(((((تسقيط ماتور زيرو لعربيتك )))(((دراسة)))))

[ahmed1981]

بالنسبة للإستطلاع مش لاقي فيه إختيار يناسبني

الزيرو زيرو برضه
وبعدين مفيش مواتير كاملة زيرو بسهولة
يبقى الواحد يغير العربية ويركب الأحدث ويفضل الزيرو

[shoudy2005]

مين اللى قال ان بره مفيش عربيات قديمة لأ فيه و فيه كتير كمان ابسط مثال فى المانيا البيتلز موديل 79 بس فيه حاجه لازم تعرفوها ان عندهم لازم يكشفوا على العربيه ككل فى المرور مش محرك و بس تانى حاجة فى حاجه اسمها din no و ده بينفع اذا وا حد حب يشترى سيارة قديمة مستعملة بيروح يكشف على الرقم فى المرور و يعرف اذا حصل حادثة و هل بيتعمل لها صيانة دورية و بعدين الناس بره هم اللى بيعملوا صيانة لعربياتهم بنفسهم و نادر اوى ان واحد يودى عربيته لميكانيكى علشان كده نادر لما يحصل مشاكل فى العربية علشان بتبقى متصلحه بضمير حتى لو عربية مر على انتاجها 30 سنة

[Xpert]

مين اللى قال ان بره مفيش عربيات قديمة لأ فيه و فيه كتير كمان ابسط مثال فى المانيا البيتلز موديل 79 بس فيه حاجه لازم تعرفوها ان عندهم لازم يكشفوا على العربيه ككل فى المرور مش محرك و بس تانى حاجة فى حاجه اسمها din no و ده بينفع اذا وا حد حب يشترى سيارة قديمة مستعملة بيروح يكشف على الرقم فى المرور و يعرف اذا حصل حادثة و هل بيتعمل لها صيانة دورية و بعدين الناس بره هم اللى بيعملوا صيانة لعربياتهم بنفسهم و نادر اوى ان واحد يودى عربيته لميكانيكى علشان كده نادر لما يحصل مشاكل فى العربية علشان بتبقى متصلحه بضمير حتى لو عربية مر على انتاجها 30 سنة

ايوه طبعاُ بره فيه عربيات قديمه .. و كتير كمان .. و بيسقطوا مواتير و بيظبطوا العربيات و بيعملوا ميتنجز و كلابز (نوادي) و اخر حلاوه بره .. بس بره فيه اختيار انه يركب القديم او الجديد .. اللي يعجبه ..
بالنسبه لقطع الغيار و الفحص و الكلام ده مظبوط زي ما انت ما قلت . و زيد علي كده كمان ان لو قطعه الغيار مالهاش شهاده TUV مابيقبلوش بيها ... يعني حتي قطعه الغيار لازم تكون اصليه ..و بالنسبه للموديلات القديمه بره فيه كتير و اكتر مما الناس تتخيل .. ده فيه حتي بي امات موديل 67 و بيتلز موديلات سبعينات و عربيات كتير تانيه ...

[Karim_Monir]

انا طالما عارف ان عربيتي تستاهل اصرف عليها ممكن اسقط موتور
بس بعد ماهلك اللي فيها الاول
ورغم ان عربيتي 1300 واداءها مش عاجبني لان الامكنيات ماكنتش تسمح بال 1600
بفكر لو سقطت هاسقط مكنة 1600 او 1800
لكن مش ممكن اجيب مكنة 1300
اعمر القديمة احسن لاني هابقي عارف ايه اللي فيها

[dr_3eshoo]

انا ليا راي تاني خالص خالص خالص
العربيه دي علشان ايه
توفر وقت و توفر فلوس صح
لما تحسبها تلاقي انك بعد خمس سنين العربيه بتحتاج مع الصيانه العاديه حجات تانيه بتتغير زي مساعد مقص علبه دركسيون لااسكترا لا ريدياتير لا طرمبه ميه لا طرمبه بنزين و دي حجات مكلفه جدا لو جمعتها تلاقيك لو بعت العربيه و حطيت الفلوس الي اتصرفت عليها تجيب عربيه نفس الماركه موديل السنه زيرو
و خد بالك انك مهما صرفت على عربيتك مش هاتحس بالي صرفته عليها و مش هاترجع زي الاول و مش هاتضيع فلوسك بس هاتضيع معها وقتك و اعصابك و بقت العربيه مصدر راحه تبقى مصدر قلق بالنسبالك غير كده العربيه مع مرور الوقت بتخسر فلوس
يبقى الحل السليم ايه من وجه نظري
تجيب عربيه زيرو تمشي بيها لحد 100 الف كيلو تخسر فيها ال 15 جنيه بتوع استعمالك و تبيعها و تكمل عليها ال 15 الف دول و تجيب نفس ماركه العربيه و موديل السنه زيرو و يبقى فيه دوره تغيير لسياراتك و هاحسبهالك
عربيه زيرو ب 100000 جنيه استعملتها 5 سنين
تبعها ب 85 الف جنيه
و تجيب نفس العربيه زيرو ب 100000
كسبت وقتك كسبت فلوسك كسبت صحتك و اشتريت دماغك
هاحسبهالك زي ماحضرتك ماقلت
عربيه زيرو ب 100000 جنيه
استعملتها 5 سنين بقت ب 85 الف
بعد الخمس سنين احتاجت مساعد ادفع 1500 جنيه طقم مساعدين
السنه السادسه عازت مقص ادفع
السابعه عازت علبه دركسوين ادفع
السنه ال 10 عازت متور عمره ادفع و العربيه تستناها كام يوم على الاقل اسبوع
شوف انت بقى اسبوع من غير عربيه
لا هاركب متور جديد ادفع
و هكذا بقت العربيه بكام ب 50 الف جنيه و اجمع الي صرفته +الوقت الي ضاع+حرقه الدم + اجره الصانيعيه شوف انت بقى

[Ahmad Allawy]

برضه وجهة نطر محترمة و قيمة..