الي كنت خايف منه حصل وفعلا عربيه اتسرقت

[hpxp]

فاكرين التحذير الي كنت منزله ده علشان البيضه الي اتحدفت عليا http://www.nilemotors.net/Nile/305673-a.html
ايوة علي طريق بلدنا والدي كلمني امبارح علي الساعه بليل12 وقالي اجي لان في طلبيه مهمه لازم تروح البلد قلتله بليل كده قالي اه قلت ماشي اخت الطريق لحد بنزينه بيومي الي علي الطريق في منطقه العصلوجي تقريبا فولت ومشيت طريق بلدنا كان ساعتها 12:20 بليل ماشي في حدود 120-130 علشان خايف المهم النزله بتاعت الكوبري يدوبك اديت العالي لقيت 6-7 لبسين ابيض والوان فاتحه هوب قفلو عليا الداخله قلت واالله ما مفرمل بييييييييييب وقعدت ارعش وقمت داخل علي 100 وواكل المطب قولت يمكن عادي ووصلت بقي للحته الي اتحدفت عليا البيضه فيها دخلت الملف اجباري براحه وقمت عامل كيك دوان وطافي نور العربيه كله و120 وقمت ناطط علي الفرامل اخت المطب الاولني واخت التاني علي 70 المهم وصلت الصيدليه وحمت ربنا فلقيت د\مصطفي بيقلي عارف ايه الي حصل من اسبوع وشويه كده قالي الحته الي قبل مصنع الاسفلت اتسرقت من عندها عربيه وطلع 6 برشاشات وخدوا عربيه من واحد اهي الحته دي نفس الحته الي اتحدفت عليا فيها البيضه
طريق انشاص البصل-ابوخليل-عزبه الثامنين
الي رايح انشاص البصل تبقي بعد مصنع الاسقلت
الي راجع تبقي قبل مصنع الاسفلت
والنبي الي رايح يخلي باله كويس و يعمل زي ما انا بعمل

[RMHB]

الحمد لله ان انت بخير

بس قللى مش الساعة 12 ونص يعنى تعتبر بدرى شوية فى الصيف واللا ايه

[ahmedsrs]

شكرا على التنبيه

[al_manara]

ربنا يحفظك ويحفظ الجميع .
ومشكور علي التنبية . بس ليا ملاحظة
لفظ (والنبي) "من كان حالفا فليحلف بالله أو ليصمت"

[S O P H O S]

جزاك الله خيرا
علي التنبيه ..

[assaf]

الف شكر علي التنبيه

[Motaz.Habib]

ربنا يسترها علينا جميعا

[Ahmed_Adham]

لازم تعمل محضر - قلتهالك فى الموضوع اللى فات وهقولهالك فى الموضوع ده كمان. تكرار البلاغات فى منطقه معينه هوه اللى بيخلى الشرطه تعرف ان فيه عصابه منتظمه فى الحته دي.

وحمد الله على سلامتك...

[Elawany13]

ياساتر يارب
اللهم استرها معانا ومعاك

[ahmed-moga]

الحمد لله ان ربنا نجاك منها وطلعت منها بالسلامه
الموضوع ده انتشر بشكل بشع وبقي شغله البلطجيه وبقوا بيطلبوا اسعار مبالغ فيها وبترجع العربيه بعد كده متنفضه تماما ياريت ياجماعه اللي اتعرض لموقف زي ده او صديق ليه او جار اتعرض له يحذر منه ويقول علي الأماكن ومبدئيا خليكم في الزحمه واقفلوا السنتر بتاع الأبواب وتجنبوا الوقت المتأخر والطرق المظلمه الفاضيه لأنها بتكون انسب اماكن يتعمل فيها الكمين علشان يلحقوا يثبتوا ويجروا ومفيش حاجه تعطلهم والطريق يكون مفتوح قدامهم نفسي يكون معايا ار بي جي علشان انسف الناس دية الناس دية معندهاش شفقه ولارحمه في قلوبهم انا شوفت اكثر من موقف مأثرين فيه لحد دلوقتي وكانوا في رمضان واحد لقيته جاي عمال يصوت وعايز موبيل يتكلم بأي شكل كنت فاكره حرامي الأول لأن شكله متبهدل وغرقان دم واديته الموبيل وانا متردد لقيته بيتصل بأهله علشان يدوله رقم واحد من اقاربه علشان له معرفة برئيس المباحث علشان يرضوا يعملوله محضر علشان كانوا مش راضين بيقولوه وهنعملك ايه يعني استني لحد مايتصلوا بيك ويتفقوا معاك الراجل ده ثبتوه تحت كوبري مسطرد بعربيه نص نقل فيها 6 اشخاص معاهم اسلحه آليه ووقفوا قصاده وراحو ضاربين نار عشوائي واصابوا اتنين وضربوه بكعب السلاح في دماغه بعد ماثبتوه وخدوا منه العربيه والموبيل الراجل كان معاه هونداي اكسنت ار بي وشايل ايس بوكس فيه اكياس دم كان شاريهم علشان مراته ربنا يشفيها يارب هي واللي زيها عندها مرض خبيث ومحتاجه دم وكان رايح يودي الأكياس دية المستشفي وقعد يعيطلهم ويقولهم خدوا كل حاجه و سبولي اكياس الدم راحوا فتشوه وخدوا كل اللي معاه ومرضوش يدولوا الأكياس لأنه كان ملهوف عليها وقالوله دية لوحدها تمنها 3000 جنيه والله العظيم انا بكيت جدا لما سمعته عمال يبكي وهو بيحكي في التليفون وعمال يقول مراتي هتموت لو مرحلهاش الدم النهارده حسبنا الله ونعم الوكيل ربنا ينتقم منهم اشد انتقام
وانا هبدأ واقولكم علي كام مكان
الطريق الدائري وخاصة دائري شبرا الخيمه في الطلعه --تحت كوبري مسطرد وانت رايح بلقس علشان تاخد اليوتيرن وتخش لمسطرد والله العظيم كمين الشرطه بيبقي فوق وهما عاملين كمين تحت واكتر من 10 مرات ناس اتثبتت في الحته دية اخرهم جاري باردو تحت كوبري مسطرد اتاخدت منه هونداي النترا هاي لاين 2012 ودفع 40000 الف جنيه و1000 جنيه تأمين خروج ولو مدفعش التأمين هيثبتوه تانيه وياخدوها منه ويدفع 20000 الف جنيه تاني -----تحت كوبري السواح والطريق من جنب كوبري السواح علشان يدخلك علي طريق ترعة الأسماعليه والطريق ده كله لحد بنزينة موبيل باردو خطر جدا زائد من بعد نزلة كوبري السواح وانت رايح لمسطرد ----- طريق مزرعة البط وعزبة المرجوشي صاحبي احمد عبد الرحيم عنده 35 سنه وعنده طفلين طلعوا عليه وحاولوا يوقفوه فامرضاش يقف راحوا ضاربين عليه نار من اسلحه آلي وقتلوه ربنا يصبر اهله
ياريت ياجماعه اللي ساكن في منطقة شبرا الخيمه وخاصة شبرا الخيمه تاني يحفظ اسماء الأماكن والأماكن دية ويتجنبها ليل ونهار والله المستعان عليهم وربنا يورينا فيهم يوم اسود حسبنا الله ونعم الوكيل

[amrico]

الحمد لله على سلامتك

[mesaharaty]

بالضبط كده والتحذير مرة أخرى من منطقة مسطرد

بالأمس واحد صديقى بقالى أسبوع ما شفتوش بيصلى معايا فى الجامع قعد حكالى حكايته :
هو عنده عربيتين واحدة تويوتا 2008 أو 2009 تقريبا والتانية نيسان سوبر صالون موديل 2012
المهم هو ادى العربية التويوتا لواحد صاحبه يروح بيها مشوار فى منطقة السواح وهو راجع عربية بيجو كسرت عليه ووقفته ونزل منها 3 مسلحين بالألى وضربوا نار على رجله (تهويش ولم يصب) وخدوا منه العربية والتليفون وكمان 8 آلاف جنيه كانوا معاه .
الغريب فى الموضوع بقى إن الراجل فضل واقف فى مكانه والشرطة جت له وركب معاهم البوكس ومشيو لغاية ما خلصو طريق مسطرد بحثا عن العربية وهمه رايحين اتصلوا بتليفون الراجل (اللى اتسرق مع العربية) فرد عليه احد اللصوص وطلب منه 10 آلاف جنيه وييجى يستلم العربية ، الراجل اتصرف فى المبلغ وراح لهم ودفع وسلموه العربية كالآتى :
سرقوا الإستبن والكوريك والكاسيت وأطلقوا النار على الأربع فرد وبوظوهم خالص .
الراجل راح يستلم عربيته من قسم تانى شبرا الخيمة بعد ما ونش الشرطة رفعها ووداها هناك والراجل خد معاه أربع فرد من عربية تانية عند بيته وراح ركبهم فى العربي واستلمها بما فيها من تلفيات .

ربنا على الظالم والمفترى
اللهم اضرب الظالمين بالظالمين وأخرجنا من بينهم سالمين

[benmatar]

حمدا لله على السلامة
لو تعمل بلاغ للمباحث بالمكان ويمكن يعملو حاجة ويقبضو عليهم

[hpxp]

شكرا على التنبيه

العفو يا باشا

ربنا يحفظك ويحفظ الجميع .
ومشكور علي التنبية . بس ليا ملاحظة
لفظ (والنبي) "من كان حالفا فليحلف بالله أو ليصمت"

العفو يا زعيم وشكرا علي المعلومه

جزاك الله خيرا
علي التنبيه ..

العفو يا باشا

الف شكر علي التنبيه

العفو يا زعيم

ربنا يسترها علينا جميعا

امين يارب

لازم تعمل محضر - قلتهالك فى الموضوع اللى فات وهقولهالك فى الموضوع ده كمان. تكرار البلاغات فى منطقه معينه هوه اللى بيخلى الشرطه تعرف ان فيه عصابه منتظمه فى الحته دي.

وحمد الله على سلامتك...

عملت بنصحك ياباشا وبلغت جدي عمده بلدنا وهوا هيقوم بللازم ويوم ما بلغته ماشي من البلد 1 بليل حصل علي كوبي بردين حوار التثبيت برضه ضربوا واحد بالرصاص في وركه وخدوا عربيته و 100 الف جنيه الحمد لله ان ربنا سترها معايا لانها كانت في نفس التوقيت الي ماشي فيه بس الحمد لله اني نزلت من تحت الكوبري
بص ملحظه صغيرة كده ده كله حصل بعد ما وائل فلاحه مشي وده الي ماسك قسم تاني عندنا

ياساتر يارب
اللهم استرها معانا ومعاك

امين يارب العالمين

[hpxp]

الحمد لله ان انت بخير

بس قللى مش الساعة 12 ونص يعنى تعتبر بدرى شوية فى الصيف واللا ايه

بدري مين يا باشا ده الارياف مبيلحقوش يصلو العشاء اصلا بينامو الساعه 8-9 بالكتير وغير كده طرق الارياف معظمها فاضيه مبالك بقي في توقيت زي ده