ماذا تفعل اذا صدمت شخص بسيارتك ؟؟( تجربة واقعيه )

[superzok]

حبيت استفسر عن موقفي القانوني للعارفين بالقانون او اصحاب التجربه

في حالة المصابين طلبوا تعويض وانا مش ناوي ادفع اي مبالغ تانيه حيكون موقفي ايه ؟
انا اخدت صوره للقضيه اقوالي واقوال المصابين
واهم ماورد فيها منهم
هو كان ممكن يتفاداكي ؟ معرفش
هو كان في نفق ؟ معرفش (مع العلم ان كان فيه نفق غلى بعد 50 م تقريبا وانا قلت كده في اقوالي )

كل اللي قالوه اني كنت ماشي بسرعه


وكان فيه ورقه في اول القضيه مش عارف مصدرها مكتوب فيها كلام غريب
زي قياده برعونه سياره لا توفر شروط الامن والمتانه فر وهرب بعد الحادثه ولم يبلغ السلطات...... الخ وناس قالتلي ان دي ورقه روتينيه بتتحط في كل قضيه من النيابه

مع العلم اني فواتير المستشفى باسمي وانا محتفظ بيها

[MMamdouh]

فيه مادة فى القانون بتقول "القانون لا يحمى المغفلين" و بالتالى كون الست متعرفش اذا كان فيه نفق ولا لا فا دة لا يعفيها من المسؤليه.... و ارجو انك تكون اثبت فى محضر الواقعة ان فيه نفق عبور مشاه بالقرب من مكان الحادث و مفيش على طريق اماكن عبور مشاه ولا اشارات ضوئية... دى مهمه جدا جدا

اما قصة انها قالت انك ماشى بسرعة فا دا مش شغلها... دا شغل الناس اللى عملت معاينة و شافت مكان الحادث و من خلال اثار الفرملة و مكان سقوط المجنى عليه/عليهم بيتحدد سرعة قائد السيارة

ان شاء الله خير

MMamdouh

[Mystique]

أنا قريت الموضوع من أوله لآخره عشان آخد خبرات الناس اللي مروا بالموقف ده بس للأسف ملقيتش الإجابة اللي تريحني..عشان كدة مصوتتش

أنا صحيح مريت بالموقف ده بس على خفيف..زي موقف birdybirdy بالظبط
وحصللي كذا مرة. وكنت بمشي كام متر وأقف 5 ثواني بالظبط وأبص ف المراية والاقي الشخص اللي اتخبط قام ومشي عادي أو الشخص اللي خبط ف المراية عادي لسة ف طريقه..واكمل طريقي..وبعتمد طبعا ان لو في حاجة هيبقى في تجمهر والعربيات اللي حوليا هتديني كلاكسات او تبدي ازدراءها على الأقل.

وعلى فكرة..ف الحلات دي دايما المشاة هم اللي غلطانين عشان سايبين الرصيف وماشيين ف الشارع ولابيعدوا وخلاص وصاحب العربية يبقى يقف..ولا عجلة تكسر عليك..كله غلط الآخر..بس الشعب طبعا لما يشوف بنت بتسوق..وعربية نضيفة..وواحد واقع..محدش هيرحم..خصوصا ان الناس بتبقى مش واخدة بالها..بتتلم بعد ما يكون البني آدم اتخبط..ويفتوا طبعا..
أنا عشان بسوق..لما بمشي على رجليا ف الشارع..بقدر ان اللي سايق عينه على مليون حاجة غيري..ببقى حريصة جدا على نفسي وعلى أصحاب العربيات..مهما كان انا تصرفي هيبقى احسن وأسرع منه لأني على رجليا..سهل اتحكم ف نفسي..بس محدش بيقدر ده غير اللي بيسوقوا.

انا مش مع اني استنى واسيب القانون واصحاب النفوس المريضة يلعبوا بيا..خصوصا اني بنت مش حمل بهدلة..ولو فيها حبس وقضية ممكن يبقى فيها ضياع سمعة يعني..وكمان مش عندي الواسطة اللي أضمن انها تطلعني..
وف نفس الوقت مش مع اللي يخبط ويجري..افرض كان متصاب حاجة جامدة ولازم يتنقل المستشفى..ومفيش شهود يشهدولي باني مش غلطانة -طبقا لقاعدة صاحب العربية دايما غلطان-..هتصرف ازاي..

أنا كنت همر بموقف زي كدة وربنا سترها..بس بين وقت والتاني كل ما افتكر لو كان الشخص ده قدم خطوة..كان ممكن يحصللي ايه..الموقف كالعادة..السيناريو المعروف..طالعة من اشارة..بعدها ب100 متر..واحد باصص على الشارع عشان يعدي..انا في صف من العربيات آخر عربية فيهم وكلهم ماشيين في حدود 50-60 كم..المهم انا قلت هو باصص ومركز واستنى العربيات كلها تعدي يبقى صاحي..ففضلت على سرعتي..قام معرفش ليه فجأة نزل من الرصيف ولف اداني ضهره وكلم صاحبه كان واقف لسة على الرصيف..ف اللحظة دي انا اخدت سنة شمال وكان بينه وبين مرايتي مفيش 2-3 سنتي..ده لو كان قدم ثانية كان اتفرم ولا اتشال ع الكبوت..

أنا نفسي أعرف قرار..مش يحميني من طائلة القانون ولا الكلام ده..أنا في ربنا بيحاسبني قبل اي حد..وبجد مش عارفة الواحد موقفه ف الشريعة ايه لو خبط حد وهو مش غلطان..هل لو فعلا اخده على مستشفى خاص واتكفل بالعلاج..مفيش محاضر؟..او حتى خده مستشفى عادي وسابه..
أنا فعلا بترعب من فكرة اني ممكن اخبط حد زي ما حصل مع الأعضاء اللي حكوا مواقفهم قبلي لأن هيحصللي ضرر اكتر من اللي هيحصل للي خبطته..دانا هيحصللي ضرر مادي وضرر نفسي غير تشويه السمعة لو فيها قضية ونيابة وترحيل وحجز..

البلد بجد محتاجة اعادة تنظيم الشوارع..وتوعية الناس..وقوانين جديدة تدي كل واحد حقه..زي ما الدنيا كلها ما بتعمل.

بجد ربنا يبعد عنا وعن كل المسلمين شر حوادث الطرق..وربنا يهدي الناس اللي ليسوا من أصحاب سيارات.

[human]

للأسف التعليقات اللى قرأتها لى تحفظ عليها, تلمس منها عدم احساس بالمشاه اللى فى الشارع, مفيش حد بيفكر فى الشخص المصدوم, لازم الجميع يجرب يركن فى الجهة المقابلة لعمارات العبور فى صلاح سالم, وحاول تعبر الطريق, هتعرف ليه بتحصل الحوادث دى, واللى ماشى على رجليه ليه عمل كدة, وانه ممكن يكون معذور, لذا نصيحة لكل السائقين انك تاخذ حذرك على قد ما تقدر, يعنى ما تجريش فى مكان حواليه عمارات سكنية أو محلات تجارية, دايما تلمح بطرف عينك الناس المتأهبة للعبور, لو فيه عربية كبيرة (أوتوبيس مثلا)على يمينك أو شمالك واقفة أو ماشية كن حذر جدا لإن ممكن واحد حمار يكون بيحالول يعدى من الأوتوبيس, وطبعا هو مش شايفك وأنت كمان هتتفاجئ بيه ادام سيارتك ولا محالة انك هتصدمه.
طبعا النصايح دى لإنك أول واحد هتشيل مصيبة الحادث, وهتكون اول الخاسرين حتى لو الأمور عدت على خير, وكمان بصراحة الناس اللى ماشية على رجلها معذورة برضه, أكيد عندهم مشاكل للركب, وطلبات أسرة ومنزل وعيال, ممكن تخليه ماشى سرحان.
دا مش هيغير رأيى فى الهروب لإنك مش بتهرب من المسؤولية بس بتهرب من القوانين العمياء الغير عادلة, لإنى كنت فى الموقف دا تقريبا من 14 سنة وانا رايح الكلية على طريق سريع المؤدى للزقازيق, صدمت شابة فى حدود 16 سنة, وفعلا كانت غلطانة, وأنا كنت شايفها وكنت بأقلل السرعة شوية شوية, لكن هية وقفت فى نص الطريق كأنها افتكرت حاجة وانا تخيلت انها هترجع تانى, ولكن أول ما قربت منها قررت الشابة فجأة انها تعدى الطريق., وصدمتها طبعاو وحاول اهرب بس هيهات. المهم الموضوع عدى على خير والحمد لله.

انا اتكلمت قبل كده فى الموضوع دهلما الناس تلاقى حد غبى فى الشارع بيعدى يبقى نقف موش نهدى
نتفادى الاخطاء بتاعت الناس التانىه
لما ابقى ماشى ولاقى حد ماشى مع ابنه او بنته و مصدرها ناحيه الشارع والله بقف و الناس تقعد تزمر (تتحرق) بس مامشيش انا بسرعه ابل مايعدى او اعدى من جمبه عشان الاقى العيل فلت من ايده و حضن العربيه
ياريت لما نلاقى ناش عايزه تعدى هدى جدا و و كلمهم بص ليهم و قولهم يعدوا او يستنو
لو انت هديت و معرفتش تقف اللى وراك هيعرف يقف

[human]

حصلي موقف مشابه لكده ولسه عايش احداثه

في الاسكندرية على طريق البحر عند جراش العبد تقريبا

كنت ماشي بسرعه عاديه ولقيت ام وبنتها فجاه رجعوا في كلامهم بعد ماعدوا نص الطريق طبعا طخ الاتنين اتشالوا على الكبوت والبربيز الامامي اتكسر واتنطروا لاودام حوالي 5 متر

نفس الكلام
ماشى بسرعه عاديه - ليه يا جماعه موش بنقف نعدى الناس
ماينفعش نزل اللى بيعدى و نجيله من اليمين و الشمال
لو موش هو عارف يحاسب على نفسه و اجبنا ان احنا نحافظ عليه حتى لو غلطان و ابن تيييت تيييت
ربنا كرم الانسان
موش هنكرم احنا نفسنا؟

[human]

يا جماعة لاقدر الله للجميع بس الحوادث كلها عبارة عن موقف وكل واحد لازم يتصرف حسب الموقف دة
يعنى مثلا الموقف اللى حصلى خلانى ندمت وماعملتش العكس وكان فى اشارة القللى يعنى منطقة شعبية موت الطريق كان مفتوح وفجأة اثنين اخوات حوالى 60و65 سنة واحد بيعدى الثانى والاثنين بيعدو والاشارة مفتوحة وكنت ماشى بسرعة حوالى 70 او 80 كيلو المهم فرملت جامد والكاوتش صفر واحد نط بسرعة وعدى واثانى عدى لكن مالحش واتخبط من شمال العربية ووقع تحت الفردة الشمال ولما العربية وقف تمامابعد 5 متر او 7 متر الناس افتكرت انى عاوز اهرب والبعض الاخر عمل كردون حول العربية وكل واحدمن الثلاثين او الاربعين فرد الللى اتلموا حول العربية كان بيشتم ويضرب على العربية بطريقة غبية والمشكلة هنا ان الناس ما شافيتش حاجة يمكن واحد او اثنين اذا ركزو فعلا لكن تخيل الباقى يشتم ويضرب تلقائى ما شاء الله, هو فعلا الحقد الطبقى موجود لكن اللى شوفتوا فى اليوم دة اكد اكثر ان الناس ممكن تموتك وانت مظلوم لمجرد انها شافت دم الطرف الاخر على الارض حتى لو هو غلطان برضة هتضرب وخاصة فى المناطق الشعبية الناس مابتفكرش خالص ودة خلانى ندمت فعلا انى وقفت لانى مافيش انسان يقدر يستحمل الاهانات دى كلها من غير ذنب حتى من غير ما يسمعوا اى حاجة.... ودلوقتى تقولوا انها حالة فردية لاكن ما تمنعش ان الانسان لازم يقف لو عمل حادثة عشان الانسانية والاحترام والضمير لكن جوابى زى مانا قلت فى الاول .. لو الزمان رجع تانى اختار انى اجرى ومش مهم اى حد تخيلو ان كل واحد يقولى فين رخصك ولا كأنة البية الضابط وحاولو يكسروا الزجاج حتى الزبال بيقولى فين رخصك وواحد منهم حاول ياخد المفتاح من العربية فكانت النتيجة انة تناة جوة الكونتاك والمفتاح كان كمبيوتر يعنى الواحد يكون ماشى فى حالة ويتهان معنويا وادبيا وكمان ماديا المهم الاخر كانت النتيجة انى اخذتة مستشفى الهلال واتنازل عن المحضرنتيجة علاجة وعمل عملية ب 6000 جنية ودى كانت حكايتى مع الشعب ****

برده حاجه تنرفز بجد انت عارف ان المنطقه شعبيه و ماشى على 70-80 ليه؟؟؟؟
فيه حكمه من اشارات السرعه اللى بيعلقوها لما تقول 40 كيلو او 50 كيلو و الكلام ده - ان انت تقدر تقف بسرعه و تتلاشى الخطر
انت معاك اده مرخصه تتستطيع بها ان تقتل
ياريت نحاول نحس بالناس التانيه اللى ماشيين على رجلهم
والله العظيم موش هيعطل حد انه يوقف العربيه و يوقف الشارع كله عشان واحد عايز يعدى

[Amrrr]

بيتهيألي المشكلة في عدم النظام
انا مع الجري في المواقف دي بنسبة مية في المية - عشان البهدلة - ومع عدم نقل المصاب الى المستشفى - عديت في التجربة دي ولولا الراجل قال ماليش دعوة كان زمان في قصة ومش قادر اتخيل لو كان زي الناس اللي سمعنا عنهم من اللي ممكن يلبسك الليلة وانت مجرد فاعل خير - شوف الدنيا - ولسة في ناس بتقوللك قف-
ممكن لو معايا مسدس زي الراجل بتاع الشيروكي او ابويا ظابط او وكيل نيابة او ذو نفوذ وجبروت غير كدة شكرا
ومن تلات أيام في الكربة كنت هخبط واحد بيعدي والمفروض انه عدى بس مش عارف بصيت في المراية عشان آجي يمين ( من وراة يعني عشان هو معدي من اليمين للشمال) ببص تاني قدامي لقيتة لسة في مكانه واقف في وشي وعمال يشاورلي اقف والحمد لله سرعتي كانت هادية ووقفت ولقيتني باعتذرله مع انه هو اللي غلطان بس شكل بني آدم وهو بيتوسل اليك ترحمة (ساعة ما كان بيشاور قدام العربية وانا باصص في المراية ) كان صعبان علي اوي

وعموما احسن حاجة عشان الفوضى والسيرك اللي احنا فيه ان اللي خايف على نفسة يخلي بالة ويكون حريص جدا سواء كان سايق او بيعدي الشارع عشان اللي بيقع مالوش دية ولا اللي بيوقعه ليه دية - خليك سايق على مهلك واعمل حسابك ان اللي واقف على الرصيف دا ممكن يسيء تقدير المسافة بينك وبينه & تقدير سرعتك وينزل يعدي في لحظة غلط ولو انت مش عامل حسابك ( ان شاء الله بس تشيل رجلك من عالبنزين وتحطها عالفرامل من غير ماتدوس فرامل ولا حاجة بس تبقى مستعد والثانيتين دول صدقوني بتفرق جدا )
من كام سنة وانا بعدي صلاح سالم من عند نادي الجلاء للناحية التانية من عند التمثال كدة ومعايا واحد تاني بيعدي بس معرفوش وسألني على عنوان قلتلة الناحية التانية قام مديني ضهرة وواخد في وشه وهيعدي ومالوش دعوة باي حاجة تماما واقسم بالله انا شديته عشان مستحيل التعدية في اللحظة دي ، وسيبتة ثواني وانا واقف مستني الطريق عشان اعدي لقيتة هينط تاني وبقوله استنى مسمعنيش رحت شدة لتاني مرة وقلتلة تعاى من على يميني وعدي معايا ولو وقفت اقف زيي ولو رجعت ارجع تاني ماشي ؟ لقيتة مستسلم تماما وبيقوللي ماشي عشان انا مش عارف اعدي خالص ووقفنا يومها حوالي ثلث ساعة وهو ارفان وعايز ينزل وانا اقوله استنى لحد اللحظة المناسبة اللي عدينا قيهاوطبعا عدينا جري عشان انا المسئول عن نفسي محدش تاني ولو سايق عربية بهدي في الحتت اللي زي دي وبستغرب عشان بلاقي ناس داخلة بسرعتها وفي مشاة بيعدوا او واقفين بس حتى على الرصيف
وانت سايق خليك على مهلك وخلاص وعلى سرعة تلحق تسيطر فيها على رد الفعل اللي انت عايزة - الفرق بين السرعات بيبقى ثواني وهي الثواني دي اللي بتفرق في أغلب المواقف
انا مع صاحب العربية الغلبان اللي فجأة بقى متهم ولابس كلابشات ومترحل مرة للنيابة ومرة للقسم وحاجة زفت وفي نفس الوقت برضة في غلابة بيعدي الشارع وهو عمرة ما ركب عربية ولا ساقها ومش عارف اللي سايق رد فعلة اية ولا بيتعامل ازاي وفاهم ان الفرامل بزرار هتقف لحظة ماصاحبها يعوز وعشان كدة بنسمع الجمل المشهورة في المواقف اللي زي دي انتو راكبين عربيات تدوسوا عالناس - بابا جايبلو الاتومبيل ونازل يهرس في الخلق ( اووتومبيل دي سمعتها من سواق تاكسي دخل في عربية ابويا بالعرض ومش عاجبه وشايف اني انا الغلطان - ماعلينا مش موضوعنا)
في صديق لي في الشغل لما كنا نعدي الشارع اقوله بسرعة يقوللي مالعربيات تقف ايه اللي فيها يعني ؟( كان بيعدي حاطط ايدة في جيبة وببطء مصطنع وساعات يدي ضهرة للشارع يعني بيعدي بميل ودا كان مالوش اي تفسير عندي غير نفسية مش تمام والله أعلم - حاسس اني طولت بس معلشي بقى

[abou_ruqi]

اللهم احفظنا

[taswos]

الموضوع زى ما انا شايف كثير مننا وقع فيه
وكل واحد اتصرف بحاجة من اتنين يا أما سابه ومشى يا إما وداه المستشفى
انا بقى اللى حصل معايا كالاتى
كنت ماشى بالليل فى طريق ظلمه سريع وكان الطريق ده عليه قريه والظاهر انه كان في فرح او حفله المهم انا كنت ماشى 100 تقريبا او اكتر والدنيا ظلمه جدا ومفيش انوار غير نور العربيه وفجأه بمعنى كلمة فجأه كانت فى حاجى سودا كأنها نطت قدامى اللى حثل انى خبطتها ووقعت قدام العربيه ودست عليها وسامع كل حته فيها بتتكسر انا فى لحظة بدأت اقف لقيت امة لا اله الا الله ظهرو فجأه يا جماعه الحوار ده كله فى عشر ثوانى او اقل انا اتأكدت انها ماتت اللى جه فى دماغى انى اقف واوديها المستشفى لكن بنظرة تانيه سريعه الناس دول عرب وعيله ولما يلاقوا واحد خابط واحده منهم ومموتها اكيد مش هيحصل طيب واكيد ممكن يتولع فى وفى العربيه جالى الالهام انى اهرب وبعدين لما اروح اشوف ايه العمل انا كل اللى اتكسر عندى فانوس وخبطه صغيره فى الرفرف
روحت وكلمت والدى وقلتله على اللى حصل وهو راح خد ناس معاه واتأكدو ان الست توفيت وراحو لبيت الناس وعزوهم وقالولهم اللى حصل وانا مشيت ليه ودفهنا الديه والموضوع اتحل من غير مشاكل نهائيا والحمد لله انا كان ممكن اروح تانى يوم واصلح العربيهولا من شاف ولا من درى وكل سنه واهم طيبين لكن والله خفت من ربنا
وربنا مايورى حد يوم وحش زيه ولا ليله مدقتش فيها طعم النوم وانت ضميرك بيعذبك وسامع الصوت فى ودانك وحياتك صعبه

[MMamdouh]

هو حد قال لما تلاقى واحد مش ماشى على ارصيف ندوسة؟؟؟

كل الحالات السابقة بيبقى اللى ماشى على رجلية بيظهر بشكل مفاجىء او بيعمل حركة مفاجئة تربك سائق العربية و بالتالى بيحصل حاث... فيه رق بين انك تبقى سايق و تدوس الناس متعمد و بين انهم يطلعولك من تحت الارض

و بردة لحد دلوقتى الناس بتبص للمشاه على انهم بنى ادمين لكن راكبى السيارات دول ولاد تيييييييييييييييت.... هو احنا مش بنى ادمين برضة ولا ايه؟؟ ولا احنا فقدنا الصفة دى بمجرد ما ركبنا عربية؟؟

و بعدين قصة الوقوف دى متنفعش خالص لسببين... اولا عنصر المفاجئة اللى بيسببة العبور الخاطىء للمشاه بالاضافة الى السرعة... محدش يقنعنى انك لو ماشى على 90 فى الدائرى وواحد طلعلك من قدام المقطورة اللى جنبك حتلحق تقف... و لو وقفت بمعجزة الاهية اكيد اللى جاى من وراك حيسفلتك تماما

معلش الكلام اللى اتقال كدة غير منطقى بالمرة... مينفعش اللى اخطاء يبقى هو الطرف المظلوم لمجرد ان هو اللى اتصاب او اتعور... محدش ضربة على ايدة و قالله يخاطر بحياتة ...و انا مش ملزم اتحمل المسؤليه دى لمجرد انى راكب عربية

MMamdouh

[human]

هو حد قال لما تلاقى واحد مش ماشى على ارصيف ندوسة؟؟؟

كل الحالات السابقة بيبقى اللى ماشى على رجلية بيظهر بشكل مفاجىء او بيعمل حركة مفاجئة تربك سائق العربية و بالتالى بيحصل حاث... فيه رق بين انك تبقى سايق و تدوس الناس متعمد و بين انهم يطلعولك من تحت الارض

و بردة لحد دلوقتى الناس بتبص للمشاه على انهم بنى ادمين لكن راكبى السيارات دول ولاد تيييييييييييييييت.... هو احنا مش بنى ادمين برضة ولا ايه؟؟ ولا احنا فقدنا الصفة دى بمجرد ما ركبنا عربية؟؟

و بعدين قصة الوقوف دى متنفعش خالص لسببين... اولا عنصر المفاجئة اللى بيسببة العبور الخاطىء للمشاه بالاضافة الى السرعة... محدش يقنعنى انك لو ماشى على 90 فى الدائرى وواحد طلعلك من قدام المقطورة اللى جنبك حتلحق تقف... و لو وقفت بمعجزة الاهية اكيد اللى جاى من وراك حيسفلتك تماما

معلش الكلام اللى اتقال كدة غير منطقى بالمرة... مينفعش اللى اخطاء يبقى هو الطرف المظلوم لمجرد ان هو اللى اتصاب او اتعور... محدش ضربة على ايدة و قالله يخاطر بحياتة ...و انا مش ملزم اتحمل المسؤليه دى لمجرد انى راكب عربية

MMamdouh

عزيزى ..... والله انا موش بتكلم على دائرى و واد ظهر من بطن الزير او انشق من فم الجبل
:)
فى الحاله ديه انت بتتكلم فى survival

ربنا يستر طريقنا كلنا

[MMamdouh]

امين

MMamdouh

[r0xer]

والله العظيم من امبارح لحد دلوقتي مش عارف أركب العربية بسبب واحد غبي على الكورنيش القاهرة الساعة 2 الضهر واقف مع صاحبته في وسط الشارع بيتكلمو!! وأصلا فرامل العربية عندي مش متظبتة والحمد لله ربنا ستر ومخبطهمش ولكن كفاية الموقف نفسه.

بجد عالم معندهاش أي نوع من الضمير ولاالمسؤولية لإن كان ممكن الواحد مستقبله يضيع بسبب واحد تافه خارج مع واحدة تافهة ولا هربانين من كلياتهم التافهة.

والتافه بيقولي انت شايف ولالا؟ كان اهولي انزل اجيبه من شعره اللي عامل زي البنات دا...قلتله اتعلم تعدي الطريق انت والي معاك وأقسم بالله لو كان فيا نفس ومكنتش اتخضيت شوية لكنت نزلت فرمته ضرب .

عموما الحمد لله ربنا ستر بس بجد والله انا مش غلطان وفي حوادث كتيرة بتحصل يمكن 70% السواق مش غلطان.

[MMamdouh]

امبارح الساعة 12 صباحا على الطريق الدائرى واحد بيعدى الطريق مشى (مش بيجرى ولا حتى بيمد) و بيتكلم فى الموبايل و مش باصص ناحية العربيات اساسا

MMamdouh

[NAHR_ELGANNAH]

على فكره فى امريكا مثلا لو حد بيعبر الطريق السريع اوبيعبر طريق واشاره السيارات خضراء او بيعبر الطريق من مكان غير مخصص لعبور المشاه وعربيه صدمته بيعتبروه كلب وراح ولا حد بيسعفه مش طبعا علشان الناس هناك ملهاش قيمه انما علشان هو اللى غلطان .انما هنا لو اى حد خبط اى واحد فى اى طريق وحتى اشاره العربيات خضراء بيعتبروا ان سواق العربيه قاتل وجايب عربيه علشان يدوس على خلق الله وكذلك العجل اللى ماشى يبرطع زى ما هو عاوز ويكسر اشاره زى ما هو عاوز ويمشى معاكس زى ما يحب اصل سعاده البيه لسه مرخصش العجله ولو عربيه خبطته اول حاجه يقولك العربيه هى اللى غلطانه طيب يا عم ده ماشى معاكس يقولك هو فيه عجله بتمشى معاكس طيب ده كاسر اشاره يقولك يعنى هتديله مخالفه وعلشان كده انا معجب جدا بتجربه الصين اللى عامله طرق للعجل غير طرق العربيات ومفيش اى شوارع مشتركه بينهم .دائما هنا بيعتبروا ان صاحب العربيه هو القوى الجبار المتهور الارعن الاهوج وانا علشان كده لما بدخل على اشارتى الخضراء ويكون فيه مشاه مصممين انهم برده يعدوا بدوس على حاجتين الكلاكس والبنزين وازود السرعه علشان اللى بيعدوا يخافوا .واول مره اشوفها ان الناس تيجى فى صف التاكسى اللى كان هيخبط واحده واشاره التاكسى خضراء وكل الناس غلطت الست بس طبعا بعد ما الراجل اتشتم واتلعن سلسفيل جدوده

سلام عليكم
مش عايزين ننبهر بالغرب وخلاص ونقول كل حاجه بيعملوها صح واحنا كل حاجه عندنا غلط
اللي بيحصل في امريكا انا شايف برضه انه مش صح وانها اهانة للبشر
يعني ايه لو حد غلطان يبقى كلب واسيبه وامشي, لاء مهما حصل هو مش كلب انا برضه اعمل اللي عليه واوصله المستشفى لو الموضوع يستاهل بس اخد احتياطاتي
بالعكس بقى انا مؤمن جدا ان الجدعنة اللي في الشعب المصري ده من مميزاتنا وانها مش موجوده في اي شعب في العالم كله, وبرضه النظرة الاشمئزازية لاصحاب العربيات والرشاوي والاستغلال وسوء القوانين من عيوب الشعب المصري بس كل شعب ليه مميزات وعيوب يعني عمرك متلاقي في دول اوروبا حد يساعد حد في حادثة عربيه او غيره.
انا ليه قصة في الموضوع ده عربيتنا قلبت عالطريق الصحراوي سنة 92 وكنت انا ساعتها حاجه كده بتاعت 12 او 13 سنة عايز اقولكو ان لقيت كل العربيات على الصفين وقفو ونزلو جري ناحيتنا والحمد لله مكانش حد فينا عنده حاجه الا شوية كدمات بس العربيه اللي خبطتنا وخليتنا نقلب كان هو اللي غلطان وهرب اول ما عملها (اكيد زمان ضميره بيانبه جدا لانه فاكر اننا متنا - يستاهل) لانها كانت قلبة موت فعلا بس ربنا نجى
المهم الناس اتلمت علينا وعربية سياحة 505 (بصراحة كانت عربية جامدة اوي بمقاييس اياميها) خدتنا نزلتنا مصر وكان فيها واحد خليجي كان معجب جدا بشهامة الشعب المصري وطيبته
الخلاصة انا مع الراي اللي بيقول اني اوديه المستشفى لو الموضوع يستاهل بس اخد احتياطاتي عشان انا كمان متبهدلش