الـحـل للـمـيـكـروبـاصـات و الـتـاكـسـيات و الـتـكـاتـك

[Amr Axel]

انا عندي حل اسهل من كل ده بعد اذنك يعني يا اكسل
احنا نكون عصابة او فريق وليكن اسمه زي مايكون
كل واحد معاه سلاحه وننزل منطقة منطقة نقضي تماما على سواقين الميكروباصات والتوك توك
اما التاكسي ده مقدور عليه لان فيهم الكويس وفيهم الوحض اما الشيئين التنيين دول مشفتش فيهم حد كويس بصراحة

هههههههههههه ده احنا كده هنشتغل موظفين بالنهار و بلطجية بعد الضهر
انا معاك فعلا ان التاكسيات فيهم المحترم و فيهم اللي زي الزفت بس و ده نابع ان فيه شباب و ناس كتيير محترميين راكبيين تاكسيات عشان ياكلوا عيش فتلاقي ناس من العينتين لكن فيه منهم دماغه ضاربة و لا سواق ميكروباص
انما الميكروباصات و التكاتك دول مشوفتش فيهم حد عدل ابدااااااا

[Amr Axel]

انا رايي الواحد يتعامل ببرود متناهى وميكونش دايما حامى
عشان طول ما الواحد سخن هيتعب اوى

مهو البرود مش في كل الحالات يا باشا يعني واح يخبط العربية و يزعقلك
او واحد نازل يضربك مش هتسكت له

[Amr Axel]

انا رأيي الشخصي السلاح المرخص بس للأسف ممنوع دلوقتي تراخيص السلاح لو نزلت بسلاح كل الناس اللي بتللم ديه بطلقه واحده هتجري دولت ناس يخاف ما يختشوش وساعتها قول لسواق الميكروباص ده انت يا كوكو لازم تخاف

للأسف حل غير عملي و هيؤدي للمشاكل اكتر و كل واحد هيفرح انه معاه سلاح و خاصة لو شاب و هنشوف مجازر الحل ادخالة انظمة جديدة للمرور و تطبيقها بدل مهي سداح مداح

[Amr Axel]

لازم ابادة جماعية للناس دية عشان يطلع عليهم فى يوم واحد البلطجة بتاعتهم و يعرفوا ان الله حق و كل واحد لية كبير و ناس كتير تتشفى فيهم هههههههههه ادى اخرة الشر انا عايز ابقى مصاص دماء اطلع عليهم اموتهم بس المشكلة انى فى يوم من الايام كنت قبل ما اشترى اى عربية فى شدة الاحتياج ليهم دة اللى مخلينى مش بعمل حاجة بس ههههههه

هههههههههه من ناحية عايزين ابادة جماعية هم فعلا محتاجين ابادة جماعية و الحرق كمان ههههههه
لكن عايزين حل فعلا

[Amr Axel]

نشوف جراجات و مواقف العربجية دول و نولع فى عربياتهم

هههههههه مع انه حل يناسبهم فعلا لأنهم عامليين عصابات في المواقف بتاعتهم
لكن عايزين حلول بعيدا عن العاطفة و الولع و الحرق و الضرب

[Amr Axel]

أما نشوف ال 100 يوم الأولي هيتظبط المرور إزاي وهي هتبتدي إمتى وتنتهي أمتي

يا مسهل يا رب

ادينا مستنيين و نشوف اللي هيتم ان شاء الله

[Amr Axel]

كل ما أشوف المواقف دى و السواقين المتخلفين دول
افتكر زمان قبل الثورة
سواقين الميكروباص اللى راكنين كانوا بيطلعوا يجروا على عربياتهم لما يسمعوا الضابط بيدور الموتوسيكل
و لو سمعوا السارينة تلاقى الشارع اتقلب و كل السواقين يختفوا
ولا التكاتك اللى كانوا بيخافوا يقربوا من ناصية شارع جانبى عشان عارفين أن اللى الضابط بيشوفه بيروقه
ولا بتوع التاكسى اللى كانوا بيبقوا هيموتوا من الخوف لو شافوا كمين

بس هنقول ايه ؟
ثقافة جزء من الشعب

فعلا كنت تلاقي موتسيكل المرور وراهم هي تكة سرينة كلهم بيثبتوا يمين خاصة في مدينة نصر
بس برده كانوا الميكروباصات و التكاتك بيعملوا نفس الموضوع و لو حصل حاجة متعرفش تاخد حقك

[Amr Axel]

ياجمعه الحل سهل جدا وبسيط هو اننا نسيب الشوارع للتكاتك والميكروبصات وتكسيات الاجرة ترمح فيها على كيفها احنا لينا الرصيف بس المشكله لو شارع ملهوش رصيف حنمشى فين هو دا الموضوع اللى مفروض نبحث تعميم الأرصفه لكافة شوارع مصر لأصحاب الملاكى .... ياما الحكومه تعمل انفاق تحت الأرض يعنى الواحد عاوز يسافر من القاهرة الى الاسكندريه يغطس تحت الأرض ميقبش الا فى الاسكندريه وعجبى عليك يازمن العجايب....*

ناقص نقعد في البيت و منتحركش او نروح نعيش في الصحرا هههههه
عايزين حل عملي يا رجالة

[Amr Axel]

هى الفوضى دى حال بلدنا الأن وعلى ما اعتقد ملهاش حل غير من الرئيس أو من الوزارة يا انا فاكر من خمس سنين كان ممنوع لميكروباصات بره البلد تدخل تحمل جوه البلد دلوقتى بقى عادى يدخل يحمل ناس ويعدى قدام ضابط المرور ولا كأنه عامل حاجة غلط ولو الضابط كلمه ينزل يضربه ودى شوفتها بعينى على الكورنيش فى أسكندرية

لا حول و لا قوة الا بالله
خلاص ده بقي العادي دلوقتي و اما نشوف اللي هيحصل

[Amr Axel]

في حل احسن من كده ومتطبق في دول زي الامارات مثلاً

في تاكسيات وميكروباصات بس تبع شركات حكوميه زي هيئة النقل العام عندنا مع الفرق طبعاً
يعني مشفتك حضرتك اشتكيت من اوتوبيسات النقل العام مع انها حجمها اكبر لكن قليل لما بتلاقي سواق منهم بيعمل الحركات دي لانه فالاول والاخر موظف ومتعلم وليه مكان ممكن تشتكيه فيه

وبالنسبة لبلطجة الفئه دي على الناس ياريت اي واحد يشوف سواق ميكروباص او توكتوك او تاكسي ماسك واحد ملاكي مايقفش يتفرج عليه ويحاول يتدخل حتى لو يحوش مش لازم عنف

كلام جميل جداااا فعلا فكرة حلوة

بس الافضل بقي يتعمل شبكة مواصلات ضخمة من الاتوبيسات و الميني باص مع المترو و التاكسيات و نخلي الميكروباصات خارج المدن فقط و التكاتك ممكن تتعامل في المناطق الشعبية الي يصعب دخول المواصلات فيها

[ahmedbasto]

لا حول و لا قوة الا بالله
خلاص ده بقي العادي دلوقتي و اما نشوف اللي هيحصل

ربنا يقدم اللى فيه الخير لمصر وللمصريين ان شاء الله

[Amr Axel]

و الله يا عمرو باشا فى حل احسن من ده مليون مره

علشان الحلول دى مش هتتطبق فى مصر نهاااااااائى

الحل الامثل ان الواحد يروح يجيب تأشيره لاى بلد اياكش حتى افغانستان

و الله انا شايف ان البلد دى عمرها ما هتتغير

" لا يغير الله ما بقوم حتى يغيروا ما بأنفسهم " صدق الله العظيم

اديك قولت
قال تعالي " لا يغير الله ما بقوم حتي يغيروا ما بأنفسهم " صدق الله العظيم
يعني انك تسافر مش هو ده الحل يا صديقي
الحل نحاول نصلح و اما نشوف اللي هيحصل :)

[Amr Axel]

لو زودت الوعى بين الناس هتتحل كل مشاكلك
المشكلة مش فى السواقين التوكتوك و الميكروباص
لا المشكلة كمان فيا و فى حضرتك و حضرتة كلنا بنعمل مصايب سودة اللى بيمشى عكس و اللى بيكسر الاشارة و اللى بيرمى على اللى جنبة و احنا يدوبك بنركب العربية ساعة فى اليوم مابالك اللى بيسوق 15 ساعة هيعمل اية لازم اخلاقة بتكون كدا و الموضوع دا عايز وعى و رقابة
يعنى لازم تفهم الناس ان السير عكس جريمة و اللى يخبط حد و هوا ماشى عكس ممكن يتسجن فترة طويلة صدقنى هيفكر , ثانى حاجة الرقابة و انك تراقب القانون و النظام اللى الحكومة حطاة بس للاسف الظباط و الامناء و العساكر اللى بياخدوا مرتبات مش عجابهم و مش بيشتغلوا و حسبى الله ونعم الوكيل فيهم مبيعملوش حاجة و مانتخين على الاخر

معلش يا باشا يعني هم الناس الوحيدة اللي بتشتغل ده بقي شئ في طبعهم
و الحمد الله مبعملش مصايب سودا و انا ماشي حتي الحزام حاطه و لو كسرت ع حد بدون ما اقصد بعتذرله لكن هم اغبية لدرجة انه يخبط و يبجح فيك كمان
الموضوع محتاج اكتر من مجرد وعي رقابة شديدة ع مدار الساعة تطبيق فعلا للقانون احنا عندنا قوانين صارمة لكن تعالي في التطبيق لما انزل الشارع الاقي عالطول واحد اتمسك معلش و مش معلش و يكرمش له حاجة حلوة و يمشي و انا اقف مذهول و اظن حاجات من ديه اتصورت كتيير عشان محدش يقول مبيحصلش
ده غير لما تتخانق و تلاقي بوكس او دورية واقفين و شايفين اللي بيحصل و ملوش دعوة

قبل الثورة بفترة عند رابعة م.نصر اتخانقت مع واد من بتوع المنشية و اكيد عارف بتوع المنشية اللي قدام ترب الغفير عاملين ازاي و مسك فيا و نزلنا ضرب و نطح في بعض من الاخر كل واحد بهدل التاني و الناس حاشتنا من بعض و مسكوه و منخيري كانت جايبة نافورة دم طبعا تكلم النجدة مفيش
و كنت جنب الاشارة بتاعت رابعة قولت فيه ظباط هناك كان فيه رتبة واقف في الاشارة تقريبا عقيد بقوله اللي حصل يقولي اعمل ايه انا مرور !!!
قولتله طب ع الاقل بلغ النجدة بالجهاز يجوا يقولي انا مرور مليش دعوة بصيت له و سكت و مشيت هقوله ايه ؟؟؟!!! طبعا الواد جري
قولت اطلع ع قسم اول مدينة نصر ناهيك عن المحضر اللي اتكروت
لازم تقرير طبي و القسم مرضاش حتي يطلع عربية تجيب الواد و قولتلهم ع مكانه و اسمه كمان الواد معروف في المنطقة من اللي شغالين و الشحاتيين
مفيش غير ظابط تقريبا ملازم او ملازم اول كان فعلا عايز يطلع معايا بعربية و يجيب الواد لكن واحد رتبة اكبر منه كلمه كلمتين و مطلعوش
اتقالي تقرير و محضر طلعت ع مستشفي و جيبت تقرير بالاصابات و الكدمات اللي فيها و اتعمل المحضر و جبت اسم الواد كمان من المنطقة و منطقته و الناس اللي هناك عارفينه و مستعديين يشهدوا عليه لأن واضح انهم قرفانين منه
و لا حياة لمن تنادي و صباح الفل ع كده و غيره من المواقف اللي تلاقي محدش يعمل حاجة
خلاص هي بقت بلطجة دلوقتي عشان كله عارف ان محدش هيتحرك

[aly_moh]

Axel


كل سنة وحضرتك طيب و واضح انك عانيت كتير مع الاشكال دى بس , قانون من غير تطبيق ورقابة مجرد ورق مالوش لازمةو تقاعس ظباط الشرطة عن اداء عملهم دى مصيبة سوداء فعلا وبعدين انت شكلك محترم و مش قد الخناق خلاص سبية عشان ماتتبهدلش انا عارف ان الامر مايسلمش بس الواحد بيحاول يتفادى البلطجة و الف سلامة على حضرتك و نصيحة اخوية شيل معاك صاعق فى العربية عشان ولاد التيت دول و احمى نفسك بس صدقنى الحل الامثل للناس دى تطبيق القانون بشكل كامل و زيادة الوعى بين الناس دى انا عارف ان مش 100 % هيستجيب بس على الاقل لو كسبت 5 % تبقى عملت حاجة كويسة

[Amr Axel]

axel


كل سنة وحضرتك طيب و واضح انك عانيت كتير مع الاشكال دى بس , قانون من غير تطبيق ورقابة مجرد ورق مالوش لازمةو تقاعس ظباط الشرطة عن اداء عملهم دى مصيبة سوداء فعلا وبعدين انت شكلك محترم و مش قد الخناق خلاص سبية عشان ماتتبهدلش انا عارف ان الامر مايسلمش بس الواحد بيحاول يتفادى البلطجة و الف سلامة على حضرتك و نصيحة اخوية شيل معاك صاعق فى العربية عشان ولاد التيت دول و احمى نفسك بس صدقنى الحل الامثل للناس دى تطبيق القانون بشكل كامل و زيادة الوعى بين الناس دى انا عارف ان مش 100 % هيستجيب بس على الاقل لو كسبت 5 % تبقى عملت حاجة كويسة

و حضرتك طيب يووه انا ليا باع طويل مع الاشكال ديه و زي مقولتلك قوانين صارمة لكن المهم تطبق صح
و الحمد الله الواحد بيسد قصاد الاشكال ديه لكن يومها عند رابعة كنت لسه بجهز و تحاليل عشان اعمل عملية في ضهري و بالتالي كويس اني كنت واقف يومها
و الواحد محترم مع المحترم و بيبقي غبي مع العربجية
و للأسف الصاعق مبقاش ليه لازمة دلوقتي تطلع طبنجة تلاقي ألي في وشك هههههههه
ناقص تطلع ألي تلاقي ار بي جي طالعلك هههههههههه