المتسيكلات الصيني هل هيا نقمة أم نعمة أم لعنة ؟

[me_medoo]

بسم الله الرحمن الرحيم

بقالي فترة طويلة شايل في قلبي وساكت ... وبشوف الموتسيكلات عماله تكتر وتكتر وتكتر في الشارع المصري واقول معليش اهو بيحلو أزمة مواصلات وبيوفرو بانزين ... عربيتي مركونة فوق الرصيف واتنين راكبين متسيكل صيني واظاهر الي راكب ورى زغزغ زيميلو قام دييييييييييج ودخلي في فنوس عربيتي واقول معليش شباب بتهرج .

أخويا سايق عربيتو الماتريكس وجي بيعدي التقاطع وجيلو برضو موتسيكلين طايرين وكان في رملة على الارض وقام ديج ودخلو في الباب والرفرف بتوع عربيتو ودمرهولو وقلت معليش شباب مستعجل ...

بس أني ألاقي أطفال صغيرة سايقة الموتسيكلات وطالعه فوق كوبري أكتوبر وقافلين الكبري وعاملين قافلة ومش راضين يوسعو للعربيات ده والله شيء غير مقبول بالمرة .

أني أمشي على المحور وانتو عارفين الواحد وبقيت العربيات بتفتح واني الاقي برضو تلاته اربعه راكبين موتسيكلات وواحد فيهم عامل حصان بالموتسيكل ومرفعو على المحور ده شيء غير مقبول بالمره ... أني أبقى واقف في عز الزحمة انا ومراتي وعيالي والاقي موتسيكل جيلي من هنا وموتسيكل جيلي من هنا ومفيش مكان بس برضو مصرر الاخ انو يحك في عربيتي بالجدون بتعوو كمان ده شيء غير مقبول بالمرة ...

أني كمان أشوف في المرايا الي في النص عيال ركبه موتسيكل وانا واقف في عز الزحمة والاخ عمال لازق في ام أكصدام عربيتي من ورى ولا يحكلي الفنوس الخلفي علشان بسلامتومستعجل ومعندهوش صبر ده شيء غير مقبول وزاد عن حدو ... أني أروح أجيب بنتي من المدرسة والاقي بنت بتجري على عربية باباها وجيلك موتسيكل صيني طاير الاخ ... ويقوم دددددددددددب ويطير البنت الصغيرة مترين على الاسفلت ده كمان شيء غير مقبول صحيح انا وأولياء الامور أمنا معاه بالواجب ... بس أكتر من تلات مطبات قدام المدرسة هنعمل أيه نعمل حواجز خراسانية علشان البهايم دي تفهم .

بصو كده يا أساتذة بتوع الموتسيكلات الصيني بيعملوو أيه ؟

[youtube]http://www.youtube.com/watch?v=RaWsBpwh23E[/youtube]
[youtube]http://youtu.be/RaWsBpwh23E[/youtube]

ده تصرف مقبول يا أساتذة
دي حاجة ترضي ربنا
في كل شارع دلوقتي بقينا نشوف
المناظر دي ؟؟؟

وما أكتر الحوادث .

[me_medoo]

شوف بالزمة الهبل ... والفايروس الي أجتاح
الشارع المصري ... طاعون الشارع المصري
الي اسمو موتسيكل صيني
تمن المكنة من 2500 جنيه ل 3000 جنية
يعني في متناول اي عيل صغير

شوفوا البطل الالومبي بتاع مصر
صاحب الكاس الذهبي / الاخ حمادة فـرولة بيعمل أيه ؟

[youtube]http://www.youtube.com/watch?v=O6MchitZE6M&feature=relmfu[/youtube]
[youtube]http://youtu.be/O6MchitZE6M[/youtube]

دي حاجة ترضي ربنا بالزمة
يأخي مش خايف على نفسك خاف على غيرك
والمشكلة لو خبط أي عيل فيهم بعربيتك الناس تتلم وتنزل فيك
تلطيش ... كأنك أنتا الي غلطان مش عارفين ان صاحب الموتسيكل عيل (---------) ، ويقلو بص ياعيني الراجل الشرير خبط الواد بتاع المتسيكل ... ويجي التاني يقول انا عارف بيبلبعو ايه على الصبح وبيسوقوا عرابيتهم هههههههه
مع ان الي نازل من عربيتو ده دكتور ولا مهندس ولا مدرس .

في نفس الوقت ، منقدرش نمنع الموتسيكلات من مصر في ناس ياعيني محلتهوش غيرها وبيستخدمها استخدام محترم
بس ابن الهبلة مركب كل عيلتو عليها
[][IMG=

ياعيني ... وحياة النعمة ... بيصعبو عليا
في عز الحر في عز البرد راكبين



بس العيال دي الحل معاهم أيه بس ياربي ؟؟؟؟؟؟

[joacky]

خلى بالك أنا زميلك من قسم الدرجات النارية وى مش كل اللى سايقبن موتوسيكلات يبقوا صيع ولا عيال فى بردك دكاترة وى مهندسين وى مستشارين ومدرسين راكبين موتوسيكلات وى عادى وى لو قبلت فى يوم وى انا ماشى فى حالى بالموتوسيكل وى حــــمـــار زنق عليا بعربية ولا وقعنى هاطلع علية القديم و الجديد وى زى مأنتا متدايق منهم أنا كمان متدايق منهم بس مش كل من ركب موتوسيكل بقا صايع خـــلى دييت فى دماغك لأن المكن أنواع مش هاتجيب اللى راكب ريس او كاستم ولا تريلا بالصينى فايرييت تبقا فية تفرقة بين الاثنيين

[me_medoo]

انا معاك يا غالي ... ولذلك ذكرت في الموضوع ان في ناس فعلا ً محلتهوش غيره وانهم ناس محترمة ... والموتسيكلات بتحل أزمة ... بس معقولة نحل أزمة بأفتعال أزمة تانية ، طيب انتا انتا حضرتك يرضيك ... عيل صغير عمرو سبع سنين يركب مكنه أسمها موتووو سيكل ، ويا يموت نفسو يا يموت غيرو يا يئذي الناس بيها ... يعني اانا شايف ان الموضوع قلب من أستخدام عقلاني لهبل في الشوارع بيحصل من قبل قلة مندسة هههههههه حلوة كلمة قلة مندسة دي علشان محدش يزعل مني ، عيال بتركبها بدون وعي ولا حكمة وفكرينها عجلة ولا بسكيلته بيلعب بيها ... ده غير الي مركبلي عليها كسيت وسمعات قد كده من هنا ومن هنا وماشيلي في نص الليل يصحي ويزعج خلق الله ... والي ماشي وحاطط ايدو على الكلكس في وسط مباني واهالي وطاير بالمكنة بتاعتو ويزعج الناس ... فده يرضي ربنا ده ... وحضرتك بتقول عندك مكنه حضرتك بتعمل بيها حصان في شارع عام وصت العربيات ؟؟؟؟

[me_medoo]

وحتى انا عاوزك تشوف الفيديو ده
واحد حاطط كشاف زينون من ورى المتسيكل
ده تسميه أيه حضرتك غير (تخلف )؟

[youtube]http://www.youtube.com/watch?v=7ofUrsZ_Gvk[/youtube]
[youtube]http://youtu.be/7ofUrsZ_Gvk[/youtube]


تقدر تقلولي كام واحد معاه موتسيكل في مصر معاه رخصة
مصر طول عمرها فيها موتسيكلات من أيام الجااااااوااا والفيزبة ... بس عمرنا ماشفنا بيعملو فيها الي بيتعمل
دلوقتي في الشوارع

[OMAR61995]

مش كل اللى راكبين موتوسيكلات صينى من النوعية دى
فى ناس بتجيبه تتعلم عليه
و فى ناس بتجيبه أن قدرتها لا تسمح تجيب موتوسيكل يابانى
و فى ناس بتجيبه عشان موفر و رخيص فلو باظ يبقى فى داهية
كل دول ناس محترمة

انما فى ناس بتجيبه و تركب كل أنواع النور و كل الألوان اللى ممكن تتخيلها
و يركب الكاسيت و السماعات
و يشغل شويه أغانى قذرة
و يمشى ياخد غرز بين العربيات بمنتهى الغباء
غير العيال الصغيرة اللى بتسوق بالبركة
غير الناس اللى بتخطف شنط الستات و تجرى و طبعاً مش معلق نمر فانسى أنك تعرف تجيبه

يعنى متقارنش الناس دى بالناس المحترمة و الناس اللى راكبة ريس و كاستم و تريلات و سكوترات

و بعدين كام واحد سايق عربية بيبص فى مرايته
كام واحد بيوسع لموتوسيكل جاى من وراه
غير الناس اللى بتحب تزنق و خلاص

[engtmk]

الحمد لله دلوقتي مبقاش عندنا شوارع

بقي عندنا سيرك قومي مفتوح 24 ساعه

تريلات

نص نقل

ميكروباصات

تكاتك

ملاكي

موتوسيكلات

بني ادميين ماشيين



احمدك يارب

[engtmk]

مش كل اللى راكبين موتوسيكلات صينى من النوعية دى
فى ناس بتجيبه تتعلم عليه
و فى ناس بتجيبه أن قدرتها لا تسمح تجيب موتوسيكل يابانى
و فى ناس بتجيبه عشان موفر و رخيص فلو باظ يبقى فى داهية
كل دول ناس محترمة

انما فى ناس بتجيبه و تركب كل أنواع النور و كل الألوان اللى ممكن تتخيلها
و يركب الكاسيت و السماعات
و يشغل شويه أغانى قذرة
و يمشى ياخد غرز بين العربيات بمنتهى الغباء
غير العيال الصغيرة اللى بتسوق بالبركة
غير الناس اللى بتخطف شنط الستات و تجرى و طبعاً مش معلق نمر فانسى أنك تعرف تجيبه

يعنى متقارنش الناس دى بالناس المحترمة و الناس اللى راكبة ريس و كاستم و تريلات و سكوترات

و بعدين كام واحد سايق عربية بيبص فى مرايته
كام واحد بيوسع لموتوسيكل جاى من وراه
غير الناس اللى بتحب تزنق و خلاص

ربنا اعلم اني طول مانا ماشي والطريق هادي بوسع لاي موتوسيكل جاي عشان ماجبروش يستني زي

لاني بقول انا علي الاقل عندي سقف علي راسي هو الشمس او الهوا بتلفحه

لكن لما برنس يطلع علي الرصيف ويرمي بوز الموتوسيكل عرضي عشان يعدي بالعافيه لا بزنق عليه

[me_medoo]

الحمد لله دلوقتي مبقاش عندنا شوارع

بقي عندنا سيرك قومي مفتوح 24 ساعه

تريلات
نص نقل
ميكروباصات
تكاتك
ملاكي
موتوسيكلات
بني ادميين ماشيين
احمدك يارب

ههههههههههه أه واللهي انتا قلتها احنا فعلا بقينا عايشين في سيرك قومي ... لا ونسيت فقرتين كمان مهمين ، من أهم فقرات السيرك القومي .

الشحاتين الي بين العربيات والي جيبالك واحد رجلية مقطوعة ووشو محروق وحطاه فوق كرسي بعجل وبتمشي وسط العربيات ... أو الاطفال الصغيرة الي بيشحتو .

والفقرة الاهم البياعين المتجولين بين العربيات .

---

#ba1a1a

يا أستاذي الفاضل الموتسيكلات مش مخصصلها مكان في شوارع مصر وبالذات فوق الكباري ... وعملين يحشرو نفسيهم وداخلين تعابين بين العربيات ، وتلاقي كل متسيكل مركب حمايه حديد قااااااااااد كده وعمال كخخخ ككككككخ في العربيات وتجاريح وخرابيش ... كوبري زي (15 مايو ) حرتين وتلاقي العربيات داخلين في النص وعملينو 3 حرات والطريق واقف والدنيا زحمه وحر ومتسيكل داخلك من اليمين ومتسيكل داخلك من الشمال طيب قولي انا كسواق عربية هعمل ايه أشغل التيربو وادوس على العربيات ولا اطلع امشي بعربيتي فوق الرصيف ولا اطلع دراعي من الشباك بتاعي والمدام تفرد درعها من شبكها ونهوي كده يمكن تطير العربية زي الحمامة علشا اوسع لموتسيكل شايف الدنيا وقفه والطريق واقفه وده خلاص حكمة لازم يعدي . مع العلم ان العربيات مزنقه على بعض وده مصرر انو يعدي بين العربيتين باي شكل ... ومش مشكلة انو حتى يكحتلك حربيتك ويجرحهالك .

[sakr_skoda]

بصراحة الموتوسيكلات الصينى لعنة من السماء اصابت ارض مصر وذلك من غضب الله علينا انه سلط علينا تلك المخلوقات الغريبة لتذيقنا مر العذاب وليس لنا الا ان نصبر على عذاب الدنيا عسي الله ان يرحمنا من عذاب الآخره....

[Eng.Geo]

انا الموتوزفت الصيني ده بشوفه يجيلي العصبي !
موتسيكلين صيني عليهم اتنين بلطجية طلعوا عليا ومعاهم أسلحة وعملت كل الوسائل عشان أخلص منهم والعربية أتبهدت
حصلت مع واحد صحبي نفس الحكاية برضه من موتوسيكل صيني
البتاع ده خفيف جدا وضعيف جدا ومايستحملش اللي الناس بتعمله فيه
في الأفراح تلاقي كام بتاع منهم وعاملين حصان ومعطلين الشارع
كنت في زفت ( زفة ) وكانوا قافلين الشارع وعمالين يخمسوا ويعملوا حصان وطلعت في وسطيهم لوشتهم وكنت هشيلهم كلهم
غير التوكتوك والميكروباص ... سيبلهم مواضيع ليهم تانية عشان انا شايل كتير

[grand hand]

نقمة ولعنة ووسيلة جديدة للسرقة والبلطجة

[beshomilan]

قرف مابعده قرف..ربنا ياخدهم ونرتاح منهم كلهم
مره قدامى دخلوا فتاكسى كحتوه من الجنب نزل الواد اللى سايق الموتوسيكل وفأيده مطواه ومعلش يا اسطى وبتاع والراجل التاكسجى نزل بص لعربيته بحسره وسكت ومشى

[M.belal]

يا باشا امال لو شفت الوضع عندنا ف شبرا بقى
تبقى جوا ف شوارع منيله وتلاقى الموتسيكل طاير
وده غير التكاتك اللى بقت اكتر من البنى ادمين وده غير بتوع الميكروباص
الواحد بيحس انه عايز اتنين تلاته جنبوا يسوقوا معاه
ربنا يستر الطريق بس اهم حاجة

[me_medoo]

المشكلة ان فعلا العصابات دلوقتي والمجرمين

بقو يستخدمو الموتسيكلات لسهولة هربها ولرخص تمنها ، وانا مبتكلمش عن كل الناس المحترمة الي بتركبها ولا بتكلم عن بتوع الهارلي او الريسنج (الموضوع عن الموتسيكلات الصيني ) والاطفال وبعض الحرامية الي بتستخدمو ...

شوفوا ادي كميرة في شارع ... في الصين ذات نفسها العيال الي كانت ركبه الموتسيكل عملو أيه وأزاي خطفو شنطة الست وجريو ...

[youtube]http://www.youtube.com/watch?v=hV3-YVG8w-I[/youtube]
[youtube]http://youtu.be/hV3-YVG8w-I[/youtube]

وعلى فكرة بسبب وجود الموتسيكلات الصيني دي في الشوارع
حلات السرقة ذادت مش بس في الصين ولا في مصر
قريب ليا جي من السعودية وبيحكيلي ان حوادث سرقة وخطف شنط الستات زادت عندهم بسبب الموتسيكلات الصيني الي بيبقو راكبين عليها ويخطفوا الشنطة من الست ويجروو
ومش مهم أذا خلع كتف الست او السيدة ولا حتى جرجرها وراه في الارض .