فين الصح في الكلام ده

[SYD]

هههههههههههه

فكرتني بمقلب كنا بنعمله فبعض واحنا صغيرين
انهي اتقل ؟ كيلو حديد ولا كيلو قطن ؟

قياس السرعة ثابت

ولا حضرتك عايز تقنعني ان الرادار بيبص
اه ، دي عربية جولف 1800 يبقي هو دلوقتي ماشي 110
ودي عربية فيرنا 1300 يبقي هو ماشي علي 60
ودي هوندا يبقي 140

لا طبعا

السرعة بتتقاس بالمسافة المقطوعة في زمن محدد

االمهم هتوصل للسرعة فوقت قد ايه وبالتالي مسافة قد ايه

يعني هديلك مثال

لو قدامك شارع طوله مثلا 150 متر
بعربيتك الجولف تقدر توصل لنهاية الشارع حرق علي الغيارات هتكون جبت مثلا 60
بتاع الشاهين لو دخل نفس الشارع وحرق وبتاع هيخلص الشارع ولسة ماجبش ال60

دة لأنك 1800 وصلت لل60 بسرعة في مسافة 150 متر
وهو ماقدرش يوصلهم وكان الشارع خلص منه

الأرقام في المثال طبعا تقديرية وتخمينية وليست دقيقة

وزي الأخوة ما قالوا كل عربية بتتقاس بتوصل لل100 في وقت قد ايه وبناء عليه تقدر تقول بتتسارع بسرعة ولا لاء

يعني الفراري مش زي الشاهين مش زي ال1800 مش زي 1300

فهمتني ؟؟

والله المستعان
،
،

[Mzeid]

السرعة غير التسارع

السرعة تعتمد تماما على نسب تخفيض صندوق السرعات

التسارع و هو القدرة على اكتساب السرعة بالنسبة للزمن و هو يعتمد على قوة المحرك
و كلما كان التسارع اكثر كلما اكتسبت السيارة السرعة المحددة باكرا
يعني انت مثلا بتقول 180
انتو الثلاثة هتجمعوا السرعة دي ( لو امكانيات كل عربية تسمح ) بس الفرق ان انت هتجمع السرعة دي بدري علشان انت عندك التسارع احسن علشان انت اقوى محرك و أصحابك هيجمعوا السرعة دي برضه بس في وقت اكثر و بما انهم هياخدوا وقت اكثر يبقى من الطبيعي انهم لما يكونوا جمعوا ال 180 خلاص هتكون انت في المقدمة و هما خلفك

[m_elkhishin]

هههههههههههه

فكرتني بمقلب كنا بنعمله فبعض واحنا صغيرين
انهي اتقل ؟ كيلو حديد ولا كيلو قطن ؟

،

[moh19227]

انا عاوز اوضحلك نقطه ياريس
هي العمليه ملخبطه معاك شويه
اولا الناس بتشتري مواتير سعتها اللتريه كبيره ليه ؟
علشان التسارع بمعني انا معايا بي ام 530 تقريبا 3000 سي سي وواحد تاني معاه فيرنا مثلا 1600 سي سي وبنشد مع بعض
انا بقدر اجيب سرعة 200 وهوا يقدر بردو بس انا هجيبها في وقت قد ايه وهوا هيجيبها في وقت قد ايه ؟
يعني لما اكون بتخطي عربيه وفيه مقابل مثلا ومحتاج ان انا اتجاوز بسرعه اللي هيسعفني اكتر موتور 1600 سي سي مثلا ولا موتور 3000 سي سي
لما يكون معايا موتور سعته اللتريه كبيره اقدر ادوس علي كل غيار بمعني ممكن الاول لحد 80 والتاني 140 وكده وده بيديني تفوق واضح لما اكون بشد مع حد او محتاج تسارع
ثانيا وده الاهم
لو في لامبرجيني وبورش وفيراري و ماشيين 100 وجايه من وراهم 128 ماشية علي 120 هتسبقهم عادي جدا جدا :)

[mmffor]

انا حجاوب عليك لو قولتلي طن القطن اتقل واللا طن الحديد

[mahmoud_anwar]

انا فهمت ياجماعه
المواتير الكبيره دي هيا مميزاتها التسارع من الصفرر لي 100 في كام ثانيه

[Mzeid]

انا فهمت ياجماعه
المواتير الكبيره دي هيا مميزاتها التسارع من الصفرر لي 100 في كام ثانيه

+ أنها بمعنى تاني لو العربية محملة اوزان

[OMAR61995]

تخيل معايا كده
فيرنا ماشية على 180 كيلو
رحت أنت شادد شويه لحد ماوصلته و فضلت ماشى جنبه بالضبط
كده العربيتين ماشيين على 180 كيلو
بس صاحب الفيرنا عشان يجمع ال180 دول قعد يحرق و لسه بيحرق و جابهم مثلاً فى 30 ثانية
انما حضرتك حرقت شويه و جبتهم فى 25 ثانية و بتحرق برضه بس أقل من الفيرنا
و ساعتها تيجى فيرارى تمشى جنبكم بالضبط على 180 كيلو
صاحبها مجرد لمس بنزين و جاب ال180 كيلو فى 10 ثوانى و لسه ممكن يجيب أكتر

[me_medoo]

انا عندي راي تاني مع احترامي للقطن والحديد
دلوقتي لو عندك عربية كابريس ٤٥٠٠ سي سي وعندك عربية كورولا ١٦٠٠ سي سي هتلاقي الكرولا تسبق
القصد وزن العربية وانسيابيت الهواء بتلعب دور. حتى لو عدد الاحصنة اكتر
ومثلا ١٣٠٠ سي سي يباني. برقبت. ١٦٠٠ او ١٨٠٠ سي سي كوري
كل عربية ليها سحبها ووزنها وقوتها وممكن عربية صغيرة تسبقك رغم ان عدد احصنتها اقل منك
وبالنسبة ليه الناس بتجيب سي سي اعلى علشان متحسش بتقل في العربية اذا شغلت التكيف بتعها. تمام ياباشا

[moh19227]

انا عندي راي تاني مع احترامي للقطن والحديد
دلوقتي لو عندك عربية كابريس ٤٥٠٠ سي سي وعندك عربية كورولا ١٦٠٠ سي سي هتلاقي الكرولا تسبق
القصد وزن العربية وانسيابيت الهواء بتلعب دور. حتى لو عدد الاحصنة اكتر
ومثلا ١٣٠٠ سي سي يباني. برقبت. ١٦٠٠ او ١٨٠٠ سي سي كوري
كل عربية ليها سحبها ووزنها وقوتها وممكن عربية صغيرة تسبقك رغم ان عدد احصنتها اقل منك
وبالنسبة ليه الناس بتجيب سي سي اعلى علشان متحسش بتقل في العربية اذا شغلت التكيف بتعها. تمام ياباشا

لا كده اختلف معاك يا ريس
هوا ايرو دينمك العربيه بيأثر بنسبه كبيره علي سحب العربيه بس مش لدرجه الفرق الرهيب اللي بين ال 1600 و 4500 سي سي مستحيل
ووزن العربيه فعلا بيفرق بس الفرق بين العربيات مبقاش كبير اوي
وبالنسبه للكوري ال 1600 مش ال 1800 كمان يزحف وراه ياباني كتير 1600
يعني الالنترا تزحف وراها الصني والانسر

[me_medoo]

ههههههههههههههه. ياباشا السباق خير دليل هقلك ايه اكتر من كدة

[tutankhamoun]

لو الكلام ده موجه لي يبقى من فضلك ارجع اقرا و افهم اللى انا كاتبه
لو التلاته من الثبات ل 180 الحصان الاعلى هيوصل ل 180 ب rpm اقل و الحصان الاقل هيحرق جامد على الموتور

التلاته وصلو ل 180 بس الحصان الاعلى مستريح و يقدر يمشى على 180 كتير بس اللى حارق ده لو مشى نفس الوقت و كررو موضوع ال180 كذا مره يبقى الموتور رايح فى داهيه فبالتالى الحصان الاكبر هو الكسبان

ده تفصيل كلامى اللى فوق

معلش يا فندم ممكن أرد على نقطة أبو 130 حصان هايكون مستريح

الكلام ده مش مظبوط
أولا نعرف الحصان العالي وظيفته أيه

الحصان هو اللي يوصلك لسرعة معينة في زمن معين
و العزم هو المسئول عن الجر و السحب نفسه .

طيب ازاي العربية تكون مستريحة وهي بتجيب السرعة ؟
هنا تيجي حاجتين
الحاجة الأولى سعة الموتور و الحاجة المهمة جدا هي نسب الفتيس

لو الفتيس بتاعك نسبه طويله .......... يجيب سرعات عالية و يستريح عليها لأنه مريح سرعات الموتور.
و العكس الفتيس أبو نسب قصيرة يعمل العكس تماما حتى لو عربيتك 1000 حصان مش 130
تلاقيه في السرعات المنخفضة سحب جبار ...... و ينام في السرعات العالية لأن الموتور مش مستريح .

طيب نرد بقى على التسأؤل الأصلي :

أنت دلوقتي ماشي 180 و الفيرنا 180 و الجول 180

أنت في اللحظة دي
لو دوست شوية بنزين ....... هاتلاقي أستجابة أعلى و أنت هاتفرق طبعا علشان أكيد موتورك فيه فتيس نفسه طويل (علشان سعة الموتور و الحصان علشان يقدر يطلع الكلام ده )
يبقى أنت مثلا ماشي على 5 أر بي أم و الفيرنا ماشي على 6 أربي أم و الجول خلاص جاب آخره علشان سعة موتوره و فتيسه (دايما المواتير الصغيرة فتيسها نفسه قصير ) مش علشان فرق الحصان بس .

المهم يعني أنت بحصانك العالي توصل لأي سرعة أسرع منهم و تقدر تزود بأسرع منهم
و لكن عند ثبات السرعة للسيارات الثلاثة
كلكم هاتبقوا ماشيين 180 جنب بعض عادي .
فرق القوة يبان بس لو حد داس بنزين

[tutankhamoun]

لو الكلام ده موجه لي يبقى من فضلك ارجع اقرا و افهم اللى انا كاتبه
لو التلاته من الثبات ل 180 الحصان الاعلى هيوصل ل 180 ب rpm اقل و الحصان الاقل هيحرق جامد على الموتور

التلاته وصلو ل 180 بس الحصان الاعلى مستريح و يقدر يمشى على 180 كتير بس اللى حارق ده لو مشى نفس الوقت و كررو موضوع ال180 كذا مره يبقى الموتور رايح فى داهيه فبالتالى الحصان الاكبر هو الكسبان

ده تفصيل كلامى اللى فوق

معلش يا فندم ممكن أرد على نقطة أبو 130 حصان هايكون مستريح

الكلام ده مش مظبوط
أولا نعرف الحصان العالي وظيفته أيه

الحصان هو اللي يوصلك لسرعة معينة في زمن معين
و العزم هو المسئول عن الجر و السحب نفسه .

طيب ازاي العربية تكون مستريحة وهي بتجيب السرعة ؟
هنا تيجي حاجتين
الحاجة الأولى سعة الموتور و الحاجة المهمة جدا هي نسب الفتيس

لو الفتيس بتاعك نسبه طويله .......... يجيب سرعات عالية و يستريح عليها لأنه مريح سرعات الموتور.
و العكس الفتيس أبو نسب قصيرة يعمل العكس تماما حتى لو عربيتك 1000 حصان مش 130
تلاقيه في السرعات المنخفضة سحب جبار ...... و ينام في السرعات العالية لأن الموتور مش مستريح .

طيب نرد بقى على التسأؤل الأصلي :

أنت دلوقتي ماشي 180 و الفيرنا 180 و الجول 180

أنت في اللحظة دي
لو دوست شوية بنزين ....... هاتلاقي أستجابة أعلى و أنت هاتفرق طبعا علشان أكيد موتورك فيه فتيس نفسه طويل (علشان سعة الموتور و الحصان علشان يقدر يطلع الكلام ده )
يبقى أنت مثلا ماشي على 5 أر بي أم و الفيرنا ماشي على 6 أربي أم و الجول خلاص جاب آخره علشان سعة موتوره و فتيسه (دايما المواتير الصغيرة فتيسها نفسه قصير ) مش علشان فرق الحصان بس .

المهم يعني أنت بحصانك العالي توصل لأي سرعة أسرع منهم و تقدر تزود بأسرع منهم
و لكن عند ثبات السرعة للسيارات الثلاثة
كلكم هاتبقوا ماشيين 180 جنب بعض عادي .
فرق القوة يبان بس لو حد داس بنزين

[tutankhamoun]

القصد وزن العربية وانسيابيت الهواء بتلعب دور. حتى لو عدد الاحصنة اكتر
ومثلا ١٣٠٠ سي سي يباني. برقبت. ١٦٠٠ او ١٨٠٠ سي سي كوري
كل عربية ليها سحبها ووزنها وقوتها وممكن عربية صغيرة تسبقك رغم ان عدد احصنتها اقل منك

يا باشا الموضوع ملوش علاقة بالصانع
مفيش حاجة أسمها عربية ياباني 1300 برقبة عربية 1800 أو 1600 كوري
كلام مش صح (بعد أذنك )

الصحيح هي العوامل اللي بتقارن بها
1300 سي سي بغض النظر عن صانعها هو مين .
وزنها كام ؟ خرج الموتور كام ؟ أنسيابيتها و هكذا
فمثلا الياريس اللي حضرتك راكبها
فعلا عربية جراية و سحبها حلو لعدة عوامل
الموتور خرجه معقول جدا و قريب من عربيات 1600
ثانيا وزنها خفيف و بالتالي قوة الحصان أتعوضت بالوزن الخفيف .

ما تقوليش بقى أن عربيتك أقوى من السوناتا مثلا !!!
و أنا مش بتكلم عن السرعة بس

حمل دي 4 أفراد و دي أفراد
و شوف مين الأقوى في السحب و شوف مين اللي هايوصل لسرعة معينة في زمن معين .

مش عارف ليه بلد الصنع داخله في كل موضوع .

و شوف كمان الثبات ......... اللي ضايع في الياريس مثلا (دي بس حتة خارج الموضوع علشان موضوع بلد الصنع )

[tutankhamoun]

وزن العربية طبعا بيفرق جامد
مثال عملي
العربيات اللوتس
مش بتعمل مواتير جبارة
تعملك موتور 1800 و يحطه في عربية وزنها 900 كجم و يتحدى عربية 3000 سي سي ووزنها 2000 كجم و اللوتس بتسبق أو بتسد جامد مع مع العربية التانية علشان فرق الوزن لصالحها .

زي واحد أثيوبي طاير على حلبة سباق وزنه 60 كجم بيسابق واحد ألماني وزنه 80 كجم و دايما الكيني و الأثيوبي بيسبق
علشان مش فرق قوة ................. فرق وزن خلى الجماعة دول من أحسن المارثونيين و أسرعهم على مستوى العالم .
ممكن تدخل في خناقة مع الأخ الأثيوبي ده تقطعه علشان هو مش قوي عضلات و لكن لو جرت وراه مش هاتشوفه
(ده مثال الياريس على خفيف كدا )