الـحـل للـحـد مـن الـسـير عـكـس الاتـجـاه ( المطب الصناعي ذات اتجاه واحد )

[Amr Axel]

انا خايف عليها تتسرق
ولو معرفوش يسرقوها ممكن يكسرو الاسفلت عشان يسرقوها
هيا فكرة حلوة بس هتبقى مكلفة

مانا عشان كده بقول تتعمل مخصوص و تبقي بمسامير و شبه مدفونة و عشان يبقي صعب
و في نفس الوقت تتعمل في الشوارع الرئيسية و الكباري مش في شوارع صغيرة
و يكون فيه مكافأة لو حد مسك واحد بيسرقها او صوره يكون له مفاجأة و طبعا لو تم تركيب كاميرات مراقبة في الشوارع ع مدار الساعة هتشوف القصص ديه و لو اتشاف حد بيحاول يسرقها المفروض يتجاب من قفاه عالطول

[Amr Axel]

موجود في الرحاب من زمااااااان

فعلا مانا عشان كده بفكر فيها من زمان انها تتعمل فنحاول نوصل الموضوع قد يتنفذ :)

[amrico]

او حتة واد امه جايبة له لانسر بومة

:)
تخيل لقيتها بتتباع 2013
يارب خرجنا من البلد دي على خير

[Amr Axel]

للاسف بتتسرق وبتتشال وبتتكسر بسرعه جدا وفكره فاشله مع الشعب

راجع حضرتك مشاركتي السابقة فيها الرد ع كلام حضرتك :)

[Amr Axel]

مستحيل تتطبق
ابسط حاجة هايشيلو جزء صغير من الجنب لعبور الموتوسيكلات والتوكتوك والكارو (الناس الشقيانين التعبانين)
لأن من المستحيل ناس شاقيانين وبيجروا على اكل عيشهم زي دول يتعبوا ويلفوا من الاماكن المقررة عشان حته واد امه جايباله عربيه يمشي مرتاح
عفوا بس دي طريقة تفكيرهم وهم الاغلبيه وانتم الاقليه

معاك في الكلام بس راجع المشاركة اللي قبل السابقة مباشرة فيها رد ع كلام حضرتك
و احب اضيف لو فيه كاميرات مراقبة مع منع الاشكال ديه تمشي في الشوارع الرئيسية و زيادة الرقابة ع الشوارع يبقي مفيش حاجة من تفكير الاشكال ديه هتحصل ان شاء الله :)

[Amr Axel]

http://www.nilemotors.net/nile/3874500209-post754.html

طب تمام خلينا كلنا نشير عشان صوتنا يوصل و ادعي ان يتم التفكير في الاقتراح ده و الاخذ بيه و تنفيذه

[أحمد كمال]

:)
تخيل لقيتها بتتباع 2013
يارب خرجنا من البلد دي على خير

ههههههههههههههههههههههههههههههه متخيل حجم معاناتك ...... ما انساش توقيعاتك .......

[Land_Cruiser]

يعنى المخالفه الواحدة للسير عكس الاتجاه هتجيب للدوله ١٢٠٠ ج بينما لو عملوا الاختراع ده هيكلفهم فلوس قد كده ده طبعا غير احتمال ان الحاجات دى تتكسر او تتسرق خاصه لو عدت عليها عربيات تقيله لفترات طويله. اعتقد بتوع المرور محتاجين يفكروا و يدرسوا الشوارع و يعرفوا ليه الناس بتخاطر و تمشى عكسى؟ اكيد فى شوارعنا حاجات كتير مستفزه زى مثلا لو واحد عايز يلف الجهه الاخرى و مفيش ملف قريب او ان مفيش منطق فى عمل الميادين و التقاطعات او التخطيط السىء للشوارع و اماكن الانتظار او المحلات اللى بتستولى على الشارع و الرصيف لحسابها. كل الكلام ده المفروض يتراجع و لو فى حاجه محتاجه تعديل زى فتحه تتعمل او اخرى تتسد او عمل كوبرى صغير مثلا يعدوا بيه التقاطعات و إلزام المحلات بعدم أشغال الطريق و عمل اماكن انتظار للسيارات اعتقد ان معظم اللى كان بيمشى عكسى مش هيحتاج يعمل كده و لو فضل حد بيعمل المخالفه دى يبقوا يعاقبوه باقصى عقوبه و لو حتى وصلت للحبس لانه ساعتها هيبقى متعمد المخالفه و ليس مضطر . ده مش دفاع عن اللى بيخالف لان انا شخصيا بتعصب جداً من اللى بيعملها و لكنه نظره موضوعيه للمشكله

[amrico]

معاك في الكلام بس راجع المشاركة اللي قبل السابقة مباشرة فيها رد ع كلام حضرتك
و احب اضيف لو فيه كاميرات مراقبة مع منع الاشكال ديه تمشي في الشوارع الرئيسية و زيادة الرقابة ع الشوارع يبقي مفيش حاجة من تفكير الاشكال ديه هتحصل ان شاء الله :)

اتمنى من كل قلبى الناس تحترم نفسها من غير الحاجات دي

[amrico]

ههههههههههههههههههههههههههههههه متخيل حجم معاناتك ...... ما انساش توقيعاتك .......

في ناس زعلت من توقيعاتي القديمه
بس خليت حاجة كدا من نفسي في مكان الإقامة

[Elawany13]

طب تمام خلينا كلنا نشير عشان صوتنا يوصل و ادعي ان يتم التفكير في الاقتراح ده و الاخذ بيه و تنفيذه

تمام ياباشا

بس ليا عتاب عليك

فى مشاركات كتيره فى هذا الموضوع عن الدراجات الهوائية

ولاغيتك كتير

وعمال اقول فينك ياعم إكسيل

ولا انت هنا

ههههههههههه

[OMAR61995]

موجودة عند فتح الله المنتزه بس قدام نقطة مرور فصعب تتسرق
و موجودة عند مداخل جراج سان ستيفانو
يا ريت تتطبق و تتعمم فى كل حتة

[Amr Axel]

يعنى المخالفه الواحدة للسير عكس الاتجاه هتجيب للدوله ١٢٠٠ ج بينما لو عملوا الاختراع ده هيكلفهم فلوس قد كده ده طبعا غير احتمال ان الحاجات دى تتكسر او تتسرق خاصه لو عدت عليها عربيات تقيله لفترات طويله. اعتقد بتوع المرور محتاجين يفكروا و يدرسوا الشوارع و يعرفوا ليه الناس بتخاطر و تمشى عكسى؟ اكيد فى شوارعنا حاجات كتير مستفزه زى مثلا لو واحد عايز يلف الجهه الاخرى و مفيش ملف قريب او ان مفيش منطق فى عمل الميادين و التقاطعات او التخطيط السىء للشوارع و اماكن الانتظار او المحلات اللى بتستولى على الشارع و الرصيف لحسابها. كل الكلام ده المفروض يتراجع و لو فى حاجه محتاجه تعديل زى فتحه تتعمل او اخرى تتسد او عمل كوبرى صغير مثلا يعدوا بيه التقاطعات و إلزام المحلات بعدم أشغال الطريق و عمل اماكن انتظار للسيارات اعتقد ان معظم اللى كان بيمشى عكسى مش هيحتاج يعمل كده و لو فضل حد بيعمل المخالفه دى يبقوا يعاقبوه باقصى عقوبه و لو حتى وصلت للحبس لانه ساعتها هيبقى متعمد المخالفه و ليس مضطر . ده مش دفاع عن اللى بيخالف لان انا شخصيا بتعصب جداً من اللى بيعملها و لكنه نظره موضوعيه للمشكله

يا باشا كلامك جميل و ازالة الاشغالات و اعادة تخطيط
لكن ده بقي طبع في ناس كتيير انهم يمشوا عكس حتي لو الملف قدامهم ده انا بشوف ناس جايين عكس ع الكوبري او دخل نزلة غلط يلف و يوقف الشارع كله عشان يرجع فيه اكتر من كده ؟؟ ده بقي الحال في كل مكان دلوقتي
و لو الطريق فاضي يبقي اساسا هيمشي عكس و في شوارع رئيسية كمان فيه ناس مش فارقة معاهم مخالفة و لا غيره
لو اتطبق المطب ده هيركون رادع ضيف ع المطب نظام مراقبة زي مثلا نظام ساهر في السعودية
يبقي الشوارع هتبقي منظمة و محدش هيقدر يخالف

بخصوص انها تبوظ من الضغط هي محتاجة حاجة من الاتنين تتعمل بمواصفات خاصة تستحمل الضغط هنا و في نفس الوقت صيانة دورية لها و ده يوفر فرص عمل
بخصوص السرقة لو بقت شبه مدفونة في الارض و في شوارع رئيسية و فيه انظمة مراقبة للشوارع و انتشار مثلا المرور ع الموتسيكلات في الشوارع
ضيف مثلا ان يكون مكافأة لو شخص مسك واحد بيحاول يسرقها او بلغ عنه في ساعتها مع انتشار الكونستبل مثلا يبقي محدش هيجي ناحيتها

[Amr Axel]

اتمنى من كل قلبى الناس تحترم نفسها من غير الحاجات دي

اتمني فعلا و ده مش هيجي غير من التوعية بالاضافة لتطبيق انظمة شديدة للمرور

[Amr Axel]

تمام ياباشا

بس ليا عتاب عليك

فى مشاركات كتيره فى هذا الموضوع عن الدراجات الهوائية

ولاغيتك كتير

وعمال اقول فينك ياعم إكسيل

ولا انت هنا

ههههههههههه

:c_laugh[1]:

بجد ؟؟؟ مخدتش بالي و الله يا باشا ده انا هطير ع الموضوع دلوقتي هههههههههه