تقرير عن ونش الفرسان

[Eng.Geo]

احمد ربنا انه مبوظش حاجه في العربيه
انا مره العربيه عطلت بيا في المقطم لقيت ونش معدي بالصدفه وقفته واتفقت على السعر وكله المهم لما طلع العربيه على الونش ربط العربية بجنزير من وصلات في العفشه اللي ورا (كان فاكرها دنجل) وهيا عفشة مالتي لينك المهم جيت احرك العربيه لقيت العجلة اتعوجت لجوا وحالتها بقت زي الزقت
حمد لله على سلامتك . انت صحيح ايه اللي حصل في الموتور وهل الزيت كان له علاقه بالموضوع (انا كنت لسه بسألك على موضوع الزيت من كام يوم )

ايه التخلف ده !
هما بيربطوا في أي حاجة كدة !!!
المشكلة عندي مش الزيت خالص
طلمبة المية قفشت ( عندي علي سير الكاتينة ) فجابت صبابات ... ده مبدئيا

[khalid_adel]

ان شاء الله تتحل على خير

[Amr Axel]

صباح الفل من اولها كده و شكرا للتقرير يا جو
و ع ايه انا أجيب عربية ربع نقل تبعي و مش هتاخد اكتر من 100-150 او اي واحد صاحبي و نقطرها و خلصت الليلة
المفروض الكلام يوصل لصاحب الشركة لأن سواق بالشكل ده هيعمل سمعة سيئة للشركة يعني مش عارف الطرق مينفعش ابدا ده المفروض يكون حافظ كل رصيف في الشارع
و ايه حكاية شاي و مرسيكوا عليها من أولها اومال انا بكلم شركة ليه مش عشان اريح دماغي و لا عشان أقعد اهاتي و خد و اشرب شاي و اشرب قهوة لغاية ما اخليه يشرب في سنانه زي مقولت كان احسنلي الجأ لحل من اللي قولتهم

[Amr Axel]

التجربة هانقلها لمحمد خاطر طبعا صاحب الشركة
بس حوار انه لازم يمشي في طرق معينة ده صحيح
ولو اتقفش من المرور بيصادرو العربية وتقعدلها كام شهر محجوزة
الشاي ده بقي حاجة كدة اجباري وما تستغربش من 30 الى 50
شكلك مانقلتش بونش قبل كدة انا طلع عين اهلي في الحوارات دي
لو اديتها 30 ده كدة بتشتمه

حوار انه مايعرفش الطرق ده مايتسكتش عليه وهابلغ بيه محمد طبعا
ولو العربية احدث مش هايرضي ينزلك جنية وهايخد تمنها منك فانا بعتربها صفقة عادلة انا مش هاشتري عربيته دي نقلة واخلص المهم سعر كويس وتشوين كويس وده الاهم
لانه ممكن يكدرك في حاجة في عربيتك بالف ولا الفين ومش هاتعرف تاخد منه حاجة
حمد على سلامة العربية وهابلغة التفاصيل قريب
تحياتي

معلش يا أ \ كريم اسمحلي اخالفك في النقطة
يعني ايه اجباري و يرسيني ع الحوار من أول ما أركب اومال انا بكلم شركة ليه ؟؟ عشان يجي واحد برده ينطلي يقولي شاي ده انا اديله شاي في اسنانه انا بتصل عشان اريح دماغي من القصة ديه ليك رسوم نقل اتفضل الرسوم و هات الوصل و سلام عليكم اه ممكن اراعيك و اطلع حاجة من نفسي مش انت اللي تقولي
ما كان أسهلي اشوف اي ربع نقل في الشارع او اكلم اي صديق و نقطرها و اريح دماغي من وجع الدماغ ده
للأسف الناس مش هتبطل شغل الفزلكة و يعملي فيها حدق

[Eng.Geo]

صباح الفل من اولها كده و شكرا للتقرير يا جو
و ع ايه انا أجيب عربية ربع نقل تبعي و مش هتاخد اكتر من 100-150 او اي واحد صاحبي و نقطرها و خلصت الليلة
المفروض الكلام يوصل لصاحب الشركة لأن سواق بالشكل ده هيعمل سمعة سيئة للشركة يعني مش عارف الطرق مينفعش ابدا ده المفروض يكون حافظ كل رصيف في الشارع
و ايه حكاية شاي و مرسيكوا عليها من أولها اومال انا بكلم شركة ليه مش عشان اريح دماغي و لا عشان أقعد اهاتي و خد و اشرب شاي و اشرب قهوة لغاية ما اخليه يشرب في سنانه زي مقولت كان احسنلي الجأ لحل من اللي قولتهم

صباح الجمال يا عمرو :)
كان ممكن حد يقطرني من أصحابي بالليل بس الصراحة القطر بيبقي حاجة رخمة خصوصا ان مفيش فرامل
ان شاء الله يبقي في تحسن ويعالجوا الأخطاء اللي حصلت

[semi]

موضوع الشاي مقدور عليه مش مشكلة
بس موضوع اني اتلطع في الشارع 4 ساعات دي مينفعش
لازم طبعا يكون عارف الطرق كويس

[koshary]

هى دى عربيتك اللى كانت فى لبنان انا شوفتها مرتين وبرضو بقول هى متربة وراكنة كدا ليه اتاريها عربيتك ومكنتش اتخيل انها تكون انت ربنا يوفقك ان شاء الله

[Eng.Geo]

موضوع الشاي مقدور عليه مش مشكلة
بس موضوع اني اتلطع في الشارع 4 ساعات دي مينفعش
لازم طبعا يكون عارف الطرق كويس

الحمد لله ماكنتش مستعجل قوي بس ده أحسن الظروف
انا راكن العربية هناك 4 أيام والمكان امان
لو في حادثة ولا حاجة مستدعية السرعة كدة مش هينفع
انا متوقع انهم يعالجو الموضوع ده بسرعة ان شاء الله

هى دى عربيتك اللى كانت فى لبنان انا شوفتها مرتين وبرضو بقول هى متربة وراكنة كدا ليه اتاريها عربيتك ومكنتش اتخيل انها تكون انت ربنا يوفقك ان شاء الله

ربنا يخليك يا باشا
انا راكنها 4 أيام ﻷن هي واقفة معايا عالمحور وكانت ليلة ما يعلم بيها اللا ربنا
العربية سيبتها يوم في المكان ده غرقت تراب .... بيبان عليها الغربة قوي هههههههه

[mrisuzu]

السلام عليكم

انا المحاسب بشركة الفرسان لانقاذ السيارت

اقدم اعتزارى للعضو المحترم

كنت احب اشرح بعض حاجات اولها ان الطرق فى القاهرة ليس لها مقياس من الوقت

الحاجة الثانية ان احنا ماقصرناش من ناحية الفلوس

الحاجة الثالثة ان احنا بنحاول نكسب الاعضاء

الحاجة الرابعة احنا كنا فى ايم لخبطة الانتخابات ومشاكل ميدان التحرير

الحاجة الخامسة ان السائق كان بيحاول يتحجج باى حاجة خوفا على مشاعرك

وبنقدم اعتذارنا مرة اخرى

وتذكر ان كل شئ بقدر الله

على فكرة الناس فى اسبانيا بتكون المواعيد عندهم بال10 دقائق من اى مكان بالمدينة

يا ريت نكون زيهم - لكن دة مش من فراغ دة بسبب ان الطرق منظمة


شكرا لكم لسعة صدركم

واحنا دائما فى خدمة اعضاء نايل موتورز

وبنطور فى الاداء


وقريبا هيكون فية خطة منظمة للعمل لنصل للعميل فى اى مكان خلال نصف ساعة

[mrisuzu]

السلام عليكم

انا المحاسب بشركة الفرسان لانقاذ السيارت

اقدم اعتزارى للعضو المحترم

كنت احب اشرح بعض حاجات اولها ان الطرق فى القاهرة ليس لها مقياس من الوقت

الحاجة الثانية ان احنا ماقصرناش من ناحية الفلوس

الحاجة الثالثة ان احنا بنحاول نكسب الاعضاء

الحاجة الرابعة احنا كنا فى ايم لخبطة الانتخابات ومشاكل ميدان التحرير

الحاجة الخامسة ان السائق كان بيحاول يتحجج باى حاجة خوفا على مشاعرك

وبنقدم اعتذارنا مرة اخرى

وتذكر ان كل شئ بقدر الله

على فكرة الناس فى اسبانيا بتكون المواعيد عندهم بال10 دقائق من اى مكان بالمدينة

يا ريت نكون زيهم - لكن دة مش من فراغ دة بسبب ان الطرق منظمة


شكرا لكم لسعة صدركم

واحنا دائما فى خدمة اعضاء نايل موتورز

وبنطور فى الاداء


وقريبا هيكون فية خطة منظمة للعمل لنصل للعميل فى اى مكان خلال نصف ساعة

[M_Algendy]

حلوة قوي دي (سواق ومش عارف الطرق) وموضوع الشاي ده يغيظ جدا، الواحد يجيب حد يقطرها أحسن

[Karim_Monir]

شكرا محمد على توضيحكم
تحياتي

[MARTINDALE]

الظاهران حكايه عدم معرفه السواق بالطرق بقت ظاهره عامه .
عندنا سواق في الشركه ((سواق والله وكل شغلانته يسوق)) وبيروح كل حته في مصر لان عندنا فرع في كل حته في القاهره والاسكندريه , في يوم من الايام عربيتي عطلت وكلمت مدير الحركه قلتله ابعتلي سواق ياخدني ويرجعني النهارده فقالي حاضر , قلتله انا هقابله عند ميدان الاوبرا عن مطلع نفق الازهر .................. وكانت الصدمه بعد ساعتين !!!
السواق مش عارف فين نفق الازهر طيب لو انتوا مكاني توصفوله العنوان ازاي ؟؟
قلتله نفق الازهر عند نفق الازهر وانت طالع كده من نفق الازهر ........ مالهاش وصفه تانيه

[Eng.Geo]

السلام عليكم

انا المحاسب بشركة الفرسان لانقاذ السيارت

اقدم اعتزارى للعضو المحترم

كنت احب اشرح بعض حاجات اولها ان الطرق فى القاهرة ليس لها مقياس من الوقت

الحاجة الثانية ان احنا ماقصرناش من ناحية الفلوس

الحاجة الثالثة ان احنا بنحاول نكسب الاعضاء

الحاجة الرابعة احنا كنا فى ايم لخبطة الانتخابات ومشاكل ميدان التحرير

الحاجة الخامسة ان السائق كان بيحاول يتحجج باى حاجة خوفا على مشاعرك

وبنقدم اعتذارنا مرة اخرى

وتذكر ان كل شئ بقدر الله

على فكرة الناس فى اسبانيا بتكون المواعيد عندهم بال10 دقائق من اى مكان بالمدينة

يا ريت نكون زيهم - لكن دة مش من فراغ دة بسبب ان الطرق منظمة


شكرا لكم لسعة صدركم

واحنا دائما فى خدمة اعضاء نايل موتورز

وبنطور فى الاداء


وقريبا هيكون فية خطة منظمة للعمل لنصل للعميل فى اى مكان خلال نصف ساعة

شكرا لحضرتك جدا علي ردك ... اتمني التحسين قريب :)
ومفيش داعي للعذر ... انا ماكنتش زعلان بس يمكن عشان موقفي مكانش محتاج السرعة ... انما أعتقد حالات تانية كتير كانت تحتاج سرعة كبيرة
انا مش مختلف معاك في أي كلمة خالص :)

[Eng.Geo]

الظاهران حكايه عدم معرفه السواق بالطرق بقت ظاهره عامه .
عندنا سواق في الشركه ((سواق والله وكل شغلانته يسوق)) وبيروح كل حته في مصر لان عندنا فرع في كل حته في القاهره والاسكندريه , في يوم من الايام عربيتي عطلت وكلمت مدير الحركه قلتله ابعتلي سواق ياخدني ويرجعني النهارده فقالي حاضر , قلتله انا هقابله عند ميدان الاوبرا عن مطلع نفق الازهر .................. وكانت الصدمه بعد ساعتين !!!
السواق مش عارف فين نفق الازهر طيب لو انتوا مكاني توصفوله العنوان ازاي ؟؟
قلتله نفق الازهر عند نفق الازهر وانت طالع كده من نفق الازهر ........ مالهاش وصفه تانيه

ده كارثة !