هو اللى انا فيه ده صح ولا عقده نفسيه وتهيؤات

[ahmedeihab]

باشا العمر واحد و الرب واحد
و قل لن يصيبنا الا ما كتبه الله لنا
حضرتك لو جبت اكتر عربيه مصفحه فى العالم
و ركبتها و ربك عايزك تعمل بيها حادثه و يجرا حاجه
اكيد هيحصل
و ممكن تبقى راكب سوزوكى تمنايه
و تاخد ملف على سرعه 100 كيلو و متتقلبش منك العربيه
كل الكلام ده بتاع ربنا
سبها على الله
و قل لن يصيبنا الا ما كتبه الله لنا
تحياتى ليك
^_^

[CalvinKlein]

الاخ الفاضل
عندك فى اليوتيوب معظم السيارات عليها اختبارات تصادم فبالتالى هتقيم اكتر من عربية فى نفس الوقت+ الثبات فى المنحنيات و كل ما يتعلق بالسيارة .بعدين خلى نيتك خالصة لان القضاء و القدر ملوش مفر و متعرفش جاى منين,فبلاش من قبل ما تشترى عربية تفكر فى اللى هيحصلها لان كل حاجة بحساب و مكدبش عليك ساعة الحادث متعرفش ايه اللى حصل و ليه.و كلامى دا عن خبرات حوادث لا حصر لها و الحمد لله على ما اخذ.

[Land_Cruiser]

بص حضرتك ناس كتير بتتخدع فى حكايه الصاج الناشف و بتعتبره ميزه جامده و انا عايزك تبص على الفيديو ده بتاع التصادم بين شيفروليه ماليبو ٢٠٠٩ مع شيفروليه bel air موديل ١٩٥٩ و احكم بنفسك على النتيجه علشان تتأكد ان الموضوع مش بتقل الصاج خالص

Head-On Crash Test: 1959 Chevrolet Bel Air vs 2009 Chevy Malibu - YouTube

[CalvinKlein]

بص حضرتك ناس كتير بتتخدع فى حكايه الصاج الناشف و بتعتبره ميزه جامده و انا عايزك تبص على الفيديو ده بتاع التصادم بين شيفروليه ماليبو ٢٠٠٩ مع شيفروليه bel air موديل ١٩٥٩ و احكم بنفسك على النتيجه علشان تتأكد ان الموضوع مش بتقل الصاج خالص

head-on crash test: 1959 chevrolet bel air vs 2009 chevy malibu - youtube

معروف ان عضم الشيفرولية ناشف بطبيعة الحال لكن فى استعدالة بياخد مجهود شاااااق

[Land_Cruiser]

معروف ان عضم الشيفرولية ناشف بطبيعة الحال لكن فى استعدالة بياخد مجهود شاااااق

يا فندم الغرض من الفيديو انه يوضح ان الامان مش بتقل الصاج بتاع العربيه و عندك عربيتين نفس الماركه و القديمه صاجها انشف و مع ذلك اتبهدلت و بهدلت السائق جواها اكتر بكتير من اللى صاجها خفيف

[eng.m7md.ali]

فكرتني بفيديو كنت شوفته واستغربت بمستوى الامان في العربية دي

انها : سمارت

smart car crash - YouTube

شوف الفيديو ده ومش هتصدق انها عربية صغيرة
في حين عربيات كبيرة وضخمة بتتبهدل زي الدودج رام 2001

بص كدة على الفيديو ده

Crash Test 2001 Dodge Ram 1500 IIHS (Impolite) - YouTube


نستفيد ايه من الفيديوهين؟؟
نستفيد ان مش شرط تكون العربية كبيرة عشان تبقى امان
ومش شرط تكون العربية خفيفة وضعيف وتتبهدل في الحوادث

[moh19227]

ياباشا اولا الثبات بتاع العربيه الجديده اللي اكتر بمراحل من العربيات القديمه هيقلل فرص الحوداث لاقدر الله
دي اول نقطه للجديد
العربيه القديمه علي الرغم من ان صاجها محمل لكن الزمن جار عليه وهتلاقيه من اول صدمه يتعجن خالص انا بعيني شفت عربيه 504 دخلت في باب تقريبا ابيزا والله ال 504 اتبهدلت من والابيزا الباب اطبق بس عادي
العربيه الجديده في اختبارات تصادم بيعملوها وفي عربيات كوري بتاخد 5 نجوم واغلب الجديد 4
الجديد ثبات اعلي + فرامل افضل + انظمة فرامل وثبات مساعدة
انا علي فكرة زيك بحب اركب العربيات الكبيره هات جديد بس هات عربيه سيدان يعني ممكن فيرنا او لانوس

[beshomilan]

ماشاء الله الموضوع ممتاز والاراء ممتازة
وطبعا العمر ده بتاع ربنا وحده
بس انا شايف ان الحوادث فعلا بتختلف من حادثه للتانيه
يعنى ممكن عربيه تدخل فعربيه تانى او عربيه تدخل فى جدار اسمنتى او تدخل فعمود او تتقلب فمش مضمون امانها فكل حادثة
هو انا كمان اسمع ان شركة فولفو هى اكثر السيارات اللى بتنتج سيارات امنه فى العالم
بس انا كمان مقارنتش السيدان بالسيارات الصغيره لا لانى ذكرت البيكانتو مع الماتركس فى نفس الفئه الغير امنه ولان الماتركس لاتنتمى للسيارات الصغيره كالبيكانتو

[medo111]

العربيات القديمة بتلعب كمال اجسام شديدة ماشاء الله تدخل في اي عربية جديدة تجيبها نصين

فما بالك بعربية جديدة هاتش باك ...الناس جوة العربية حيتفعصو زي العنب لاقدر الله ربنا يحفظنا

مع احترامي للنظريه دي يا باشا بس هي مش مظبوطه العربيات القديمه دي علب فاضيه صفيح بس فاضي كتير بشوف حوادث لعربيات قديمه وعربيات جديده اخر مره كانت لنسر مكوه وتيوتا كورسيدا الي هي التاكسي الكورسيدا بقت هاتش باك فعلا واللنسر الشاسيه بتاعها اتعوج عوجه بسيطه

[engtmk]

بص انت بتقول عربيه طويله يبقي امان

عربيه جديده صغيره يبقي اكيد في اي حادثه لاقدر الله انت اللي هتضيع

شوف الفيديو ده واحكم بنفسك لا الطول ولا القدم معناه القوه المطلقه

[youtube]http://www.youtube.com/watch?v=86M_fV-1yKY[/youtube]


ربنا هو اللي بيستر علينا