محتاج سارينة بتاعة نقل

[khalid_adel]

السلام عليكم
مشكلتي اني طريقي كله على الدائري كل يوم من اوله لحد اخره (120 كم رايح جاي كل يوم) المهم كتييير وانا ماشي الاقي عربيه قافل القزاز وماشي في النص وعمال يكسر شمال وانا افضل اكلكلس ولا هو هنا ونفس الكلام مع العربيات النقل ولا هو سامعني وممكن يبقى مش شايفني عشان المنطقه العمياء عنده كبيره
ركبت كتاوك للكلاكس وغيرته وبرضه مع السرعه والهوا والزحمه بحس انه مش مسموع اصلا على الطريق
فعايز اركب كلاكس زي بتوع النقل كده اوصله بزرار استخدمة في الحالات الطارئة فقط لاني والله مش بحب الازعاج ولا بدوس على الكلاكس غير في الضروره اساسا وبليل مش بكلكس خالص تقريبا برعش بالنور بس
فعايز حاجه تقولولي منين ووصفها ايه بالظبط ومش غاليه لاني زي ماقولت دي للضروره مش للعب ولا حاجه
واشكر الجميع

[OMAR61995]

يعنى حضرتك عايز كلاكس العربيات النقل ولا سارينة بوليس ؟

[mshmshm3]

يعنى حضرتك عايز كلاكس العربيات النقل ولا سارينة بوليس ؟

لا كلاكس عربية نقل يعني سارينة نقل
خليهم 2 مش 1

[Land_Cruiser]

اللى بتزمرله بيبقى سامعك كويس لكن مطنش و لذلك انت مش محتاج سارينه عربيه نقل بس و لكن انت محتاج عربيه نقل على بعضها و لو ما وسعش تروح مقرب منه هتلاقيه وسعلك او طلع يجرى بعيد عنك بدل ما تضيعه

[الغزالى]

ايه يا ابنى الافترا ده ..... المهم ولو عايزهم يأما الوكاله ناحيه اشرف ياسين كده فى بتوع عريبات مكروباص هتلاقى عندهم ( الطط وال Fiam ) الاصلى بس افتكر سعرهم مش قليل على الرغم من انهم استيراد
او تيجى باسوس بئى بتوع انصاص النقل كلهم ... هنا تحت نازله الدائرى على طول ... وان شاء الله تلاقى عندهم ... المهم يوم ماتيجى باسوس تروح مكمل وجاى القناطر تقعد معايا شويه

[AhMeD MeTwAlY]

اي محل اكسسوار هتجيب منه بس ركب ليك سرينه افضل بس تكون سرينه نضيفه صوتها افضل وكمان الانتقاد فيها مش زي انتقاد الكلاكس بتاع النقل

[LACOSTE]

بالنسبه للسرينه بتاعة النقل بيتهيألي مينفعش تركب عندك
علشان هيا بتشتغل علي الـ 24 فولت
لكن الملاكي كله 12 فولت

اللى بتزمرله بيبقى سامعك كويس لكن مطنش و لذلك انت مش محتاج سارينه عربيه نقل بس و لكن انت محتاج عربيه نقل على بعضها و لو ما وسعش تروح مقرب منه هتلاقيه وسعلك او طلع يجرى بعيد عنك بدل ما تضيعه

هههههههههههههه نفس تفكيري بالظبط
عايز عربيه مصفحه اخبط في البهايم اللي بشوفهم علي الطريق
او اعمل اختراع عربيه زي بتاعة باتمان كده اللي اشوفه مخالف اروح مطلع حديده من جنب العربيه كده بزرار تروح خابطه الحمار اللي ماشي غلط :@

[mshmshm3]

بالنسبه للسرينه بتاعة النقل بيتهيألي مينفعش تركب عندك
علشان هيا بتشتغل علي الـ 24 فولت
لكن الملاكي كله 12 فولت




هههههههههههههه نفس تفكيري بالظبط
عايز عربيه مصفحه اخبط في البهايم اللي بشوفهم علي الطريق
او اعمل اختراع عربيه زي بتاعة باتمان كده اللي اشوفه مخالف اروح مطلع حديده من جنب العربيه كده بزرار تروح خابطه الحمار اللي ماشي غلط :@

عين الصح

[Egyzizo]

متهيأ لى سارينة النقل بيبقى ليها كومبروسور كمان ، مش حاجة بتركب على كهرباء العربية وخلاص.

بس فعلاً لو الإزاز مقفول الواحد مش بيسمع الكلاكسات حواليه كويس ، خصوصاً لو مشغل الراديو.

[khalid_adel]

اللى بتزمرله بيبقى سامعك كويس لكن مطنش و لذلك انت مش محتاج سارينه عربيه نقل بس و لكن انت محتاج عربيه نقل على بعضها و لو ما وسعش تروح مقرب منه هتلاقيه وسعلك او طلع يجرى بعيد عنك بدل ما تضيعه

طب والله ده اللي كنت حاعملة بس بستحرم اخر واحد كان بي ام 320 او 330 مخدتش بالي اوي ماشي في الحاره اللي في النص وتلت عربيته في الحاره الشمال وانا جاي شمال ومعلق ايدي على الكلاكس وهو ولا هنا لدرجه اني مشيت على رمل (كنت حاحك في الخرسانة ) عشان اطلع منه

انا عايز كلاكس نقل وليس سارية شرطه والهبل ده انا عايز حاجه ادوس عليها تعمل زي صوت قطر ولا سفينه ولا نقل

[khalid_adel]

حبيبي يا غزالي انا اجيلك اشوفك من غير اي حاجه بس لو اشوفك في سيتي ستارز يبقى احسن من القناطر :):):)

انا سمعت عن اللي بكمبريسور بس انا مش عايز للدرجه دي انا عايز سرينه تركب على كتاوت عادي وصوتها يبقى ثابت (تييييييييت) مش اسعاف ولا شرطه لاني مبحبش اللعب ده انا عايز حاجه عملية وتكون بسيطه

[momo44]

متابــــــــــــــــع :)

[OMAR61995]

عادى يا باشا
دلوقتى التكاتك بيركبوها

[MOK3336]

كلكس النقل أو سارينة النقل بتبقي ضغط هواء مش هتنفع عندك
وبرده سرينة الشرطة عشان تعمل ايلي مطلوب منها مش هتقل عن 1000 جنية
يبقي حضرتك تريح دماغك و تركب فردتين كلكس بس بتوع نيسان صني أصلي هاتهم من التوكيل
بس استحمل صوتهم

[exact]

اسمها سارينة هوا وفيه منها 12 فولت بس مش هتبقى رخيصة واعمل حسابك تفكها قبل الفحص لأنها ممنوع تركيبها في غير النقل التقيل وممكن تتخالف عليها

حضرتك انا كان عندي مشكلة مشابهة... رحت لواحد بتاع نص نقل استيراد استري منه جوز كلاكس مستعمل هيعملوا في حدود 50 جنيه بالكتير... انا شاري جوز محفور عليهم لوجو نيسان بس اهم حاجة ان الكلاكس بالكامل يكون معدن ومفيهوش بلاستيك... وانت بتركبه خللي بالك ان الدراع المعدن اللي الكلاكس متعلق منه لازم يكون حر ومفيش اي حاجة لازقة فيه او فالكلاكس لأن ده بيكتم الصوت جامد جدا

فيه كلاكسات للنقل بتبقى راكب لها (رق) وحجمها ضخم جدا بس صوتها مزعج جدا وحجمها كبير وصوته زي الميكروباص



وفيه كلاكسات زيرو نوعيات كويسة حاجة اسمها ( فيام) وفيه نوع ياباني اسمه اليفانت في حدود 100

من اهم الملاحظات ان الكلاكس عشان يدي نغمته صح غير التركيب المظبوط انه يكون الجوز مختلفين في الدرجة الصوتية بيبقى فيه واحد هاي High وواحد Low وبيبقى مكتوب عليه حرف (اتش) وحرف (إل)