين الشاشة و بين الطريق .. واللحظة بتفرق
وسرعة التصرف ..تسبق مدى التوقع

بصراحة انا اجيب بتمنة شاشتين دى فى دى كدة من بتوع الاسبرانزا :)
احطهم للناس اللى معايا ...
واسمع انا ام كلثوم مع نفسى ... وعيشنى فى الخيال ..وهو صحيح الهوى غلاب ؟

ماهي المصيبة يا سيدي ان الواحد مع النور الواطي مش بيبقي شايف الطريق قدامه اصلا..
واللي بيزود موضوع النور العالي للعربيات المقابلة في وشي..
بيبقي الموضوع صعب جدا..
وفي الحالة دي بقي مش بابقي مركز مع اي حاجة.. حتي لو كان السيرك القومي معايا في العربية..
بابقي مبرق و متنح في الطريق و باحاول اشوف اي حاجة..
واللي بيزيد و يغطي الكائنات العجيبة اللي بتطلع علي الطريق بالليل بدون اي نوع من انواع الاضاءة ولا العواكس..
من عينات الجرارات.. و الموتوسيكلات.. و التوكتوكات. :) و البهايم (أعزكم الله..)
دول مينفعش معاههم غير المود ده..! :)