هو انتوا ليه كدة؟! ليه مفيش تقدير !

[Ashraf_Ibrahim]

ازيكم يا شباب عاملين ايه
طبعا العنوان صادم بس فعلا دا سؤال عندي !
هو انتو ليه كدة؟!
ليه مستهترين وليه مفيش تفكير ولا فهم ولا ادراك ؟!
السؤال دا للجنس اللطيف اللي بدأت أكره بسبب تصرفاته !
من فترة وانا عندي حكة في الرفرف الامامي وخبطة في الاكصدام اللخفي يمين
امبارح وديت العربية للسمكري عملهم وبقت العربية رائعة ما شاء الله عليها
النهردة ماشي في شارع جسر السويس
واحدة وبنتها واقفين على الرصيف
بيني وبينها مسافة كبيرة تتجاوز ال 50 متر !
ولما قربت منها وبقا بيني وبينها اقل من 2 متر قررت فجأة انها تعدي
حسبي الله ونعم الوكيل !
طبعا فرملت جامد ووقفت الحمد لله ومخبطتش ال ................ ولا هي ولا بنتها !
واذ بالراجل اللي ورايا معاه لانوس قام بوم خابط فيا
في نفس مكان الخبطة اللي انا لسة عامله امبارح !
وهي على الرغم من صوت الفرملة وصوت الخبطة عدت هي وبنتها ولا عملت حاجة ولا كأنها عملت مصيبة وجريت
نزلت للراجل بيقلي ايه حصل قلتله عدت من ادامي فجأة اعمل ايه
قلي وانا اعمل ايه انا كمان
قلتله خلاص انت عندك حاجة قلي لا بصيت على اكصدامي وانا يائس وحزين قلتله حصل خير !
طب يعني لو فرضنا اني مقدرتش اقف وقمت شايلها هي والمحروسة بتاعتها كان يبقا ايه العمل؟!
ليه التخلف دا ؟!

[Amr Axel]

أشرف بيه اخبارك ايه عايش من شافك
و الله يا ريس مش عارف أقولك ايه ربنا يعوض عليك
نفس الموقف حصل معايا ماشيين ع سرعة حوالي 60 و اذا باللي قدامي ضربت فرامل فجأة لأنها حست ان اللي ع الرصيف هتنزل تعدي و اللي ع الرصيف واحدة برده نزلت نص نزلة و رجعت تاني معرفش ايه الغباء ده و الشارع زحمة خلقة مينفعش قطة تعدي حتي انا لحقت و دوست فرامل و كان بيني و بيناللي قدامي كام سم لكن وقفت لكن اللي ورا ملحقش و رشق في عربيتي و اللي قدامي طلعت تجري بالعربية بعد اللي حصل و هو نازل يشتم فيها و النتيجة خساير عندنا احنا الاتنين :(

[Elawany13]

ربنا يرحمنا برحمته
هيه حاجه تنقط بصراحة
قدر الله وماشاء فعل

[semi]

ابعد عن الستات يااخويا دولا مجانين :)
نصيحة بجد ولو اتجننت في مره وقولت لازم اخد حقي
هتلاقي الغلط ركبك لانها مخلوقة جبارة في صورة كائن ضعيف
فتلاقي الغلط ركبك ومتعرفش تاخد لا حق ولا باطل
بتكلم من قهري من اللي بشوفوا منهم في سواقة العربيات
مفيش حاجه اسمها مرايا جانبية دايما ماشيين لوحدهم في الشارع

مره واحدة ست ادام عيني كانت غلطانه وخبطت سواق تاكسي
وعارفين سواقين التاكسي نزل يزعق ويبلطج وبصراحة كان عنده حق
الست غلطانة وكانت مستبردة اخر حاجه لكن بزعيقه ده خلى الناس تضربه في الاخر :)

[mazeen]

فعلاً حاجه تحرق الاعصاب نفس الموقف اتكرر معايا كذا مره وكنت فاكر انا اللى غلط

[exact]

كنت سب للي جابوهم

[mohammedabdallh]

بسيطه يا اشرف بيه
والحمد لله
والى بيجى فى الفلوس يغور فى دايهه الفلوس بتروح وبتيجى المهم الانسان والصحه
ولو علمتم ما فى الغيب لخترتم الواقع

[kaza]

مش الستات بس عندك النقل والميكروباص والتريسكل والتوكتوك والاوتوبيسات الصغيرة اللي بتشيل 29 راكب ومعظم اللي مركب نمر حرفين واربع ارقام بس والله فيهم محترمين

[BLOODY_STONE]

قدر الله و ما شاء فعل

عوضك على ربنا

عادي ولا يهمك متزعلش في اشكال كده ربنا يتولاها ملهاش حل

[me_medoo]

لا حول ولا قوة الا بالله
معليش يا أشرف باشا ... قضاء وقدر ...

[S O P H O S]

ربنا يعوضك خير
معلش قدر الله وما شاء فعل ..

[Kareem.ElAraby]

الاكسنت تخبطت من ميكروباص بعد ما الحاج فرمل مره واحده و الشنطه اتطبقت
اتكلفت 300 جنيه علي البارد !
و ما تاعملتشي عدل و معضعضه و حاجه وسخه !

[mahmoud_afifi]

معلش يابو اشرف قدر الله وما شاء فعل.
شوفت الكاوتشات الجديده وقفت العربيه ازاي ؟ :p

[eng.m7md.ali]

صدق اللي قال
مينفعش ينزلو من البيت اساسا

[graffittiii]

هههههههههههههههههههههههه
إمبارح واحدة راكبة تويوتا ياريس .. واقفة ف إشارة ..
قافلة الإزاز كله ومشغله الكاسيت
مش سامعة حاجة بره ...
العربية بتريح منها علي اللي وراها ... لحد ماخبطت فيه
فاكرينها كده خدت بالها ؟؟
ههههههههههههههههههههه ... والله أبدا هههههههههههههههههه
اللي وراها كسر الكلاكس من كتر الإستخدام .. وهي ولا هنا ...
المهم بعدين نزلها وعمال يزعق ...
بصتله والبراءة في عينيها .. وحركت إيديها فيما معناه دا بيبيع إيه ده
والإشارة فتحت ومشيت وهي ماتعرفش إن هي عملت أي حاجة ...
.