هو انتوا ليه كدة؟! ليه مفيش تقدير !

[saadelden]

اخر موقف حصلي كان ف شارع البحر الاعظم بعد نزله الدائري
فيه U-turn ف الحته دي و بعديها الشارع بيلف ف بتبقى داخل الحته دي مش كاشف الطريق شمالك

المهم واحده و معاها 4 عيال مش صغيرين بتعدي م الملف دا ف الي داخل الملف مش شايفها
ف انا بعدي هوب لقيتها قدامي اجي يمين تيجي يمين اجي شمال تيجي شمال
روحت مفرمل و ربنا ستر ان الفرامل كانت شغاله D: و العربيه كانت هاتتخبط و شغلانه
المهم روحت نازل بقولها حد يعدي من ملف ف بتقولي مانت وقفت اهو
ف بقولها افرضي مكنش معايا فرامل . كنت هشيلكو كلكو ! محدش يعدي من ملف ابدا , دا لو عربيه نقل ولا حاجه كان زمانه عمل مصيبه

المهم معرفش فهمت الكلمتين ولا لا و عدت بردو من نفس المكان

[Ashraf_Ibrahim]

معلش الحمد لله بسيطة والحمد لله انها جت على قد كدة

لسه حاصل الموقف ده معايا النهارده وفي شارع جسر السويس برضوا !! ؟

بس بطريقة مختلفة شوية

شفت بنت محتارة تعدي ولا لاء قمت مهدي ومدي انتظار عدت من قدامي زي الفل مافيش اي مشكلة هي معدية من اليمين للشمال

وانا في النص طبعا هي قامت معدية من جمبي من غير ماتبص للحارة الشمال جاي فيها عربية ولا لاء !! واذا فجاءة اسمع صوت فرملة جاااااااااامدة

والبنت تعدي عااااااااادي جدا اكن ماحصلش اي حاجة !!!!! حاجة تنقط

لكن برضوا ارجع واقولك يا اشرف بيك انت برضوا غلطان في حاجة

المفروض لما تشوف واحدة على الرصيف وناوية تعدي السكة

رجلك على الفرامل - تهدي سرعتك - تستخدم الكلكس !! وتبقى متوقع انها تعدي السكة

انت ماعملتش ولا حاجة من الحجات دي بالتالي اتفاجاءة بيها عدت السكة وضربت فرامل قوية !!! واللى وراك هو كمان ماكنش عامل حسابه وقام لابس فيك !!

لكن الحمد لله على كل شئ وجت بسيطة

ودا العادي من ستات وبنات مصر :d

قدر الله وماشاء فعل

معلش يااشرف لعله خير ومحدش عارف اكيد دى منعت حاجة كانت ممكن تحصل

وبخصوص بقى الناس وهى بتعدى بقى عندهم لامبالاه بصراحة وتحس انهم بيتمشوا مش بيعدوا طريق وف الاخر انت برضه اللى غلطان عادى جدااااااااااااااااااااااااا
واكتر حاجة بتحرق دمى وببقى هاين على انزل اضرب اللى ماشية دى انها تبقى ماشية جنب الرصيف وابنها او بنتها هو اللى ناحية العربيات وتلاقيها عمال يتنطط وبفرد ايده عايز يلمس العربيات وهى ف غيبوبة فكذا مرة اعمل مشكلة بسبب الموضوع ده وطبعا هى مش مستعوبه ايه المشكلة ومش شايفة انها غلط وبعد مثلا ما ازعقلها واعدى ابص ف المراية الاقيها زى ماهى ولا دخلت الواد جوا ولا نيلة بجد حاجة تحرق الدم

الحمد لله رب العالمين

الحمد لله وربنا يعوض عليك

الحمد لله

عالم البهايم بتفهم عنهم
ماشى فى فيصل الصبح
قبيلة عايزة تعدى
تنور تدى كلاكس
برده تعدى
سمعوا الكلمة اللى مكتوبة فوق

هدي أعصابك يا حج أحمد

الحمد لله يا اشرف
حصل خير

بس يا جماعة انتوا جايين اوي علي المارة والمشاة

لو سمحتم اقروا الموضوع دة

http://www.nilemotors.net/nile/234943-a.html#post3873680644

ذكر في هذا الموضوع شارع جسر السويس ومدي صعوبة عبوره

اتقوا الله
وارحموا من في الأرض
ارحموا المارة

انا معاكم ان المارة بيشلوني وانا راكب العربية
بس بكل برود ببتسم وبعديهم وبعصر علي نفسي لمونة لحد لما الأستاذة تعدي وهي بتتمخطر قدام عربيتي
بس هعملهم ايه ؟؟؟؟؟؟؟؟
ويا سلام علي برود الشاب النهاردة
بقي اسقع من القوله

وارجع واقول "المشاة احق بالطريق من راكب السيارة"

تقبلوا مروري

والله المستعان
،
،

والله انا عارف كل دا !
بس المشاه برده يقدروا سرعة اللي ماشي عشان ميعرضوش نفسهم ولا غيرهم لمصايب !

منظومة القيادة في مصر محتاجة لإعادة نظر سواء اللى بيسوقوا أن اللى بيمشوا فى الشارع

تانى حاجة عشان تاخد الليسن بمصر مش محتاج لمهارة لكن محتاج لــ 3 حاجات
عافية
رشوة
واسطة

وده طبعا بيأثر بالسلب بكل تأكيد على الناس كلها..مافى أى إلتزام بأي قواعد مهما كان
فطبيعي بقى جدا إن واحد يكسر عليك والتانى يخبطك والتالت يقف فجأة قدامك وهو ولا عنده أدنى مسؤلية بصاحب العربية اللى قدامه والمشاكل اللى هيتسبب فيها..
فموضوع الجنس اللطيف والجنس المخيف ده الاتنين والله محتاجين من جديد لإعادة نظر
ويرجعوا من تانى يخضعوا لاختبارات مهمة لسلامة أنفسهم قبل سلامة الآخرين

وسلامــــة حضرتك وفي ستين داهية أى حاجة تانية
هنقول إيه بس؟ أنا والله فعلا متغاظة ومضايقة من وقت ما قرأت الموضوع ومتخيلة لو ده حصل معايا
كان حصل ليا ايه... عشان كدة أنا كبرت راسي خالص ولما بنزل مصر مش بسوق فيها خالص

برعاية الله وحفظه
توتااااااااا

اهلا بيكي يا توتا
على فكرة انا اساسا متعلم السواقة في الخليج فعلى علم ودراية بكل قواعد وقوانين واشارات المرور الحمد لله
ممكن اكون غلطان اني كنت بحاول انجز في الوقت لأني متأخر على الشغل بس برده دا لا يعفيها من الخطأ !

[Ashraf_Ibrahim]

لا حول لا قوة إلا بالله.. قدر الله وما شاء فعل.. وربنا يرحمنا منهم

الحمد لله رب العالمين

اخر موقف حصلي كان ف شارع البحر الاعظم بعد نزله الدائري
فيه u-turn ف الحته دي و بعديها الشارع بيلف ف بتبقى داخل الحته دي مش كاشف الطريق شمالك

المهم واحده و معاها 4 عيال مش صغيرين بتعدي م الملف دا ف الي داخل الملف مش شايفها
ف انا بعدي هوب لقيتها قدامي اجي يمين تيجي يمين اجي شمال تيجي شمال
روحت مفرمل و ربنا ستر ان الفرامل كانت شغاله d: و العربيه كانت هاتتخبط و شغلانه
المهم روحت نازل بقولها حد يعدي من ملف ف بتقولي مانت وقفت اهو
ف بقولها افرضي مكنش معايا فرامل . كنت هشيلكو كلكو ! محدش يعدي من ملف ابدا , دا لو عربيه نقل ولا حاجه كان زمانه عمل مصيبه

المهم معرفش فهمت الكلمتين ولا لا و عدت بردو من نفس المكان

تقريبا مفهتمش حاجة !


*امبارح برده اتخبطت في نفس المكان من ميكروباص تويوتا بسبب واحدة برده بتعدي الشارع بس المرادي انا كنت على الاولاني بس الميكروباص لازق فيها !
بعد ما عدت نزلت وطبعا مش عارف اقول للراجل ايه بس الحمد لله محصلش حاجة المرادي !