هو كده يبقي العيب كهربة مش مظبوطة ولا كربراتير

[المنسي]

أخى الفاضل بص حضرتك الاول تثبت كابل البطاريه كويس جدا و تنضفه و بعدين تشوف البطاريه لان احتمال كبير جدا انك مشيت على البطاريه و فضيت شحنتها و تكون عايزه تتشحن تانى عن الكهربائى لانك لما بتزوق العربيه بتدور و ده رأى

شكرا لرد حضرتك احتمال فعلا زى ماحضرتك بتقول ان البطارية شحنها فضى ان شاء الله هاكشف على البطارية والدينامو بس انا مش عارف اخد اجازة من شغلى عشان موضوع العربية ده

غالبا الكهرباء زياده و عايزه تتظبط الميكانيكى يقللها شويه

ان شاء الله اروح للميكانيكي بس اظبط يوم اجازة من الشغل

يتنضف ويتصلح وآخر حاجة تفكر فيها إنك تجيبه إستيراد

المشكلة ان الميكانيكي المرة اللى فاتت معملش فيه حاجة كل اللى عمل ظبط هوا وبنزين وشكرا على كده وقاللى لو عملت معاكك تانى كده بدل كابلات البوجيهات التانى والتالت ودوس بنزين عشان يطرد الوساخة وابقى رجع الكابلات تانى مكانها على العموم شكرا لرد حضرتك

بص يا باشا واحدة واحدة كدة
-اول احتمال ان يكون فلتر البنزين مخنوق او (مصفة التنك..)
-تاني احتمال ان بك السلانسيه مسدود او في شوائب عموما في الكاربيراتير(طالما العربية بتبطل بس وانت مش دايس بنزين)
-تالت احتمال ان يكون في مشكلة كهرباء (الكوندنسر:s_thum1[1]:-الابلاتين-البوجيهات-سلك البوجيهات)
وطمنا بردو عشان نتعلم
........
تحيـــــــــــــــــــــــــــــــــــــــــــــــ ـاتي

ان شاء الله اغير فلاتر لما اروح للميكانيكي انا لسه مغير زيت وفلتر زيت ان شاء الله اغير فلتر بنزين وهوا لما اروح للميكانيكي مشكلة الكهرباء انا مش عارف بصراحة هو بتاع الشكمانات لما روحت له قاللى العربية الكهربة بتاعتها مش مظبوطة بس اللى انا قلقان منه صوت الترزيع اللى بسمعه لما ادوس بنزين جامد خايف ليكون حاجة فى البساتم ربنا يستر وموضوع البوجيهات هاغيرها ان شاء الله لما اروح للميكانيكي شكرا لرد حضرتك واهتمامك

شوف حضرتك
معى نفس السيارة ومع نفس مشكلتك كان الحل هو تغير المشط الكهربائى
وده ثمنه 70 جنيه جديد صينى وعلى فكرة شغال تمام وده لحل مشكلة rpm بيلعب وتهييس الكهرباء اما باقى المشكلة الحقيقة مش هقدر افيدك وعموما جرب تركيبه سهل جدا وممكن بنفسك من غير ميكانيكى

بعد اذن حضرتك هو ايه المشط الكهربائى ده هل هو الاسبراتير ولا حاجة تانية وشكرا لرد حضرتك واهتمامك