الي كنت خايف منه حصل وفعلا عربيه اتسرقت

[hpxp]

الحمد لله ان ربنا نجاك منها وطلعت منها بالسلامه
الموضوع ده انتشر بشكل بشع وبقي شغله البلطجيه وبقوا بيطلبوا اسعار مبالغ فيها وبترجع العربيه بعد كده متنفضه تماما ياريت ياجماعه اللي اتعرض لموقف زي ده او صديق ليه او جار اتعرض له يحذر منه ويقول علي الأماكن ومبدئيا خليكم في الزحمه واقفلوا السنتر بتاع الأبواب وتجنبوا الوقت المتأخر والطرق المظلمه الفاضيه لأنها بتكون انسب اماكن يتعمل فيها الكمين علشان يلحقوا يثبتوا ويجروا ومفيش حاجه تعطلهم والطريق يكون مفتوح قدامهم نفسي يكون معايا ار بي جي علشان انسف الناس دية الناس دية معندهاش شفقه ولارحمه في قلوبهم انا شوفت اكثر من موقف مأثرين فيه لحد دلوقتي وكانوا في رمضان واحد لقيته جاي عمال يصوت وعايز موبيل يتكلم بأي شكل كنت فاكره حرامي الأول لأن شكله متبهدل وغرقان دم واديته الموبيل وانا متردد لقيته بيتصل بأهله علشان يدوله رقم واحد من اقاربه علشان له معرفة برئيس المباحث علشان يرضوا يعملوله محضر علشان كانوا مش راضين بيقولوه وهنعملك ايه يعني استني لحد مايتصلوا بيك ويتفقوا معاك الراجل ده ثبتوه تحت كوبري مسطرد بعربيه نص نقل فيها 6 اشخاص معاهم اسلحه آليه ووقفوا قصاده وراحو ضاربين نار عشوائي واصابوا اتنين وضربوه بكعب السلاح في دماغه بعد ماثبتوه وخدوا منه العربيه والموبيل الراجل كان معاه هونداي اكسنت ار بي وشايل ايس بوكس فيه اكياس دم كان شاريهم علشان مراته ربنا يشفيها يارب هي واللي زيها عندها مرض خبيث ومحتاجه دم وكان رايح يودي الأكياس دية المستشفي وقعد يعيطلهم ويقولهم خدوا كل حاجه و سبولي اكياس الدم راحوا فتشوه وخدوا كل اللي معاه ومرضوش يدولوا الأكياس لأنه كان ملهوف عليها وقالوله دية لوحدها تمنها 3000 جنيه والله العظيم انا بكيت جدا لما سمعته عمال يبكي وهو بيحكي في التليفون وعمال يقول مراتي هتموت لو مرحلهاش الدم النهارده حسبنا الله ونعم الوكيل ربنا ينتقم منهم اشد انتقام
وانا هبدأ واقولكم علي كام مكان
الطريق الدائري وخاصة دائري شبرا الخيمه في الطلعه --تحت كوبري مسطرد وانت رايح بلقس علشان تاخد اليوتيرن وتخش لمسطرد والله العظيم كمين الشرطه بيبقي فوق وهما عاملين كمين تحت واكتر من 10 مرات ناس اتثبتت في الحته دية اخرهم جاري باردو تحت كوبري مسطرد اتاخدت منه هونداي النترا هاي لاين 2012 ودفع 40000 الف جنيه و1000 جنيه تأمين خروج ولو مدفعش التأمين هيثبتوه تانيه وياخدوها منه ويدفع 20000 الف جنيه تاني -----تحت كوبري السواح والطريق من جنب كوبري السواح علشان يدخلك علي طريق ترعة الأسماعليه والطريق ده كله لحد بنزينة موبيل باردو خطر جدا زائد من بعد نزلة كوبري السواح وانت رايح لمسطرد ----- طريق مزرعة البط وعزبة المرجوشي صاحبي احمد عبد الرحيم عنده 35 سنه وعنده طفلين طلعوا عليه وحاولوا يوقفوه فامرضاش يقف راحوا ضاربين عليه نار من اسلحه آلي وقتلوه ربنا يصبر اهله
ياريت ياجماعه اللي ساكن في منطقة شبرا الخيمه وخاصة شبرا الخيمه تاني يحفظ اسماء الأماكن والأماكن دية ويتجنبها ليل ونهار والله المستعان عليهم وربنا يورينا فيهم يوم اسود حسبنا الله ونعم الوكيل

ينهار ابيض ربنا يستر طرقنا وطريق ده في بلاوي و الواحد مش حاسس و
ويلاهوي والله انا لو مكان الراجل الي حضرتك حكيت عليه والله لكنت مثلت بجثتهم واحد واحد يارب بس كده ربنا يكرمني ي حقوق وابقي وكيل نيابه ويارب حد منهم يقع تحت ايدي ان ملبستوش اعدام ميبقاش انا احمد بس يارب نولهالي
والمفروض الشرطه تشد حلها شويه يعني قاعدين مامنين مداخل الزقازيق كلها بس في طرق تدخلك من غير ما تعدي علي اي كمين وخصوصا من ناحيه طحله بردين
____________________
سؤال عمومي بقي هو انا لو طلع عليا حاجه من دول ومثلا وقعت العربيه في الرشاح وموقفتش
لو مت غرقان او لو طلعت قتلوني ابقي شهيد؟؟

[hpxp]

الحمد لله على سلامتك

الله يلم حضرتك

بالضبط كده والتحذير مرة أخرى من منطقة مسطرد

بالأمس واحد صديقى بقالى أسبوع ما شفتوش بيصلى معايا فى الجامع قعد حكالى حكايته :
هو عنده عربيتين واحدة تويوتا 2008 أو 2009 تقريبا والتانية نيسان سوبر صالون موديل 2012
المهم هو ادى العربية التويوتا لواحد صاحبه يروح بيها مشوار فى منطقة السواح وهو راجع عربية بيجو كسرت عليه ووقفته ونزل منها 3 مسلحين بالألى وضربوا نار على رجله (تهويش ولم يصب) وخدوا منه العربية والتليفون وكمان 8 آلاف جنيه كانوا معاه .
الغريب فى الموضوع بقى إن الراجل فضل واقف فى مكانه والشرطة جت له وركب معاهم البوكس ومشيو لغاية ما خلصو طريق مسطرد بحثا عن العربية وهمه رايحين اتصلوا بتليفون الراجل (اللى اتسرق مع العربية) فرد عليه احد اللصوص وطلب منه 10 آلاف جنيه وييجى يستلم العربية ، الراجل اتصرف فى المبلغ وراح لهم ودفع وسلموه العربية كالآتى :
سرقوا الإستبن والكوريك والكاسيت وأطلقوا النار على الأربع فرد وبوظوهم خالص .
الراجل راح يستلم عربيته من قسم تانى شبرا الخيمة بعد ما ونش الشرطة رفعها ووداها هناك والراجل خد معاه أربع فرد من عربية تانية عند بيته وراح ركبهم فى العربي واستلمها بما فيها من تلفيات .

ربنا على الظالم والمفترى
اللهم اضرب الظالمين بالظالمين وأخرجنا من بينهم سالمين

يا ساتر يارب مسطرد ملها فيها حورات كتير ليه
انا برضه كان جالي تلفون غريب عن عربيتنا المسروقه من 2008 السنه الي فاتت وكان علي طريق مسطرد برضه ليكونش عايزين التانيه
و
امين يارب يارب اجعل كيدهم في نحرهم

[hpxp]

حمدا لله على السلامة
لو تعمل بلاغ للمباحث بالمكان ويمكن يعملو حاجة ويقبضو عليهم

بلغت جدي واهو عمده بلدنا بقي وهوا هيعمل اللازم

[hpxp]

تحذير من كوبري بردين
وانا راجع من البلد الساعه واحده بليل من حوالي 3 ايام قبلت جدي وبلغته بالي حصل
ولما بقي وصلت الزقازيق لقيت جدي متصل علي بابا بتاع 15 مرة كده ولما رد

قاله شوف ابنك يا اشرف فين ؟
ليه في ايه؟
ابنك لسه ماشي من حوالي نص ساعه وحصل كذا كذا علي كوبري بردين
اييييييه ؟ وقلق
وقفل معاه بسرعه لسه هيكلمني لقاني في وشه
ول كلمه قالهالي
الحمد لله
ملعون ابو الفلوس لابو الكلب
وحكالي علي الي حصل وطبعا من سعتها وانا مش راضي اروح اجيب الايراد من البلد

[Khaled Lanos]

الحمد لله ان ربنا نجاك منها وطلعت منها بالسلامه
الموضوع ده انتشر بشكل بشع وبقي شغله البلطجيه وبقوا بيطلبوا اسعار مبالغ فيها وبترجع العربيه بعد كده متنفضه تماما ياريت ياجماعه اللي اتعرض لموقف زي ده او صديق ليه او جار اتعرض له يحذر منه ويقول علي الأماكن ومبدئيا خليكم في الزحمه واقفلوا السنتر بتاع الأبواب وتجنبوا الوقت المتأخر والطرق المظلمه الفاضيه لأنها بتكون انسب اماكن يتعمل فيها الكمين علشان يلحقوا يثبتوا ويجروا ومفيش حاجه تعطلهم والطريق يكون مفتوح قدامهم نفسي يكون معايا ار بي جي علشان انسف الناس دية الناس دية معندهاش شفقه ولارحمه في قلوبهم انا شوفت اكثر من موقف مأثرين فيه لحد دلوقتي وكانوا في رمضان واحد لقيته جاي عمال يصوت وعايز موبيل يتكلم بأي شكل كنت فاكره حرامي الأول لأن شكله متبهدل وغرقان دم واديته الموبيل وانا متردد لقيته بيتصل بأهله علشان يدوله رقم واحد من اقاربه علشان له معرفة برئيس المباحث علشان يرضوا يعملوله محضر علشان كانوا مش راضين بيقولوه وهنعملك ايه يعني استني لحد مايتصلوا بيك ويتفقوا معاك الراجل ده ثبتوه تحت كوبري مسطرد بعربيه نص نقل فيها 6 اشخاص معاهم اسلحه آليه ووقفوا قصاده وراحو ضاربين نار عشوائي واصابوا اتنين وضربوه بكعب السلاح في دماغه بعد ماثبتوه وخدوا منه العربيه والموبيل الراجل كان معاه هونداي اكسنت ار بي وشايل ايس بوكس فيه اكياس دم كان شاريهم علشان مراته ربنا يشفيها يارب هي واللي زيها عندها مرض خبيث ومحتاجه دم وكان رايح يودي الأكياس دية المستشفي وقعد يعيطلهم ويقولهم خدوا كل حاجه و سبولي اكياس الدم راحوا فتشوه وخدوا كل اللي معاه ومرضوش يدولوا الأكياس لأنه كان ملهوف عليها وقالوله دية لوحدها تمنها 3000 جنيه والله العظيم انا بكيت جدا لما سمعته عمال يبكي وهو بيحكي في التليفون وعمال يقول مراتي هتموت لو مرحلهاش الدم النهارده حسبنا الله ونعم الوكيل ربنا ينتقم منهم اشد انتقام
وانا هبدأ واقولكم علي كام مكان
الطريق الدائري وخاصة دائري شبرا الخيمه في الطلعه --تحت كوبري مسطرد وانت رايح بلقس علشان تاخد اليوتيرن وتخش لمسطرد والله العظيم كمين الشرطه بيبقي فوق وهما عاملين كمين تحت واكتر من 10 مرات ناس اتثبتت في الحته دية اخرهم جاري باردو تحت كوبري مسطرد اتاخدت منه هونداي النترا هاي لاين 2012 ودفع 40000 الف جنيه و1000 جنيه تأمين خروج ولو مدفعش التأمين هيثبتوه تانيه وياخدوها منه ويدفع 20000 الف جنيه تاني -----تحت كوبري السواح والطريق من جنب كوبري السواح علشان يدخلك علي طريق ترعة الأسماعليه والطريق ده كله لحد بنزينة موبيل باردو خطر جدا زائد من بعد نزلة كوبري السواح وانت رايح لمسطرد ----- طريق مزرعة البط وعزبة المرجوشي صاحبي احمد عبد الرحيم عنده 35 سنه وعنده طفلين طلعوا عليه وحاولوا يوقفوه فامرضاش يقف راحوا ضاربين عليه نار من اسلحه آلي وقتلوه ربنا يصبر اهله
ياريت ياجماعه اللي ساكن في منطقة شبرا الخيمه وخاصة شبرا الخيمه تاني يحفظ اسماء الأماكن والأماكن دية ويتجنبها ليل ونهار والله المستعان عليهم وربنا يورينا فيهم يوم اسود حسبنا الله ونعم الوكيل

حسبي الله ونعم الوكيل فيهم..ربنا ينتقم منهم أشد انتقام..بجد القصة أثرت فيا أوووي

والله العظيم المفروض البلطجية دول يتعدموا في ميدان عام قدام الناس كلها رمياَ بالرصاص عشان يكونوا عبرة للناس كلها ومحدش يفكر يبلطج تاني بعد كدا.

[Ahmed_Adham]

بص - لو مشاويرك هناك معظمها عشان تجيب فلوس قدامك حل من اتنين.

1- انك تروح بالنهار وترجع بالنهار مهما كانت الظروف (يعنى لو هتضطر تبات هناك ومتروحش الشغل تانى يوم)

2- ان هناك يحطوها فى حسابك او حساب والدك فى البنك ومحدش يضطر يروح المشوار ده أصلا.

[hpxp]

معاك حق ياباشا وهحاول اروح بالنهار
وبالنسبه لموضوع البنك ده صعب جدا لان مفيش بنوك هناك
البنوك هنا في ازقازيق وعظمها جنب بتنا
وشكرا ليك