أنا ناوي اركن فوق الرصيف

[Bishoy.Girgis]

هو لو انا ركنت العربية فوق الرصيف هتبقي فيها مخالفة .. يعني هل في حاجه في قانون المرور ضد الحالة ديه ؟؟؟؟ و الرصيف عندنا واطي و العربية بتطلع و تنزل بدون مشاكل

و بصراحة مفيش فرح بيحصل عندنا الا و لازم يجوا تحت بيتنا مكان واسع جدا جدا و كل فرح الاقي العربيات تقعد تخمس تحت البيت و خايف واحد من المجانين دول يرزع العربية و كل ما نتصل بالشرطة علشان يعملوا محضر .. ولا حياة لمن تنادي ..
مش لاقي اي حل غير اني اركن فوق الرصيف بجد ..

ايه رأيكم .. و هل فيها مخالفة ولا ايه ؟؟؟

[Ahmed_Adham]

يا باشا كل رصيف وانت طيب. طب هيخالفو عربيات الفول اللي محتله الرصيف فى أميز حتت فى البلد ولا المحلات اللى بتعتبر الرصيف امتداد للمحل وتملاه فاترينات ولا الناس اللي بتعمل فيه حديد عشان محدش يركن قدامه. الوحيد اللى ممكن يكلمك هوه واحد يكون حاجزه قبلك فالحق بقى قبل ما المكان يتحجز ههههههههه

[m_adeleid]

لو انت من الناس اللي مش بيفرق معاها ولا بتضايق من الناس اللي بتمشي في نص الشارع خلاص اركن علي الرصيف
يا فندم الرصيف للماره والشارع للعربيات و اي انسان ده بديهي عنده الا المواطن المصري اللي بيدور علي الف حجه وحجه علشان يعمل الغلط لكن عمره محيحاول يبدأ ابدا بنفسه و يعمل الصح

[m_adeleid]

يا باشا كل رصيف وانت طيب. طب هيخالفو عربيات الفول اللي محتله الرصيف فى أميز حتت فى البلد ولا المحلات اللى بتعتبر الرصيف امتداد للمحل وتملاه فاترينات ولا الناس اللي بتعمل فيه حديد عشان محدش يركن قدامه. الوحيد اللى ممكن يكلمك هوه واحد يكون حاجزه قبلك فالحق بقى قبل ما المكان يتحجز ههههههههه

هوا ده اللي اقصده بالضبط

[Bishoy.Girgis]

لو انت من الناس اللي مش بيفرق معاها ولا بتضايق من الناس اللي بتمشي في نص الشارع خلاص اركن علي الرصيف
يا فندم الرصيف للماره والشارع للعربيات و اي انسان ده بديهي عنده الا المواطن المصري اللي بيدور علي الف حجه وحجه علشان يعمل الغلط لكن عمره محيحاول يبدأ ابدا بنفسه و يعمل الصح

انا شايف ان اي حد ممكن يمشي في اي مكان دلوقتي .. دا يا راجل الناس بتتمشي وسط الطريق السريع .. ولا هاممهم حاجه .. و بعدين هي الشرطة بتسأل في حد ..
و علي العموم خلي بالك قبل ما تقول الكلام اللي قولته بدون تحسب اني بسأل سؤال و بعدين هو مين اللي يبدأ بنفسه بالظبط ؟؟؟؟؟؟
و انت عربيتك لما تتخبط في الشارع و انت نايم في بيتك .. هتبقي مبسوط لما الدنيا و حالك يقف عشان عربيتك عند السمكري و لا الكهربائي ولا ولا حتي جابت توتال لوز

[sama_Sama]

معلش مش لما انت هتركن فوق الرصيف في بني أدم هيمشي مش على الرصيف فبدل ما عربيتك اللي حتة حديد تتخبط الراجل ده اللي هو لحم ودم هيتخبط؟
معلش الصح مالهوش إستثناءات، تصور لو كل واحد ركن فوق الرصيف والناس مشيت في بحر الطريق ده في مصلحة مين؟

[Bishoy.Girgis]

معلش مش لما انت هتركن فوق الرصيف في بني أدم هيمشي مش على الرصيف فبدل ما عربيتك اللي حتة حديد تتخبط الراجل ده اللي هو لحم ودم هيتخبط؟
معلش الصح مالهوش إستثناءات، تصور لو كل واحد ركن فوق الرصيف والناس مشيت في بحر الطريق ده في مصلحة مين؟

كلامك صح يا سما 100% .. اخجلتيني .. علي العموم انا فعلا نزلت و طلعت العربية علي الرصيف و سيبت نص الرصيف فاضي عشان الناس اللي اصلا مش بتطلعه

نيجي بقي هل في مخالفة ؟؟؟

[m_adeleid]

انا شايف ان اي حد ممكن يمشي في اي مكان دلوقتي .. دا يا راجل الناس بتتمشي وسط الطريق السريع .. ولا هاممهم حاجه .. و بعدين هي الشرطة بتسأل في حد ..
و علي العموم خلي بالك قبل ما تقول الكلام اللي قولته بدون تحسب اني بسأل سؤال و بعدين هو مين اللي يبدأ بنفسه بالظبط ؟؟؟؟؟؟
و انت عربيتك لما تتخبط في الشارع و انت نايم في بيتك .. هتبقي مبسوط لما الدنيا و حالك يقف عشان عربيتك عند السمكري و لا الكهربائي ولا ولا حتي جابت توتال لوز

اللي بيمشي في وسط الطريق السريع ملوش حجه ولا ديه لو اداس
لكن اللي حيمشي في الشارع علشان حضرتك راكن علي الرصيف حجته معاه والغلط عندك
واللي يبدأ بنفسه ده يا باشا مش حد معين ده مبدأ لكن واضح انه منزلش لسا هنا
و عربيتي و عربيه اخويا و عربيه والدي اتخبطو اكتر من 20مره في الشارع(انا مش ببالغ في الرقم) و برضو مركناش علي الرصيف

[m_adeleid]

كلامك صح يا سما 100% .. اخجلتيني .. علي العموم انا فعلا نزلت و طلعت العربية علي الرصيف و سيبت نص الرصيف فاضي عشان الناس اللي اصلا مش بتطلعه

نيجي بقي هل في مخالفة ؟؟؟

هوا مش حضرتك لسا قايل في مشاركتك معايا
هيا الشرطه بتسأل في حد؟
خايف ليه يكون فيها مخالفه؟
مش حيسألو برضو
و حضرتك مكنتش بتسأل بس لا انت نفذت

[Bishoy.Girgis]

هوا مش حضرتك لسا قايل في مشاركتك معايا
هيا الشرطه بتسأل في حد؟
خايف ليه يكون فيها مخالفه؟
مش حيسألو برضو
و حضرتك مكنتش بتسأل بس لا انت نفذت

انا فعلا نفذت لأن و انا بتناقش معاكم كان فرح شغال تخميس تحت البيت من شوية و بصراحة انا مش حمل اني اروح لسمكري اليومين دول .. هبقي ادور علي جراج و امري لله .. عشان خاطر عيون الناس اللي بتمشي علي الرصيف :))) مع اني مش مقتنع بإن في حد اصلا بيمشي علي الرصيف

[Land_Cruiser]

بص يا باشا هى فى كل الدنيا مخالفه بس معرفش مصر قيمتها كام و لا إيه العقوبة بس هى مخالفه. انا كان عندى اقتراح ما تعمل زياره للحى و تستفسر لو عايز تاخد تصريح بكده هل ينفع و لا لأ خاصه لو كان فى مكان ينفع الناس تمشى عليه برضه علشان بكده ما تبقاش ضريت حد و فى نفس الوقت عملت اللى انت عايزه و ممكن مثلا تبقى تبلطه أو تسفلته كويس الحته اللى هتركن فيها بس خللى بالك لو الموضوع مشى هتخرج بالعربيه و ترجع تلاقى ناس ركنت مكانك

[m_adeleid]

انا فعلا نفذت لأن و انا بتناقش معاكم كان فرح شغال تخميس تحت البيت من شوية و بصراحة انا مش حمل اني اروح لسمكري اليومين دول .. هبقي ادور علي جراج و امري لله .. عشان خاطر عيون الناس اللي بتمشي علي الرصيف :))) مع اني مش مقتنع بإن في حد اصلا بيمشي علي الرصيف

والله واعلم لو عملت كده بجد بنيه اماطه الاذي عن الطريق و عن الناس ربنا حيوفرلك فلوس الجراج من عنده واكتر بأذن الله
وفعلا معاك حق الناس قليل منهم قوي اللي بيمشي علي الرصيف و بيمشو في الشارع بدون اي سبب حتي لو الرصيف فاضي بس مش ده الطبيعي ابدا و يستاهلوا اللي يجرالهم و يارب يجرالهم
عمال افكر في حل يخلصك من الناس بتوع التخميس دول بس مش لاقي
بصراحه جه في بالي حل شرير بس مش عاوز اقوله علشان السيئات

[Bishoy.Girgis]

بص يا باشا هى فى كل الدنيا مخالفه بس معرفش مصر قيمتها كام و لا إيه العقوبة بس هى مخالفه. انا كان عندى اقتراح ما تعمل زياره للحى و تستفسر لو عايز تاخد تصريح بكده هل ينفع و لا لأ خاصه لو كان فى مكان ينفع الناس تمشى عليه برضه علشان بكده ما تبقاش ضريت حد و فى نفس الوقت عملت اللى انت عايزه و ممكن مثلا تبقى تبلطه أو تسفلته كويس الحته اللى هتركن فيها بس خللى بالك لو الموضوع مشى هتخرج بالعربيه و ترجع تلاقى ناس ركنت مكانك

برده دي فكرة كويسة جدا .. تصور اني هاخد جيراني اللي معاهم عربيات و نروح مجلس المدينة و نشوف حل .. و بعدين الرصيف عريض جدا يعني ياخد عربيتين جنب بعض مستريح .. و للاسف بيبقي موقف سيارات سرفيس لغاية الساعة 7 بالليل ..
و برده في حل تاني رائع لو اقترحنا علي المحافظ اننا مثلا كأهل البرج اللي ساكن فيه نعمل ميدان في الحتة الواسعة ديه بحيث ان العربيات متجيش تخمس تحت البيت بالطريقة ديه .. افكار برده

[Magoda]

لأ طبعاً مفيش مخالفة مدام تحت البيت
أنا من زهراء مدينة نصر اللى هيا منطقة جيش وشرطة عسكرية والأغلبية العظمى من السكان بيركنوا فوق الرصيف ومش كدته وبس حاجزين أماكن بالسلاسل والحديد لدرجة أنك متلاقيش مكان فوق الرصيف من كتر العربيات اللى ركنة
بس انا شفت فى اسكندرية عربيه كانت وقفه على الرصيف على الكورنيش ومتكلبشة

[Magoda]

برده دي فكرة كويسة جدا .. تصور اني هاخد جيراني اللي معاهم عربيات و نروح مجلس المدينة و نشوف حل .. و بعدين الرصيف عريض جدا يعني ياخد عربيتين جنب بعض مستريح .. و للاسف بيبقي موقف سيارات سرفيس لغاية الساعة 7 بالليل ..
و برده في حل تاني رائع لو اقترحنا علي المحافظ اننا مثلا كأهل البرج اللي ساكن فيه نعمل ميدان في الحتة الواسعة ديه بحيث ان العربيات متجيش تخمس تحت البيت بالطريقة ديه .. افكار برده

ومستنى إيه مدام الرصيف ياخد عربيتين جمب بعض اتفق مع صحابك اللى فى البرج وجيبوا حديد وسلاسل وحجزوا مكان قدام البيت ولا أجعص شرطى هيكلمك أنا كنت عامل حوار الحديد ده واتخانقت فى مرة مع ظابط جيش وهددنى وقالى والله لأتصل بالشرطة العسكرية تيجى تشيل الحديد ده ولا الهوا كلام على الفاضى المنطقة كلها عندنا محجزة أماكن بالحديد وده مخالف بس صباااااح الجوافة