إعـــــــلان

Collapse

.

,
See more
See less

هل يمكن تحويل فيات 132 لسيارة حديثة؟

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    هل يمكن تحويل فيات 132 لسيارة حديثة؟

    السلام عليكم ورحمة الله وبركاتة

    انا عضو جديد فى المنتدى ودى اول مشاركة ليا فى المنتدى وكنت وعايز اشكر كل اعضاء المنتدى الغالي فقط لتواجدهم فى منتدى مصر موتورز
    انا عندى استفسار مش عارف هو دة القسم الخاص بية ولا لا
    بس عموما استفسارى هو هل يمكن تحويل فيات 132 لسيارة حديثة
    بمعنى انا بعشق حاجة اسمها 132 بس حاسس فى نفسيتى ان الناس بتقول عليها قديمة وغيرة وغيرة
    فهل لو انا اشتريتها ايا كانت حالتها وصرفت عليها مبلغ وليكن 20 الف هل هتبقى ذى اللانوس والفيرنا مثلا او مثلا ذى الى فى الصور دى







    منتظر ارائكم
    الكلمات الدلالية (Tags): 132, تحويل, حديثة؟, فيات, لسيارة, هل, يمكن
  • #2
    المشكلة انك حتحتاج تصرف كدة كل فترة
    فالاحسن باللى حتدفعة هات عربية جديدة واشترى دماغك
    لكن انا معاك انها عربية جميلة ولها رونق خاص
    فلو حابب يبقى ممكن بس كلة بتمنة
    [CENTER][COLOR=blue]استغفر الله عدد خلقة وزنة عرشة ومداد كلماتة ورضاء نفسة [/COLOR][/CENTER]
    [CENTER][SIGPIC][/SIGPIC][/CENTER]

    Comment

    • #3
      ولية لأ هيا مش هتبقى سيارة حديثة لان كل جيل من السيارات ولية احساسة الخاص
      التمانيات حاجة والتسعينات حاجة والالفينات حاجة يعنى مثلا هتجيب راحة لانوس لراحة النترا 2012
      اكيد فية فرق تكنولوجيا وراحة واوبشن وشكل انسيبابى اكتر
      انت مش هتخليها حديثة انت هتعدل وكل ما التعديل دة كان صح وبحسبات هتلاقى اداء قصاد اللى بتعملة ساعتها هتحث انك معاك موديل قديم اة بس بتصد من اتخن عربية طالعة من المصنع
      طبعا حسب الارقام اللى طلعت بيها من التعديل مش قصدى تيجى جنب عربية تقيلة فارهة وتسخن عاليها
      المهم التعديلات نوعين
      تعديل شامل شكلا وموضوعا يعنى هتبقى سوبر كا وتعديل بسيط هتشد بية العربية كويس زى ما اغلبنا بيعمل
      هنبتدى بالتعديلات البسيطة اللى اغلبنا بيعملها
      العربية تتشد سمكرة ودوكو شدة محترمة ونوع بوية المانى ولون مميز يليق مع العربية ممكن عتب وكساحات حاجات سينبل كدة يعوجوا العربية
      مع عفشة اسبور او لو مش عايز هتفور اللى تعبان فى العفشة القديمة وتغير الازم وطقم جنط مع كاوتش سرعات وشدادات حوض
      هشوف حالة المتور اية نظامها هتحتاح تعمل عمرة هتسقط مكنة اداء اعلى مع فلتر اسبور
      عدة صوت وتظبت سروجى العربية وتشدة شدة محترمة ممكن بردو كراسى اسبور
      وهتبقى عربية اخر حاجة
      التعديل الشامل ودة هتقلب العربية سوبر كار
      يعنى مش هتحتاج غير عربية فاضية
      وهتبتدى تبنى من الصفر هتشد بودى العربية طبعا مع بودى كيت محترم وياسلام لو حد بيفهم ويعملهولك بحسبات بحيث تكون العربية انسيبابية مع الهوا اكتر .... مش شكل وخلاص يعنى... طبعا اكيد بتختار صنايعية نظيفة ومتمرسين
      هتشوف اية متطلباتك من المكنة وعايز توصل لكام حصان ودة طبعا عن طريقخبراء الفيات
      هتعرف منهم اية المكن اللى ممكن يتسقطلها اية وان كنت محتاج سوبر تشارجر او تربو وفلاتر اسبور وبوجيهات وسلوك اسبور
      اوكيد نظام عادم كامل عشان يمشى مع التعديلات اللى اتعملت
      عفشة اسبور واكيد العربية هتحتاج دعامات وشدادت وجنوط اسبور وكاوتش سرعات عريض
      اكيد عدة صوت شديدة مع تعديلات فى الصالون والعدادات وسروجى محترم
      طبعا اللى قلتة دة مش الخطوات بالترتيب واكيد المعلومات مش كاملة وممكن اكون ناسى حاجة انا قولت اللى اعرفة واللى افتكرتة حاليا وواثق منة
      [B]لا اله الا الله محمد رسول الله[/B]
      [B] يارب احمى مصر[/B]

      Comment

      • #4
        شراية العبد ولا تعديله هههههههههههه
        سبحان الله وبحمده عدد خلقه ورضا نفسه ومداد كلماته:7_9_6v[2]:

        Comment

        • #5
          ممكن طبعا يا باشا ... بيعها و اشترى عربيه اجدد !
          [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

          Comment

          • #6
            انا كمان معايا العربيه وبحبها جداا
            وفكرت كتير في اللي بتقول عليه
            لكن وصلت انه صعب
            صعب تصلح وتظبط اللي بوظه غيرك من اكتر من 30 سنه
            صعب كمان لأنك مهما عملت هتفضل برضو حاسس انه فيها حاجه ناقصه
            معرفش
            يمكن انا غلط
            لكن ده رأيي اللي وصلتله وقررت معملش حاجه اكتر من اني احافظ عليها لأنها عربيه محترمه وتستاهل اني احافظ عليها
            [COLOR=#000000][COLOR=#00bfff] [CENTER][SIGPIC]http://www.nilemotors.net/Nile/signaturepics/sigpic7741_1.gif[/SIGPIC]
            [SIZE=4][B]ما اجـمــل ان تكون [COLOR=#ff8c00]غائـبـــا حاضــر[/COLOR] على ان تكون [COLOR=#ff8c00]حــاضـرا غائـــب[/COLOR][/B][/SIZE]
            [/CENTER]
            [/COLOR][/COLOR]
            [SIZE=2][B]MaYo سابقا[/B][/SIZE]

            Comment

            • #7
              السلام عليكم
              اسمع بقى يا سيدى بناء عن تجربة
              انا كان معايا 132 موديل 1979 المانى
              و فكرت زيك كدة من 6 سنسو قولت هو انا لو بعت هركب ايه؟ لانوس ولا فيرنا؟
              و عملت خطة تطوير قعدت اكتر من 8 شهور
              سمكرة و دوكو شاملة ,حرقت العربية خالص على الصاج و شلحتها من كل حتة و اشى بلاك ودوكو سكينز ,كارتيرات فيبر
              تجديد عفشة كامل بطنابير بديفرانسيه رييس بكله, فتيس اتوماتيك بتغيير ضفيرة, و موجود فى عزبة شلبى بمثبت سرعة مش بس كدة لو عاوز نظان انجكشن ليها موجود بتاعها
              زودت ازاز كهرباء ورا بوحدة رفع و وحدة تحكم فى الازاز و السنتر اساسية
              مرايات بى ام كهرباء
              تكييف
              طقم فيبر شيك مش فلح (عتب و كساحة)
              فوانيس كريستال تعديل عدادات بيضاء اليميناتور ,مراية صالون لانشيا فى لبرابرز مع وخدة الاضاءة فى السقف ,زنان باب شبكة سبور فوانيس بمساحات زينون و كان ب 2550 وقتها
              فرش داخلى اتغير بالكاملللل بيج
              شديت الطابلوه و فرش البواب بالللون البيج بعد ما اتمعجن و كدة و تفصيل الكرسين و الكنبة ريكارو جاد بيج بردو و طلع ريكارو زى ما قال الكتاب مش مبعجر و كدة
              الخلاصة 8 شهور عشان اخلص كل دة + شهرين كمان كل كام يوم اروح اضبط حاجة مرة التكييف مرة المرايات مرة الفتيس فى اية و كل نزولة بيومين لف و تعب و حرففين لعزبة شلبى للصنايعى
              لحد ما العربية وقفت على رجليها ,صرف كام حوالى 22 الف جنية
              انبسطلى شهرين تلاتة بعدها و رجعت لوجع القلب تانى ,التكييف باظ ... اصل الكمبريسور انتهى عشان استيراد هات غيرة.... الفتيس بنطجر النقلة اصل عاوز طقم اصلاح عشان عمره كدة... الازاز بيعلق عشان انت يا باشا معدل فيها مش بتاعت بلدها .... الغفشة بتلوء ماهو يا باشا انت مجنط 15 و معدل فى العفشة مع العلم انى مكنتش قاصص سوست و الهبل ده كنت جايب عفشة كونى لاكن طبعا الجلب و البيض و البارات مستحملوش الكلام دة...زينون يتحرق ...ماهو يا باشا كهربة العربية متستحملش الكلام دة كله (زينون و كماليات) ده غير العمايل الطبيعية : مارش و دينامو و صلايب كردان, كرسى نص..... الكلام دة العادى بتاع الفيات مع العلم انى محسوك فى السواقة اوى و كنت بحطلها بنزين 92 لو مشيت فى مياة و لا طينة اروح اغسل شاسية فى نفس اليوم و محدش غيرى يحط رجله فى العربية
              و معرفش انام لو بك السلانسية مش نضيف و العربية المكنة بتاعتها فيها رعشة و لو بسيطة
              المهم بعتها فى 2008 فى الوقت اللى اللى البنزين غلى فيه و طلع الطلعة دى كانت احعص عربية 132 بتتباع فى السوق ب 16 الف جنيه و اصحابها يدللوا عليها بعتها ب 24750الف جنية طبعا مقارنة بكل الصرف و التعب ..... ولا حاجة
              ارجوك متكررش الغلطة ,اللى هتصرفه نط بية فى عربية اعلى شوية و واحدة واحدة تطلع تانى
              يا ريت اكون افدتك
              [FONT=Impact][SIZE=5][COLOR=black]Gazzar[/COLOR][/SIZE][/FONT]

              Comment

              • #8
                هاتصرف كتير و مش عارف بصراحة هاتوصل ولا لأ
                و ما تنساش ان اي عربية قديمة عرضة للبارومة :)
                ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                [sor2]http://imageshack.us/a/img838/2058/8l0n.jpg[/sor2]

                Comment

                • #9
                  بلاش أحسن
                  لأنك لو بعتها اللى هيشترى مش هيقدر كل ده

                  Comment

                  • #10
                    المشاركة الأصلية كتبت بواسطة Thebutcherr مشاهدة المشاركة
                    السلام عليكم
                    اسمع بقى يا سيدى بناء عن تجربة
                    انا كان معايا 132 موديل 1979 المانى
                    و فكرت زيك كدة من 6 سنسو قولت هو انا لو بعت هركب ايه؟ لانوس ولا فيرنا؟
                    و عملت خطة تطوير قعدت اكتر من 8 شهور
                    سمكرة و دوكو شاملة ,حرقت العربية خالص على الصاج و شلحتها من كل حتة و اشى بلاك ودوكو سكينز ,كارتيرات فيبر
                    تجديد عفشة كامل بطنابير بديفرانسيه رييس بكله, فتيس اتوماتيك بتغيير ضفيرة, و موجود فى عزبة شلبى بمثبت سرعة مش بس كدة لو عاوز نظان انجكشن ليها موجود بتاعها
                    زودت ازاز كهرباء ورا بوحدة رفع و وحدة تحكم فى الازاز و السنتر اساسية
                    مرايات بى ام كهرباء
                    تكييف
                    طقم فيبر شيك مش فلح (عتب و كساحة)
                    فوانيس كريستال تعديل عدادات بيضاء اليميناتور ,مراية صالون لانشيا فى لبرابرز مع وخدة الاضاءة فى السقف ,زنان باب شبكة سبور فوانيس بمساحات زينون و كان ب 2550 وقتها
                    فرش داخلى اتغير بالكاملللل بيج
                    شديت الطابلوه و فرش البواب بالللون البيج بعد ما اتمعجن و كدة و تفصيل الكرسين و الكنبة ريكارو جاد بيج بردو و طلع ريكارو زى ما قال الكتاب مش مبعجر و كدة
                    الخلاصة 8 شهور عشان اخلص كل دة + شهرين كمان كل كام يوم اروح اضبط حاجة مرة التكييف مرة المرايات مرة الفتيس فى اية و كل نزولة بيومين لف و تعب و حرففين لعزبة شلبى للصنايعى
                    لحد ما العربية وقفت على رجليها ,صرف كام حوالى 22 الف جنية
                    انبسطلى شهرين تلاتة بعدها و رجعت لوجع القلب تانى ,التكييف باظ ... اصل الكمبريسور انتهى عشان استيراد هات غيرة.... الفتيس بنطجر النقلة اصل عاوز طقم اصلاح عشان عمره كدة... الازاز بيعلق عشان انت يا باشا معدل فيها مش بتاعت بلدها .... الغفشة بتلوء ماهو يا باشا انت مجنط 15 و معدل فى العفشة مع العلم انى مكنتش قاصص سوست و الهبل ده كنت جايب عفشة كونى لاكن طبعا الجلب و البيض و البارات مستحملوش الكلام دة...زينون يتحرق ...ماهو يا باشا كهربة العربية متستحملش الكلام دة كله (زينون و كماليات) ده غير العمايل الطبيعية : مارش و دينامو و صلايب كردان, كرسى نص..... الكلام دة العادى بتاع الفيات مع العلم انى محسوك فى السواقة اوى و كنت بحطلها بنزين 92 لو مشيت فى مياة و لا طينة اروح اغسل شاسية فى نفس اليوم و محدش غيرى يحط رجله فى العربية
                    و معرفش انام لو بك السلانسية مش نضيف و العربية المكنة بتاعتها فيها رعشة و لو بسيطة
                    المهم بعتها فى 2008 فى الوقت اللى اللى البنزين غلى فيه و طلع الطلعة دى كانت احعص عربية 132 بتتباع فى السوق ب 16 الف جنيه و اصحابها يدللوا عليها بعتها ب 24750الف جنية طبعا مقارنة بكل الصرف و التعب ..... ولا حاجة
                    ارجوك متكررش الغلطة ,اللى هتصرفه نط بية فى عربية اعلى شوية و واحدة واحدة تطلع تانى
                    يا ريت اكون افدتك
                    الله ينور عليك هوه ده خلاصه الكلام
                    مهما هتصرف انته كأنك بترمي فلوسك في الارض التظبيط في العربيه دي لو عايز تصرف يعني انك تصلح العربيه وتوصلها لحالتها الاصليه بنفس الجنوط ونفس مقاس الكاوتش ونفس العفشه وكل حاجه عشان حتى لما تزهق منها (وانا متأكد انها هتزهقك وهتكرهك في حياتك لأنها مبتبطلش تعطل) تعرف تبيعها من غير ما تخسر كتير.... نصيحه لو عايز عربيه شبابي وبتاعه تظبيط
                    لو تقدر خليك في البي ام e30 وبلاش ال132 نصييييحه
                    وانا ممكن اقولك على شويه مشاكل يكرهوك في العربيه كده على الماشي لو عايز
                    اولهم المارش انا طلع عيني مع المارش ده فتره خاصه ان مكانه مزنوق جدا ومقرف
                    الكرونه لو فيها ونه وتصليحها مكلف
                    الحتت بتاعه الكارتيرات الي في الحوض بتشرخ بسرعه
                    فلانشه عمود الكردان (دي كاوتش) وعشان اللي في السوق كله وحش فهتبوظ منك بعد فتره
                    غير بقا شويه الحاجات اللي بتزيق وتطقطق وانته ماشي ودي انا ملقيتلهاش حل غير اني اشتريت كاسيت بايونير وسماعات 500 عشان افصل دماغي عن الرزع ده
                    بلاش 132

                    Comment

                    • #11
                      هتصرف اوي
                      وبردوا النتيجة مش هتبقي مرضية
                      الجديد اولي

                      Comment

                      • #12
                        بالنسبه للعربيات دي لازم تكون محدد انت هاتعمل ايه بيها

                        انت لو فكرت تجيب 132 و تجيبلها نص امامي كامل بماتور انجكشن مثلا هايعمله 10000 علي الاقل
                        و شوف بقى التعديلات التانيه الي تتعمل

                        عموما بالنسبالي 131 قطع غيارها متوفره اكتر و التعديل فيها اسهل و هتلاقي حالات كتير كويسه
                        طبعا الحاجه اما تتعمل صح و تبقى علي اصلها العربيه مش هاتتكلم

                        و طبعا حسب ميزانيتك
                        ال 20 الف هايعملولك شغل كويس بس المهم تتعمل صح و تركب قطع غيار اصليه و نضيفه
                        [CENTER]م. سعدالدين مصطفى
                        Follow me on Twitter @Saadelden
                        http://www.nilemotors.net/Nile/67592-131.html[/CENTER]

                        Comment

                        • #13
                          رايي مع اغلب اراء الاعضاء
                          بعد تجربة سابقة . كل الي هاتدفعة هترمية في الارض .
                          [CENTER][SIGPIC][/SIGPIC][/CENTER]

                          Comment

                          • #14
                            بلاااااااااااااااااااااااااااااااااااااااااااااااا ااااااااااااااااااااااااااااااااااااااااااااااش
                            [B][FONT=Garamond]قال رسول الله صلى الله عليه وسلم[/FONT][/B]:"[U]اضمنوا لى ست من أنفسكم أضمن لكم الجنة[/U]
                            [COLOR=#1988d1][B]اصدقوا اذا حدثتم و أوفوا اذا عاهدتم و أدوا اذا أتمنتم وغضوا ابصاركم واحفظوا فروجكم وكفوا أيديكم[/B][/COLOR]" [B][FONT=Garamond]صدق رسول الله صلى الله عليه وسلم -صحيح البخارى ومسلم-[/FONT][/B]

                            Comment

                            • #15
                              يانهار هى للدرجة دى وحشة يعنى كدة هضيع فوق ال30 الف عشان اجيبها واظبطها طيب يا جماعة انا مش عارف اجيب اية وخصوصا ان مش لاقى حاجة كويسة بالسعر دة غير كيا برايد بس حجمها صغير
                              طيب لو نفس الكلام على فيات 131 هتبقى متعبة بردة

                              Comment

                              السابق 1 2 template التالي
                              Working...
                              X