هام جدا بخصوص بنزين 80

[mr_vampire]

باشا .. كلام الناس مش على النقطة دي خالص نهائى
الكلام هنا من الناحية الفنية .. ان المواتير دي انضغاطها مش 81 وكلام من دة علشان
يحط لها بنزين قليل .. دة كدة بيضر موتورة وهيسقط موتور ف القريب العاجل
غير انها مستحيل تبقى مظبوطة معة

ياباشا والله عارف المقصود... واكيد صاحب العربية نفسه عارف الموضوع.... بس اكيد عنده اولوليات تخليه يعمل كدة فالعربية....

- يعني مثلا... كام واحد فينا او مكانش اغلبنا بيشتري قطعة غيار مش اصلية وعارف انها ممكن تضر العربية او متكونش بالكفاءة العالية بس بيضحي بالكفاءة العالية بكفاءة مقبولة لان قطعة الغيار الاصلية غالية اوي عليه...وبتمنها ممكن يصلح حاجتين او يوفر لطلبات تانية....

كام طالب وهو فالجامعة كان بينقط البنزين للعربية ويحطلها 80 ولو تمشي بالمية مكنش هيفكر عشان يوفر الفرق عشان يشتري علبة سجاير... فمابالك بقي لو الاولويات اكبر من علبة سجاير.

فاللي انا اقصده بس ان ليه منسبش الناس في حالها وكفاية عليها ظروفها والله يعين الناس علي المعيشة والعيشة كلها.

تحياتي.....

[exact]

ظروف الحياه في مصر حالا محدش يعرفها

ونصيحة... البيوت ياما جواها ومحدش عارف ظروف حد

انا مثلا خسرت وظيفتي مؤخرا انا وناس كتير وبقى حتى تموين الـ 80 بالنسبه لي مشكلة

اللي يشوفني يقول ياما هنا ياما هناك وانا مفيش في جيبي 50 جنيه

فبلاش لو سمحتوا كلام في النقطة دي... لأن زي ما قلت لكم محدش عارف ظروف حد




وبلاش كده او كده... افترض يا سيدي ان عنده ظرف طارئ او عربيته هتقطع بنزين ومش لاقي قدامه الا 80 وابسط دليل ان فيه عربيات تانيه موديلات عاليه فالطابور برضه

[semi]

مش يمكن يااخواني ده طريق سفر ومفيش بنزينات تاني
والعربية لو مونتها مره واحدة مش هتضرر
لان واحد معاه النترا معقوله مهعوش 50 جنيه في جيبه يمون بها
والاحتمال التاني انه سواق شغال على العربية
وفي الحالة دي هيوفر 50 جنيه يحطها في جيبه
ويتعامل هو مع العربية ويمشي بها ويغور في داهية الموتور
المهم ال50 جنيه
وده احتمال اكيد لان قلة الضمير بقت ماركة مسجلة خلاص بشكل رسمي

[Elawany13]

خلال السنة ديه بشوف كل انواع العربيات الحديثة بتحط بنزين 80
فانتازيا
كارينز
النترا
كروز
لانسر شارك وبومة
سيراتو
ماتريكس
الصينى بكل انواعه
فيرنا ولانوس بقى ده العادى بتاعهم

مش عارف بيجيلهم قلب يحطوه ازاى فى عربياتهم