تحذير : رادار متحرك على الكورنيش تحت الدائري

[eldell]

اولا مشكور جداااا على التنبيه بس ده قديم كان الاول بيتحط وانت نازل من حلوان فى نفس الحته ديه وتقف وتلاقى الكمين بعدها بحوالى 100 او 150 متر نقلوه الناحيه التانيه حسبى الله ونعم الوكيل فيهم بجد

[moh19227]

ايه موضوع الموبايل ده ؟؟؟
ياريت تقولنا عليه يمكن نترحم من اتاوات المرور

ياريت فعلا

[alaamousa]

كويس ان في رادارات البلد كانت فاضية خاااالص

[alaamousa]

طالما السرعة زيادة يا ماعة يبقى من حقهم وبعين هما يختاروا المنطقة اللي ممكن تجري فيها ده لشئ كمان معرفش انتوا عارفينه ولا لأ لانهم من الموضوع ده بيلموا فلوس ودي طبعا في خزانة الدولة

[Kareem Fawzy]

شكراً على التنبيه ربنا يرحمنا منهم

[tarek_2005]

شكراً علي التنبيه انا رايح بكرة المشوار ده وطبعاً كنت هاخد المخالفة يعني هاخدها ليك في زمتي نصف تمن المخالفة ههههههههههههههههههههههههه

[mailo]

اللي أعرفه إن الرادار ده كان بيبقى موجود من كذا سنة مش الأيام دي بس
بس من قبل الثورة بفترة كده وهم مابيقفوش

شكراً علي التنبيه انا رايح بكرة المشوار ده وطبعاً كنت هاخد المخالفة يعني هاخدها ليك في زمتي نصف تمن المخالفة ههههههههههههههههههههههههه

يعني هتنزل المعادي من غير ماتقولي
كده عليك واحدة ياكبير

[hosar]

حسبي الله و نعم الوكيل
نفس الاسلوب المستفذ القديم ماتغيرش

بيقفوا عشان يلموا فلوس فقط .. انما مش عشان يحافظوا عليك و يمنعوك من السرعات العالية

[تامر.محمد]

اللي أعرفه إن الرادار ده كان بيبقى موجود من كذا سنة مش الأيام دي بس
بس من قبل الثورة بفترة كده وهم مابيقفوش

في الاتجاه ده لأ
دي سكتي من سنين

يانهااااااار 60 !!!!!!!!!!!!!
دانا عمرى مارحت المعادى بالعربيه واول مره امشى فى الطريق ده واول مره اروحها امبارح فحياتى يحصل كده!!!!!!!!!!!!!!

طالما ما وقفوكش يبقى اتطمن :)

طالما السرعة زيادة يا ماعة يبقى من حقهم وبعين هما يختاروا المنطقة اللي ممكن تجري فيها ده لشئ كمان معرفش انتوا عارفينه ولا لأ لانهم من الموضوع ده بيلموا فلوس ودي طبعا في خزانة الدولة

1- شغلة شرطة المرور يا باشا انها تظبط المرور مش تلم فلوس من جيوبنا
2- الحقيقة و الواقع ان 60 جوة البلد دي قاعدة فاشلة و غير منطقية , لأن الشوارع اما شارع ما ينفعش تمشي فيه حتى على 40 , يا اما حتة مفتوحة زي دي ما بتصدق تاخدها بسرعة عشان تقف بعدها على طول في المطبات اللي هما حاطينها عشان ما يكلفوش نفسهم و يعملوا كوبري مشاة , و تكمل الطريق الزحمة عشان اليوترنات

[moumen_hs]

شكرا جزيلا وفعلا وانا معدي على الدائري من فوق بيديني سرينة تحذيرية على الموبايل وانا الف وادور مش شايف رادارات وهيا تحت

ياريت حضرتك تفس اية موضوع السرينة الى على الموبيل دة برنامج ولا اية وشكرا

[ahmed_122]

ياريت حضرتك تفس اية موضوع السرينة الى على الموبيل دة برنامج ولا اية وشكرا

متابع

[medododo]

شكرا على التحذير

[beshomilan]

طالما ما وقفوكش يبقى اتطمن :)

لالالا دى بقى افهمها..
هى المخالفة بتدفع فورى؟؟
يعنى فى كمين بعد الرادار بيوقف كل واحد عمل المخالفة دى؟؟بس انا ملمحتش اى كمين فسكتى
ياريت تشرحلى النقطة دى ياتامر بيه
والغرامة كام بعد اذنك

[farahat]

شكراً على التنبيه ، وربنا يسترها مع الجميع .

موضوع الموبايل دة مع احترامي مش صحيح أبداً ، مفيش أي جهاز موبايل يقدر يعرف مكان رادار ، دة أولاً ، ثانياً حتى لو حضرتك بتتكلم على جهاز كشف رادار مش موبايل ، أي جهاز تحديد رادار لازم يكون موجه للشعاع بتاع الرادار ، يعني ماينفعش يكشف رادار وهو مش أدامه أو وراه مباشرةً (ما بالك لو دة تحت الكوبري ودة فوقيه !! )

[M.Elgergawy]

بالنسبة للأعضاء اللي بتسأل على موضوع الرسالة التحذيرية على الموبايل
دا برنامج بينزل من nokia ovi store والبرنامج اسمه trapster ودا بيشتغل عن طريق ال gps يعني لازم موبيل يكون بيدعم خاصية ال gps ودا انا مجربه وشغال ممتاز معايا من سنة تقريبا وكنت في الصيف بشغله على الصحراوي والعلمين وكنت ظابطه على المنحنيات الخطيرة والرادار قبل المنحنى او الرادار ب 2كم وداخل البلد ظابطه على الرادرات بس قبلها ب 500 متر
ملحوظة هو بيدي رسالة تحذيرية بوجود رادار ثابت بصرف النظر الرادار شغال او مش شغال
وعلى فكرة هو ينفع لاي نوع موبيل