ما رايكم افيدوني في الكاوتش الكونتنتال

[abou-yahia]

وإي يعنى لما كونتينتال يبقى مصنوع فى فرنسا هى الصناعة الفرنسية بعبع يعنى ؟؟ أحنا ليه بنخاف نجرب وسوقنا ملهوش معايير محددة ما الميشلان فرنسى هو لازم الكاوتش يكون مصنوع فى بلد المنشأ بتاع الشركة عشان يبقى هو دا الأصلى ؟؟؟ أنا بشكك فى الحتة دى حتى لو كان فى بعض الماركات البلد بتفرق فى الصنع هذا لا يعنى كل الماركات خصوصا إن فى كل الحديث دا محدش إتكلم عن الكونتينتال لا كلمة حلوة ولا حد اشتكى منه ودا الأهم بالنسبة لى لذلك إ، شاء الله لما ربنا يسهل وأغير الكاوتشات الأربعة هيبقى اختيارى كونتيتال ألمانى المتوفر لمقاس عربيتى كفاية إن الكونتينتال بقاله فى العربية 106 ألف كيلو آه حالته تعبت بس لسة فيه روح متبهدلش يعنى

مسكت امبارح فردتين كاوتش كونتيننتال واحده فرنسي 15 والاخري الماني 16

الفرق بينهم حاجه واحده فقط

التماسك بتاع الفرده الماني aa والفرنسي a

غير كده مفيش علي حد علمي

طبعا ميزه كبيره

وشكرا

[midnightman_74]

الكونتينيتال محترم جداً

[marawansabry]

الى جميع الاخوة اللي باركوا جزاكم الله خيرا .. هو ذي لما قلت مفيش اي فرق بين الفردة اللي كانت راكبة والفردة اللي اشترتها الا بلد الصنع نفس النقشة وكل حاجة ونفس الكلام المكتوب
حاجة تانية بقي للاستاذ اللي بيقول ان الكوتش يفضل ماشي مفيش مشكلة .. معذرة طبعا لا .. هما 3 حجات يخلوك تغير الكاوتش
1- الصلاحية ودي اعتقد لا تتجاوز اربع سنين او خمسة ميش متذكر .. ودا ليه سبب لان المطاط بيفقد خواصة ودا طبعا بيبقي خطر وممكن لا قدر الله يفرقع في اي وقت.
2- عدد الكيلومتر وغالبا دا متوسط بيكون في حدود 45000 كيلومتر وحسب النوع طبعا .. ودا سببة ان لما الكاوتش بيوصل لكيلومتر محدد الشبكة السلك اللي في المطاط من جوة بتبدا تفك من بعضها وبيبقي الكاوتش سهل انه يتفرتك لا قدر الله على السرعات العالية او المطبات.
3- ان الفردة نفسها تبوظ نتيجة مطب جامد او قطع حاد ودي مفيهاش نقاش طبعا