الكوريك التمساح مبيتصلحش ؟

[ahmed_h_g]

السلام عليكم ورحمة الله وبركاته
تانى كوريك تمساح 2 طن أشتريه وميكملش معايا سنه
بعد فتره الاقيه مفضي كل الزيت جوه الشنطه الخاصه بيه
أملاه زيت وبعد فتره الاقيه عمل نفس الحكايه
مفيش فيديو بيوضح طريقة تصليحه ولا هو خلاص كده يترمي ؟؟؟؟؟؟؟؟؟

[S O P H O S]

برضوا عمل كده واترمي فالاخر
بدون تصليح ...
متابع للحل ...

[mramzy]

اللى اعرفه بيجى واحد بيصلح الكوريك عند المكيانيكى بيغيره اويل سيل وبيرجع يشتغل كنت بشوفه من سنين طويله بس مش عارف ايه الجديد

[misoalex]

فيه ناس متخصصه فى تصليح الكوريك فيه هنا فى اسكندريه واحد اعرفه بيصلح

وعموما الكوريك الصينى ازبل من الزباله بشويه

عندى اول مره استخدمه العجل اتكسر وكان حياخد العربيه وينزل

[Amr Axel]

بيتصلح يا باشا بس عايز اقولك ع حاجة اغلب اللي هتلاقيه بيتباع ع الواقف مضروب و الطن بيبعوه ع انه 2 طن يرشوه و يغيروا العلبة غير ان طبعا زي ما شوفت بيبوظ عالطول

عايز نصيحتي هات كوريك زي الفبريكة اللي اسمه العفريتة تقريبا اللي عامل زي السمبوكسة بصراحة برقبة التمساحة ملوش صيانة نهائيا غير انك لو حسيت بخشونة فيه حتة شحم ع المسمار الكبيرة
وزنه خفيف جداااا و تقدر تخطه ورا الجنط في الشنطة منها يصد اي خبطة لا قدر الله و منها مياخدش مساحة
ده توضيح ع ادي للي قصدي عليه معلش المستخدم برنامج الرسام هههههههه

[Sehsss]

بيتصلح يا باشا بس عايز اقولك ع حاجة اغلب اللي هتلاقيه بيتباع ع الواقف مضروب و الطن بيبعوه ع انه 2 طن يرشوه و يغيروا العلبة غير ان طبعا زي ما شوفت بيبوظ عالطول

عايز نصيحتي هات كوريك زي الفبريكة اللي اسمه العفريتة تقريبا اللي عامل زي السمبوكسة بصراحة برقبة التمساحة ملوش صيانة نهائيا غير انك لو حسيت بخشونة فيه حتة شحم ع المسمار الكبيرة
وزنه خفيف جداااا و تقدر تخطه ورا الجنط في الشنطة منها يصد اي خبطة لا قدر الله و منها مياخدش مساحة
ده توضيح ع ادي للي قصدي عليه معلش المستخدم برنامج الرسام هههههههه

[ahmed_h_g]

عندى واحد
ممل لأبعد الحدود
والتمساح أرميه ولا فيه أمل

[mrghost]

باشا وديه لاى حد متخصص يصلحه
فى ناس كتير متخصصة كوريكات

[osama.m]

الكوريك الصيني دا ولا لية لازمة اصلا
صاحبي اشتراة و جربة مرة واحدة .. بعد كدا مش عايز يشتغل تاني
الكوريك اللي زي الفابريكة دا ممل و متعب بس مضمون

[a4_han]

بيتصلح يا باشا بس عايز اقولك ع حاجة اغلب اللي هتلاقيه بيتباع ع الواقف مضروب و الطن بيبعوه ع انه 2 طن يرشوه و يغيروا العلبة غير ان طبعا زي ما شوفت بيبوظ عالطول

عايز نصيحتي هات كوريك زي الفبريكة اللي اسمه العفريتة تقريبا اللي عامل زي السمبوكسة بصراحة برقبة التمساحة ملوش صيانة نهائيا غير انك لو حسيت بخشونة فيه حتة شحم ع المسمار الكبيرة
وزنه خفيف جداااا و تقدر تخطه ورا الجنط في الشنطة منها يصد اي خبطة لا قدر الله و منها مياخدش مساحة
ده توضيح ع ادي للي قصدي عليه معلش المستخدم برنامج الرسام هههههههه

شكرا ليك
بس للتوضيح الكوريك ده اسمه المثلث؟ ولا انت تقصد حاجه تانيه؟

[misoalex]

بيتصلح يا باشا بس عايز اقولك ع حاجة اغلب اللي هتلاقيه بيتباع ع الواقف مضروب و الطن بيبعوه ع انه 2 طن يرشوه و يغيروا العلبة غير ان طبعا زي ما شوفت بيبوظ عالطول

عايز نصيحتي هات كوريك زي الفبريكة اللي اسمه العفريتة تقريبا اللي عامل زي السمبوكسة بصراحة برقبة التمساحة ملوش صيانة نهائيا غير انك لو حسيت بخشونة فيه حتة شحم ع المسمار الكبيرة
وزنه خفيف جداااا و تقدر تخطه ورا الجنط في الشنطة منها يصد اي خبطة لا قدر الله و منها مياخدش مساحة
ده توضيح ع ادي للي قصدي عليه معلش المستخدم برنامج الرسام هههههههه

كل كوريك وليه مميزات وعيوب الكوريك ده مثلا مره اخد العربيه ونزل بس الحمد لله مكنتش فكيت العجل لسه عشان القاعده بتاعته مش بتتثبت كويس على الارض عشان صغيره
وخصوصا لو مش واقف على الاسفلت وواقف فى حته رمل او مكسره حيتعبك اخر حاجه
وعلى فكره هو المفروض ليه فتحه يتثبت فى العربيه من عند العتب لان غير كده ممكن يتزحلق برضه
عموما هو على حسب كل واحد مهو متعود ولولا اختلاف الازواق لبارت السلع

[lad]

الكورك التمساح لو اتقلب بيفضى الزيت لازم يفضل عدل يعنى على العجل بتاعه

[pegpus]

فى شارع \ احمد سعيد على الرصيف اللى فيه البنزينه حتلاقى محل متخصص بيع وتجديد كواريك ممتاز انا اشتريت منه كوريك مستعمل لسيارتى شيفورليه استيشن سياره ثقيله جدا \ ولديه صيانه ايضا بضمان واكد عليه اولا

[ahmed_h_g]

شكرا" ليك
هروح أجرب شغله ان شاء الله

[mi22do]

فى شارع \ احمد سعيد على الرصيف اللى فيه البنزينه حتلاقى محل متخصص بيع وتجديد كواريك ممتاز انا اشتريت منه كوريك مستعمل لسيارتى شيفورليه استيشن سياره ثقيله جدا \ ولديه صيانه ايضا بضمان واكد عليه اولا

انا لسه كنت عندة النهاردة - و شغله ممتاز فعلا - خد 25ج تصليح كوريك تمساح و اشتريت واحد مستعمل من عندة ب 50ج اللي هو الأصلي اللي بيجي مع العربيه