محتاج سارينة بتاعة نقل

[الغزالى]

حبيبي يا غزالي انا اجيلك اشوفك من غير اي حاجه بس لو اشوفك في سيتي ستارز يبقى احسن من القناطر :):):)

انا سمعت عن اللي بكمبريسور بس انا مش عايز للدرجه دي انا عايز سرينه تركب على كتاوت عادي وصوتها يبقى ثابت (تييييييييت) مش اسعاف ولا شرطه لاني مبحبش اللعب ده انا عايز حاجه عملية وتكون بسيطه

يعنى انت ساكن فى اكتوبر وتودينى مدينه نصر .. ياعم ده انت ساعه الا ربع من بيتك تبئى عندى .. لو الدنيا سالكه ... وبعدين انت سيتى ستارز او غيره خلاص الجوز أثر عليك ومبقتش تيجى ..
هات بتوع التويوتا الميكروباص هايدلعوك ... من الوكاله برضو

[khalid_adel]

يعني اشتري كلاكس جديد عادي بس اصلي مش بحب الصوت العالي يعني مثلا حرام ادوس كلاكس عشان الناس اللي في الشارع توسع ولا تاخد بالها اقوم اسرعه واخليه يقطع الخلف حرام برضه اخد الناس
يعني انا عايز كلاكس العربيه العادي ده يبقى شغال من الطاره عادي واضيف كلاكس العالي ده بزرار منفصل اخر
ينفع اللي بقوله ده يتعمل ؟ واعمله ازاي ؟

[LACOSTE]

ده حلو قوي وصوته عالي
و في منه تقليد صيني بيسموه بووش وعالي برضه
هتلاقيه دايما ً في النص نقل والموتوسيكلات الصيني

[mfs3570]

موجودة وتركب علي الملا كي عادي خالص لدرجة ان فيه تكاتك مركباه

[عبده الشاذلي]

وانا كمان عاوز حاجه زي بتاع النقل انا شوفت عيل سايق توك توك وفيها السرينه بتاعت النقل بس بستغرب هو ازاي مشغلها ع الكهربا وفي ناس كتير قالولي اركب الطط مع البوش الكبير وهيعمل صوت جامد بس الصراحه محبتش اجرب لاني نفسي في حته من بتاععت النقل وانا اغلب سواقتي ع الطرق الصحراويه الدائري والمعظم نقل جنبي فمش هيسمعو الكلاكس بتاعي وشكرا

[zoma ahmed]

بص يا باشا انا عامل الاختراع البسيط دا بس جامد جدا :D
كل الحكاية انك هتجيب الراس بتاعت الكلاكس بس الي بطلع الصوت بتتباع عند أي حد بتاع اكسسوار وبعد كدا هتجيب اسطوانة فريون وتروح لأي حداد يركبلك فيها بلف ( زي البلف بتاع الكاوتش ) هتعبلي الاسطوانة هوا عادي من أي حد بتاع كويتش عن طريق البلف وتحط الاسطوانة في شنطة العربية : وتروح لورشة محترمة توصلك الاسطوانة بالراس الي هتطلع الصوت الي انت جبتها وتكبها قدام وعن طريق صمام هيركبهولك وليه زرار جوا لما تدوس عليه الهوا يعدي ويعمل الصووت الجامد دة وكل ما الهوا يخلص تعدي على أي حد بتاع كاوتش تزودو دا اختراعي المتواضع وشغال تمام الحمدلله

[JAM]

أنا مركب كلاكس صوته زى السارينة الهواء بتاعة النقل .. بس اللى عندى كلاكس عادى وكان جايلى من بره.. وبعيد عنك.. لما بضغط على الكلاكس وانا على الدائرى بتوع النقل بيرموا يمين علشان بيفتكروا إن فى قطر جاى من وراهم( واحد سواق قالهالى).. قالى أنا إفتكرت إن فى قطر جاى من ورايا.. والميزة اللى عندى هوا إن صوته بيعلى كلما ثبت إيدى على الكلاكس.. إنما ضغطة بسيطة صوته بيبقة زى الكلاكس العادى.. يعنى كمان بستخدمه داخل المدينة عادى.. بس بتغابى على الكلاكس لما بشوف بهايم كتيرة.. ودول مفيش أكتر منهم فى أكتوبر بالذات .. واللى ساكن فى أكتوبر أكيد يعرف قصدى... وبالمناسبة.. غزالى ممكن يكون سمعه عندى

[khalid_adel]

اديني اللينك او اتصرفلي في واحد زي ده ارجوك هو ده اللي انا محتاجه
علي فكره انا بيتي في اكتوبر وشغلي اغلبه مصر الجديده :(

[A.Saad]

انت فين فى اكتوبر يا خالد

[khalid_adel]

انا ساكن في مدينه الفردوس اللي قدام دريم لاند بالظبط الناحيه التانيه من طريق الواحات

[عبده الشاذلي]

الاستاذ اللي بيقول جاب واحد من بره ممكن بعد اذن حضرتك ترفع صوره ليه وتقولنا جبتو بكام وايه ظروفو وكده وجزاك الله خيرا !!!

[eleanor]

هات كلاكس فيام اللى لونه اخضر الاصلى ده لو جبت منه جوز لو النقل قافل ازازه هايوسع

[عبده الشاذلي]

انا رائي تجيب الفيام ده ومعاه بوش كبير هيدي صوت قطر

[A.Saad]

فيه موضوع يا خالد كان واحد معاه ماروتى او التو اتكلم فيه عن انه ركب السارينة دى برده علشان مشواره دائرى واشتغلت عادى
للاسف دورت عليه مش لاقيه
حاول تدور انت

[amr011111]

متابع