ما رايكم افيدوني في الكاوتش الكونتنتال

[Unendlich]

السلاما عليكم ورحمة الله وبركاتة:

انا معايا فانتازيا وهي نازلة بكاوتش كونتنتال .. ودلوقتي خلاص الكاويش عمل 60000 وبصراحة مشتكتش منه خالص المقاص بتاعة 15 /195 .. المهم اتصلت بواحد اسمة بركات موزع لوكيل كونتنتال قالي ان اللي موجود كونتنتال فرنساوي للمقاس دة وقالي ان المقاس دة الوكيل بينزلة فرنساوي وان سعر الكاوتش الواحد 480 جنية شامل الترصيص والنيتروجين والبلوف وفي كلام تاني لما اجي .. اية رايكم افيدوني افادكم الله في حد جرب الكونتنال الفرنساوي دة ولا لا ورايكم فيه ايه .. لان اللي راكب عندي اعتقد انه الماني ميش فرنساوي وخايف اجيب الفرنساوي يطلع فية مشاكل مع طبيعية الطرق الجميلة اللي عندنا .. وشكرا

:b4_048:

الفرنساوي اللي بيقولك عليه بيبقى ال PremiumCont 1
في المقاس ده ممكن تشوف برده ال Michelin Energy Saver اغلي سيكا انما محترم

لو مالقيتش Continental ألمانى، بلاش كونتى خاااااااااالص.. من أساسه.
أعتقد اللى بينزل فـ الأوكتافيا Conti PremiumContat2،

لو عايز تعلى بالـgrade هات Sportكونتاكت من نفس المقاس بتاعك.. هتلاقى هاندلينج ثبات وفرامل تحديدا أعلى من الـPremium


Rgds،

اللي بينزل في الاوكتافيا ال EcoCont 3 مش ال PremiumCont و بيبقى مصنع في التشيك (مكتوبة على الناحية الجوانية من العجلة) و من برة مكتوب Engineered in Germany
و مظنش ال sportcont بينزل لجنط 15 عشان ده بيعتبر المقاس ال entry level و بالتالي كل الكاوتش المتوفر له هيبقى في الغالب كاوتش fuel saver زي ال EcoCont و ال Energy Saver و ما يعادلهم من المركات التانية

إزيك يا فورميلاتور إيه أحسن كاوتش مقاس 205 55 r16 لميجان ؟؟؟ لو ملقتش الألمانى إن شاء الله يعنى لما آجى اشترى أجيب إيه ؟؟؟؟؟ ويكون مر كام شهر بالكتير على تاريخ الإنتاج ؟؟؟

في المقاس ده انصحك تجرب ال Michelin Primacy HP هتلاقيه كان بينزل فبريكة في ال Focus و الكورولا الجنوب أفريقي و شفته كتيير على باسات و C class و على فكرة بيبقى Made in Germany. فردة ملهاااااااش حل و سعرها حوالي 850 جنيه

[MohammedAladel]

بس حضرتك الكونتينتال ألمانى برضه وسرعة v وب610 وأنا قرأت فى الجرنال إن كونتينتال أعلى كاوتش فى العالم بس هى ممكن تكون شهرة العملية مش أكتر

[marawansabry]

كلامك مظبوط والله .. بس هو حتة لو تشيكي بس هو مريحني وماشاء الله كويس .. بس هو ميش موجود منه الموجود الفرنساوي .. وفعلا اللي مكتوب على الكاوتش EcoCont 3 وفعلا مكتوب عليه Engineered in Germany وليس made in بس الميشلان الانيرجي دا كويس ولا اية ظروفة وانت مجربة ولا تجار ناس اخرين

[dr_radioooooo]

الكونتننتال مبقاش منه المانى خلاص
يا تشيكى وده اللى بينزل فى الاوكتافيا يا فرنساوى
والكلام ده انا جايبه من التوكيل بتاع كونتننتال اللى فى الشيراتون

[hany63]

انا عندي ملحوظه بخصوص البريدجستون تورانزا اللي راكبه في السيفيك
الفرده صوتها عالي جدا و انت قافل القزاز كأن العربيه ماشيه على زلط
ياترى اجيب ايه عشان الموضوع ده مخشن العربيه

[Unendlich]

كلامك مظبوط والله .. بس هو حتة لو تشيكي بس هو مريحني وماشاء الله كويس .. بس هو ميش موجود منه الموجود الفرنساوي .. وفعلا اللي مكتوب على الكاوتش EcoCont 3 وفعلا مكتوب عليه Engineered in Germany وليس made in بس الميشلان الانيرجي دا كويس ولا اية ظروفة وانت مجربة ولا تجار ناس اخرين

ال Energy ده مجربينه في 406 اللي في الصورة و قعد حوالي 90 ألف, مفتري الصراحة. بعديه جبنا ال energy saver عشان ملقيناش ال energy و عامل لغاية دلوقتي 6 آلاف و مبسوطين منه

انا عندي ملحوظه بخصوص البريدجستون تورانزا اللي راكبه في السيفيك
الفرده صوتها عالي جدا و انت قافل القزاز كأن العربيه ماشيه على زلط
ياترى اجيب ايه عشان الموضوع ده مخشن العربيه

نفس الكلام على ال dunlop sp sport 300 اللي كان بينزل في ال جنط ال 15 بتاع ال 2007/08, فردة زبالة. ركبت بعديها ال EcoCont 3 و فرق شااااسع في الهدوء بس أنت اللي عندك 16 و أنصحك بال Michelin Primacy HP, جربه و هتدعيلي إن شاء الله

[MohammedAladel]

الكونتننتال مبقاش منه المانى خلاص
يا تشيكى وده اللى بينزل فى الاوكتافيا يا فرنساوى
والكلام ده انا جايبه من التوكيل بتاع كونتننتال اللى فى الشيراتون

التوكيل قال لى إن فيه ألمانى للمقاس دا r 16 205 55 إيه رأى حضرتك ؟؟؟

[MohammedAladel]

وإي يعنى لما كونتينتال يبقى مصنوع فى فرنسا هى الصناعة الفرنسية بعبع يعنى ؟؟ أحنا ليه بنخاف نجرب وسوقنا ملهوش معايير محددة ما الميشلان فرنسى هو لازم الكاوتش يكون مصنوع فى بلد المنشأ بتاع الشركة عشان يبقى هو دا الأصلى ؟؟؟ أنا بشكك فى الحتة دى حتى لو كان فى بعض الماركات البلد بتفرق فى الصنع هذا لا يعنى كل الماركات خصوصا إن فى كل الحديث دا محدش إتكلم عن الكونتينتال لا كلمة حلوة ولا حد اشتكى منه ودا الأهم بالنسبة لى لذلك إ، شاء الله لما ربنا يسهل وأغير الكاوتشات الأربعة هيبقى اختيارى كونتيتال ألمانى المتوفر لمقاس عربيتى كفاية إن الكونتينتال بقاله فى العربية 106 ألف كيلو آه حالته تعبت بس لسة فيه روح متبهدلش يعنى

[marawansabry]

وإي يعنى لما كونتينتال يبقى مصنوع فى فرنسا هى الصناعة الفرنسية بعبع يعنى ؟؟ أحنا ليه بنخاف نجرب وسوقنا ملهوش معايير محددة ما الميشلان فرنسى هو لازم الكاوتش يكون مصنوع فى بلد المنشأ بتاع الشركة عشان يبقى هو دا الأصلى ؟؟؟ أنا بشكك فى الحتة دى حتى لو كان فى بعض الماركات البلد بتفرق فى الصنع هذا لا يعنى كل الماركات خصوصا إن فى كل الحديث دا محدش إتكلم عن الكونتينتال لا كلمة حلوة ولا حد اشتكى منه ودا الأهم بالنسبة لى لذلك إ، شاء الله لما ربنا يسهل وأغير الكاوتشات الأربعة هيبقى اختيارى كونتيتال ألمانى المتوفر لمقاس عربيتى كفاية إن الكونتينتال بقاله فى العربية 106 ألف كيلو آه حالته تعبت بس لسة فيه روح متبهدلش يعنى

منطق طبعاً ووجهة نظر تحترم .. انا فعلا مشفتش حد اشتكي من الكونتنتال .. خير ان شاء الله .. انا استشرت حضرتكم .. وان شاء الله استخير على شراء الكونتنتال ونتكل على الله .. ربنا يسهلها يارب .. دعواتكم

[marawansabry]

انا جبت الحمد لله خلاص الكونتنتال الفرنساوي .. سعر الفردة 475 جنية شاملة الترصيص والنيتروجين من عند بركات اللي في المقطم .. وقارنتها باللي راكبة في العربية لاقتها هي هي بالظبط نفس الكلام والعلامات بس الفرق في حاجتين فقط اللي كانت فيها كانت صنع التشيك واللي اشترتها جديدة فرنساوي والجديدة تاريخ الصنع 2012 اما كل حاجة والنقشة والارقام ذي القديمة بالظبط .. وشكرا لكل الاخوة اللي شاركوا في الموضوع وافادنوي بارائهم القيمة

[egyptiandiver]

مبروك على الارض يا فندم

[MohammedAladel]

تعيش وتدوب ياباشا ألف مبروك

[eidthe4th]

هو يا جماعة الكاوتش بيتغير حسب الكيلو بس ولا كمان فيه حد أقصى للوقت يعنى مثلا عربيتى تويوتا كورولا موديل 2009 و الكاوتش كونتينيتال بقاله 3 سنين و عامل 36000 كم ، المفروض أغير الكاوتش على أد إيه وقت وكيلو؟؟؟؟؟؟؟

[Mohab.Nabil]

التوكيل قال لى إن فيه ألمانى للمقاس دا r 16 205 55 إيه رأى حضرتك ؟؟؟

المقاس ده موجود فعلا المانى و صناعة 2012

انا جبته لعربيتى و الفردة كانت بـ 650 جنيه

[MohammedAladel]

هو يا جماعة الكاوتش بيتغير حسب الكيلو بس ولا كمان فيه حد أقصى للوقت يعنى مثلا عربيتى تويوتا كورولا موديل 2009 و الكاوتش كونتينيتال بقاله 3 سنين و عامل 36000 كم ، المفروض أغير الكاوتش على أد إيه وقت وكيلو؟؟؟؟؟؟؟

العمر الافتراضى للكاوتش من بداية التصنيع 5 سنين ويقال برضه 6 سنين الكاوتش المفروض أنه بيمشى 40 ألف كيلو ويتغير دا المفترض طبعا أنا عمرى ما هعمل بالافتراضات دى حرية شخصية مش أكتر ولكن تغيير الكاوتش لما يكون فيه تشققات أو أ تخرم أكتر من مرة وبيريح أو النقشة اتمسحت من الآخر تغيير الكاوتش ملهوش معيار محدد أهم حاجة تشوف الكاوتشات كلها سليمة مفيهاش تشققات مفيهاش بلالين النقشة كويسة خلاص ولكن التغيير فى الوقت الأقرب أمان أكتر