هل يمكن تحويل فيات 132 لسيارة حديثة؟

[saadelden]

الفكره انها تكون نضيفه و مافيهاش لعب كتير و كل حاجه فيها علي اصلها

انا بقول 131 لانك هتلاقي موديلات لحد 87 و حالتها كويسه
لكن اخر ال 132 كانت 80 تقريبا

هايركبلها تكيف عادي و هاتجري عادي و ليها موديلات نزلت بباور و ازاز كهربا من غير اي مشاكل
لكن انت بتفكر في تعديل ولا بتفكر في ركوبه ولا ايه بالظبط ؟

اصل ب 35 الف تجيب فيات تمبرا موديل حديث و فيها كل حاجه من غير تعديل
او سيات ابيزا

لكن لو عايز حاجه دفع خلفي و اعطالها قليله تبقى 131

[khaliad]

saadelden تسلم لمشاركتك ياغالى
الفكرة انى عايز عربية اقدر اغير لونها لو حبيت يعنى ب30 الف اجيب عربية ويتبقى معايا مبلغ اقدر اغير بية الفرش او لون العربية على الاساس دة مش لاقى غير موديلات قديمة وموديلات احدث مش لاقى غير
هيونداى اكسل 30000-37000
سيات ابيزا 24000-35000
كيا برايد هاتشباك 24000-33000
سكودا فليشيا 27000-33000
تمبرا 28000-30000
السويفت 28000-35000
جولف 2 27000-33000
اونو 26000-30000
وفى العربيات دى مش لاقى غير الكيا برايد بس مشكلتها انها ضعيفة وصغيرة
فدة الى خلانى ابص للقديم ومن كلامك حسيت ان اى فلوس هتتصرف على القديم هيبقى اترمت فى الارض
طيب الكلام دة على الشاهين والريجاتا بردة

[mohamed_e36]

مش عارف ليه انا لو مكانك مش ههتم بالدهان وترويش العربيه
اهم حاجه انك تلاقي عربيه نضيفه ودي اهم حاجه (شاسيه نضيف موتور محترم ثبات كويس فرشها يكون نضيف)دي اهم حاجه حتى لو اشتريت العربيه بكل الفوس اللي معايا دلوقتي لان هوه ده الاساس اللي هبني عليه لو فكرت اضيط العربيه بعد كده
مش اشتري عربيه اي كلام و اقول هظبطها بالباقي لأ لانها عمرها ما هتتظبط
انا لو مكانك هشوف جولف 2 تكون سليمه ونضيفه جدا ويكون فيها شويه كماليات ومش مهم عندي التظبيط دلوقتي لو معيش فلوس الا تمن العربيه وبس ......وبعد كده ان شاء الله احوشلها قرشين واظبطها تمام التمام
ربنا يوفقك

[saadelden]

saadelden تسلم لمشاركتك ياغالى
الفكرة انى عايز عربية اقدر اغير لونها لو حبيت يعنى ب30 الف اجيب عربية ويتبقى معايا مبلغ اقدر اغير بية الفرش او لون العربية على الاساس دة مش لاقى غير موديلات قديمة وموديلات احدث مش لاقى غير
هيونداى اكسل 30000-37000
سيات ابيزا 24000-35000
كيا برايد هاتشباك 24000-33000
سكودا فليشيا 27000-33000
تمبرا 28000-30000
السويفت 28000-35000
جولف 2 27000-33000
اونو 26000-30000
وفى العربيات دى مش لاقى غير الكيا برايد بس مشكلتها انها ضعيفة وصغيرة
فدة الى خلانى ابص للقديم ومن كلامك حسيت ان اى فلوس هتتصرف على القديم هيبقى اترمت فى الارض
طيب الكلام دة على الشاهين والريجاتا بردة

ما انا قولتلك الموضوع هايتوقف ع الي انت عايزه
عربيه واسعه و كبيره و دفع خلفي يبقى 131 موديل بعد ال80 او بي ام موديل قديم

عربيه هاتش باك جولف 2 لحد موديل 90 او ابيزا من 94 ل 99
و الاتنين نفس الميكانيكا و العفشه و الشاسيه و عربيات محترمه جدا

عربيه كبيره بردو و واسعه و مريحه و حديثه فيات تمبرا و شاهين
بس الفرق ان التمبرا هاتحس انها احدث
لكن ميزه الشاهين رخص قطع الغيار زي ال 131
طبعا الاتنين هايبقو موديلات حديثه و فيها تكيف و باور


طبعا التعديل و تغيير اللون كل دا بسيط و عيبه بس ف اعاده البيع
ف المهم دلوقتي انك تلاقي عربيه نضيفه اوي و صاحبها كان مهتم بيها و مش لاعب فيها

انا اما فكرت ابيع ال 131 و اجيب جولف او ابيزا او تمبرا لقيت اني اكيد هلاقي رفاهيه و راحه اكتر
لكن محتاج ادور كتير و كدا كدا هصرف علي العربيه سواء بعد يوم او حتى بعد سنه

[grand hand]

اشترى جديد احسن

[ainshouka]

انا معايا ارجنتا ومتحافظ عليها

وابويا كان محافظ عليها جدا ومهتم بكل حاجة يغيرها فى مواعيدها

بس خلاص بالرغم من كده كل وقت وله اذان

عربية ماشية 30 سنة فى الشارع

حتلاقى نفسك كل شوية بتغير حاجة

لان الحاجات عمرها الافتراضى بينتهى

ومش حتلاقى قطع غيار اصلى ليها

والموجود صينى ومبيقعدش كتير

فحاول تشوف احدث حاجة تقدر تجيبها باللى معاك وخلى التظبيط على مراحل

انت لو ظبطت فى عربية تعبانة مش حتحس انك عملت حاجة وكل يوم حتشوفها حتبقى قرفان من مشاكلها

[hossam_elwani]

من الاخر فى مصر عمرك ام حتوصل للى انت عايز حترف كتير وحتطاع عك برضه الضمير المصرى بأه

[michohat]

كل المشكلة هو ان قطع الغيار المغشوش كتير و قطعه الغيار الاصلية بتفرق معاك ده ان وجدتها زي ما شوفت فى منتدي تركي لناس بيتعاملوا ازاي مع عربياتهم وبيحافظوا عليها

[specialist50]

الجديد شديد

[محمد عز]

لو معاك 35 الف حطهم مقدم 50% لعربية زى رينو لوجان واركب عربية زيرو جديدة

هتريحك اخر راحة وهتبقى راكب عربية زيرو ليها برستيج نوعا ما عن مثيلاتها