حصلت حاجة عجيبة اوى النهاردة

[lada2010]

ان لم بروح امون بنزين القى البنزينة ضرب نار ويمكن الطابور يمتد الى سور شركة جابكو اللى فى المعادى النهاردة روحت على رجلى اشوف فى بنزين ولا لا لقيت بنزين روحت جابت العربية ولسة داخل المحطة القى عامل من البنزين يعمل لى علامة 8 اللى عايز 80 المهم بتكلم معة بيقول لى البنزين باق متوفر باق لة 5 ايام وجاء النهاردة 6 الصبح والساعة كانت 10 بالليل والبنزين موجود بقول اية السبب قال لى الانفاق من ساعة ما الجيش دمرها وهو البنزين متوافر ولو خلص البنزين بعد ساعة بتجيب العربية وبيقول لى الكلام دا فى معظم البنزينات مصر البترول بنزينات الحكومة وقال لى البنزين كانوا بيهربوا الى الانفاق اللتر ب 2.5 شوفوا زيادة عن تمنة مرتين ونص ودخلت ومونت ولحظت حاجة ان لكل طلمبة كمية معينة يعنى وان واقف طلمبة خلصت بنزين لقيت التانية لسة فيها وشغالة كان زمان تلقى البنزين يخلص من طلمبة تلقى التانية على طول خلصت هى كمان والله بحس ان الحكومة زى تعمل حاجة ولا سبب المشكلة اللى بيجى من المحافظات الى القاهرة هم سبب الازمة

[egyseadragon]

انفاق إيه بس يا بيه......غزة كلها أد إيه.....وبعدين مفيش طرق لسينا غير النفق وكوبري السلام ودول متراقبين كويس أوي...حتى المعديات عليها تفتيش جامد...يعني في عز أيام الانفاق ما كنش عندنا أزمة أصلا....زي موضوع الكهربة ...كل إلي بيروح لغزة ( و من زمان حتى قبل أزمة الكهربا) 22 ميجا وات.....عشان تعرف إن دول ولا حاجة عايز أقولك إن عندنا في الشغل استهلاكنا حوالي 6 ميجا

[egyseadragon]

ما تنساش إن احنا بستورد سولار وبنزين من برة..ولما يبقى في أزمة مالية بتأثر على الموضوع ده (السعودية إتبرعتلنا بشحنة من فترة)....ده غير عامل الاشاعات إلي بيزود الضغط على أي سلعة

[semi]

في تهريب طبعا لغزة من لسلع كتيرة جدا منها السولار والبنزين
لكن مش بالكمية الكبيرة اللي تخلي عندنا عجز في جميع انحاء مصر
احنا عددنا كبير جدا واستهلاكنا اكبر فموضوع انفاق غزة ده مش هو اللي يأثر علينا
المشكلة كلها في السوق السودا
نفسي بس جهاز الشرطة يتصلح عشان يطبق القانون صح
والجهاز مش هيتصلح الا بدماء جديدة لان اللي موجود دلوقت اعتقد بيرفع ضغطنا بس

[benmatar]

انفاق إيه بس يا بيه......غزة كلها أد إيه.....وبعدين مفيش طرق لسينا غير النفق وكوبري السلام ودول متراقبين كويس أوي...حتى المعديات عليها تفتيش جامد...يعني في عز أيام الانفاق ما كنش عندنا أزمة أصلا....زي موضوع الكهربة ...كل إلي بيروح لغزة ( و من زمان حتى قبل أزمة الكهربا) 22 ميجا وات.....عشان تعرف إن دول ولا حاجة عايز أقولك إن عندنا في الشغل استهلاكنا حوالي 6 ميجا

كلام صح بس هي دي الشماعة اللي بيعلقوا عليها كل خيبة، زي حادث رفح قالك إنه من عندهم، مع إنهم معملوهاش لما كان المعبر مقفول عليهم يقوموا يعملوها لما يتفتح ويشمو هوا؟؟؟؟؟؟

[Dr_Mido]

اخطف رجلك لبولاق والمنيب وامبابه و الوراق وشبرا واتفرج على ترابيزات البنزين ااقل واحدة عليها مابين 50 و 60 لتر بنزين

[benmatar]

ما تنساش إن احنا بستورد سولار وبنزين من برة..ولما يبقى في أزمة مالية بتأثر على الموضوع ده (السعودية إتبرعتلنا بشحنة من فترة)....ده غير عامل الاشاعات إلي بيزود الضغط على أي سلعة

استيراد إيه بس يا بيه اللي بيضحكوا علينا بيه ده!!!!
ست البيت لما السكر اللي عندها بيبقى شويه صغيرين بتبعت ابنها يشتري كيسين، والموتوسيكل الصيني أبو ألفين جنيه لما البنزين يقرب يفضى اللمبة تنور، والموبايل اريكسون 688 بتاع زمان من أيام الحاج أريكسون شخصيا فيه علامة تبين لك شحن البطارية ولما تقرب تفضى تديك وميض، وغيره،،،،،،،،، عاوز تقوللي إن دولة كاملة بوزارة البترول والتعاون الدولي وهيئة البترول وشركات الانتاج والتكرير والنقل والتوزيع وناقلات النفط تصحى الصبح وتتفاجئ إن إحنا معندناش بنزين في في المستودعات والصهاريج العملاقة والاحتياطي مفيهوش ولا لتر ونحتاس؟؟؟؟؟ ونقعد على الشط نستنى المركب اللي جاية من السعودية الشقيقة وندعي للقبطان ربنا يوصلو بالسلامة!!!!!!!
إيه المصايب دي اللي بيستخفوا بعقولنا ويقولوها؟؟؟؟؟؟
يا فندم عندهم شبكة قومية وغرف عمليات ووحدات تحكم مهولة ولو عاوز عن طريق شاشة 15 بوصة تعرف منها كل محافظة وكل مستودع وكل مطار وكل مصفاة فيها كام لتر من كل منتج بترولي دي مدغشقر أكيد كدة يبقى بناة الأهرام بتوع حضارة 7000 سنة اللي دوشونا بيها وسرقو تلتين أثارها مش كده؟؟؟؟؟؟؟ وتبقى عارف معدلات استهلاكك من كل منتج كل شهر على مدار السنة، وأماكن الاستهلاك، ولو فرضنا بصحة الاستيراد دي، أي تاجر لعب اطفال صيني بيستورد كونتينر بيبقى عارف اتشحن إمتى وجاي إمتى وإزاي والجمرك فين ومنين وبكام....... يارب الرحمة!!!!
حضرتك متصدقكش الكلام بتاعهم ده.
إنا لله وإنا إليه راجعون

[benmatar]

أي كلام في أي كلام

[elsherif_2000]

معلش اسمحلي الكلام مش منطقي مرسى مطروح فيها ازمه و طابور من 20 عربيه و اهي بعيدة عن غزة ثانيا غزة كلها اد بنها مثلا يعني حتى لو بيتهرب مش هاياثر على الجمهوريه كلها

[ahmedbasto]

فى عوامل لكتير للزحام وقلة البنزين منها السوق السوداء ، السيارات الملاكى اللى شغالة تاكسى ودى كتير اوووى وطبعا الأستهبال يعنى ممكن تلاقى واحد معاها فى التانك بتاع 35 لتر ويقولك ادخل اكمل الخمسة اللى ناقصين ودة الشائع

[ACC.Eslam Arif]

كلام غير منطقى من العامل طبعا اللى بيتهرب لغزة بتاع سينا بس حتى اهل سينا حسوا ان مبقش فى اى زحمة نهائى على البنزين واسعار السلع المعمارية نزلت كتير بنسبة لباقى مصر حاجتين سرقة وبرضه السرقة :d

[egyseadragon]

استيراد إيه بس يا بيه اللي بيضحكوا علينا بيه ده!!!!
ست البيت لما السكر اللي عندها بيبقى شويه صغيرين بتبعت ابنها يشتري كيسين، والموتوسيكل الصيني أبو ألفين جنيه لما البنزين يقرب يفضى اللمبة تنور، والموبايل اريكسون 688 بتاع زمان من أيام الحاج أريكسون شخصيا فيه علامة تبين لك شحن البطارية ولما تقرب تفضى تديك وميض، وغيره،،،،،،،،، عاوز تقوللي إن دولة كاملة بوزارة البترول والتعاون الدولي وهيئة البترول وشركات الانتاج والتكرير والنقل والتوزيع وناقلات النفط تصحى الصبح وتتفاجئ إن إحنا معندناش بنزين في في المستودعات والصهاريج العملاقة والاحتياطي مفيهوش ولا لتر ونحتاس؟؟؟؟؟ ونقعد على الشط نستنى المركب اللي جاية من السعودية الشقيقة وندعي للقبطان ربنا يوصلو بالسلامة!!!!!!!
إيه المصايب دي اللي بيستخفوا بعقولنا ويقولوها؟؟؟؟؟؟
يا فندم عندهم شبكة قومية وغرف عمليات ووحدات تحكم مهولة ولو عاوز عن طريق شاشة 15 بوصة تعرف منها كل محافظة وكل مستودع وكل مطار وكل مصفاة فيها كام لتر من كل منتج بترولي دي مدغشقر أكيد كدة يبقى بناة الأهرام بتوع حضارة 7000 سنة اللي دوشونا بيها وسرقو تلتين أثارها مش كده؟؟؟؟؟؟؟ وتبقى عارف معدلات استهلاكك من كل منتج كل شهر على مدار السنة، وأماكن الاستهلاك، ولو فرضنا بصحة الاستيراد دي، أي تاجر لعب اطفال صيني بيستورد كونتينر بيبقى عارف اتشحن إمتى وجاي إمتى وإزاي والجمرك فين ومنين وبكام....... يارب الرحمة!!!!
حضرتك متصدقكش الكلام بتاعهم ده.
إنا لله وإنا إليه راجعون

مش فهم قصد حضرتك...يعني إنت عايز تقول إن احنا ما بنستوردش بنزين وسولار وكمان غاز بوتاجاز؟؟؟والمفروض يبقى في إحتياطي ومخزون يكفي البلد لفترة طويلة أو لحد ما تجي شحنة جديدة...
بس إيه علاقة إن هما عارفين معدل استهلاكنا وامتى بيخلص بحقيقة إن احنا بنستورد أو ما بنستوردش؟؟؟

[sha2e]

من اكتر الحاجات الى بتستهلك البنزين المعدات الثقيله والالات الزراعيه الاتنين دول بيستهلكو السولار بشراهه
طبعا المعدات الثقيله بتظهر بشكل كبير فى المشاريع الكبيره " ودي اغلبها متوقف حاليا "
والالات الزراعيه بتستخدم بشكل مكثف فى مواسم معينه فى السنه متعلقه بالزراعه " واليومين دول مش موسمهم "

الحاجتين دول هما الى ببعملو ازمة كل فتره واصحابهم الى بيدخلو البنزينه يعبو جركن سولار وبنزين
وطالما الاتنين دول مش شغالين بكثافه يبقى مفيش معنى لازمات البنزين او السولار

الا لو اتكلمنا عن السفن الخاصه الى بتتملى بالنزين والسولار وتروح لتجار فى بعض دول جنوب اوروبا الى بيتباع فيها الليتر الواحد بأكتر من دولار " طبعا الموضوع ده بيكسب ملايين الدولارات وليه مافيا خاصه بيه "

[benmatar]

مش فهم قصد حضرتك...يعني إنت عايز تقول إن احنا ما بنستوردش بنزين وسولار وكمان غاز بوتاجاز؟؟؟والمفروض يبقى في إحتياطي ومخزون يكفي البلد لفترة طويلة أو لحد ما تجي شحنة جديدة...
بس إيه علاقة إن هما عارفين معدل استهلاكنا وامتى بيخلص بحقيقة إن احنا بنستورد أو ما بنستوردش؟؟؟

الكلام ده جد مش هزار.... أيوة يافندم متصدقش قصة استيراد البنزين دي، ولو حصل استيراد بيكون شيء ثانوي مش اعتيادي مش متكرر، وطبعا أنا مش بفتي وخلاص لأني في مجال البترول يعني مش محامي ولا دكتور وبيقول الكلام ده ولا مصدري جريدة من الجرايد أم 2 جنيه، اتهريت صحرا ومواقع وبقول لحضرتك كدة. إحنا مش دولة بترولية ولكن عندنا انتاج ومصافي وبيغطي... واحنا مش عضو في الأوبك بس محناش مش لاقيين بترول وبنشحت، وبالنسبة للغاز إحنا مصنف عالمي في انتاج الغاز الطبيعي بعد قطر والبحرين والجزائر وروسيا، وعندنا صناعات قائمة على انتاج الغاز ولو بلد مفيهاش غاز متعملش مصنع ألمنيوم زي نجع حماد عشان الألمنيوم بيحتاج غاز كتير زي مصنع ألبا في البحرين ثاني أكبر مصنع في العالم بعد سيبيريا في روسيا رغم إن الخام بتاع البوكسيت في استراليا.... وكمان اكيد حضرتك عارف إننا شطار وبنبيع غاز لإسرائيل والأردن يعيني عندنا وبنصدر كمان!!! وكما بيتصدر متكثفات (منتجات غاز طبيعي) لفرنسا وأسبانيا وإيطاليا زي الزر من ميناء الاسالة في غرب بورسعيد بواسطة LNG,LPG tanker يعني ناقلات الغاز اللي داخلة خارجة علينا..... أكمل كمان؟؟؟؟
وأقسم بالله إننا يافندم عندنا المقومات اللي تخلينا ننقب ونستخرج وننتج ونصفي ونصدر ونعمل مصانع مهولة تكرر وتصنع من الغاز ده كل أنواع الغاز الصناعية والطاقة ونصنع المتكثفات والبتروكيماويات، ونحولها ونعمل منتج تام كمان وتكون لينا الريادة ومحدش يقعد في بيته بسبب الغاز الطبيعي، وتبقى عندنا مصانع البوليمرات بداية من البولي بروبلين والإيثيلين والبولي كاربونات والفينيل كلورايد وغيرهم 500 منتج مش هقول زي ألمانيا وفرنسا لأ زي قطر والسعودية والإمارات اللي بقينا نستورد منهم المنتجات دي وبأعلى المواصفات والأسعار، وبتصنيع المشتقات دي يكون عندك بوابة ضخمة لصناعات تانية كتير بداية من الكيماويات والدهانات والراتنجات والألكترونيات والنسيج اللي اتضرب من زمان وغيره كتييييييييييير....
تاني حاجة بخصوص امتى يخلص والاستهلاكات، أنا قصدي إن الجهات المسؤولة والمتخصصة بتبقى عارفة معدلات الاستهلاك وكميات الانتاج وكميات المخزون وكميات الاحتياطي، وبيتم الربط بين النسب دي، الموضوع ده بيكون شبه يومي له تقارير واحصائيات، ولا كلامي مش منطقي؟؟؟؟
ده الاحصائيات والتقارير بتطلع بالتفصيل الممل على البلح في رمضان والتليفونات الصيني وشرايط شعبان عبد الرحيم، ويقولولنا باع كام نسخة والفئة العمرية اللي بتسمعله والأغنية اللي خلت البنات تعيط ودياولووووو... صح؟؟؟؟

[Hussein_Emara]

الكلام ده جد مش هزار.... أيوة يافندم متصدقش قصة استيراد البنزين دي، ولو حصل استيراد بيكون شيء ثانوي مش اعتيادي مش متكرر، وطبعا أنا مش بفتي وخلاص لأني في مجال البترول يعني مش محامي ولا دكتور وبيقول الكلام ده ولا مصدري جريدة من الجرايد أم 2 جنيه، اتهريت صحرا ومواقع وبقول لحضرتك كدة. إحنا مش دولة بترولية ولكن عندنا انتاج ومصافي وبيغطي... واحنا مش عضو في الأوبك بس محناش مش لاقيين بترول وبنشحت، وبالنسبة للغاز إحنا مصنف عالمي في انتاج الغاز الطبيعي بعد قطر والبحرين والجزائر وروسيا، وعندنا صناعات قائمة على انتاج الغاز ولو بلد مفيهاش غاز متعملش مصنع ألمنيوم زي نجع حماد عشان الألمنيوم بيحتاج غاز كتير زي مصنع ألبا في البحرين ثاني أكبر مصنع في العالم بعد سيبيريا في روسيا رغم إن الخام بتاع البوكسيت في استراليا.... وكمان اكيد حضرتك عارف إننا شطار وبنبيع غاز لإسرائيل والأردن يعيني عندنا وبنصدر كمان!!! وكما بيتصدر متكثفات (منتجات غاز طبيعي) لفرنسا وأسبانيا وإيطاليا زي الزر من ميناء الاسالة في غرب بورسعيد بواسطة lng,lpg tanker يعني ناقلات الغاز اللي داخلة خارجة علينا..... أكمل كمان؟؟؟؟
وأقسم بالله إننا يافندم عندنا المقومات اللي تخلينا ننقب ونستخرج وننتج ونصفي ونصدر ونعمل مصانع مهولة تكرر وتصنع من الغاز ده كل أنواع الغاز الصناعية والطاقة ونصنع المتكثفات والبتروكيماويات، ونحولها ونعمل منتج تام كمان وتكون لينا الريادة ومحدش يقعد في بيته بسبب الغاز الطبيعي، وتبقى عندنا مصانع البوليمرات بداية من البولي بروبلين والإيثيلين والبولي كاربونات والفينيل كلورايد وغيرهم 500 منتج مش هقول زي ألمانيا وفرنسا لأ زي قطر والسعودية والإمارات اللي بقينا نستورد منهم المنتجات دي وبأعلى المواصفات والأسعار، وبتصنيع المشتقات دي يكون عندك بوابة ضخمة لصناعات تانية كتير بداية من الكيماويات والدهانات والراتنجات والألكترونيات والنسيج اللي اتضرب من زمان وغيره كتييييييييييير....
تاني حاجة بخصوص امتى يخلص والاستهلاكات، أنا قصدي إن الجهات المسؤولة والمتخصصة بتبقى عارفة معدلات الاستهلاك وكميات الانتاج وكميات المخزون وكميات الاحتياطي، وبيتم الربط بين النسب دي، الموضوع ده بيكون شبه يومي له تقارير واحصائيات، ولا كلامي مش منطقي؟؟؟؟
ده الاحصائيات والتقارير بتطلع بالتفصيل الممل على البلح في رمضان والتليفونات الصيني وشرايط شعبان عبد الرحيم، ويقولولنا باع كام نسخة والفئة العمرية اللي بتسمعله والأغنية اللي خلت البنات تعيط ودياولووووو... صح؟؟؟؟

سؤال من فضلك, انا اعرف ان مصر بتنتج 100% من استهلاكها في البنزين 80,90 و 92 و بنستورد ال95 (100%الاستهلاك المحلي) و السولار (50% من الاستهلاك المحلي) , ما مدى صحة المعلومة؟