حد رسملك على العربية بمفتاح قبل كدة؟!!!!!!!!!!!!!!!!

[Mohab.Nabil]

هههههههههه

يا باشا تعالى افرجك على العربية كل ما بتنزل البلد بتيجى مليانة قلوب و خطوط و حاجة زى الفل و العربية سودا اصلا بقت لوحة تشكيلية خلاص .. طب اقولك على حاجة العربية زمان بتاعتنا كانت بمفتاح عادى و الله العظيم حد قعد يحشر فى حتة بلاستيكة فى المكان بتاع المفتاح فى الباب لحد ما حشرها و قعدنا 3 ساعات انا و اهلى فى الشارع لحد ما بتاع مفاتيح جيه و فك الباب كله عشان نعرف نفتح العربية

و العربية بتاعتى بركنها كل يوم قدام الجامعة و فيه سايس بياخد فلوس و كل يوم لازم الاقى خربوش جديد و مرة لقيت الباب مخبوط خبطة محترمة


عادى يعنى لازم نتعود .. احنا فى مصر

[EngAhmedSayed]

ياعم احمد ربنا
ده انا عربيتى الكبوت بتاعها ملسوع بولعها و عليها 4 بقع لونها بنى
علشان كان فى بهوات بيسيحو حشيش على الكبوت
ربنا ياخدهم

[monamize4]

انا بقى من يوم ما اشتريت العربية وعلى الرفرف الخلفى يمين وشمال شتيمة قذرة بكل ما تحملة كلمة قذرة من معانى المهم جيبت عدد 2 قلم دوكو بحوالى 7 او 10 جنية مش فاكر كويس من سمير وعلى واحد اسود والتانى احمر لان لون عربيتى نبيتى واختفت الشتيمة نوعا ما وكل فترة اعملها تانى لحد ما ارش العربية ان شاء الله
دا كله عادى لانى شارى العربية كدة من 3 ايام لقيت عدد 3 طفل قاعد على كبوت العربية وفارد ظهرة على الزجاج وبيطبلوا على الكبوت وعقبال ما طلعت وشخط فيهم ونزلت من البيت كان اللى حصل حصل الكبوت كله خرابيش من المقدمة كانك داعكة بسلك مواعين او مسنفرة
حسبنا الله ونعم الوكيل فى كل انسان يتعدى على ممتلكات الاخرين

تقرينا الناس دى تبع ورش الدوكو

انا بقترح يا باشا انك تجيب shut gun و تمشى بيها عشان الاشكال دى

اتعلم على الكبوت بالعرض ! عشان كده استحالة اجيب عربية جديدة في البلد دي عشان ماتقهرش!

ياباشا ما المستعمل برضة ممكن تكون مشترية فابريكه و وواحد يعلم ع الكبوت برضة

عندى على شنطة العربية مرسوم قلوب معمولة بمفتاح او مسمار .. واحد كان بيحب على عربيتى .. كان نفسى اشوفه عشان اعمل فى وشه فرح واعزمه فيه :/

ماتنساش تعزمنى عشان انا بحب الافراح اللى من النوع دا

كتير للاسف و في كله :( مش بيميز و كل ما العربيه بيبقي شكلها ملفت اكتر كل ما الفنانين التشكيليين اللي من النوع ده بيزيدوا و انا من زمان حالف ان اللي هشوفه بيعمل كده علي عربيتي او عربية اي حد تاني حتي ما هسيبوا الا لما اكون خلصت فيه القديم و الجديد :@ ،،،،،، و حاجه تانيه برضه م،تي و سمي الجبان اللي يخبطلك عربيتك و هي راكنه و يجري و اخرهم امبارح لقيت بجم خبطلي عربيتي من الرفرف و طبعا الله اعلم ده امتي و كالعاده جري و مش هتلاقيه ،،، بس انت شكلك قدام نفسك ايه لما تخبط و تجري ولا لما تشوف عربيه بسم الله ماشاء الله عليها و تروح واخدها بالطول بالمفتاح -و علي فكره دي مش الناس اللي مش معاها عربيات بس والله حصلت ان من كام سنه صاحب صاحبي و معاه passat VW لقي عربيه جامده مش فاكر نوعها بس حاجه جامده يعني بورش او فيراري حاجه كده من اللي تشرح القلب و لما شافها خدشها بطول العربيه بمفتاح - لو دي حصلت قدامي و حتي لو صاحبي كنت هجيب صاحبها و هشيلها للحيوان اللي بيعمل كده

انا لو صاحب العربية دى كنت عملت الراجل دا علاقة ف المرايا عشان يكون عبرة لمن لا يعتبر
بس انا بسمع ان العربيات الجامدة دى بيبقى عليها طبقة سيراميك عشان مفيش كلب تسول له نفسه انه يتحرش بالعربية

والله أنت جيت على الجرح
دا أنا من يومين ثلاثة نزلت لاقيت الجنب الشمال من أوله لأخره متشخبط بسن مسمار غالباً - وبايظ خالص ، وخسارة التلميع اللي كنت عملها في العربية قريب ، بس الحمد لله
وعندي إحساس أنه بفعل فاعل ( زوجة بواب العمارة اللي قصادي ) لأني ركنت عندها يوميها في مكان مش بتاع حد - فاضي أدامي على طول - فقالت لي يا مدام أركنى قصاد عمارتك - قولت لها ما هو مكاني حد خده - قالت لي ماليش دعوة - قولت لها : فعلاً ملقيش دعوة ولو حد من الجيران أشتكى خليه يكلمني . تاني يوم الصبح لاقيت العربية كدة

lets take revenge

انت بتقول فيها لسة الصبح ناززل وببص علي العربية لقيت واحد صحبنا سايبلي ذكري خط طويييييييييييييييل من الرفرف للرفرف بطول الجنب الشمال كلوا وخلي شكلها عرة

دا بس ياباشا عشان تفتكره بيه

مفيش حد سلم من الموضوع دا
لدرجة بقيت بقول هما ليه اصلا بينزلوا العربيات فى مصر بدهان فابريكة
ماله المعجون أهو حتى ياخد ويدى مع اللى عاوز يمارس هواياته الفنية

كدا المواهب اللى واحد محتاجها عشان يعيش ف البلد دى زادوا اوى ياباشا

[dado_256]

واحد منه لله صاحب محل عندنا ركنت قدامه نزلت لقيته عاملي زيجزاج على الكبووت

[monamize4]

هههههههههه

يا باشا تعالى افرجك على العربية كل ما بتنزل البلد بتيجى مليانة قلوب و خطوط و حاجة زى الفل و العربية سودا اصلا بقت لوحة تشكيلية خلاص .. طب اقولك على حاجة العربية زمان بتاعتنا كانت بمفتاح عادى و الله العظيم حد قعد يحشر فى حتة بلاستيكة فى المكان بتاع المفتاح فى الباب لحد ما حشرها و قعدنا 3 ساعات انا و اهلى فى الشارع لحد ما بتاع مفاتيح جيه و فك الباب كله عشان نعرف نفتح العربية

و العربية بتاعتى بركنها كل يوم قدام الجامعة و فيه سايس بياخد فلوس و كل يوم لازم الاقى خربوش جديد و مرة لقيت الباب مخبوط خبطة محترمة


عادى يعنى لازم نتعود .. احنا فى مصر

والله يا باشا انا مكنتش معتقد ان الموضوع منتشر كدة ,,, بجد انا بقيت مخنوق اوى من الحال اللى وصلناله و مش شايف اى ضوء امل ان الاحوال ممكن تتحسن و الاخلاق تبقى احسن ,, كل شوية الامور بتسوء وبقي انك عشان تحافظ على عربيتك بقى مستحيل (تخاف عليها من الطرق المكسرة و لا من اللى ماشى ف الشارع و لا من الحرامية ) و زى ما واحد ف المنتدى قبل كدة قال انا حاسس ان الناس اللى ف الشارع بقوا شركاء ف العربية زى مالكها بالظبط و يحق لهم التصرف فيها !!!!!
,,, عارف ياباشا انا نفسى بجد ان مصر يبقى فيها الطب النفسى اجبارى ف المدارس و المؤسسات زى ما هو موجود ف امريكا لانى بقيت حاسس ان كل الشعب مليان عقد ,,

ياعم احمد ربنا
ده انا عربيتى الكبوت بتاعها ملسوع بولعها و عليها 4 بقع لونها بنى
علشان كان فى بهوات بيسيحو حشيش على الكبوت
ربنا ياخدهم

تلاقيك اليوم دا عملت دماغ تمام و انت سايق :0002014a:
للاسف الناس كلها بقوا بيشربوا حشيش الايام دى

[AhMeD MeTwAlY]

تخيل انك لسه راشش عربيتك من يومين وواحد بيشخبطلك علي الباب الشمال الي وره بمسمار تعمل ايه!!!!!!!

[A_H_M_A_D]

انا اساسا بركن في جراج , مرة كسلت اركن فيه و ركنت العربية قدام باب عمارتي الساعة 1 بليل , نزلت الساعه 7 الصبح لقيت الشنطة متبهدلة , خطوط سيريالية معموله باداه حاده جدا , نفسي اعرف اللي عمل كده لحق امتى يرسم كل ده؟

[wael30003]

تقرينا الناس دى تبع ورش الدوكو

المعلومة دى ممكن تكون حقيقية ومش هزار

لانهم الوحيدين المستفيدين من الموضوع ده

سوء الظن من حسن الفطن

[wael30003]

انا اساسا بركن في جراج , مرة كسلت اركن فيه و ركنت العربية قدام باب عمارتي الساعة 1 بليل , نزلت الساعه 7 الصبح لقيت الشنطة متبهدلة , خطوط سيريالية معموله باداه حاده جدا , نفسي اعرف اللي عمل كده لحق امتى يرسم كل ده؟

يعنى انت كل عملك قلق هو لحق امتى يرسم كل ده ؟

ياريت كل الناس زيك

cool

[wael30003]

انا راكن عربيتى جنب البيت لقيت فى الرفرف الخلفى خربوش معمول بضمير حوالى 30 سم

طبعا ده غير الخرابيش اللى مش بضمير

وغير الحكات الغير مقصودة من السيارات الاخرى

بس خلاص اتعودت على كده

وهى حاجة تاخد العين

الحمد لله

[M.FOUAD]

قريت الموضوع دة امبارح و قلت الحمد لله انا بغطي العربية علطول
من ساعة نزلت لقيت واحد كاحت الباب الوراني من اولة لاخرة بمفك و غارز مش خدوش بس و اللي صعبان عليا ان العربية فابريقة برة و جوة كلها لفيت عالسمكرية اللي اعرفهم
كلهم مستحرمين يصلحوها بيقولوي خليها كدة هترش و هتخسر من ثمنها ووجع قلب
بس دمي محروق اوي و عايز اعملها مهمها هتكلفني بلد مينفعش فيها غير التوكتوك فعلا