بتسيب عربيتك مفتوحة و تنزل تشتري حاجة؟

[Osama_soliman]

لازم اقفل السنتر والازاز واخاد المفاتيح فى ايدى

ولو الاولاد معايا

اسيبهم داخل العربية واخاد المفاتيح معايا لازم

[ouba2]

لا مش ممكن

[onsi]

انا عملت كدة مرتين اثنين وف المرتين اتسرق منى تليفونين ومن ساعتها حرمت حت لو راكن وواقف جنبها برضة بقفلها.

[Samir Elshahawy]

عمري ما أسيبها مفتوحة و لو حصل و سبتها مفتوحة نظام الانذار اللي انا مركبه فيها بيشتغل و لو حد قرب و فتح الباب يبقي ياويله و سواد ليله و كمان لو الموتور داير مش هايعرف يطلع بيها لانه هايبطل و مش هايدور تاني :k16:

[nasr-eldeen]

الحالة الوحيدة اللي ممكن أسيب السيارة فيها مفتوحة وأنزل أشتري حاجة ؟؟؟؟
لو فيها حد فقط ...

[M_55]

لا طبعا عمري ما هاسيبها مفتوحة .. حتي لو حد موجود في العربية بقفل عليهم

[nasr-eldeen]

لا طبعا عمري ما هاسيبها مفتوحة .. حتي لو حد موجود في العربية بقفل عليهم

معاليك بتقفل الباب طبعاً بس ولا بتقفل عليهم بالمفتاح .

[SaLM!Na]

معاليك بتقفل الباب طبعاً بس ولا بتقفل عليهم بالمفتاح .

و الله في الزمن اللي زي الزفت ده لو يطول يغطي العربية و هما جواها حيعمل كده
ده كل حاجة دلوقتي بقت بتتسرق اللي تتخيله و اللي ما تتخيلهوش

[ABDULLAH AHMED]

لا طبعا لازم اقفلها واتاكد قبل ما انزل اجيب الحاجة حتى لو كنت قدام كشك

الحرص واجب.........

[SAMER_ENGINES]

علي حسب المكان و الزمان و المنطقة كذا حاجة, يعني لو المكان أمان خلاص لو مش أمان يبقي اقفلها و اطمن احسن بس اللي مستحيل اعمله اني اسيب المفتاح فيها سواء دايرة او مطفية ده مستحيل.
و بشوف حاجات غريبة و عربيات غالية اصحابها يسيبوا المفتاح فيها و ينزلوا يشتروا حاجات و يرجعوا و العربية مفتوحة و دايرة و بتقول للحرامي تعالي خدني من الناس الي مش مقدرين قيمتي و في بعد كدة يجي صاحب العربية يبكي و ينوح و يقولك العربية اتسرقت طيب يا سيدي ما انت اللي سهلت الطرق لسرقتها.

[magyver]

والله حسب المنطقة اللي انا فيها

[NaviGator_13]

كنت
كنت زمان ممكن اعملها لكن دلوقتى لأ

[dr.nemo]

أعرف واحد كان لسه متجوز والعروسه جايه له في مطار الملك عبد العزيز الدولي بجدة ولما راح يقابلها نسي يجيب حاجة يشربوها او يكلوها
وطبعا وهما مشيين وقف وساب مراته في العربية وساب العربية شغالة ونزل يجيب عصير وبسكويت رجع ...
رجع ملقاش لا العربية ولا العروسه وبقى محتاس اخر حوسة لما اهلها بيرنوا عليه ... الموضوع اقعد 3 أشهر وفي الاخر لقوا العربية بس ومراته لا حس ولا خبر



غير كده واحد صاحب والدي عنده شركة انتاج في السعودية وكان والدي مديله فلوس يشغالهاله معاه
الخلاصة الراجل كان شاري عدد للشغل وكاميرا ب 70.000ريال قفل العربية (مرسيدس ميكروباص ) ونزل ياكل في مطعم .... رجع لاقى كل الحاجات اتسرقت من العربية (أكثر من 200.00 ريال ) وبقى مديون بدل ما كان مستثمر صغير ناجح!!!!!


واحد في الرياض لسه شاري سيارة بورش جديدة سابها شغالة ونزل يجيب دواء من الصيدلية رجع ملقهاش... راح للشرطة غلطوه وقالوله دي مشكلتك حلها بنفسك لانه كان مشغل العربية وسايب المفتاح فيها ولغاية دلوقتي ملقهاش



واحد صاحبي كان معاه في العربية (تويوتا كرولا ) 10.000ريال ولابتوبين وموبيلين نزل يشتري حاجة ساقعة رجع لقى واحد جاري بالعربية وحاول يحصله بتاكسي .... وحصله بس الحرامي فص ملح وداب وكأن العربية كانت ماشية لوحدها
... طبعا مش محتاجة اقول ان اللي فيها راح بلا عودة وربنا يعوضه



كل الحاجات دي تخليني اسيب العربية مفتوحة؟؟؟؟؟؟؟؟
دا انا بسيب اخواتي الصغيريين فيها واقفل عليهم بالريموت

[SaLM!Na]

أعرف واحد كان لسه متجوز والعروسه جايه له في مطار الملك عبد العزيز الدولي بجدة ولما راح يقابلها نسي يجيب حاجة يشربوها او يكلوها
وطبعا وهما مشيين وقف وساب مراته في العربية وساب العربية شغالة ونزل يجيب عصير وبسكويت رجع ...
رجع ملقاش لا العربية ولا العروسه وبقى محتاس اخر حوسة لما اهلها بيرنوا عليه ... الموضوع اقعد 3 أشهر وفي الاخر لقوا العربية بس ومراته لا حس ولا خبر



غير كده واحد صاحب والدي عنده شركة انتاج في السعودية وكان والدي مديله فلوس يشغالهاله معاه
الخلاصة الراجل كان شاري عدد للشغل وكاميرا ب 70.000ريال قفل العربية (مرسيدس ميكروباص ) ونزل ياكل في مطعم .... رجع لاقى كل الحاجات اتسرقت من العربية (أكثر من 200.00 ريال ) وبقى مديون بدل ما كان مستثمر صغير ناجح!!!!!


واحد في الرياض لسه شاري سيارة بورش جديدة سابها شغالة ونزل يجيب دواء من الصيدلية رجع ملقهاش... راح للشرطة غلطوه وقالوله دي مشكلتك حلها بنفسك لانه كان مشغل العربية وسايب المفتاح فيها ولغاية دلوقتي ملقهاش



واحد صاحبي كان معاه في العربية (تويوتا كرولا ) 10.000ريال ولابتوبين وموبيلين نزل يشتري حاجة ساقعة رجع لقى واحد جاري بالعربية وحاول يحصله بتاكسي .... وحصله بس الحرامي فص ملح وداب وكأن العربية كانت ماشية لوحدها
... طبعا مش محتاجة اقول ان اللي فيها راح بلا عودة وربنا يعوضه



كل الحاجات دي تخليني اسيب العربية مفتوحة؟؟؟؟؟؟؟؟
دا انا بسيب اخواتي الصغيريين فيها واقفل عليهم بالريموت

كل ده !!!!!!!!!!

يالهوي

ربنا يستر عليا و على الجيل اللي طالع

[abzoabzo]

عملنها فى واحد صحبنا تحت الشغل وكان هيموت فيها
البيه سب العربية اللى فيها كل حاجة زى المغارة بالظبط
ونزل اكتر من 10 دقايق يجيب سجاير بسلامته ولما طلع اتحركنا بالعربية لغاية مشفنا
يارب يكون اتعلم ان لو حد تانى كان زمانه ركنها تحت بيته ونام كمان