بتسيب عربيتك مفتوحة و تنزل تشتري حاجة؟

[wael abbass]

لا طبعا محدش يسب عربيتة مفتوحة
انا قفلت العربية كويس ودخلت سوبر ماركت كبير في المنهدسسين غبت حوالي نص ساعة اربعين دقيقة رجعت لاقت البطارية اتسرقت

[KoDaK_Gti]

طبعا حاجة غلط انك تنزل وتسيب العربية مفتوحة وفى حاجة حصلت مع صحبى والله
صحبى اشترى عربية اكسنت 2006 زيرو الكلام ده من سنتين ورجع بالليل متأخر وساب المفتاح جوه العربية
ونده لبتاع الجراج وقاله تعالى خد العربية المفتاح جواها وعلبال ما طلع العمارة بتاع الجراج قاله العربية مش موجودة
واحد سرقها وفضلت مختفية 16 يوم قالبين عليها الدنيا واتمسك فى لجنة وطبعا العربية راجعة كأنها بقالها 20 سنة شغالة ومتخبطة ومتبهدلة

[Ghamrawy]

دنا لو نازل ارغي مع واحد صاحبي في الشارع و هنبقي واقفين ساندين عالعربية بقفلها! انا موسوس جدا في الموضوع ده و كتير برجع من أخر الدنيا بسبب الهاجس بتاع "انا نسيت اقفل العربية"

نفس المشكلة اللى عندى

[kareem_Ashmawy]

انا بعد اللى قريته ده
هشترى كلبش زى بتوع المرور و أكلبشها لما أجى أشترى حاجة
مش بس أقفلها

[Ghamrawy]

استاذ gemino قبل كدة كتب ان فيه حرامي كسر ازاز عربية واحد صاحبه عشان كان فيه سبعة جنيه و نص عالكرسي :)

ايوه فعلا
الباشا كان راكن و طبعا ( و معاه حق ) و رجع لقى المصيبة دى
انا عن نفسى لو ايه باقفل العربية و مش باسيب جواها اى حاجة مغرية
يا راجل ده انا لما باكون بره و شارى كيس عيش باحطه فى شنطة العربية علشان لو نزلت اعمل اى حاجة قبل ما ارجع البيت ملاقيش الازاز اتكسر و العيش اتسرق

[tote_ide]

انا بقى لسه واحد صاحبى حصل معاه الموقف دا انهاردا
راحت عليه نومة وهو فى العربية دخل واحد ابن...سرق النوبيل بتاعة والشنطة

[دموع الثلج]

انا هقولكم موقف حصل مع واحد قريبى

والده كان نازل من الخليج بعربيه bmw واعلى فئه في موديل السنه الولد فى الجامعه وكان عنده درس فى المهندسين فقعد يتحايل ويترجاء ابوه يروح الدرس بالعربيه يفرجها لصاحبه ابوه رفض المهم الولد خد عربيه ابوه وعليها لوحات جمرك طبعا ورح الدرس بعد ما خلص نزل اتمشى فى شارع جامعه الدول بالعربيه واتعرف على بنت وركبها معاه العربيه
الاموره بئه اللى اتعرف عليها دى طلبت من قريبى انه يشترى لها علبه سجاير كانوا قريبين من ابو ذكرى اللى فى ميدان لبنان
طبعا قريبى كريم وشهم هب عند ابو ذكرى راح راكن ونزل وساب العربيه دايره عشان التكيف والمفتاح فيها ودخل يجيب السجاير طلع لقى الاموره والعربيه فص ملح وداب

وبعد محضر السرقه وبعد كل المحاولات لحد لان موصلوش حتى لفرده كاوتش من العربيه اتبخرت تماما......................

نصيحه محدش يثق فى حد ميعرفهوش ومحدش يسيب مفتاح عربيته وينزل من العربيه

[Noha.M]

انا هقولكم موقف حصل مع واحد قريبى

والده كان نازل من الخليج بعربيه bmw واعلى فئه في موديل السنه الولد فى الجامعه وكان عنده درس فى المهندسين فقعد يتحايل ويترجاء ابوه يروح الدرس بالعربيه يفرجها لصاحبه ابوه رفض المهم الولد خد عربيه ابوه وعليها لوحات جمرك طبعا ورح الدرس بعد ما خلص نزل اتمشى فى شارع جامعه الدول بالعربيه واتعرف على بنت وركبها معاه العربيه
الاموره بئه اللى اتعرف عليها دى طلبت من قريبى انه يشترى لها علبه سجاير كانوا قريبين من ابو ذكرى اللى فى ميدان لبنان
طبعا قريبى كريم وشهم هب عند ابو ذكرى راح راكن ونزل وساب العربيه دايره عشان التكيف والمفتاح فيها ودخل يجيب السجاير طلع لقى الاموره والعربيه فص ملح وداب

وبعد محضر السرقه وبعد كل المحاولات لحد لان موصلوش حتى لفرده كاوتش من العربيه اتبخرت تماما......................

نصيحه محدش يثق فى حد ميعرفهوش ومحدش يسيب مفتاح عربيته وينزل من العربيه

يا خبر يا دودو

تلاقي يا حرام سنته كانت طيييييييين

طيب والده عمل فيه ايه ؟؟؟

[دموع الثلج]

يا خبر يا دودو

تلاقي يا حرام سنته كانت طيييييييين

طيب والده عمل فيه ايه ؟؟؟

ابدا يا نونو ابوه مدفعلهوش مصاريف الجامعه السنه اللى بعدها وقعد فى بيتهم بس
بس سيبك انتى البنت الاموره قلبته فى bmw
شوفتى الجراءاه وصلت لحد فين مش موبيل ولا محفظه
الدنيا اتطورت بئه

[kareem_Ashmawy]

و عرفت تسوقها لوحدها:nerd::nerd::nerd:

[Noha.M]

ابدا يا نونو ابوه مدفعلهوش مصاريف الجامعه السنه اللى بعدها وقعد فى بيتهم بس
بس سيبك انتى البنت الاموره قلبته فى bmw
شوفتى الجراءاه وصلت لحد فين مش موبيل ولا محفظه
الدنيا اتطورت بئه

هيهيهيهيهيهيي

ااادىى الستاااات ولا بلاااااااااااااااش :p

[دموع الثلج]

و عرفت تسوقها لوحدها:nerd::nerd::nerd:

بالدليل والبرهان عشان محدش يقول الستات مبيعرفوش يسوقوا

مش عارفه حاسه انه ممكن يكون حد لاحقها بعربيه اصل الحركه جريئه جدا بصراحه او ان الاموره مقطعه البطاقه وبايعها

[جمال]

بالدليل والبرهان عشان محدش يقول الستات مبيعرفوش يسوقوا

مش عارفه حاسه انه ممكن يكون حد لاحقها بعربيه اصل الحركه جريئه جدا بصراحه او ان الاموره مقطعه البطاقه وبايعها

لا وانت الصادقة دى مقطعة السمكة و ديلها , ومتعوده

[SaLM!Na]

دي بنات عايزة

ولا احسن ال

[Defender]

piezo

موقف جميل علي فكرة اكيد لما بتفتكرة ببقعد تتضحك علي الرجل


انا لازم يكون معايا المفتاح بس وممكن اسيبها مفتوحه بس يعني يكون الموضوع كام دقيقه بس