تحذير : رادار متحرك على الكورنيش تحت الدائري

[farahat]

Trapster دة برنامج بتكون مسجل فيه النقاط أو الاماكن اللي على الخريطة اللي بتكون عارف إن فيها traps أو فخ ، وهو كل اللي بيعمله انك لما تيجي عند المكان دة يديك إنذار ، لكن لو مش عارف أو مش مسجل فيه الأماكن دي ولا هيعمل أي حاجة ، يعني ببساطة لو متسجل فيه مكان الرادار وجم غيروا مكانه مش هيديك تنبيه ولا هيفيد بحاجة

[تامر.محمد]

لالالا دى بقى افهمها..
هى المخالفة بتدفع فورى؟؟
يعنى فى كمين بعد الرادار بيوقف كل واحد عمل المخالفة دى؟؟بس انا ملمحتش اى كمين فسكتى
ياريت تشرحلى النقطة دى ياتامر بيه
والغرامة كام بعد اذنك

اييييييييييييييييوة فيه كمين
150 جنيه فوري و لو ما دفعتش لمدة يومين ولا تلاتة بيبقوا 300

[Sehsss]

شكرا على التنبيه

[M.Elgergawy]

البرنامج مشغله عندي زي الفل وانا ولا مسجل عليه فخ ولا رادار
زي ما قلت كل اللى باعمله انه بقوله على نوع التحذير سواء رادار او منحنى او اشارة او تقاطع ..... الخ واقوله المسافة المقترحة للتحذير
وانا بتكلم على موبيلي والبرنامج عندي واللى مش مصدق ييجي يركب معايا العربية ويشوف بنفسه

[beshomilan]

اييييييييييييييييوة فيه كمين
150 جنيه فوري و لو ما دفعتش لمدة يومين ولا تلاتة بيبقوا 300

شكرا للرد استاذ تامر
بس انا مخدتش بالى من اى كمين شرطة اطلاقا!!!
انا كنت راجع من فودافون الكورنيش لحد التحرير يعنى طوالى ومشفتش اى نوع للشرطة اطلاقا والكلام ده كان الساعة 4 الضهر

[engtmk]

البرنامج مشغله عندي زي الفل وانا ولا مسجل عليه فخ ولا رادار
زي ما قلت كل اللى باعمله انه بقوله على نوع التحذير سواء رادار او منحنى او اشارة او تقاطع ..... الخ واقوله المسافة المقترحة للتحذير
وانا بتكلم على موبيلي والبرنامج عندي واللى مش مصدق ييجي يركب معايا العربية ويشوف بنفسه

محدش قال مش مصدقك حضرتك بس هي الفكره اللي بنحاول نقولك عليه انه احيانا بتكون فيه ردارات جديده لسه متحطتش علي البرنامج فبردو خد بالك

How Does It Work?

Users submit speed traps, enforcement cameras, and road hazards, that then ..... all Trapster users in the area. A high-tech version of flashing your headlights to ..... drivers of potential road hazards.

وحسب كلام الموقع الخاص بيهم مواقع الردارات بتكون مشاركات من المستخدمين يعني مش حاجات اكيده ميه في الميه وعلي كل شكرا لحضرتك علي اسم البرنامج وهجربه وهاقولك راي فيه ايه

[el_nahal2004]

جزاك الله كل خير على المعلومة

[Bonanza]

الكمين موجود قبل مطلع الكوبري اللي قدام النيل بدراوي في اتجاه المعادي

[تامر.محمد]

شكرا للرد استاذ تامر
بس انا مخدتش بالى من اى كمين شرطة اطلاقا!!!
انا كنت راجع من فودافون الكورنيش لحد التحرير يعنى طوالى ومشفتش اى نوع للشرطة اطلاقا والكلام ده كان الساعة 4 الضهر

مااعرفش امبارح ايه النظام

و انا ماشي من هناك من شوية كان الرادار محطوط و شغال و الكمين مش محطوط !