المتسيكلات الصيني هل هيا نقمة أم نعمة أم لعنة ؟

[ztx]

فعلا الموتسيكيلات الصينية ازعااااج
حتي عندنا وغالبية الي يركبها صغار وجهال الغالبية مش الكل وفي منهم محترمين
لكن الفئة الاكثر انتشارا للأسف العيال الصغار..

[sabry7]

ياجماعة اللى يتكلم يبقى عادل مشعلشان الواحد عندة عربية يبقى الموتوسيكلات واتكاتك تبقى وحشة فى عيال بتركب عربيات وبيعملو فيها حاجات وحشة .. وبغرزو وبيجرو وبيرعبو الناس ولية دايما الحاجات اللى بيركبها الناس الغلابة بتبقى وحشة وبيسرقوا بيها بيخطفوا بيها هواللى قتل الست الخبيرة بتاعة الامم المتحدة ناحية نادى الزمالك كان راكب اية ماتردوا الحقيقة ان احنا البلد الوحيدة فى العالم اللى بنعمم فى كل حاجة وخاصة الحاجات اللى بركبها الناس الغلابة والجهلة يعنى نقول اللى عمل مشاكل الزحمة فىالشوارع بيقتلو الناس فى حوداث السيارات وبيخطف الشنط وبيغتصبو البنات بتوع التوكتوك والنقل والميكروباص اما بتوع الملاكى وخاصة الناس الهاى فهم ملائكة وملتزمين بقواعد المرور ومش عاملين زحمة اصل عربيتهم بتطير فى الجو مابتمشيش زى ولاد الناس البيئة بتوع الميكروباص لكن اقول لكم وللاسف ان معظم الحوادث الكبيرة بيعملها ولاد الناس الهاى اللى بيتكلمو بالمرسية ياتنط وياونكل كل عيل امة مدلعاه ولا ابوة حرامى كبير ولا رجل اعمال بيجيب لابنة عربية وبنتة اللى فى الجامعة عربية والبت اللى فى الابتدائى عربية بسواق والمدام عربية والبيه كذا عربية والعيال بتسوق العربيات ويطلعلولهم رخص بالواسطة وحتى لو بيعرفو يسوقو بيبقم متهورين ومعاهم اصحابهم ومبلبعين اذا كانو بنات او صبيان فاكرين الواد اللى موت حوالى 14 واحد على الدائرى بعربيته كان واحد من اولاد الاكابر واللى بيخدوا بنات يطلعوا بيهم المقطم وغيرة ولاد الاكابر فى الاخر عاوز اقول ان العملية مش توكتوك ونقل ومرشيدس وكيا وهيونداى ونقل هو اسلوب حياة ممكن واحد ابن ناس كبيرة وساكن فى ماكن راقى ويكون متعلم فى احسن مدارس ويكون لسانة قذر وقليل الذووق فى السواقة وهو راكب افخم عربية والعكس ايضا حتى فى بتاع التوكتوك والنقل والميكروباص والكارو حتى سوف تجد الانسان الذوق المحترم فى سواقتة والملتزم بقواعد المرور والاداب العمة وسوف تجد العكس بمعنى اخر سوف تجد من يسكن القصور وتربى فى احسن اماكن وتلاقية عاوز ضرب الجزم وسوف تجد عكس ذلك ايضا فى نفس الاماكن وفى المناطق الفقيرة سوف تجد الشى ونقيضة فماترموش كل مشاكل المرور فى مصر على التوكتوك والنقل والميكروباص والموتوسيكل الصينى الكل مشترك فى ازمات البلد اولاد القصور واولادر القبور راكبى الموتوسيكلات الغالية والرخيصة فنحن شعب عشوائى متعلمنا وغير متعلمنا الغنى والفقير شعب افوت واللى ورايا يموت مشعلشان الناس اللى بتركب العربيات الغالية والموتوسيكلات الغالية هما اللى بيعدو على النت يطلعو مشاكل البلد من بتاع الموتوسيكل الصينى والتوكتوك والنقل اقول لكل واحد عامل فيها ملتزم يغمض عينة ويفكر كام واحد اداك اشارة انه هيحود وطنشته وكام واحد منكم بلبس حزام الامان وهو ماشى وكام وكام و.....سلام

[me_medoo]

استاذ صبحي : انا واللهي قاعد بصقف بعد ماقريت الكلمتين بتوعك دول تحية وتقدير ، وانحني وارفع لك القبعه احتراما واجلالا. ، بس انتا دخلت في حتت الطبقية الي هيا مش اساس موضوعنا. يابيه احنا مبننتقدش الفقراء او الغلابة او المساكين فمثلا انا على قد ما املك. فانا اعتبر غلبان بالنسبة واحد تاني اغنى مني ..... فمجيش انا اكمن التاني اغنى مني اروح واقفرف (امو ) ولمن الراجل التاني يشتكي مني اقولوا هو انتا علشان ربنا كرمكم وعندكم مرسيدس وانا حيالله عندي تويوتا هتفتروا علينا وتدوسوا علينا ، المسئلة مش كده خالص ملهاش علاقة بالفقر والغنى لها علاقة بالتربية وتحمل المسؤولية وبيقلك ياسيدي المسلم من سلم المسلمون من لسانه ويده. فمين بيدوس على التاني هنا صاحب الموتسيكل الي مش عاوز يصبر وعمال يعمل تعابين بين العربيات والطريق واقف ويجرح عربيت الراجل الي تعبان وشقيان في تمنها ده اذا مكنش عليها اقساط ولا صاحب العربية الي قاعد متهني ومشغل التكيف والكاسيت وواقف بمزاجو في عز الزحمة والحر واقف في وش الموتسيكل مين الي بيجني على التاني
انا معاك ان الاغلبية سواقين محترمين بتوع الموتسيكلات بس كترو قوي العيال الي بتسوقو اما كل فين وفين لمن تلاقي صاحب عربية بيسوق عربيتو وهو غير مبالي بارواح الناس قليل قوي قوي ولا ايه رايك يا برنس

[osama.m]

هو في نوع من اللي بيسوقوا الموتسيكلات الصيني بحس انه بيفرد عضلاتة طول ما هو ماشي .. عشان فكرة ان شكلة بلطجي و هتتخانق معاه و الكلام دا
و دايما بيشتم بالام
يعني ابقى سايق في حالي و اخينا جاي من ورا وعمال يحشر نفسة .. والمفروض ان لو انا شايف المكان مش هياخدة اطلعلة فوق الرصيف عشان سيادتة يعدي .. لو معملتش كدا يبقى هتشتم
بس انا بقيت اخبطهم .. بجد لو شتمني بخبطة و هو بيجري .. خبطة صغيرة كدا العربية مش هيبان فيها حاجة جامدة و هو هيتكوم على الاسفلت

[S O P H O S]

لعنة يا ميدو باستثناء المكن النظيف
انا نفسي يا ميدو يلغوا المتوسكلات الصيني دي والتكاتك والمكروبصات وساعتها نرتاح شوية
ولا ايه رايك

[me_medoo]

لعنة يا ميدو باستثناء المكن النظيف
انا نفسي يا ميدو يلغوا المتوسكلات الصيني دي والتكاتك والمكروبصات وساعتها نرتاح شوية
ولا ايه رايك

ماهو يابوحميد لو لغو المتسيكلات والتاكتيك والميكروبصات هنلاقي التاس بقت وقف امم في الشارع مستنية الاتوبيس والتكاسي وهتلاقي برضو الدنيا خربت. ، التاتك مفيدة جدا ً بس مش مكنها الطرق العامة والعمومية. لكن حلوة في الحواري والاقاليم لكن مينفعش اطلع على العمومي الاقي توك توك ماشي
او الاقي توك توك معمول اتوبيس مدرسة ومحمل اطفال حتى على يمين وشمال السواق انا مره كسر عليا توك توك وكنت هشمع فيه او هلبس في عمود في الشارع بصيت لقيت مركب عشرين طفل وراه وحولي ه انا كنت هنزل ارزعو جوز اقلام وهوا حتى خاف مني ورفع ايدو كانو بيقلي سامحني بس لمن بصيت لقيت اشله الي حوليه قلتلو روحنا يبني انتا من الاحرار يا علي
والموتسيكلات كمان بتحل ازمة. بس ماينفعش الي يسوقها من غير رخص او عيل صغير او طفل. وكمان ميكنش لابس خوذة وهتقلي لاميعرفش يلبس خوذة انا حبيب قلبي كان عندي موتسيكل محترم ايام شبابي وكنت بسوق بخوذة ومعايه رخصة كمان رسمية الميكروبصات دي بقة الي ملهاش حل خالص الي بيقفو في نص الشارع وسبب عطلت وزحمة الطرق الميكروباص بلا منازع

[Sehsss]

الموتوسيكلات الصيني لعنة فعلا، حسبنا الله ونعم الوكيل في اللي بيدخلها مصر

[me_medoo]

أخ صبحي ... صباح الفل ياباشا ... شفنا كنا ببنتكلم في ايه امبارح ..
وشوف حصل ايه لزميل لينا النهردة

http://www.nilemotors.net/Nile/281370-a.html

ياترى الراجل ده كمان صاحب العربية بتاع بابي ومامي وبياكول بالشوكة والمعلقة ... ولا مواطن مصري عادي ... كان ماشي في أمان الله وطلعلو التوك توك من تحت الارض .
على فكرة حالت التوك توك انا بشوفها كل يوم ومش بس تكاتك لا وكمان موتسيكلات صيني ... تلاقي الناس كلها ماشي كده على طول وهو داخلك عكس ولا كان في عربيات ولا كان في بشـر موجودين في الشارع ، ولا كأنو ماشي في زريبة ... وقلي توك توك واحد فيكي يامصر مبيخشش عكس ... وقلي على موتسيكل فيكي يامصر مبيبمشيش عكس ... أو حد فيهم بيحترم تعليمات المرور ... وتحياتي ليك يا غالي .

[Elawany13]

عشنا وشوفنا
سواقين العربيات زمان بيشتكوا من الموتوسيكلات الجاوا والـ MZ والفيسبا
علشان بيطلعوا دخان كثيف بيلوثوا البيئة
وتأثيره ضار على الانسان والحيوان وبيعوق الرؤية
وكانوا بيطالبوا الحكومة بالتدخل لحل مشكلة الموتوسيكلات الملوثة للبيئة
المضحك دلوقتى ان احنا بنترحم على ايام هذه المتوسيكلات
ههههههههههههه
ولما الحكومة جت تكحلها عمتها
هههههههههه
................................
أنا ركبت موتوسيكلات كتير من زمان
فيسبا ايطالى
ام زد ألمانى
عندى حالياً موتوسيل صينى
بصراحة فيه مميزات كبيرة جدا عن الموتوسيكلات القديمة
تكلفة صيانتهم وقطع غيارهم والبنزين والزيت والذى منه
تقريبا صفر جنب مصاريف العربية
أشكالهم احدث واشيك بكتير من القديم
تكنولوجيا احدث بكتير
فيه انذار وريموت وبشغله وبطفية بالريموت
موفر للوقود بصورة رهيبة جدا
بـ 5 جنيه بنزين ممكن امشى بيه اكثر من اسبوعين
انما القديم كان بلاعه بنزين
اعطال قليلة جدا وتكاد تكون منعدمة رغم انه صينى
جنوط ألمونيوم لأول مرة فى حياتى اقدر احط كاوتش تيوبلس فى موتوسيكل
والتيوبلس نعمة كبيرة جدا
بيتحط فيه بنزين فقط بدون زيت علشان كده مفيش عادم زى القديم
عيوبة ان فيه بعض الحاجات بتستهلك بسرعه زى الشكمانات بتتخرم وبتدوب بسرعه
و محتاجه تغيير كل فترة
فيه قطع غيار مضروبة كتير

بستخدمه كتير لما بنزل مشاوير قريبة أو لما العربية تكون عند الميكانيكى ومحتاج اشترى قطع غيار وأجرى هنا وهناك
أو لما انزل وقت الذروة مش بنعى هم الركنه وشلل المرور وبعرف اتصرف بسرعه
طبعا بسوق بإحترام وبإلتزام وبعقل
لإنه فعلاً أداة مواصلات جميلة وسريعه وعملية ولكن خطرة جداااااااااااا


وتقريبا ان الوحيد اللى فى جمهورية مصر العربية اللى ماشى برخص سليمة
وحاطط الخوذه على دماغى
حتى فى عز الثورة
ويوم جمعة الغضب
فى أوقات كتير وانا راكب العربية ورابط الحزام بسرح وبدور على الخوذه علشان ألبسها
هههههههههههههه

وقرفان جدا من البلاوى الإنتحاريين اللى راكبين المتوسيكلات ديه
ومش فى دماغهم حياتهم ولا حياة غيرهم
زيهم زى سواقين ملاكى روشين طحن كل همهم الغرز والتسارع والشد

[Nistelrooy]

عايزيين نجمع كل الموتسكلات الصيني والتكاتيك الي بيمشوا في شوارع رئيسية مخالفيين ونحطهم في محرقة ونخلص منهم بسواقينهم ..

[Amrgamal1]

الموتوسيكل الصيني من صفات واساسيات الشاب السرسجي

واحد صاحبي معاه مرسيدس سي 200 ومحترف سواقه ماشاء الله
لبس في عيل سرسجي سايق موتوسيكل امبارح بالليل
ودلوقتي المفروض يروح القسم عشان يخلصو الحوار
كل دا عشان اي عيل ابن .... معاه الف جنيه يروح يشتري موتوسيكل صيني
وتلاقيهم في الزحمه ياخدو غرز وسط العربيات عشان مستعجلين

برا الناس المحترمه اللي بتركب موتوسيكلات هوندا و بي ام دبليو بتلاقيه واقف وسط العربيات في الاشاره
مش بياخد غرز وعجله والنبي أساحبي

[me_medoo]

ياباشا مختلفناش
بس تقول ايه يا ألواني في الي بيحمل الموتسيكل بتاعهو مواسير ويبقى ماشي بين العربيات والي شايلين اقفاص فوق الموتسيكلات وهب يقوم واقع منو في نص الشارع وعطل الشارع لأنو نازل يلم في الحجات الي كانت فق القفص ... هل الموتسيكلات دي مخصص لحمل البضائع ؟؟؟؟

[Medicalist]

بصوا يا جماعه من الاخر
الى عايز يركب متوسيكلات يركب ويعيش بس يحترم القانون والطريق الى كلنا ماشيين عليه مش ييجى على طريق سريع و يمشيله فى نص او بالراحه او ييجى فى طريق زحمه وعايز يخبط فى ام العربيات ويجرح فيهم
انا رأيى انه لو معاه رخصه ومترخص اوكى بس فى حدود الطريق و بالاحترام
لو مش مرخص يبقى مالوش ديه عندى واياكش يولع

[me_medoo]

انا شايف اننا مابنتقدمش خالص
لقدام كل مادى البلد في الاسوء وبنرجع لورى



قولولي بالله عليكم يا عقلاء مصر
ياحكماء مصر يأهل الحضارة
هل ده يعقل يكون في مصـر
محملين أنابيب غاز يعني قنابل موقوته
فوق الموتسيكلات وماشين وسط العربيات
والمشكلة انها لو وقعت مش هتفجرو هوا
هتفجر ام العربية الي ماشية واره







الواد الي راكب ورى ده لو مش واسك كويس وقع من على
الموتسيكل وداستو عربية ... ياترى هيعملو ايه في سواق
العربية الغلبان الي داسو ؟؟؟

[me_medoo]

الي حضراتكم متعرفهوش ... وبالذات العيال الي بيقول بابي ومامي والناس الي بتاكول بالشوكة والسكينة والمعلقة دول ... كان في سنة من السنين أبتدو يطلعو على الشارع الرئيسي بأموتسيكلاته البيتش باجي ... وكان بيسببو مشاكل كتير في الساحل الشمالي وشوارع الاسكندرية ... قدرة الحكومة برغم مراكزهم ومناصبهم انها تحكمهم وقالت ممنوع وهيا الممنوع ... رغم ان أقل موتسيكل تمنو من 60.000 جنية وأنتا طالع يعني بتمن عربية .. ومع ذلك الحكومة صادرة حق اولاد الاغنية انهم يستخدمو اموتسيكلاتهم على الطرق الرئيسية ... رغم انو دفع رباعي واتوماتيك كمان وحجمو حاجة مهولة كده ...

فأزاي الحكومة تعجز انها تسيطر على موتسيكلات صيني ولا تكاتيك بقة تمشي في الشوارع الرئيسية

هل ده مظهر حضاري ... شغال في سيرك حضرتو؟




موتسيكل ده ولا اتوبيس ؟؟؟

حتى انتي يا حجة راكبة موتسيكل
وانا الي بقول انتي الوحيده العاقلة الي فيهم ؟؟

النهردة شوفت حاجة غريبة عجيبة ؟؟؟
شفت واد مركب الحته بتاعتو (بنت ) في توك توك وعمال يعلمها ازاي تسوقوا ؟ هههههههههههههه

أنتو عارفين معنى الكلام ده أيه ؟
معناه ان لو البنات والستات كمان نطو على الموتسيكلات والتكاتك محدش هيقدر يمنعهم وساعتها قول على البلد يارحمان يارحيم ... أذا وهما سايقين العربيات ومش عارفين نخلص منهم فما بالكم لو أبتدو الستات تسوق تكاتك وتشتغل وتساعد في مصروف البيت ... سعتها هيبقى أزي الحال بقه في مصر .

ياوحشني رد عليا أزيك سلالالالالالامات .