حد رسملك على العربية بمفتاح قبل كدة؟!!!!!!!!!!!!!!!!

[monamize4]

يا جماعة الموضوع دا بقى لا يطاق و خصوصا ان مش كل الناس عندهم جراجات يركنوا فيها ,,, الواحد ممكن يحافظ ع الفابريكة بتاعة عربيتة و يجى واحد @$%^& يضيعلوا الفابريكة فى لحظة و يخسرة كذا الف ف سعر البيع ,,,, و انا مروح البيت انهاردة لقيت عربية نيسان صنى سودا ما شاء الله بتلمع بس المشكلة ان فى حد مشى عليها بمفتاح و عمل خطين متوازين (تقولش مهندس يعنى) من اول الرفرف الامامى لححححححححححد الشنطة ,,,
المهم انت لو عندك تجربة ف الموضوع دا ياريت تحكيلنا عليها و يا ريت تقولنا حلتها ازاى؟؟؟؟؟؟؟؟ عشان الناس تستفاد

[Eng_Mostafa_89]

ما اكتر الناس المريضة فى البلد
على طول العربية عندى كانت كدة وبقيت بتاقلم على الوضع وكدة كدة هى كانت 128 فمفيش فبريكة يتزعل عليها

[abogogo]

عزيزي انت في مصر يعني انت بتمتلك العربية من الداخل فقط أما الخارج للأسف ملك الشعب كله ..
يعني العربية ممكن تكون دكة في جنينة لإتنين عشاق .... !!! اوممكن تكون سفره لإتنين يطفحوا على كبوت العربية ومايشيلوش مطرح ما طفحوا ....!!! او ممكن تكون سبورة للعيال ولاد التيت يتعلموا الشخبطة عليها ...!!! أو لو حظك كنت راكن جنب فرن عيش مافيش مانع يهوا العيش على العربية ...!!! او ممكن تكون العربية بدل القمع في الارض للى أخد الرخصة قبل مايتعلم السواقة يتعلم ويتخذ عربيتك مكان الاقماع ازاي يعدي او يركن ...!!! أكمل ولا كفاية

[houseiny]

ياباشا ده انا عربيتي ولا متحف اللوفر عليها لوح فنية وسرياليات من كل جنب ، أخر حاجة واحد أبن ............................ تيتـتتتتتتتتتتتتت، وستين تيت كمان كتبلي على الباب تاريخ الذكري واسمه هو واللي تولع يا رب بحق جاه النبي البت اللي ماشي معاها ، طيب انت مصاحب بت ألهي تولعوا انتوا الأتنين تكتبوا اساميكوا والتاريخ على باب العربية بمسار ليه يا ولاد ألتيتتتتتتتتتتتتتتتتتتتتتتتتت
عشان تعرف يا باشا ان اللي استورد اتوكتوك ده في مصر طلع راجل بيفهم ، اول واحد عرف ان دي أكتر حاجة تناسب الشعب ده

[kemoooo2020]

يا ريت على الرسم بس واحد والله رسملى على الكبوت خريطة قلت وقتها الحمد لله انها جت على قد كده وبعدها باسبوع عيل من الدور ال12 حدفلى كيس ميه على الكبوت سواه بالارض

[Ahmed_Adham]

على فكره يا جماعه فيه خرابيش بتبقى بسبب القطط وخصوصا الكبوت وباب الشنطه.

[hossam_elwani]

الموضوع ده بيفتح علينا المواجع


لنا الله

واعوذ بالله من الحاقدين ومرضى النفوس

[aliaboali_3]

هو فى عربية فى مصر بتقعد فبريكة أكثر من اسبوع يا باشا حتى لو بتركن فى جراج اول ما تروح مشوار وتركن فى مكان فى الشارع لازم ترجع تلاقى العربية متعلم عليها وكأن حد مستنيك بس تبعد عن العربية خمس دقايق .
وبعدين ياباشا ماتزعلش كدة اصل الناس اللى بتعمل كدة فى العربيات عندة فكرة من الافلام والمسسلات المصرية أن اللى راكب العربية دة اكيد غنى وطبعا غنى فى الثقافة المصرية ترجمتها حرامى . وبعدين ياريت تيجى على كدة دة واحد يخبطك العربية وهى راكنه ويسيبها ويمشى أو يقولك ماانت عارف ان العربية لازم تتخبط وكأن دة الطبيعى فى البلد دى أن اشتريت عربية زيرو وكنت هاتجنن وكان هيجلى السكر والملح وكل حاجة من اللى بيحصل فى العربية كل ما اركنها وان شاء الله اخلص القسط و ابيعها ,اشترى 132 مستعملة واللى خايف يوسع وفى الحالة دى لو حصل فيها اية عمرى ماهازعل

[omaroof]

حصل معايا وعلى فكره خارج مصر
شكلها هواية واحنا موش عارفين

[monamize4]

ما اكتر الناس المريضة فى البلد
على طول العربية عندى كانت كدة وبقيت بتاقلم على الوضع وكدة كدة هى كانت 128 فمفيش فبريكة يتزعل عليها

ياباشا يعنى هية ال 128 مالهاش نفس

[monamize4]

عزيزي انت في مصر يعني انت بتمتلك العربية من الداخل فقط أما الخارج للأسف ملك الشعب كله ..
يعني العربية ممكن تكون دكة في جنينة لإتنين عشاق .... !!! اوممكن تكون سفره لإتنين يطفحوا على كبوت العربية ومايشيلوش مطرح ما طفحوا ....!!! او ممكن تكون سبورة للعيال ولاد التيت يتعلموا الشخبطة عليها ...!!! أو لو حظك كنت راكن جنب فرن عيش مافيش مانع يهوا العيش على العربية ...!!! او ممكن تكون العربية بدل القمع في الارض للى أخد الرخصة قبل مايتعلم السواقة يتعلم ويتخذ عربيتك مكان الاقماع ازاي يعدي او يركن ...!!! أكمل ولا كفاية

والله انت بتقول حكم و كلام 100 100

[monamize4]

ياباشا ده انا عربيتي ولا متحف اللوفر عليها لوح فنية وسرياليات من كل جنب ، أخر حاجة واحد أبن ............................ تيتـتتتتتتتتتتتتت، وستين تيت كمان كتبلي على الباب تاريخ الذكري واسمه هو واللي تولع يا رب بحق جاه النبي البت اللي ماشي معاها ، طيب انت مصاحب بت ألهي تولعوا انتوا الأتنين تكتبوا اساميكوا والتاريخ على باب العربية بمسار ليه يا ولاد ألتيتتتتتتتتتتتتتتتتتتتتتتتتت
عشان تعرف يا باشا ان اللي استورد اتوكتوك ده في مصر طلع راجل بيفهم ، اول واحد عرف ان دي أكتر حاجة تناسب الشعب ده

ياباشا بلاس سيرة التكاتك هنا ,,, اصل معظم الناس هنا عندها حساسية من التكاتك و حصلهم
قصص كتيرة مع التكاتك و احنا كدة ممكن نتوقف

[monamize4]

يا ريت على الرسم بس واحد والله رسملى على الكبوت خريطة قلت وقتها الحمد لله انها جت على قد كده وبعدها باسبوع عيل من الدور ال12 حدفلى كيس ميه على الكبوت سواه بالارض

عيل صغير وبيعمل كدة ,, تخيل دا لو كبر من غير تربية هيعمل ايه؟؟؟؟؟؟

على فكره يا جماعه فيه خرابيش بتبقى بسبب القطط وخصوصا الكبوت وباب الشنطه.

احيانا فعلا السبب بيبقى القطط بس القطط مبتكتبش تواريخ و ذكريات

الموضوع ده بيفتح علينا المواجع


لنا الله

واعوذ بالله من الحاقدين ومرضى النفوس

فعلا السبب هو الحقد و مرض النفس للاسف

هو فى عربية فى مصر بتقعد فبريكة أكثر من اسبوع يا باشا حتى لو بتركن فى جراج اول ما تروح مشوار وتركن فى مكان فى الشارع لازم ترجع تلاقى العربية متعلم عليها وكأن حد مستنيك بس تبعد عن العربية خمس دقايق .
وبعدين ياباشا ماتزعلش كدة اصل الناس اللى بتعمل كدة فى العربيات عندة فكرة من الافلام والمسسلات المصرية أن اللى راكب العربية دة اكيد غنى وطبعا غنى فى الثقافة المصرية ترجمتها حرامى . وبعدين ياريت تيجى على كدة دة واحد يخبطك العربية وهى راكنه ويسيبها ويمشى أو يقولك ماانت عارف ان العربية لازم تتخبط وكأن دة الطبيعى فى البلد دى أن اشتريت عربية زيرو وكنت هاتجنن وكان هيجلى السكر والملح وكل حاجة من اللى بيحصل فى العربية كل ما اركنها وان شاء الله اخلص القسط و ابيعها ,اشترى 132 مستعملة واللى خايف يوسع وفى الحالة دى لو حصل فيها اية عمرى ماهازعل

والله يا باشا فى ناس معاهم عربيات بس حالتهم اصعب من اللى ماشين على رجليهم ,,,, بالنسبة لموضوع ال 132 فا هو فعلا انسب حل دلوقتى فى ظل انتشار السرقات و عقد النقص

حصل معايا وعلى فكره خارج مصر
شكلها هواية واحنا موش عارفين

واضح انها ظاهرة عالمية هى اية البلد اللى حضرتك حصل معاك كدة فيها؟

[hany63]

العربيه بركنها في جراج البيت و جراج الشغل و بمسيبهاش في الشارع خالص
مره واحد كلب من الجيران استفرد بيها و كانت يدوب عامله ٣٠٠٠ كيلو و انتهز فرصة ان البواب مسافر في العيد و خدها مفك في كل مكان مع العلم مكانش فيها ولا خربوش و الله اول من نزلت كنت هطب ساكت و حسيت بالم في صدري و ضغطي علي يومين من الحسره لما تشوف شقى عمرك بيتدمر مع العلم كان تمنها ٢٣٠ الف

[midofayad]

هههههه موضوع زي الفل

لسه امبارح واحد ابن ستين ك..... عاملي حرف l بس كبير شويتين بطول الكبوت كله و عامل خطين متوازيين و يا سلام علي الدقه من اول الرفرف الامامي لاخر الباب اللي ورا. و الله لو كنت شفته لكنت عملته برواز علي الكبوت :(