رخصى اتسحبت :(

[egyptodentist]

تحية طيبة للاعضاء الكرام....................................وبعد:
مفيش حاجة اسمها مخالفة زينون في قانون المرور.لاكن في مخالفة اضاءة مبهرة ودي بتنطبق علي حاجات كتير زي: الزينون-فوانيس الشبورة اللي متركبة (اللي ملهاش مكان في العربية )يعني مثلا تلاقي واحد مركب 4 فوانيس شبورة من فوق او من تحت الاكصام-كمان الفوانيس العلوية اللي بيركبها ال4x4-الفنار والمفروض ده مخصص لعربيات الخدمات والنقل الثقيل فقط....فبالتالي المخلافة مش علي الزينون يعني زي ماقالوا الاغضاء المحترمين لو العربية فيها بروجيكتور مفيش مشكلة مثلا:::انا معايا نيو اكسنت ومركب بروجيكتور بالزينون بتاعه وبعدي مولعه في الكماين محدش بيتكلم لكن في مرة نسيت وعديت بالشبورة(بها زينون) طبعا الضابط وقفني وعملي مخالفة فورية (اضائة مبهرة)...
بالنسبة لموضوع الفيمه العربية لازم تدخل فحص ومفيش تصالح فوري في الفيمه(مش عارف الزاي في حين الرخصة المنتهية فيها تصالح فوري)قوانين عجيبة مريبة........انا راي تحاول تخلص الموضوع ودي في المرور اللي تابع ليه الضابط اللي سحب رخصتك قبل ما تتصدر علي المرور اللي تابعه له العربية وده بيكون عبارة عن انه الضابط ممكن مش اكيد وديا يرضي يغير ايصال السحب من فيمه لاي مخالفة اخري لاتحتاج فحص وتسدد قيمة التصالح الفوري في مكتب النوبتجية وتستلم رخصتك...غير ذلك المفروض تشيل كل الفيمه قبل الفحص ولو فيه اي فوانيس مكسورة تغيرها او انوار مش شغالة تغيرها والمسحات كمان اتاكد انها شغالة ده الكلام الرسمي بس لو المهندس بتاع الفحص مشغول هيبص بس علي الزجاج فقط.........

[ISLAMNOSSIR]

انا بعدي عادي على الكماين بالفاميه الخلفي من غير الجناب ومحدش بيكلمني
هو انت مفيم العربية كلها ولا ايه؟

انا معايا كيا كوبيه ٢ باب مفيمهم

[ISLAMNOSSIR]

أعتقد انك تروح تاخدها من مرور طنطا لأنه مرة اتسحبت رخصة جوز اختي -ملاكي منوفية- في طنطا

وخدناها من مرور طنطا ... وياريت لو حد يعرف اكتر يفيدنا برده

للأسف مسحوبه من اسبوع

[medo2_0]

طالما مسحوبه من اسبوع يبقى اكيد اتحولت للمرور التابع ليها الرخصه والله اعلم... بس ده اللى بيحصل فى اغلب الاحول!!

[hateeem]

يا حبى لو عايز تسيب الفاميه سيبو بس ابقى نزل الزجاج وانت داخل عليهم

[ISLAMNOSSIR]

يا حبى لو عايز تسيب الفاميه سيبو بس ابقى نزل الزجاج وانت داخل عليهم

منا كنت ناوي اعمل كده يا كبير خصوصاً ان العربيه بابينن، بس فجأه لقيت واحد بيقوللى نزل الإزاز
لكن مش ممكن يرخم و يقوللى طلّع الإزاز ؟!

[drmagieed]

يا باشا مرور طنطا هيحول رخصتك لمرور الجيزة وهتستلمها من هناك بعد الفحص وبعد ما تشيل الحاجات إللي هتبقي مكتوبة في المحضر إللي هيجي مع الرخصة من مرور طنطا.

[M.Osama]

الرخصه حتجيلك لحد عندك كل اسبوع تروح تسأل ف شباك المرور الرخصه وردت ولا لسه ولو وردت تروح تشتري نموذج فحص وتفحص وغالبا بتستلمها من النيابه مش من المرور والله اعلم

بس كان احسنلك طالما انت مفيم متمشيش من غير الرخصه طالما بره بلدك يعني انا مفيم برده ولما بتتسحب مني ف اي بلد تاني غير بلدي لازم اجيبها قبل ما اخرج من البلد دي عشان متفضلش شهر علي اما تجيلي