رئيس الوزراء ... كلام نهائى ... الغاء الدعم عن بنزين 95

[hossam_elwani]

"قنديل": الحكومة ستلغى الدعم عن بنزين 95


قال الدكتور هشام قنديل رئيس الوزراء، إن الحكومة عازمة على إلغاء بنزين 95، مشيرًا إلى أنه ليس من المنطقى دعم المواطن المصرى لسيارات الأغنياء والدبلوماسيين والأجانب.

وأضاف قنديل فى حوار لبرنامج "مصر الجديدة" الذى يقدمه الإعلامى معتز الدمرداش ويذاع على قناة الحياة، إن الدعم لا يصل إلى مستحقيه، وسعر الأنبوبة يصل إلى 50 جنيها، لافتًا أن سيتم إعادة النظر فى كل أسعار الوقود والسولار.

وأوضح رئيس الوزراء أن الحكومة تعمل على توفير فرص عمل حقيقة للمواطنين، مؤكدًا أن شهرى ديسمبر ويناير المقبلين ستظهر أثار التنمية الاقتصادية للمواطنين.

وأشار إلى أنه تم ضبط 160 مليون لتر سولار قبل بيعهم بطريقة غير قانونية، وتم القبض على أحد موظفى الدولة فى قضية رشوة سولار، لافتاً إلى أن الحكومة تعمل على رفع كفاءة محطات الكهرباء، وأن إجراءات الترشيد توفر لنا 1000 ميجاوات، وتابع القول بأنه سيتم عمل كوبونات وكروت ذكية لتوزيع أنبوبة البوتاجاز والبنزين.


بس عندى سؤال احصائى هو كام عربيه فى مصر بتمشى ببنزين 95 ... وقد ايه الدوله حتوفر لو تم الغاء الدعم كليا من عليه ؟؟؟

[S O P H O S]

فعلا ده حقيقي

[m_adeleid]

مش المهم كام عربيه بتمشي ببنزين 95
المهم الحكومه بتدعم بنتزين 95 بمبلغ قد ايه في السنه؟
المبلغ ده كنت قريته بس مش فاكره دلوقت
بس هوا مستفز بصراحه

[SYD]

ربنا يارب ييسر الأمور وفعلا نفسنا نحس بأثار لنمو الأقتصاد

اما بالنسبة للسيارات التي تسير ببنزين 95 فاعتبر ان كل عربيات مرسيدس ابتداء من 2010 - بي ام 2010 - فولكس التربو واودي وسيات وسكودا (كل مجموعة فولكس التي تحمل tsi) وفولفو وفيات
يعني تقدر تقول بنسبة 60% من كل العربيات الأوروبي ابتداء من 2010 تعمل ببنزين 95
انا شخصيا عربيتي موديل 99 ومع ذلك مكتوب في الكتالوج بتاعها توصية باستخدام بنزين 95 فما بالك بكل سيارات فولكس ابتداء من 2000
انا بس قولتلك 2010 عشان تكون مشاركتي مؤكدة بنسبة 100% لكن لو بحثت وراء كل سيارة من المصنعين الوارد ذكرهم يمكن تلاقيهم بينصحوا بيه من قبل 99 كمان
بس انا شخصيا مش هضحك عليك - انا بستخدم 92 لأن عربيتي كلها علي بعضها ماتجيبش نص ثمن فتيس اي عربية فولكس موديل 2010 يبقي ازاي هحط 95 - انا لو هغير الموتور كل 3 سنين اوفرلي من استخدام 95 علي طوول علشان احافظ علي الموتور

[eng.m7md.ali]

والله حرام اللي بيحصل ده
عربيات الناس دي سعرها هينزل تحت الارض مش بس هينزل الارض
حسبي الله ونعم الوكيل

[egyptiandiver]

Good

[Magoda]

محطة مصر اتقفلت بس السرقه اللى كان بيحصل فيها عقبال الباقى

[Magoda]

مهو أصل فعلا فى ناس الحمدلله ربنا فاتحها عليهم فدول ليه ياخدوا دعم يعنى واحد بيقبض 50 ألف جنيه وراكب مرسيدس e350 ب 780االف جنيه ده ياخد دعم على اى اساس ده لو لتر البنزين وصل ل 10ج ولا هتفرق معاه فى حاجه

[MaNoLa]

أنا شايفة أن الحل فى الغاز حتى لو الماتور هينفجر

[beshomilan]

هو ده الكلام الصح
دعم البنزين ال 95 اعتقد 9 مليار جنيه
ففعلا اللى مشترى عربيه بنص مليون او اكتر معندوش مانع يدفع
ويشغلوا كل الاتوبيسات الحكوميه والباصات الخضراء بالغاز الطبيعى بدل ما احنا بنصدره لبره وبنستورد مكانه سولار
ويتاخد فاتوره عند تموين البنزين مميكنه تطلع من ماكينه التفويل الجديده ويكون ممنوع تفويل السيارات الدبلوماسيه او سيارات الشركات السياحيه او سيارات الهيئات الحكوميه والمديرين والشرطة بالبنزين المدعم

ولو حصل كده يبقى احنا فعلا فى بدايه التغيير

[semi]

الرئيس قال بنفسه الكلام ده بالامس قمت ترجمت فورا انه بيلمج للدعم على البنزين ككل
وفعلا بعدها شوية قال ان هيكون في آلية لتنظيم وصول الدعم لمستحقيه
يعني مثلا لو شال الدعم من على غير المصريين ده شئ كويس
هو لا بيدفع ضرائب ولا بيعمل اي حاجه ازاي ياخد دعم
ولو النظام الجديد ده قدر يمنع الوسطاء او سوق السودا هيبقى ممتاز
فده كلام جميل جدا وكلنا عايزينه بس ازاي بقى الكلام ده كله يحصل من غير
ما حد من مستحقي الدعم يضر او يطلع عينه عشان ياخد البنزين
اعتقد دي حاجه صعبة لكن مش مستحيلة

والله حرام اللي بيحصل ده
عربيات الناس دي سعرها هينزل تحت الارض مش بس هينزل الارض
حسبي الله ونعم الوكيل

سعر ايه اللي ينزل حضرتك واحد بيفهم وعايز يركب حاجه الماني محترمة
هيفكر هيشتري البنزين بكام لا طبعا

مهو أصل فعلا فى ناس الحمدلله ربنا فاتحها عليهم فدول ليه ياخدوا دعم يعنى واحد بيقبض 50 ألف جنيه وراكب مرسيدس e350 ب 780االف جنيه ده ياخد دعم على اى اساس ده لو لتر البنزين وصل ل 10ج ولا هتفرق معاه فى حاجه

السؤال الاهم ليه كانوا بياخدوا الدعم ده قبل كده
ممكن هما نفسهم يكونوا مستغربين ليه انا باخد دعم وانا اقدر ادفعه
وشئ اخر اصلا العربيات دي مش بتستهلك بنزين
يعني لو حط بنزين 20 لتر هيمشي بهم اكتر مننا

[Ahmadhamza84]

أنا كمواطن مصري بدفع ضرايب لي كامل الحق في خير بلدي ...مش معنى أن أكون غميا يبقى أتحرم من خير بلدي ...المفروض تموين البنزين يكون بالبطاقة ...مصر فيها أجانب كتير وبيمونوا بنزين مدعوم .!!!! سواق التاكس ...يرفع عنه الدعم للتاكسي لأنه مشروع تجاري ويلغي من عليه الضرائب ...في حلول كتير غير انك تحرم واحد من خير بلده وكل ذنبه ان ربنا وسع عليه من فضله .....يا سيدي خلي الدعم نسبي ....يعني كل مواطن من حقه عشرين لتر في اليوم فقط ببلاش ..وأي لتر من أي نوع يبقى بالسعر العالمي ...مش عارف ليه بحس انهم بيضطهدوا الأغنياء في مصر ...الغني ده المفروض ياخد حقه تالت ومنلت وخد منه اللي أنت عاوزه ...استغله يعني بالعربي ...انما تحسس الناس انهم مواطن بشرطة !! ليه ؟!

[tutankhamoun]

أنا كمواطن مصري بدفع ضرايب لي كامل الحق في خير بلدي ...مش معنى أن أكون غميا يبقى أتحرم من خير بلدي ...المفروض تموين البنزين يكون بالبطاقة ...مصر فيها أجانب كتير وبيمونوا بنزين مدعوم .!!!! سواق التاكس ...يرفع عنه الدعم للتاكسي لأنه مشروع تجاري ويلغي من عليه الضرائب ...في حلول كتير غير انك تحرم واحد من خير بلده وكل ذنبه ان ربنا وسع عليه من فضله .....يا سيدي خلي الدعم نسبي ....يعني كل مواطن من حقه عشرين لتر في اليوم فقط ببلاش ..وأي لتر من أي نوع يبقى بالسعر العالمي ...مش عارف ليه بحس انهم بيضطهدوا الأغنياء في مصر ...الغني ده المفروض ياخد حقه تالت ومنلت وخد منه اللي أنت عاوزه ...استغله يعني بالعربي ...انما تحسس الناس انهم مواطن بشرطة !! ليه ؟!

طيب هو ليه ضحرتك مُعتبر ان الدعم ده توزيع لخير البلد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الدعم ده أختراع فاشل للسوفييت و أتبعهم عبد الناصر .......... و شوف دلوقتي الدول اللي بتعمل دعم حالها عامل ازاي .
و الدول اللي مش بتدعم حاجة و الناس كلها بتشتغل ..... و تستنفع بخير بلدها بالشغل مش مجرد أنه من البلد .

الضرائب دي اللي أحنا بندفعها بتروح للتعليم و الصحة و الجيش و بناء الطرق و صيانتها (بغض النظر عن جودة ده في مصر )

بس مش علشان بندفع ضرائب ......... نأخد الحاجة ببلاش و نقول ده خير بلدنا .


الدعم ده أصلا كارثة .

هاقولك ليه .
واحد فقير في الصعيد مثلا معندوش عربية و دخله على قده .

واحد تاني معاه عربية و شغال في شركة و بيقبض مثلا 3000 جنيه .

انت عارف ان اللي معاه عربية و بيقبض 3 الاف جنيه ........... بيحصل على دعم يصل لالاف الجنهيات سنويا لمجرد أنه عنده عربية

و الفقير الغلبان في الصعيد أو الأرياف مش بيشوف 1 % من الدعم ده .

فين العدل في الدعم بقى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟
في أوروبا و أمريكا بيدفعوا ضرائب ......... و مفيش دعم .
بس هما عندهم في جودة في الخدمات المُقدمة مقابل الضرائب .

و أنا بتكلم على المبدأ علشان ما دندخلش في نفق الجدال حوالين ما يُقدم في مصر مقابل الضرائب .

[aboomar22]

تنظيم الدعم فى الصالح العام يعنى عندك مثلا بنزين 80 ثمنة فى المحطة 90 قرش احنا بنشتريه من الشارع بكام 150 قرش وياريت بتاخد الصفيحة 20 لا بتكون 17 - 18 لتر يعنى الدعم راح للتجار والمحتكرين للبنزين لكن لو بيطلع من البنزينة بكارت ذكى مسجل فيه رقم السيارة والكمية المسحوبة يسهل متابعة التهريب وهتعود بالصالح على الجميع - الدقيق المدعم اللى بيتهرب وبيروح للافران بتاعت العيش غير المدعوم كده الدعم بيروح ليهم مش ليك انت يبقى لازم تنظيم وهكذا

[Ahmed_Ramadan]

لو كده يبقى يشيل الجمارك و الضرايب العالية من على أصحاب العربيات ديه و لا هو سرقة و خلاص !!!!!