(((( نظام الدحرجة و الزحلقة لتوفير البنزين )))

[tutankhamoun]

tut kman 10/10
bas ana mardetsh agib seret edowal ele bara
3ashan ma7adesh yol beyetnatat
bas esa7 sa7
law 7ad fekom kan beyeso2 AWD aw 4WD webyet3amel ma3 safary aw matale3 aw manazel mkansh al eklam ele et2al hena da
ABC swa2a, lazem tol mal 3arabeya btet7arak tkon 3ala na2la

;)
شكرا شكرا أخجلتم تواضعنا ;)

[SEATLOVER]

و كل الكلام اللي فوق مش بتاعي ............. ده كلام الأخوة بتوع الكباب و الطحينة و الغرباء الذين لا يسكنون ج ع ع ,,,,,,, و لذلك لا مجال للفتوى عند هؤلاء الناس

بقولك اية يا توت يا خويا ..
ماتجيبلنا الناس بتوع الكباب و الطحينة دوول هنا ... و احنا نعلمهم السواقة ازاى
ومنها نغمس معاهم شوية

[M!NA]

[اقتباس:

كنت بحب جدا كمان أصفر عداد الرحلات وانا بمور و أشوف هتعمل معايا أد ايه... و كل يوم أحاول أضرب الرقم على نفس المنزل أو المنحدر ده



تحريك العداد اثناء سير السيارة يتلفه . وحصلت معايا ان العداد تلف لهذا السبب.

حتى لو كان العداد ديجيتال؟؟

[soundoffear]

إنت فكرتني بيوم كنت راجع من مدينة نصر بالليل وكانت لمبة البنزين منورة بقالها فترة
أيام الكيا برايد ربنا يمسيها بالخير
المهم فضلت ماشي كتير واللمبة منورة ومستني اعدي علي بنزينة اموون
غاية ما سرحت وطلعت اكتوبر وكان عندي احساس اكيد انها هتقف واكمل الكوبري مشي لغاية شبرا
كنت بتببع اسلوب الزحلقة دا بس كنت ببطل العربية كمان اما تاخد سرعة
صباح المغامرة يعني

[Ahmad Allawy]

والله يا جماعه انا عادة مش باستعمل الموضوع ده كتير..
عشان عادة طريقي صعب ان الواحد يستخدمها فيه..
نادرا لما يكون الطريق يسمح.. يعني علي كلام احد الاخوة.. فعلا نفق الازهر من انسب الاماكن اللي يتعمل فيها كده.. و خاصة و انت رايح علي ناجية الاوبرا. من مدينة نصر..
افتكر اكتر وقت كنت باستعملها فيه لما كانت معايا العربية ال125.. كانت حريقة بنزين و كنت باحاول اعمل كده لما باكون خايف تقطع بنزين..
و افتكر كمان لما كانت الكرونة بتاعتها بايظة..
ياااااااااه كانت قمة في الازعاج,, و خاصة في النفق.. كانت بتعذبني.. :) :)

اما بقي منزل المقطم. مستجيل اعمل الحركة دي فيه نهائي..نهائي فعلا,,
انا ساكن هناك.. و كل منازل المقطم لا تصلح انها يتعمل فيها كده..
في سواقين ميكروباصات.. و ملفات جامدة في منزل السيدة عائشة.. و منزل جامد جدا..
و مينفعش اعتمد فيه علي الفرامل لوحدها.. و كمان العربية هتاخد سرعة كبيرة جدا لو مورتها..

انا عن نفسي احب و افضل ان يكون في معايا انجن بريك.. فرامل للمحرك عن انه يكون في توفير في البنزين.. تحسبا لحركات سواقة و تهور المصريين..

[atamim]

حتى لو كان العداد ديجيتال؟؟

العداد الديجيتال اصلة انالوج يعنى مكوناته ميكينيكية متحركة زى القديم بس الرقم هوة الى بيظهر لك ارقام الكترونية

والله يا جماعه انا عادة مش باستعمل الموضوع ده كتير..
عشان عادة طريقي صعب ان الواحد يستخدمها فيه..
نادرا لما يكون الطريق يسمح.. يعني علي كلام احد الاخوة.. فعلا نفق الازهر من انسب الاماكن اللي يتعمل فيها كده.. و خاصة و انت رايح علي ناجية الاوبرا. من مدينة نصر..
افتكر اكتر وقت كنت باستعملها فيه لما كانت معايا العربية ال125.. كانت حريقة بنزين و كنت باحاول اعمل كده لما باكون خايف تقطع بنزين..
و افتكر كمان لما كانت الكرونة بتاعتها بايظة..
ياااااااااه كانت قمة في الازعاج,, و خاصة في النفق.. كانت بتعذبني.. :) :)

اما بقي منزل المقطم. مستجيل اعمل الحركة دي فيه نهائي..نهائي فعلا,,
انا ساكن هناك.. و كل منازل المقطم لا تصلح انها يتعمل فيها كده..
في سواقين ميكروباصات.. و ملفات جامدة في منزل السيدة عائشة.. و منزل جامد جدا..
و مينفعش اعتمد فيه علي الفرامل لوحدها.. و كمان العربية هتاخد سرعة كبيرة جدا لو مورتها..

انا عن نفسي احب و افضل ان يكون في معايا انجن بريك.. فرامل للمحرك عن انه يكون في توفير في البنزين.. تحسبا لحركات سواقة و تهور المصريين..

طبعا يا باشا انا بتكلم بس فى حالات الشوارع الواسعة جدا زى الصحراوى او الدائرى او السريع اما لو انحدار شديد طبعا محدش حيستخدم فرامل لوحدا دا طبيعى

[Ahmad Allawy]

أصل انا لما باخد طريق سريع او كده..
غالبا مش باكون الوقت معايا مريح..
بابقي عايز انجز قبل الزحمة.. ولا قبل الشمس م تطلع لو مسافر و كده..
بابقي عايز اجري و انجز.. :) :) :)
احسن لو وقت الزحمة دخل.. انس الدنيا.. الواحد هيفضل بايت في الطريق.. :)

لما باصدق الطريق فتح معايا و باجري.. فرصة..:) :)
الواحد مش بيشوف طريق فاضي في مصر كتير ينفع يتجري فيه.. :) :)

[Ghamrawy]

ايه الفهلوة دي ؟؟؟
انت كدا لغيت دور الفتيس فى توزيع نسبة الدفع و العزم على كل عجلة و كل عجلة بقت حرة لوحدها و لو حصل اختلاف فى ظروف دفع كل عجلة(اسفلت و رمل/اسفلت و مياه/اسفلت و زيت) يبقى كل سنة و انت طيب و العربية حاتعمل اللى هى عايزاه

[Casio2000]

السلام عليكم

على فكرة من متابعتي لمجرى الحوار اعتقد ان الاختلاف بين وجهات النظر مش على نقطة واحدة

بمعنى اخر - المعارض بيعترض على حاجة مش هيا نفسها اللي بيأيدها الموافق

موضوع الزحلقة دا اساسا الوقت الوحيد اللي بيكون فيه عملي لما تكون داخل على مطب في طريق مفتوح و حتى في حالة اليو تيرن مش مستحب

ليه ؟

فكر فيها

انا مثلا كل يوم من العاشر من رمضان لمدينة نصر عن طريق السويس - بيقابلني 5-6 مطبات طول الطريق كلهم بيتفقوا في المواصفات دي

1- مافيش اي تقاطعات علي الطريق قبلهم ب كيلو على الاقل
2 - كلهم في طرق مفتوحة نسبيا
3 - محفوظ مكانهم و سهل تقدر اندفاع العربية و المسافة المناسبة قبلهم

المطبات دي كلها بستعمل الزحلقة معلهم

مش علشان البنزين - لسبب تاني خالص - علشان دا اريح كتير ليل و للعربية و للجير بوكس و في نفس الوقت احتمالات الخطر شبه معدومة - او بمعنى اصح الزحلقة في الحالة دي مش حاتكون سبب في زيادة نسبة الخطر لأن الطريق عدل وانت كدا كدا عند المطب شبه حاتقف و مافيش مفارق

لبه بلاقي الطريقة دي مش مناسبة قبل اليو تيرن ؟

عشان غالبا اليو تير الواحد بيمسك شمال عشان يدخله - و الحارة الشمال مابتبدأش توسع و تزيد حارة للي حايلفوا الا قبل الملف بحاجة بسيطة

و الشمال دا حارة السريع - - فامينفعش الواحد يحجز الحارة دي من بدري و يسيب العربية تتدحرج علشان كدا حايعطل الناس



لكن الغلط اللي الكل معترض ليه هو كل الحالات التانية - منزل الكوبري - طريق مفتوح - منزل المقطم و دا انا متفق معاهم فيه


عذرا للاطاله

[Ahmad Allawy]

كلام موزون جدا..
معاك حق تماما..

[Nistelrooy]

للمحترفين فقط :(

[WalidAdel]

كان واحد صحبي اتفرج علي برنامج بيحكي عن الموضوع ده و البرنامج ده عمل سباق افضل سائق يعمل كيلوا مترات اكتر بعربيته بطريقة السواقه دي المهم طبعاً نفضتلوا قولت انا بنزل المشوار بسرعه علشان الحق اروح و ارجع بسرعه علشان اعرف انام شويه بليل مش حعد احنتف في البنزين و اضيع وقت في الحنتفه دي
المهم صحبي ده بيروح 6 اكتوبر كل يوم و ابتدي فعلاً انه بسوق بالطريقه دي من ساعة لما البنزين غلي
ابتدي ب 400 كيلوا في ال 30 لتر و انتهي ب 500 كيلوا في ال32 لتر مع العلم السياره لانسر 2002 1300 و كربراتير كمان

شوفت الحلاوه

[MohabSaeed]

انا بأتبع الطريقه ديه و ممتازه جدا ... بتوفر بنزين + فرامل ..... " انا عاملها خريطه فى 6 اكتوبر" فى دماغى "... امتا افصل بنزين لغايه ماأوصل للمطب الصناعى , او الملف , او الميدان . فى منزل فى اول المحور بأنزله كله بالاندفاع الذاتى ... و حتى بعد المنزل بفضل ماشى بدون ما ادوس بنزين تقريبا لمسافه 150 متر ." فى المنزل ده تقريبا بمشى كيلو او اقل شويه بدون ما احتاج ادوس بنزين ,
وفى اماكن كتير مناسبه للموضوع ده . بس لازم تكون حاسبها بحيث ان قبل ما تفصل بنزين تكون واصل لسرعه مناسبه .

[Jato.33]

الفكرة كويسة فعلاً
أنا كنت بعملها على خفيف قبل ما البنزين ما يغلا بس دلوقتي بعملها أساسي على طول
طبعاً بمور العربية فقط بس مش ببطلها لأن لو بطلتها أبقى روحت في داهية زي ما في بعض الأخوة قالوا في ردودهم
الموضوع ده بيوفر بنزين جامد لو أدمنته بس طبعاً بيحمل على الفرامل نظراً لإلغائك نظرية Engine Breaking
بعمله في منازل الكباري ومطالعها كمان يعني أجري شوية وأسيبها تطلع لوحدها وفي المنازل فقط لو كشفت المنزل وتأكدت إنه خالي من السيارات بما يسمحلي بفصل الغيار وترك العربية لسرعتها وإلا فبعشقها عشان ما تبقاش نازلة وبعدين أديها فرامل أقوم أهلك الفرامل أو أفقد السيطرة عليها لا قدر الله
على الفكرة طبعاً الموضوع ده يستقطع نسبة كبيرة من تركيزك عشان تحسب كل مسافة وتمور في الوقت المناسب
طبعاً يصلح 100% ويكون مناسب في الطرق السريعة وبيعمل مسافات وهمية بحق لكن عايز صبر وروقان يعني متبقاش مستعجل
للأسف أن مضطر لشراء سيارة أوتوماتيك لتعب في ركبتي يزداد بسبب القيادة المانيوال وبالتالي فأنا في طريقي لمفارقة هذا الأسلوب عن قريب إن شاء الله يا ريت لو حد عنده فكرة عن الأوتوماتيك عشان نستفيد من الموضوع ده لعل وعسى

[atamim]

انا فلا يا شباب مبسوط جدا ان بعضكم فهم الموضوع كويس و كتير مجربينه قبل كدة

انا على فكرة رحت الساحل الشمالى و رجعت منهم 20 كيلو زحلقة :embarrassed2:من ضمن مسافة 120 كيلو مشتهم

الطريقة دى رائعة فى الشوارع الواسعة و فعلا الى بيسوق بهدوء كمان بيوفر

بنزين كتير