أنا ناوي اركن فوق الرصيف

[ali_333]

هو طبعا غلط تركن فوق الرصيف .......ولكن

تخيل كل العربيات بقت تركن فوق الرصيف حيحصل ايه؟؟؟؟؟؟؟؟؟

المسؤل عن المنطقة او جهاز المدينة وقتها حيتحرك ويحل المشكلة ده وحياخد باله وميخليش حد يخمس في الفرح

طالما انك عملت اللي عليك واشتكيت الجهة المسؤلة كده اخليت مسؤليتك

واي ضرر يوقع حيشيل ذنبه المسؤلين

[Land_Cruiser]

برده دي فكرة كويسة جدا .. تصور اني هاخد جيراني اللي معاهم عربيات و نروح مجلس المدينة و نشوف حل .. و بعدين الرصيف عريض جدا يعني ياخد عربيتين جنب بعض مستريح .. و للاسف بيبقي موقف سيارات سرفيس لغاية الساعة 7 بالليل ..
و برده في حل تاني رائع لو اقترحنا علي المحافظ اننا مثلا كأهل البرج اللي ساكن فيه نعمل ميدان في الحتة الواسعة ديه بحيث ان العربيات متجيش تخمس تحت البيت بالطريقة ديه .. افكار برده

هما يا باشا ممكن يوافقوا على أنكم تركنوا فوق الرصيف طالما فى مكان للناس تمشى عليه برضه و خاصه لو عملتوه بلاط شكله كويس إنما الميدان دى صعبه شويه لأن ليها تصاريح و هتبقى حكايه طويله عريضه و ما ينفعش تركب سلاسل نهائيا و عامه زياره سريعه توضح الامور كلها

[m_adeleid]

ومستنى إيه مدام الرصيف ياخد عربيتين جمب بعض اتفق مع صحابك اللى فى البرج وجيبوا حديد وسلاسل وحجزوا مكان قدام البيت ولا أجعص شرطى هيكلمك أنا كنت عامل حوار الحديد ده واتخانقت فى مرة مع ظابط جيش وهددنى وقالى والله لأتصل بالشرطة العسكرية تيجى تشيل الحديد ده ولا الهوا كلام على الفاضى المنطقة كلها عندنا محجزة أماكن بالحديد وده مخالف بس صباااااح الجوافة

يعني حضرتك اتخانقت معاه مع انك انت اللي غلط
نفسي اعرف اعملها دي اكيد حتخلص من مواقف كتير
موضوع الحديد ده والدي عمله من كام سنه كده قدام البيت وواحده من جيرانه اشتكته للحي لا شرطه عسكريه و لامدنيه و جه مهندس من الحي و معاه قوه وشالوه لانه مخالف طبعا

[Land_Cruiser]

يعني حضرتك اتخانقت معاه مع انك انت اللي غلط
نفسي اعرف اعملها دي اكيد حتخلص من مواقف كتير
موضوع الحديد ده والدي عمله من كام سنه كده قدام البيت وواحده من جيرانه اشتكته للحي لا شرطه عسكريه و لامدنيه و جه مهندس من الحي و معاه قوه وشالوه لانه مخالف طبعا

ما هو peaceman لو كان عايز يخالف كان ركن العربيه فوق الرصيف و ركب سلاسل و لا عمل موضوع أساسا لكن دى مش اخلاقه طبعا و علشان كده بيفكر فى حل قانونى يرضى جميع الاطراف و ما يأذيش حد . أسهل حاجه هو الصوت العالى و البلطجه لكن يا ترى الحاجات دى هتودينا على فين تانى ؟ مفيش ورا اكتر من اللى بقينا فيه

[Magoda]

يعني حضرتك اتخانقت معاه مع انك انت اللي غلط
نفسي اعرف اعملها دي اكيد حتخلص من مواقف كتير
موضوع الحديد ده والدي عمله من كام سنه كده قدام البيت وواحده من جيرانه اشتكته للحي لا شرطه عسكريه و لامدنيه و جه مهندس من الحي و معاه قوه وشالوه لانه مخالف طبعا

الفكرة مش فكرة حديد الفكرة كلها إنى لو ركنت فوق الرصييف هو مش معارض هو عارض على الحديد إنما راكن فوق الرصيف عادى بالنسباله والمنطقة عندى كلها ركنة فوق الرصيف هو مشكلة الحديد حاجه واحده انك بتحجز مكان يعنى جارك مش هيعرف يركن فبتحصل مشاكل اشمعنى انت ففكرة انك تركن فوق الرصيييف مش ممنوعه ولا مرفوض ولا حد من الشرطة ولا حى هيكلمك اللى هيكلم معااااك السكااااان

[S O P H O S]

توكل علي الله
طالما مفيش اذي لحد
يبقي ليه لا ..

[Magoda]

مع العلم ان العمارة ليها جراج عبارة عن ساااحه كبيرة خلف العمارة تتسع لـ 100 عربية بس كل واحد يحب يركن قدام بيته ويبقى شايفها قدامه مع العلم برضه انت هتكون شايفها بس من الشباك اللى ورا بس الفكرة انك بتركنها قدام العمارة عشان مكسل تتمشى دقيقتين تركنها فى الساحه الخلفية وعجبى

[Land_Cruiser]

الفكرة مش فكرة حديد الفكرة كلها إنى لو ركنت فوق الرصييف هو مش معارض هو عارض على الحديد إنما راكن فوق الرصيف عادى بالنسباله والمنطقة عندى كلها ركنة فوق الرصيف هو مشكلة الحديد حاجه واحده انك بتحجز مكان يعنى جارك مش هيعرف يركن فبتحصل مشاكل اشمعنى انت ففكرة انك تركن فوق الرصيييف مش ممنوعه ولا مرفوض ولا حد من الشرطة ولا حى هيكلمك اللى هيكلم معااااك السكااااان

لا يا فندم اسمحلى الوقوف فوق الرصيف مخالفه و تركيب الحديد و السلاسل ممنوع و بيعتبر اشغال للرصيف اللى هو جزء من الطريق. المرور هو اللى بيعمل مخالفه الوقوف و ممكن يكلبش العربيه بينما الحى هو اللى بيشيل الحديد و السلاسل أو اى حاجه ممكن تتحط لحجز مكان زى براميل أو ما شابه و دور السكان فقط هو الابلاغ عن تركيب حديد و سلاسل ده لو الحى ما خدش باله لوحده اصلا. الموضوع قانونى مش ودى أو بالتراضي مع السكان مثلا لان الرصيف زى الشارع ملك للجميع مش للسكان بتوع العماره فقط

[windofchange]

موضع الحديد والسلاسل ده بلطجة ومش صح ابدااا واوقات كتير الواحد ميعرفش يركن لان كل السكان حاجزين في الاوتيل !الا لو الواحد عمله مضطر لكن غير كده اذي بجد حتي لو معمول بحرفيه انا كذا مرة رجلي تخبط في قاعدة الماسورة والماسورة متشالة واتعورت في مرة تخيل لو حصللي حاجة .... وانا مش معترض عالركن عالرصيف مع ترك مسافة للناس تمشي فيها