الـحـل للـمـيـكـروبـاصـات و الـتـاكـسـيات و الـتـكـاتـك

[Amr Axel]

بسم الله الرحمن الرحيم
السلام عليكم و رحمة الله و بركاته

كل عام و انتم بخير

طبعا كلنا شايفين شكاوي الناس من الميكروباصات و التكاتك و التاكسيات و اللي بيدخل المنتدي العام للسيارات هيجد كل يوم كم الشكاوي و خاصة منا لميكروباصات و التاكسيات و التكاتك
و ديه عينة في يوم بس غير شكاوي الناس في المشاركات

http://www.nilemotors.net/Nile/303770-a.html

http://www.nilemotors.net/Nile/303550-a.html

و الموضوع زاد اوي في الفترة الاخيرة و للأسف محدش بيكلمهم و الميكروباصات و التاكسيات و التكاتك عاملين عصابات

سواق ميكروباص يتخانق و هو اللي غلطان و يلم كما تسمي عصابته و بلدياته من المنطقة اللي بيقف فيها زي ما حصل معايا امبارح في الحي العاشر ميكروباص اجرة سوهاج 51619 خبط العربية و بيبجح فيا و كل اللي هناك اللي تبعه اتلموا يحموه و يقولي انت لازم تخاف طب بلاش انا المشكلة في وجود العائلة معاك بيكتفك و مفيش عسكري حتي هناك

كذلك الحال للتاكسيات اللي بتقف في مواقف اول ما يعمل مشكلة يتصل بيهم كلهم يجوا برابطة المعلم ده غير اللي بشوفه منهم و لسه قريب سواق تاكس في زهراء مدينة نصر عند السلاب قدام النقطة الناحية التانية زنق ع ملاكي و سواق التاكس بيزعقله و سواق الملاكي بيقوله فيه حد يسوق كده و تزنق عليا و زعقوا شوية و سواق الملاكي ركب و ماشي و اذ بسواق التاكس جايب ازازة من العربية و طالع يجري يبطحه لولا اني زعقت و نبهت سواق الملاكي كان زمانه سايح في دمه

و كذلك التكاتك اللي سايقها عيال 10 سنين و 12 سنة و ماشيين وسط المدن و ماشيين يخبطوا في العربيات و يا سلام لو في منطقتهم كان زمان بيطلعوا شومة دلوقتي بيطلعوا سنجة من سقف التوكتوك او يسحبه من جنب الكرسي و كل التكاتك اللي يعرفهم يتلموا و يحموه بالرغم انه غلطان
او ماشيين ع الدائري و واخدين حارة شمال كمان !!!

بقي عايش وسطينا عصابات اخطر من العصابات الاجرامية للسرقة او السطو و هم عصابات الميكروباصات و التاكسيات و التكاتك او زي في الحي العاشر عصابات اسيوط او سوهاج و طبعا اللي بيعدي من هناك و عارف او عايش في المنطقة عارف الكلام ده كويس

و طبعا اغلب الحوادث بسبب التلاتة دول بيمشوا عكس و يقفوا في وسط الطريق يركبوا و ينزلوا و اليوتيرن ياخدوه عكس او يطلعوا فوق الارصفة عشان يروح الحارة التانية

طبعا الحل في رأيي بالاضافة لعودة المرور و الامن بقوة و القضاء ع العصابات دي و كاميرات مراقبة ع مدار الساعة في كل ميدان و شارع و شبكة مواصلات بجانب المترو


- الميكروباصات

يتم استخدامها ع الطرق السريعة فقط زي الدائري او السفر صحراوي زراعي
يعني منشوفش ميكروباص واحد وسط المدن
ممكن بعضهم الميكروباصات النضيفة و الفان زي السوزوكي في نقل البضاعة و الأمتعة فقط لا غير

طبعا الغاء ميكروباص ( الترامكو ) نهائي اللي عامل زي القطر و ماشي يشيل في العربيات و الناس و اغلبهم اساسا ماشي من غير نمر و ياما ناس اتصابت و ماتت منهم بسبب طريقتهم و من اكتر نسبة اصابات في المطرية و ما حولها منهم و اللي عايش هناك طبعا هيقولك ع الناس اللي اتكسرت او ماتت بسببهم و محدش قادر يعملهم حاجة غير باقي المناطق
الميكروباصات تشتغل في محافظتهم يعني منلقيش اسيوط و سوهاج هنا بيحملوا و شغالين


- التاكسيات :

زي ما هما وسط المدن لكن مع زيادة الرقابة عليهم و كاميرات المراقبة هتساعد في ده و طبعا لازم يكون فيه حل للعدادات اللي بقوا يلعبوا فيها و مشوار تركبه كل يوم بـــ10 تلاقي تاكس يقولك 25 ج احنا مش راكنين الفيل قبل ما نركب التاكس يعني


- التكاتك :

مصيبة لوحدها بلد المليون توك توك طبعا بعد انتشارها و بعد التسبب في انتشارها اعتقد انه من الصعب القضاء عليها و لكن ليس مستحيل فهناك حلين ياما تتاخد التكاتك دي و يدوا اصحابها تعويض و يتمنع اي توك توك في المدن
ياما التكاتك تكون في الارياف و المناطق المعزولة او المناطق اللي مينفعش دخول مواصلات فيها و منشوفش واحد منهم برة و برده يكون عليهم رقابة
و الافضل من وجهة نظري الحل الأول و هو القضاء ع التكاتك بمصادراتها مع دفع تعويض للتوكتوك زي ما اتعمل في التاكسيات القديمة


ده الحل من وجهة نظري

لو حد عنده حلول تانية يا ريت يشاركنا بيها ع الاقل ممكن نتوصل لأفضل الحلول و نوصلها

لأن كده بقي كتيير اوي اللي عايشين فيه

[houras1010]

التك توك اوقف استيراده وتجميعه الأول

[eng.m7md.ali]

انا عندي حل اسهل من كل ده بعد اذنك يعني يا اكسل
احنا نكون عصابة او فريق وليكن اسمه زي مايكون
كل واحد معاه سلاحه وننزل منطقة منطقة نقضي تماما على سواقين الميكروباصات والتوك توك
اما التاكسي ده مقدور عليه لان فيهم الكويس وفيهم الوحض اما الشيئين التنيين دول مشفتش فيهم حد كويس بصراحة

[beshomilan]

انا رايي الواحد يتعامل ببرود متناهى وميكونش دايما حامى
عشان طول ما الواحد سخن هيتعب اوى

[hmada9009_99]

بسم الله الرحمن الرحيم
السلام عليكم و رحمة الله و بركاته

كل عام و انتم بخير

طبعا كلنا شايفين شكاوي الناس من الميكروباصات و التكاتك و التاكسيات و اللي بيدخل المنتدي العام للسيارات هيجد كل يوم كم الشكاوي و خاصة منا لميكروباصات و التاكسيات و التكاتك
و ديه عينة في يوم بس غير شكاوي الناس في المشاركات

http://www.nilemotors.net/nile/303770-a.html

http://www.nilemotors.net/nile/303550-a.html

و الموضوع زاد اوي في الفترة الاخيرة و للأسف محدش بيكلمهم و الميكروباصات و التاكسيات و التكاتك عاملين عصابات

سواق ميكروباص يتخانق و هو اللي غلطان و يلم كما تسمي عصابته و بلدياته من المنطقة اللي بيقف فيها زي ما حصل معايا امبارح في الحي العاشر ميكروباص اجرة سوهاج 51619 خبط العربية و بيبجح فيا و كل اللي هناك اللي تبعه اتلموا يحموه و يقولي انت لازم تخاف :copy of majd(2): طب بلاش انا المشكلة في وجود العائلة معاك بيكتفك و مفيش عسكري حتي هناك

كذلك الحال للتاكسيات اللي بتقف في مواقف اول ما يعمل مشكلة يتصل بيهم كلهم يجوا برابطة المعلم ده غير اللي بشوفه منهم و لسه قريب سواق تاكس في زهراء مدينة نصر عند السلاب قدام النقطة الناحية التانية زنق ع ملاكي و سواق التاكس بيزعقله و سواق الملاكي بيقوله فيه حد يسوق كده و تزنق عليا و زعقوا شوية و سواق الملاكي ركب و ماشي و اذ بسواق التاكس جايب ازازة من العربية و طالع يجري يبطحه لولا اني زعقت و نبهت سواق الملاكي كان زمانه سايح في دمه

و كذلك التكاتك اللي سايقها عيال 10 سنين و 12 سنة و ماشيين وسط المدن و ماشيين يخبطوا في العربيات و يا سلام لو في منطقتهم كان زمان بيطلعوا شومة دلوقتي بيطلعوا سنجة من سقف التوكتوك او يسحبه من جنب الكرسي و كل التكاتك اللي يعرفهم يتلموا و يحموه بالرغم انه غلطان
او ماشيين ع الدائري و واخدين حارة شمال كمان !!!

بقي عايش وسطينا عصابات اخطر من العصابات الاجرامية للسرقة او السطو و هم عصابات الميكروباصات و التاكسيات و التكاتك او زي في الحي العاشر عصابات اسيوط او سوهاج و طبعا اللي بيعدي من هناك و عارف او عايش في المنطقة عارف الكلام ده كويس

و طبعا اغلب الحوادث بسبب التلاتة دول بيمشوا عكس و يقفوا في وسط الطريق يركبوا و ينزلوا و اليوتيرن ياخدوه عكس او يطلعوا فوق الارصفة عشان يروح الحارة التانية

طبعا الحل في رأيي بالاضافة لعودة المرور و الامن بقوة و القضاء ع العصابات دي و كاميرات مراقبة ع مدار الساعة في كل ميدان و شارع و شبكة مواصلات بجانب المترو


- الميكروباصات

يتم استخدامها ع الطرق السريعة فقط زي الدائري او السفر صحراوي زراعي
يعني منشوفش ميكروباص واحد وسط المدن
ممكن بعضهم الميكروباصات النضيفة و الفان زي السوزوكي في نقل البضاعة و الأمتعة فقط لا غير

طبعا الغاء ميكروباص ( الترامكو ) نهائي اللي عامل زي القطر و ماشي يشيل في العربيات و الناس و اغلبهم اساسا ماشي من غير نمر و ياما ناس اتصابت و ماتت منهم بسبب طريقتهم و من اكتر نسبة اصابات في المطرية و ما حولها منهم و اللي عايش هناك طبعا هيقولك ع الناس اللي اتكسرت او ماتت بسببهم و محدش قادر يعملهم حاجة غير باقي المناطق
الميكروباصات تشتغل في محافظتهم يعني منلقيش اسيوط و سوهاج هنا بيحملوا و شغالين


- التاكسيات :

زي ما هما وسط المدن لكن مع زيادة الرقابة عليهم و كاميرات المراقبة هتساعد في ده و طبعا لازم يكون فيه حل للعدادات اللي بقوا يلعبوا فيها و مشوار تركبه كل يوم بـــ10 تلاقي تاكس يقولك 25 ج احنا مش راكنين الفيل قبل ما نركب التاكس يعني


- التكاتك :

مصيبة لوحدها بلد المليون توك توك طبعا بعد انتشارها و بعد التسبب في انتشارها اعتقد انه من الصعب القضاء عليها و لكن ليس مستحيل فهناك حلين ياما تتاخد التكاتك دي و يدوا اصحابها تعويض و يتمنع اي توك توك في المدن
ياما التكاتك تكون في الارياف و المناطق المعزولة او المناطق اللي مينفعش دخول مواصلات فيها و منشوفش واحد منهم برة و برده يكون عليهم رقابة
و الافضل من وجهة نظري الحل الأول و هو القضاء ع التكاتك بمصادراتها مع دفع تعويض للتوكتوك زي ما اتعمل في التاكسيات القديمة


ده الحل من وجهة نظري

لو حد عنده حلول تانية يا ريت يشاركنا بيها ع الاقل ممكن نتوصل لأفضل الحلول و نوصلها

لأن كده بقي كتيير اوي اللي عايشين فيه

انا رأيي الشخصي السلاح المرخص بس للأسف ممنوع دلوقتي تراخيص السلاح لو نزلت بسلاح كل الناس اللي بتللم ديه بطلقه واحده هتجري دولت ناس يخاف ما يختشوش وساعتها قول لسواق الميكروباص ده انت يا كوكو لازم تخاف

[mstool]

لازم ابادة جماعية للناس دية عشان يطلع عليهم فى يوم واحد البلطجة بتاعتهم و يعرفوا ان الله حق و كل واحد لية كبير و ناس كتير تتشفى فيهم هههههههههه ادى اخرة الشر انا عايز ابقى مصاص دماء اطلع عليهم اموتهم بس المشكلة انى فى يوم من الايام كنت قبل ما اشترى اى عربية فى شدة الاحتياج ليهم دة اللى مخلينى مش بعمل حاجة بس ههههههه

[Ghamrawy]

نشوف جراجات و مواقف العربجية دول و نولع فى عربياتهم

[drmagieed]

أما نشوف ال 100 يوم الأولي هيتظبط المرور إزاي وهي هتبتدي إمتى وتنتهي أمتي

[OMAR61995]

كل ما أشوف المواقف دى و السواقين المتخلفين دول
افتكر زمان قبل الثورة
سواقين الميكروباص اللى راكنين كانوا بيطلعوا يجروا على عربياتهم لما يسمعوا الضابط بيدور الموتوسيكل
و لو سمعوا السارينة تلاقى الشارع اتقلب و كل السواقين يختفوا
ولا التكاتك اللى كانوا بيخافوا يقربوا من ناصية شارع جانبى عشان عارفين أن اللى الضابط بيشوفه بيروقه
ولا بتوع التاكسى اللى كانوا بيبقوا هيموتوا من الخوف لو شافوا كمين

بس هنقول ايه ؟
ثقافة جزء من الشعب

[sakr_skoda]

ياجمعه الحل سهل جدا وبسيط هو اننا نسيب الشوارع للتكاتك والميكروبصات وتكسيات الاجرة ترمح فيها على كيفها احنا لينا الرصيف بس المشكله لو شارع ملهوش رصيف حنمشى فين هو دا الموضوع اللى مفروض نبحث تعميم الأرصفه لكافة شوارع مصر لأصحاب الملاكى .... ياما الحكومه تعمل انفاق تحت الأرض يعنى الواحد عاوز يسافر من القاهرة الى الاسكندريه يغطس تحت الأرض ميقبش الا فى الاسكندريه وعجبى عليك يازمن العجايب....*

[ahmedbasto]

هى الفوضى دى حال بلدنا الأن وعلى ما اعتقد ملهاش حل غير من الرئيس أو من الوزارة يا انا فاكر من خمس سنين كان ممنوع لميكروباصات بره البلد تدخل تحمل جوه البلد دلوقتى بقى عادى يدخل يحمل ناس ويعدى قدام ضابط المرور ولا كأنه عامل حاجة غلط ولو الضابط كلمه ينزل يضربه ودى شوفتها بعينى على الكورنيش فى أسكندرية

[K_E]

في حل احسن من كده ومتطبق في دول زي الامارات مثلاً

في تاكسيات وميكروباصات بس تبع شركات حكوميه زي هيئة النقل العام عندنا مع الفرق طبعاً
يعني مشفتك حضرتك اشتكيت من اوتوبيسات النقل العام مع انها حجمها اكبر لكن قليل لما بتلاقي سواق منهم بيعمل الحركات دي لانه فالاول والاخر موظف ومتعلم وليه مكان ممكن تشتكيه فيه

وبالنسبة لبلطجة الفئه دي على الناس ياريت اي واحد يشوف سواق ميكروباص او توكتوك او تاكسي ماسك واحد ملاكي مايقفش يتفرج عليه ويحاول يتدخل حتى لو يحوش مش لازم عنف

[ahmedeihab]

و الله يا عمرو باشا فى حل احسن من ده مليون مره

علشان الحلول دى مش هتتطبق فى مصر نهاااااااائى

الحل الامثل ان الواحد يروح يجيب تأشيره لاى بلد اياكش حتى افغانستان

و الله انا شايف ان البلد دى عمرها ما هتتغير

" لا يغير الله ما بقوم حتى يغيروا ما بأنفسهم " صدق الله العظيم

[aly_moh]

لو زودت الوعى بين الناس هتتحل كل مشاكلك
المشكلة مش فى السواقين التوكتوك و الميكروباص
لا المشكلة كمان فيا و فى حضرتك و حضرتة كلنا بنعمل مصايب سودة اللى بيمشى عكس و اللى بيكسر الاشارة و اللى بيرمى على اللى جنبة و احنا يدوبك بنركب العربية ساعة فى اليوم مابالك اللى بيسوق 15 ساعة هيعمل اية لازم اخلاقة بتكون كدا و الموضوع دا عايز وعى و رقابة
يعنى لازم تفهم الناس ان السير عكس جريمة و اللى يخبط حد و هوا ماشى عكس ممكن يتسجن فترة طويلة صدقنى هيفكر , ثانى حاجة الرقابة و انك تراقب القانون و النظام اللى الحكومة حطاة بس للاسف الظباط و الامناء و العساكر اللى بياخدوا مرتبات مش عجابهم و مش بيشتغلوا و حسبى الله ونعم الوكيل فيهم مبيعملوش حاجة و مانتخين على الاخر

[Amr Axel]

التك توك اوقف استيراده وتجميعه الأول

اكيد يا باشا طالما هيتسحب يبقي اي حاجة متعلقة بيه من استيراد او تجميع تتوقف و بعد ااصدار القانون مثلا لو اي توك توك مشي في الشارع يتصادر عالطول