تقرير عن ونش الفرسان

[Eng.Geo]

النهاردة كان لازم انقل العربية من ميدان لبنان لمدينة نصر الحي السابع
كلمت الونش بتاع الفرسان السعة 4:30 العصر
رد عليا واحد في قمة الأحترام ولما قلتله اني من نايل موتورز رحب جدا
قلتله عالمسافة والنقل والكلام ده
قالي المسافة ده تكلفتها 250 وعشان من نايل يبقي 200
انا مكانش معاشا غير 130 !
قالي طاب معلش حاول توصلهم ل 150
الموضوع كان كله مفاجأة الصراحة لأن مكانش المفروض العربية تتنقل ... بس طلع الموتور باظ فعلا وكان لازم تتنقل
المهم كلمت السواق وشرحتله الطريق
هو طالع من مدينة نصر وجايلي ميدان لبنان
ييجي أزاي ؟ ... طبعا ماشرحتلوش
افتكروا اني قايل اني مكلمهم 4:30 !
كلمته كذا مرة وكلمني كذا مرة ان الطريق واقف والدائري عليه حادثة
دائري ايه بس !!!!!
قالي انا روحت المعادي ونازل قطامية وكلام كتييييييييير !
كمان نص ساعة ابقي عنديك
كمان ساعة
كمان 10 دقايق !
كلمني وقالي ان المهندس في الشركة بيتصل بيه كل شوية يهزقه !
فبن وفبن كلمني قالي انا وصلت ... طاب انا مش شايفك !
قلتله انا في ميدان لبنان ... شوف انت فين بقي
سأل واحد في الشارع وقاله أطلع لسة ميدان لبنان قدام !!!! ... ده المفروض سواق كدة !
بعدل طول انتظار في الشارع جالي 7:45 !!!
والله ماعترضت علي أي حاجة وحتي لما باكلمه في الموبايل باهظر معاه ومايهمكش وكلام من ده !
رفعنا العربية والصراحة رفعها من غير ما يأذي حاجة فيها الحمد لله
قلتله هانمشي من الطريق اللي هاقولك عليه
طلعنا كوبري أكتوبر بقينا في مدينة نصر في أقل من ساعة .. وهو كمان ماشي بالراحة عشان شايل عربية
انا كنت باقوله يمشي أزاي وكل يمين وشمال لأني أكتشفت انه مش عارف الطرق خااااالص
قالي انا كل طرقي دائري
المفروض ماعطلش وسط البلد ؟!

ملاحظاتي
يا ريت تعتبروه نقض بناء
لازم تعيدوا النظر في السواقين كويس
العربية مكانتش متحملة الجري وصوت موتورها تعبان شوية .... كانت ميتسوبيشي





اسف علي الأطالة

[Hyper3G]

اشكرك على نقل التجربة ..
وان شاء الله اتوقع تحسن الخدمة ..

[minicooper20]

نفس التجربه
السواق جالى من وهراء مدينه نصر لحد قصر البارون
السواق ميعرفش اى حاجه فى القاهره و لا فى وسط البلد
السعر كان 250 و علشان نايل موتورز خد 170 غير الشاى
بصراحه حوار الشاى ده قفلنى منهم لانى كده كده بدفع على المجهود لكن مبحبش حد يطلب
و السواق كان اسمو سمير من دمياط
اتمنى يدربو شويه فى الشوارع لان ده المفروض ونش مش توك توك يعنى لو دخل شارع غلط او ضيق هيسوح على ميخرج منو
و الكابينه بيتاعت الونش نار الله يكون فى عون السواق و عونى لما ركبت جنمبو
بشكل عام شركه محترمه بس عايزين يطورو فى العربيات و يدربو السواقين و يلغو الشاى و الناس فى المواقف دى بتقدر لوحدها و الى ميقدرش انتا كده كده بتاخد اجر
الراجل رفع العربيه و كلبشها بمهاره عاليه و نفس الكلام لما نزلها

[Eng.Geo]

نفس التجربه
السواق جالى من وهراء مدينه نصر لحد قصر البارون
السواق ميعرفش اى حاجه فى القاهره و لا فى وسط البلد
السعر كان 250 و علشان نايل موتورز خد 170 غير الشاى
بصراحه حوار الشاى ده قفلنى منهم لانى كده كده بدفع على المجهود لكن مبحبش حد يطلب
و السواق كان اسمو سمير من دمياط
اتمنى يدربو شويه فى الشوارع لان ده المفروض ونش مش توك توك يعنى لو دخل شارع غلط او ضيق هيسوح على ميخرج منو
و الكابينه بيتاعت الونش نار الله يكون فى عون السواق و عونى لما ركبت جنمبو
بشكل عام شركه محترمه بس عايزين يطورو فى العربيات و يدربو السواقين و يلغو الشاى و الناس فى المواقف دى بتقدر لوحدها و الى ميقدرش انتا كده كده بتاخد اجر
الراجل رفع العربيه و كلبشها بمهاره عاليه و نفس الكلام لما نزلها

هو سمير بتاع دمياط
طبعا حوار الشاي ده مرسيني عليه من أول ما ركبت
قالها بطريقة غير مباشرة بس واضحة جدا
وانا معاك في كل اللي قلته

[tarek_2005]

احمد ربنا انه رفع العربية ونزلها بدون خسائر وباقي الشكوي مقدور عليها وممكن تكلم الشركة وتقولهم مقترحاتك علشان ينفذوها ويطورا خدمتهم ال فيد باك مهمة جداً لاي شركة

[Eng.Geo]

احمد ربنا انه رفع العربية ونزلها بدون خسائر وباقي الشكوي مقدور عليها وممكن تكلم الشركة وتقولهم مقترحاتك علشان ينفذوها ويطورا خدمتهم ال فيد باك مهمة جداً لاي شركة

الصراحة مارضيتش أكلمهم عشان حسيت اني كدة باقطع عيش الراجل
انا قلت أكتبه هنا وكريم لو شاف الموضوع هيكلمهم علي طول
انا حتي ماكنتش عايز أكتب اسم السواق

[Ahmed Nasser]

اهم حاجة ان بيرا وصلت بالسلامة

[Eng.Geo]

اهم حاجة ان بيرا وصلت بالسلامة

انا مابدلعهاش من ساعة اللي عملته فيا
دانا هاطلعه عليها

[amrelsaqqa]

هو كوبرى اكتوبر بينجز وكل حاجة

بس هو مش غلط ان عربية كبيرة ومحملة زي الونش تطلع الكوبرى !

هو عنده حق نسبيا في موضوع انه بيمشى ع الدائرى بس واحتمال كان يوميها الحادثة بتاعت العربية النقل اللى ولعت على الطريق .. وقفلت الدائرى كله وده اللى خلاه اتأخر عليك ..

[Eng.Geo]

هو كوبرى اكتوبر بينجز وكل حاجة

بس هو مش غلط ان عربية كبيرة ومحملة زي الونش تطلع الكوبرى !

هو عنده حق نسبيا في موضوع انه بيمشى ع الدائرى بس واحتمال كان يوميها الحادثة بتاعت العربية النقل اللى ولعت على الطريق .. وقفلت الدائرى كله وده اللى خلاه اتأخر عليك ..

انت كلامك صح طبعا
بس المشكلة انه مايعرفش الطرق أساسا !

[amrelsaqqa]

انت كلامك صح طبعا
بس المشكلة انه مايعرفش الطرق أساسا !

لو ما يعرفش الطرق يبقى استهبال طبعا و استهتار لابعد مدى
اصل ده مش واحد بيسوق عربيته الملاكى ورايح مشوار لنفسه وهيتعلم ويسأل براحته !
ده المفروض انه رايح يساعد وينقذ ناس وبأقصى سرعة ، مش الناس اللى هتساعده
..


كل حاجة في البلد بقت ماشية بالعكس
يا اخى هقولك مثال لسة حاصل من ساعة

التلاجة عندنا في البيت باظت ، وكل شوية حد ييجى من التوكيل وغير التوكيل يقول افتكاسة شكل ، مرة يقول خرطوم مسدود ومرة التايمر ومرة يقول المروحة ومرة مش عارف ايه . .، المهم انا حطيت الموضوع في دماغى وفكيت انا التلاجة وفكيت التايمر وعرفت بيشتغل ازاى وفكيته حتت وركبته تانى وجربته برة لوحده واتأكدت انه سليم
وطلع المشكلة في سخان جنب المروحة مش شغال فبيخلي التلاجة تعمل تلج وتقفل الهوا والاكل ما يتجمدش

جه البشمهندس الكبير من توكيل جولدى وشكله اساسا اول مرة يفك تلاجة ، وبقيت عمال اقول له المروحة بتتفك ازاى والتلاجة بتتقفل ازاى !!

[Karim_Monir]

التجربة هانقلها لمحمد خاطر طبعا صاحب الشركة
بس حوار انه لازم يمشي في طرق معينة ده صحيح
ولو اتقفش من المرور بيصادرو العربية وتقعدلها كام شهر محجوزة
الشاي ده بقي حاجة كدة اجباري وما تستغربش من 30 الى 50
شكلك مانقلتش بونش قبل كدة انا طلع عين اهلي في الحوارات دي
لو اديتها 30 ده كدة بتشتمه

حوار انه مايعرفش الطرق ده مايتسكتش عليه وهابلغ بيه محمد طبعا
ولو العربية احدث مش هايرضي ينزلك جنية وهايخد تمنها منك فانا بعتربها صفقة عادلة انا مش هاشتري عربيته دي نقلة واخلص المهم سعر كويس وتشوين كويس وده الاهم
لانه ممكن يكدرك في حاجة في عربيتك بالف ولا الفين ومش هاتعرف تاخد منه حاجة
حمد على سلامة العربية وهابلغة التفاصيل قريب
تحياتي

[Eng.Geo]

لو ما يعرفش الطرق يبقى استهبال طبعا و استهتار لابعد مدى
اصل ده مش واحد بيسوق عربيته الملاكى ورايح مشوار لنفسه وهيتعلم ويسأل براحته !
ده المفروض انه رايح يساعد وينقذ ناس وبأقصى سرعة ، مش الناس اللى هتساعده
..


كل حاجة في البلد بقت ماشية بالعكس
يا اخى هقولك مثال لسة حاصل من ساعة

التلاجة عندنا في البيت باظت ، وكل شوية حد ييجى من التوكيل وغير التوكيل يقول افتكاسة شكل ، مرة يقول خرطوم مسدود ومرة التايمر ومرة يقول المروحة ومرة مش عارف ايه . .، المهم انا حطيت الموضوع في دماغى وفكيت انا التلاجة وفكيت التايمر وعرفت بيشتغل ازاى وفكيته حتت وركبته تانى وجربته برة لوحده واتأكدت انه سليم
وطلع المشكلة في سخان جنب المروحة مش شغال فبيخلي التلاجة تعمل تلج وتقفل الهوا والاكل ما يتجمدش

جه البشمهندس الكبير من توكيل جولدى وشكله اساسا اول مرة يفك تلاجة ، وبقيت عمال اقول له المروحة بتتفك ازاى والتلاجة بتتقفل ازاى !!

أهو ده اللي انا باتكلم فيه
يعني انا لو كنت كلمته وانا في حالة حرجة كان هيبقي الوضع صعب جدا
فعلا الدنيا ماشية عكس

[khalid_adel]

احمد ربنا انه مبوظش حاجه في العربيه
انا مره العربيه عطلت بيا في المقطم لقيت ونش معدي بالصدفه وقفته واتفقت على السعر وكله المهم لما طلع العربيه على الونش ربط العربية بجنزير من وصلات في العفشه اللي ورا (كان فاكرها دنجل) وهيا عفشة مالتي لينك المهم جيت احرك العربيه لقيت العجلة اتعوجت لجوا وحالتها بقت زي الزقت
حمد لله على سلامتك . انت صحيح ايه اللي حصل في الموتور وهل الزيت كان له علاقه بالموضوع (انا كنت لسه بسألك على موضوع الزيت من كام يوم )

[Eng.Geo]

التجربة هانقلها لمحمد خاطر طبعا صاحب الشركة
بس حوار انه لازم يمشي في طرق معينة ده صحيح
ولو اتقفش من المرور بيصادرو العربية وتقعدلها كام شهر محجوزة
الشاي ده بقي حاجة كدة اجباري وما تستغربش من 30 الى 50
شكلك مانقلتش بونش قبل كدة انا طلع عين اهلي في الحوارات دي
لو اديتها 30 ده كدة بتشتمه

حوار انه مايعرفش الطرق ده مايتسكتش عليه وهابلغ بيه محمد طبعا
ولو العربية احدث مش هايرضي ينزلك جنية وهايخد تمنها منك فانا بعتربها صفقة عادلة انا مش هاشتري عربيته دي نقلة واخلص المهم سعر كويس وتشوين كويس وده الاهم
لانه ممكن يكدرك في حاجة في عربيتك بالف ولا الفين ومش هاتعرف تاخد منه حاجة
حمد على سلامة العربية وهابلغة التفاصيل قريب
تحياتي

تسلم يا كريم
مشكلة انه يمشي في طرق معينه ده مصيبه
علي كدة لازم عربيتي تعطل في مناطق معينة ؟ ... انا مش بالومهم طبعا لو القوانين كدة
بس انا ألوم السواق انه مايعرفش الطرق
هو لو يعرف ان في حاجة ممنوعه مكانش خلاني أطلع كوبري أكتوبر
انا والله كلمت واحد صاحبي عشان يجيلي أزود الفلوس وأزود كمان فلوس للشاي بتاعه ده
انا الراجل صعب عليا بيسوق 3 ساعات ونص عشان يجيلي فاظبطته
انا الصراحة أول مرة حوار الونش ده والحق يقال مكانش في خساير خالص