الـحـل للـحـد مـن الـسـير عـكـس الاتـجـاه ( المطب الصناعي ذات اتجاه واحد )

[Amr Axel]

بسم الله الرحمن الرحيم
السلام عليكم و رحمة الله و بركاته

من فترة طويلة كنت بشوف المطبات الصناعية
و اللي تسمح بالمرور في اتجاه واحد فقط و ليس المطبات الصناعية العادية
و لو حد جيه عكس عليه العوض في الكاوتش
و اقرب مكان مدينة الرحاب لذلك السير هناك منظم و متلاقيش حد ماشي عكس









فكنت دايما بفكر طب ليه متطبقش في الشوارع

و تكون شبه مدفونة في الاسفلت مع المسامير لصعوبة خلعها و تكون من نوع المطبات ذات ارتفاع عالي اكثر من الموضح بالصور السابقة و تستحمل بحيث انها لا تتلف بسرعة او تحت اي ضغط

و بالتالي هتؤدي للحد من السير عكس الاتجاه في اي شارع و خاصة الميكروباصات و التاكسيات و احيانا الملاكي

و يتم تطبيقها في الاماكن التالية :

- قبل التقاطعات
- قبل الدوران
- في بداية و نهاية كل شارع
- في بداية مدخل جانبي من الشوارع الرئيسية
- مطالع الكباري و نزلات الكباري و ذلك لمنع العودة للخلف و ده اللي كلنا بنشوفه ع كوبري 6 اكتوبر زي نزلة السبتية و الزمالك
- في المناطق التي يوجد بها مدارس و اماكن عبور الطلبة
- عند المحطات التي يصعب انشاء اكثر من كوبري او نفق مشاه و ذلك حتي يستطيعوا العبور و تجنب تهور البعض
- استخدمها في توجيه بعض الطرق و تقسيم الحارات و استخدام رصيف صناعي بدلا من الرصيف الاسمنتي و ذلك لسهولة انشائه اكثر من الاسمنتي و الذي يتكلف
و اذا كان العبور ممنوعا في هذه المنطقة يمكن استخدام اسوار ذات ارتفاع لا تسمح لاحد بالقفز

و بالتالي اذا تم تطبيقه هيساعد ع الحد من السير عكس بشكل كبيير و هتقلل نسبة الحوادث اللي بتنتج عن السير عكس الاتجاه و طبعا هتقل نسبة الخناقات بسبب نفس الموضوع

[Mostafa.Mahran]

معمولة عندنا عند المنتزة فى اخر شارع كده مش فاكر اسمه جنب نقطة الشرطة الى هناك

طريقة فعالة جدا جدا للطرق الحيوية علشان محدش يمشى عكس فيها

[abadawy]

فكره محترمه جدا ياريت تطبق عندنا للحد من استهتار الكثير من الناس وخصوصا ان السير عكسي بقه كتير هذه الايام وماعرفش السبب يمكن لغياب المن والمرور واستهتار الكثير ليه مش عارف

[akmm]

ممكن طبعا والفكره ممتازه وكن لازم من وضع تحزير قبل المطب بمسافه كافيه ولابد ولابد من استمرار الصيانه للمطب وألاحيتحول الى نوع بيقطع الكاوتش من الجهتين

[aymanfekry]

ياريت يتم تعميمها

[eng.m7md.ali]

انا خايف عليها تتسرق
ولو معرفوش يسرقوها ممكن يكسرو الاسفلت عشان يسرقوها
هيا فكرة حلوة بس هتبقى مكلفة

[Kefo_Honda]

موجود في الرحاب من زمااااااان

[Amr Axel]

معمولة عندنا عند المنتزة فى اخر شارع كده مش فاكر اسمه جنب نقطة الشرطة الى هناك

طريقة فعالة جدا جدا للطرق الحيوية علشان محدش يمشى عكس فيها

فعلا فعالة جدااا و موجودة في عدة اماكن تعتبر مغلقة شوية زي الرحاب لكن المهم تعميمها بما يحد من السير عكس و يقل من حوادث السير عكس الاتجاه

[ramynabilpop]

للاسف بتتسرق وبتتشال وبتتكسر بسرعه جدا وفكره فاشله مع الشعب

[amrico]

مستحيل تتطبق
ابسط حاجة هايشيلو جزء صغير من الجنب لعبور الموتوسيكلات والتوكتوك والكارو (الناس الشقيانين التعبانين)
لأن من المستحيل ناس شاقيانين وبيجروا على اكل عيشهم زي دول يتعبوا ويلفوا من الاماكن المقررة عشان حته واد امه جايباله عربيه يمشي مرتاح
عفوا بس دي طريقة تفكيرهم وهم الاغلبيه وانتم الاقليه

[أحمد كمال]

مستحيل تتطبق
ابسط حاجة هايشيلو جزء صغير من الجنب لعبور الموتوسيكلات والتوكتوك والكارو (الناس الشقيانين التعبانين)
لأن من المستحيل ناس شاقيانين وبيجروا على اكل عيشهم زي دول يتعبوا ويلفوا من الاماكن المقررة عشان حته واد امه جايباله عربيه يمشي مرتاح
عفوا بس دي طريقة تفكيرهم وهم الاغلبيه وانتم الاقليه

او حتة واد امه جايبة له لانسر بومة

[Amr Axel]

فكره محترمه جدا ياريت تطبق عندنا للحد من استهتار الكثير من الناس وخصوصا ان السير عكسي بقه كتير هذه الايام وماعرفش السبب يمكن لغياب المن والمرور واستهتار الكثير ليه مش عارف

اتمني فعلا يتم الأخذ بها و تنفيذها و تعميمها هتساهم في الحد من السير عكس الاتجاه و الحوادث الناتجة و الخناقات و في نفس الوقت هتنظم الشوارع و ممكن موضوع الصيانة الدائمة ده توفير فرص عمل

[Amr Axel]

ممكن طبعا والفكره ممتازه وكن لازم من وضع تحزير قبل المطب بمسافه كافيه ولابد ولابد من استمرار الصيانه للمطب وألاحيتحول الى نوع بيقطع الكاوتش من الجهتين

تمام يا باشا يكون فيه علامات تحذير بان فيه مطب صناعي قبل المطب بحوالي 100-200 متر و يكون في مكان ظاهر و حجمه كبيير

[Elawany13]

http://www.nilemotors.net/Nile/3874500209-post754.html

[Amr Axel]

ياريت يتم تعميمها

يا رب تتنفذ